أنسب وقت لتحرك شعبي ضد البرهان في بورتسودان هو الآن

04:59 AM December, 20 2023

سودانيز اون لاين
Elhadi-
مكتبتى
رابط مختصر

برهان قاعد على الهبشة

خمسين ألف متظاهر بس في بورتسودان ممكن يخلوا البرهان يشرد ويخلي البلد

المظاهرات في بورتسودان بتوفر غطاء شعبي ممتاز لعزل وتنحية البرهان

لو في زول حريف يضرب ضربتو الآن

مائة ألف متظاهر فقط لو غمروا الشوارع في بورتسودان ـ مع انو أنا متأكد بورتسودان براحة ممكن تعمل ضعف العدد ده بكتير..

لو برهان قعد دقيقة واحدة تاني في بورتسودان تعالوا لوموني :)

خلاص قنعت منه ؟؟؟؟
يا ألف مبروك
والله البرهان يخذل ألف زيك

زمان ما سمعتو الشباب في الثورة بيقولوا
ما تدي قفاك للعسكر العسكر ما بيصونك !!!!!
أستغفر وأدعو بالرحمة لمئات من الشباب العزل قتلهم البرهان في مظاهرات سلمية

أخي الهادي

سلام
والله كلنا عايزين البرهان يذهب لكين الضمان شنو البلد ما تسقط في فوضي مسلحة وحرب اهلية
الان الوضع صعب ولكن معقول للظروف اللي فيها الناس
لكين تمرق مظاهرات دي بادت الفوضي دا رائي ممكن يكون وأعوج
لكين قبل الدعوة لسقط البرهان لازم من نظام بديل جاهز لان الفراغ هو الفوضي
مع احترامي لرايك

ده طبعاً تزوير منك كالعادة يا نصر

أنا أول بوست كتبتو في المنبر ده عن الحرب الحالية دي كان تحذير من الشيء الحاصل الآن

واحتمالية أن تكون الحرب فقط لمجرد ابتزاز المليشيا وقادتها وليس القضاء عليها- والإرشيف موجود !

ولم أكن في يوم من الأيام مراهناً على البرهان

لكن يسووا شنو للقراية البي الإضنين !

فوضى أكتر من الحاصل ده يا زهير ؟؟

يجب المبادرة بقطع الطريق على البرهان وما يفكر فيه !

ومحاصرة البرهان بالمظاهرات الشعبية العارمة وفضح أجندته التآمرية

للعلم البرهان مدعوم من تيار علي كرتي - يجب أن يعلم الأخوة من بقية تيارات الإسلاميين هذا الأمر

وعلي كرتي هو الذي يخطط للبرهان ويدعمه

Quote: خلاص قنعت منه ؟؟؟؟

يا Nasr النصيحة لله الهادي ما حصل أدى قفاه للعسكر.
ما في زول يقدر يزايد على الهادي في النقطة دي.
وفي الوقت ال كنا أنا وإنت بنصفق وفرحانين بنموذج حمدوك للشراكة بين العساكر والمدنين،
دا 👇 كان كلام الهادي ونموذج لكتابتو في الوقت داك

Quote: سؤال تعسفي تاني برضو : كيف للمدعو عبد الفتاح البرهان أن يتولى رئاسة المجلس السيادي ـ لو قدر له ـ وهو ضالع في جريمة فض الاعتصام وضالع في اغتيال الشهداء ورمي بعضهم أحياء وموتى داخل مياه النيل ؟؟ بالاعتراف الموثق بالصورة والصوت للمجلس العسكري نفسه وحميدتي كمان :)

الرافضين لاتفاق قحت مع المجلس الجنجويدي من حقهم الخروج للتظاهر

شكراً يا حافظ ـ كتر خيرك كتير

ولا تزال الدعوة قائمة لتحرك شعبي لمحاصرة البرهان وأجندته التآمرية الخيانية غير الوطنية قبل فوات الأوان

سلام الهادي
وماذا بعد الاطاحة بالبرهان؟ يعني البديل؟؟

Quote: وماذا بعد الاطاحة بالبرهان؟ يعني البديل؟؟

يسترد الجيش والدولة السودانية بعض من عافيتها بذهاب المتأمر على الجيش والدولة والشعب عبد الفتاح البرهان

بعد داك أي حلول تتقرر (أياً كانت) بتكون نابعة من إرادة وطنية حقيقية وليس نتاج تآمر على الناس ونتاج خيانة وشغل التلاتة ورقات البسوي فيهو المتأمر البرهان.

المهم الناس مرقت في عطبرة تحت شعار تأييد الجيش ( جيش واحد شعب واحد) ـ وهو في تقديري في هذه المرحلة شعار (حمال أوجه) وشعار تقليدي أي جالس على رأس المؤسسة العسكرية ممكن يعتبر إنو معني بهذا الشعار بما فيهم المتواطيء على الجيش والدولة والشعب عبد الفتاح البرهان ..

الشعار يا أخوانا يكون شعار واضح والمطالبة بذهاب وتنحية البرهان تكون مطالبة واضحة (ما فيها شق ولا طق ولا تحتمل أي تفسيرات أو تأويلات) باعتباره رأس التأمر على الشعب وعلى الدولة.

Quote: الشعار يا أخوانا يكون شعار واضح والمطالبة بذهاب وتنحية البرهان

ايوا يا الهادي
الشعار لازم يعبر عن وقوف الشعب خلف الجيش كمؤسسة من مؤسسات الدولة.
ولابد للشعار أن يعبر عن عدم رضاء الشعب عن قيادة الجيش وعن دور الجيش الحالي.

دي مساهمة ليك في المنبر دا عن الجيش

Quote: من ناحية هو قادر كقدرات عسكرية ولوجستية وكده ـ فهو قادر من ناحية عنصر بشري وغطاء شعبي ـ برضو قادر من ناحية شرعية ومشروعية وما إلى هناك ـ برضو قادر من ناحية مشاهداتنا البصرية لوقائع العمليات العسكرية على الأرض من خلال المقاطع التي تظهر بين الفينة والأخرى على وسائل التواصل الاجتماعي وخلافها، فواضح برضو إنو الجيش عندو الكلمة العليا على أرض المعركة في مواجهة المليشيا المأجورة ولو عاوز يقضي عليهم ويشتغل فيهم حرب إبادة ما تفضل فيهم زول واحد حايم على كرعينو ـ فهو برضو قادر لكن من الملاحظ ـ ولسبب أنا شخصياً ما بفهم فيهو بطبيعة الحال ـ إنو الجيش بيستخدم أسلحة محدودة التفجير فبتلقى مثلاً العربية أو المعدة العسكرية للمليشيا تم إعطابها لكن خرج من بينها ومن تحتها بعض الجنجويد يفرون مذعورين في كل اتجاه ـ وكل الفارين هم تحت مرمى وبصر الرامي وتحت بصر وسمع وشوف الجيش ـ وممكن تلقى المنظر ده اتكرر زي خمسمائة مرة في اليوم وأنا ما عارف الغرض شنو من القصة دي ـ لكن وقت تشوف ليك جنجويدي بيمرق مذعور زي الفار من الموت عشان يمشي يمارس جريمته في مكان آخر ويعمل فيها ضكر بط في مكان تاني مع مواطن أعزل ، فأنا أظن انو الموضوع ده محتاج إعادة نظر من ا

منها فهمت إن كنت واثق من قدرات الجيش
وهسع قنعت منه
بالنسبة البرهان والجيش حاحة واحدة
راحعت مداخلاتك عن البرهان ومعظمها يقول إنك ومنذ فترة لم تعد تثق فيه
كان قنعت من البرهان ولسه عندك ثقة في الجيش فأفتكر الأيام ورتك

الهادي وحافظ وجهان لعملكم واحدي قال مظاهرات انت المظاهرات ضربتها بالرصاص الحي وضربته بالطيران وتجي تقول مظاهرات الان كل اهل السودان يدعون عليكم يا حثالة البشر لعنة الله عليكم الميديا كشفت لاهل السودان من هو الخائن

صديق .. لخَتك لحافظ دي عجبتني شديد
لحَة تعسَم الضهر
-
لو لقيت فرقة في المستنير برضو أديهو لكزة

بالفعل ، الهادي أكثر زول طرحه جميل وواضح لا يميل إلى التخوين والإساءة ، يحترم الرأي المخالف
موقفه منذ بداية الحرب لم يتغير
ادعم مبادرته هذه وابصم عليها بالعشرة

يا صديق
حلفتك بالله والرسول
حثالة دي غيرها لي بأي حاجة تانية.
حارة شديد ياخي.
😢