سوق العملات الرقمية .. Crypto .. ألحقوا السوق!

07:39 AM December, 09 2023

سودانيز اون لاين
Biraima M Adam-أمريكا الشمالية
مكتبتى
رابط مختصر

منذ 13 نوفمبر 2021م، ظل سوق الأسهم والعملات الرقمية (الكريبتو) يتراجع .. حتى فقد أكثر من 80% من قيمته ..

الأن الأن الأن ..

جاء سوق الكريبتو عائد وبعنفوان رهيب ..

حصلوا السوق .. وهذا فقط للعلم وليس وصية مالية.


بريمة

الجنجاكوزي ما يكون الدعامة بقوا يدفعوا ليك بالبيتوكوين ال IRS بجيبوا خبرك

شاطر يا جنكيز خان،

خلينى نعلمك ..كيف تحول عن طريق Crypto Wallets .. أنا عندي "وليتات" كتار .. واحد منهم .. يسمى ال Met.amask .. الحكومة الأمريكية تانى إلا تقبض ال idiots أمثالك ..

ونحن في عصر ال DeFi .. Decentralized Finance .. وأنتم لسع في العصر الحجري .. نظام البنك المركزي وكده .. خخخخخ!

----------
أحزف النقطة في ميتاماسك ..

بريمة

الناس في شنو والحسانية في شنو
السودان دا مشاكله كتيييييييييييييرة وكبييييييييييييييرة
دايرين نشتغل فيها بإيدينا وكرعينا ليل ونهار
فركز معانا

ونصيحة من خريج إقتصاد قديم
أختوا البتكوين بالله واحد
ما في فرد ولا شركة بيعمل ليهو عملة
العملات بتعملها الدول وبحسابات معينة
ما الذي يمنع صاحب البتكوين إنه يطبع منها زي ما داير ؟؟؟؟
طالما حيشيل قروشك ويديك هواء الكتروني (ولا سميه زي ما عاوز)

ول أبا Nasr

Quote: الناس في شنو والحسانية في شنو السودان دا مشاكله كتيييييييييييييرة وكبييييييييييييييرة دايرين نشتغل فيها بإيدينا وكرعينا ليل ونهار فركز معانا ونصيحة من خريج إقتصاد قديم أختوا البتكوين بالله واحد ما في فرد ولا شركة بيعمل ليهو عملة العملات بتعملها الدول وبحسابات معينة ما الذي يمنع صاحب البتكوين إنه يطبع منها زي ما داير ؟؟؟؟ طالما حيشيل قروشك ويديك هواء الكتروني (ولا سميه زي ما عاوز)

ما تحصر الأمر في حتة واحدة .. أنت براك شايف نحن عملنا للناس وجع وش ..
خلونا نديهم نافذة أمل ..

قبل أربع شهور .. زارنى صديق وقال لي تعبت ووصلت مرحلة القرف .. ناس السودان بسببهم عدمت الدولار وما قادر أوفي بأي شيئ ..
دعوتة أن يشتري 1 بتكوين .. بما يعادل 16 ألف دولار حتى لو بالدين .. ضحك قال لي أنت جنيت يا راجل ولا شنو؟
اليوم، سعر ال 1 بتكوين يعادل 44 ألف دولار ..
أقترحت ليهو يشتري من العملات ذات القيم الصغيرة .. أعطيته عشرة عملة .. اليوم كل واحدة بالشيئ الفلانى.
أنا شخصياً قول لي عملت شنو؟ هل أشتريت .. لا .. مثله كل قرش أرسل فيه لناس السودان ..

أنا أفتكر محتاجين نركز، حتى ننقذ أنفسنا ومن حولنا ..
هذه اللحظة هى فرصة العمر .. ولا تتكرر .. أسمعها من أخ قضي 4 سنوات في سوق الكريبتو وحوالي 5 سنوات في البورصات ..

في خلال 40 يوم الماضية صعد سوق الكريبتو من ترليون وثلاثة بليون .. إلي ترليون و64 بليون دولار
63 بليون دولار دخلت جيوب الناس .. ماممكن ما يكون عندنا فيها نصيب ؟؟

وما زلنا لم نصل أعلي نقطة التي وصلها سوق الكريبتو عام 2021م .. لقد وصل 3 ترليون .. وهذه المرة سوف يطير سنين ضوئية.

والله من وراء القصد يهدي السبيل ..

----------------------------
شيئ اخير، أجمع خيراء سوق العملات الرقمي .. في 2024 سوف تكون البتكوين أكثر شيئ نادر متداول .. أكثر ندرة من الذهب.

بريمة

طيب ما تحكي عن الوقعة الوقعها البتكوين من أكثر من ستين لستاشر ؟؟؟؟؟؟
تاني بقع لأنه الحتة فيها محتالين دوليين

أكبر فقاعــة فى التأريخ.. انتظر الطرشقــة

ممنوعة فى الصين وقطر والسعودية.. الى دول اخرى فى افريقيا وغيرها.

Nasr

Quote: طيب ما تحكي عن الوقعة الوقعها البتكوين من أكثر من ستين لستاشر ؟؟؟؟؟؟ تاني بقع لأنه الحتة فيها محتالين دوليين

يا أخي، أنت قلت أقتصادي .. أستغربت يا ول أبا نصر، هل لم تكن متابع أسعار سوق الأسهم؟
الأقتصاد الأمريكي هبط ما يعادل 80% .. شركة تسلا .. من أكبر شركات التكنولوجي .. كان سعرها أكثر 2 ألف دولار للسهم في 2021م الأن سعرها 243 دولار ..
أصبح التضخم 20% منذ عام 2021م ..

الأن نزل لأقل 3.2% .. وما زال الخزانة مصرة تخنق الأقتصادي حتى ينزل التضخم إلي 2% ..
الأن سعر الفائدة أعلي شيئ وصله الدولار خلال سنين .. ومازالوا محتاجين ربما يرفعوه زيادة قبل فك نمو الأقتصاد.

دي معطيات ..

هنا النجيضة .. سوق الكريبتو بدأ رحلة العودة .. والأن مؤشر "الخوف والطمع" Greed and Fear Index في مرحلة ال greed ما يعادل 82% ..
قبل أربع شهور كان معدل المؤشر 23% أي زول خايف يفقد كل شيئ .. نحن كنا وين والأن وين ..

منتظرين ما يسمى بال FOMO .. الناس يجوا جاريين الأعمي شايل المكسر .. فومو يعنى Fear of missing out .. وأي زول يشتري في الفومو يكون ضاع.

أكسبوا الفرصة التى أتيحت لنا ..

---------------------------
حاجة تانية يا نصر، نحن في دورة إقتصادية .. economic cycle .. بسبب الحروب السابقة وطباعة كميات ورقية لتغطية العجز ..
واحد من أسباب عودة الكريبتو .. ظهور آليات إقتصادية جديدة .. وهى ما يسمى Crypto ETF .. وكلمة ETF تعنى Electronic Traded Fund
أضخم 5 بيوتات رأس مال في أمريكا .. شافت قيمة كبيرة للكريبتو .. وعايزين ينشأوا آليات إقتصادية جديدة منهم Black Rock و Vanguard وغيرهم .. صراعهم محتدم مع الجهة الحكومية المسؤولة من إدارة الأقتصاد تسمى SEC أو Security and Exchange Commission

الزول يقع محل يقع رأس المال .. سوف نقل ليكم سوق ال Crypto ETF .. السوق دا ح يفتح ما بين يناير - مارس حسب تسير الإجراءات.

بريمة

هنا بعض المعلومات عن BlackRock ETF .. دا سوق حار من ناره ..




بريمة

الباشمهندس أبو الريش

Quote: ممنوعة فى الصين وقطر والسعودية.. الى دول اخرى فى افريقيا وغيرها.

هناك رجل في المؤسسة الحكومية المسؤولة عن الأقتصاد يسمى Gary Gensler .. طرد كل بورصات الكريبتو من أمريكا .. ما عدا واحدة فقط .. والأن مغلغلهم منقص نومهم ..
lawsuit وراء أخر .. عشرات العمليات الجديدة لم يسمح لبورصاتها بسبب القوانين الصارمة .. مع ذلك البورصة الرقمية الوحيدة Coinbase أستطاعت جذب الكثير جداً من العملات ...

الصين منعت الكريبتو لأن التأسيس للعملات الرقمية أمريكي وهندية .. وحتى الأن لم تستطع الصين أن تقدم أي عملات فاعلة .. ومن ثم تتخوف من سحب مواردها المالية عن طريق البورصات التى لا يمكن تتبعها بجهة مركزية .. تخوف مشروع ..
لكن أقول ليك حاجة .. كلهم قاعدين يشتروا عن طريق الذهاب إلي تايوان .. أو الدخول إلي السوق في تايوان من خلال بروكسي ..

بخصوص الحرامية .. الشبكات الرقمية الأن بدأت في الحماية .. وحالة مثل FTX ما أظن تتكرر في تأريخ الكريبتو ..

بريمة

والحاجة المهمة مفروض الناس تعرفها عن العملات الرقمية
إنه الإحتياج ليها كتير في العمليات الأجرامية التي تتم ويدفع ليها من خلال النت
ودي الخلت العملات الرقمية ترتفع ودا المقتل بتاعها
لأنها طوالي في حالة مراقبة من الحكومة لحركة غسيل أموال المخدرات
التي يتم بالعملات الرقمية

ول أبا Nasr

Quote: والحاجة المهمة مفروض الناس تعرفها عن العملات الرقمية إنه الإحتياج ليها كتير في العمليات الأجرامية التي تتم ويدفع ليها من خلال النت ودي الخلت العملات الرقمية ترتفع ودا المقتل بتاعها لأنها طوالي في حالة مراقبة من الحكومة لحركة غسيل أموال المخدرات التي يتم بالعملات الرقمية

مرافعتك ضد الكريبتو ضعيفة يا ول أبا، أنت تتحدث عن أشياء عامة .. الكريبتو نشأ أساساً لرفض السياسات الضريبة للحكومات .. يأخذوا من أموالك ما يشاءوا فقط لأنهم متحكمين في حركة المال. هذا ما يسمى بالأقتصاد المركزي، أي أقتصاد السيطرة ..
الكريبتو كسّرت الأقتصاد المركزي .. ومازالت الدول لن تسمح بأقتصاد بديل يلغي هيمنتها إلا بعد ما تجد بدائل تؤسس بها سلطتها .. تخيل اليوم الذي تصير فيه مثلاً عملة البتكوين والأيثر .. هما العملات المتداولة بدل الدولار .. كيف تكون السيطرة علي سعر الصرف؟ كيف يكون تداول السلع وتأمين القروض وعيييك .

عشان كده بقول ليك أنتم في عالم قديييييييم .. من العصر الحجري .. ونحن في عالم تسافر فيه دون أن تحمل نقود، وتعمل ديكلاريشن، وأسئلة جنس أنت شايل كم؟ .. السرقات في المطارات .. وناس الخطف من الجيوب .. والمصادرات .. أنتهت بلا رجعة.


الناس محتاجة تذاكر .. العالم يتغير ..

بريمة

انت من زمن القروش يا هندسة؟
وانا معاك هنا لا اتذكر متين اشتريت قهوة بقروش
كان استاربكس كان دنكن دونت كان غيرهم. توريهم تلفونك
بس ويقولوا ليك شكرا.. تشيل قهوتك وتمشى..
فى زيارتى الاخيرة للصين فى 2019 ما أتذكر اشتريت اى حاجة
بقروش كاش.. اى حاجة.. حتى اللى تبيع تسالى فى الشارع
خاتة قدامها قطعة كرتونة مصورة فيها الكيو آر كود بتاعها ..
الناس تشيل (التسالى) او ايا كان وتمسح الكود بالتلفون وتمشى.
أوبر الان تدشن تجربة العربة بدون سواق.. يعنى عربية بدون
سواق تجيك فى حتتك برااااها. تفتح الباب توديك مشوارك
تنزل وتخليها وتمشى..

اصحى يا بريش. وتانى اقول ليك الكربتو بالون وسوف يطرشق
يوما ما.. عاجلا ام آجل.

الباشمهندس أبو الريش
والله معاك نعيش عالمنا الألكترونى الجميل .. وبعد دا أنت ما زلت بعيد مما نرمى إليه.

Quote: نت من زمن القروش يا هندسة؟ وانا معاك هنا لا اتذكر متين اشتريت قهوة بقروش كان استاربكس كان دنكن دونت كان غيرهم. توريهم تلفونك بس ويقولوا ليك شكرا.. تشيل قهوتك وتمشى.. فى زيارتى الاخيرة للصين فى 2019 ما أتذكر اشتريت اى حاجة بقروش كاش.. اى حاجة.. حتى اللى تبيع تسالى فى الشارع خاتة قدامها قطعة كرتونة مصورة فيها الكيو آر كود بتاعها .. الناس تشيل (التسالى) او ايا كان وتمسح الكود بالتلفون وتمشى. أوبر الان تدشن تجربة العربة بدون سواق.. يعنى عربية بدون سواق تجيك فى حتتك برااااها. تفتح الباب توديك مشوارك تنزل وتخليها وتمشى.. اصحى يا بريش. وتانى اقول ليك الكربتو بالون وسوف يطرشق يوما ما.. عاجلا ام آجل.

مازال أنت تستخدم الأنظمة القديمة .. يعنى عملياتك التجارية التى سهلتها لك التكنولوجي مازالت مربوطة .. بقاعدية نقدية .. يعنى ح يتشال دولار من حسابك.
العالم الذي نتحدث عنه.. ما فيهو دولارات .. إلا ما رحم ربي حتى نقنعوا أمثال الذين متمسكين بما يسمى عملات الفيات Fiat Currency .. بالله أبحث المصطلح دا .. وشوف أنتم في ياتوا عصر ..

مع دا أنت الباشمهندس قريب جداً من أن تقلب الطاولة علي القديم البائد .. وأنا متفاءل جداً قريباً سوف تنضم لنا، أنا وول أبا النصري أمين .. مع أن النصري ما زاحم نفسه بالبرمجيات لكن مفتّح وله شقف بالتكلنولجي .. الجات جي بيتي أول زول في المنبر فتح حساب.

أدخل البوست الأخر الذي رفعته .. تجدنى مرفق كل البورصات الرقيمة .. وتحديداً coinbase .com ...
ولكي تراقب السوق أدخل في CoinMarketCap .com .. أتفرج وتأمل ..

-----------------
الدعوة موجهة ليك يا أخ Nasr تزول البورصة الرقيمة coinbase .. وتعمل ليك حساب .. وتزور متصفح العملات الرقيمة coinMarketCap

بريمة

Quote: مازال أنت تستخدم الأنظمة القديمة .. يعنى عملياتك التجارية التى سهلتها لك التكنولوجي مازالت مربوطة .. بقاعدية نقدية .. يعنى ح يتشال دولار من حسابك. العالم الذي نتحدث عنه.. ما فيهو دولارات ..

يا باشمهندس كدى واحدة واحدة..
لو الشيك ينزل فى حسابى وما اكون شفت شكلو زاتو كيف.. وأنا الوح بالتلفون فى وجه اى بائع ويدينى البضاعة على طول؟؟ تانى يهمنى شنو انه إتشال دولار ورقى من حسابى.
صدقنى بعد شوية ممكن الناس تنسى شكل الدولار كيف ومرسوم فيه ياتو رئيس امريكى.. جـد. فى امازون تعمل أوردر ويجيك تانى يوم.. او فى نفس اليوم.. وهم يكونوا شالوا
حقهم من رقم اسمه رقم الحساب مخزن عندهم.. الرصيد بتاعى ممكن أشكو كل يوم او كل يومين.. وانا مطمئن انه مضمون من FDIC يعنى لو اتهكر البنك يرجع القروش..
الكربتو ما تضمن المبالغ المهكورة.. يكون حقك راح.. انت تحت رحمة كفاءة ناس السايبر سيكيورتى بتوعين الكربتو.. لكن مافى أى جهة تضمن استثماراتك هناك.
بعدين الكربتو زاتها محسوبة بالدولار.. والجهة التى اخترعت البتكوين ما معروفة حتى الان.. وقد يكون عندها اهداف لم تتحقق بعد لتقلب الطاولة على الجميع وتقول ليكم
كان سعيكم مشكوراً

You are on of the Big Crunch

.

نصيحتى ليك هكذا يا هندسة.. طلع قروشك كلها ما عدا 10%.. شوف ال 10% دى أول ما تزيد احلق ليها (شيل الزيادة وخلى العشرة).. ولو نقصت خليها لغاية ما تطلع تانى تفوت العشرة
واحلق ليها.. وهكذا.. لو اتلحست كلها اطلع من السوق وما تدخل تانى.

الباشمهندس أبو الريش

Quote: الكربتو ما تضمن المبالغ المهكورة.. يكون حقك راح.. انت تحت رحمة كفاءة ناس السايبر سيكيورتى بتوعين الكربتو.. لكن مافى أى جهة تضمن استثماراتك هناك.

كما قلت أنت خلينا نمشوا خطوة خطوة ..
أولاً : أنت حسب خبراتك التكنولوجية الطويلة .. تستطيع أت تحدد المخاطر risks وكذلك وتحاول تجد درأها risk mitigations .. شيئ طبيعى، لكن ح تستغرب من كيف الكريبتو حاول يحل مشاكل المخاطر
في الوصلتين التاليتين .. أنا أرفقت مفهومين يدور حولهما نجاح أكبر شبكة (شبكة Ethereum) ولها ثانى أكبر عملة في سوق الكريبتو هى عملة "الإيثر" .. مفهوم الأتفاق consensus (ما الأتفاق الإطاري) الوصلة الأولي، والثانى مفهوم الأثبات proof .. وهنا يوجد مفهومين في الأيثيريم في الأثبات .. الوصلة الثانية ..
أطلع عليهما ..

وماذا بعد ..

سوف نأتوا لشيئ لم تسمع به في الأولين ولا في الأخرين .. في مجال اكريبتو .. وهو مفهوم ال trustless .. وهذا المفهوم يتقاطع رأساً علي عقب مما تبحث عنه في الأنظمة الأقتصادية المركزية القائمة .. مفهوم الضامن .. trust authority ..

https://ethereum.org/en/developers/docs/consensus-mechanisms/

https://ethereum.org/en/developers/docs/consensus-mechanisms/pos/pos-vs-pow/

أدخل في هذه الوصلة التالية .. وأنقر علي صورة العدسة جوار كلمة Subscribe وأعمل كوبي أند بست للكلام التالي وأبحثه في الصفحة: "What Does Trustless Mean؟"

هنا الصفحة
https://www.gemini.com/cryptopedia/

-------------------
ح نجي نبسط الطرح للقارئ الكريم .. في كلمات بسيطة حتى يكون معنا في الصورة ..

بريمة

في المقطع دا إنت رديت علي نفسك

Quote: ومازالت الدول لن تسمح بأقتصاد بديل يلغي هيمنتها إلا بعد ما تجد بدائل تؤسس بها سلطتها

وإنت هنا في السليم
لانه هذه الدول وبالتحديد أمريكا لن تسمح بعملة تلغي هيمنتها
ودا براه سبب كاف أن تتفادي هذه العملة التي تود أن تسقط الدولار من علي عرش العملات الصعبة
الدولار تحرسه عشرات الغواصات النووية وحاملات الطائرات والمارينز
ما بتنافس من ناس هم منو نحن ما عارفين

ول أبا Nasr
حتى لا يكون الأمر .. بيننا حوار طرشان .. أراح نحتكم لمخرجات الفيديو التالي .. في هذا الفيديو يظهر مستر Gary Gensler أمام الكنغرس الأمريكي .. وهو مسؤول المنظمة الحكومية التى تحكم عمل الشركات .. أي شركة عاملة في أمريكا لازم تسجل وإلا المنظمة تضربك بيد من حديد (والغرض التحكم في الضرائب والعمولة في التسجيل وتجديد التسجيل السنوي) .. هنا، المواطنون أشتكوا من سلوك المنظمة في حصارها للعملات الرقمية والشبكات الرقمية .. والتى لا تريد العمل بالقوانين السائدة ويريدون الكنغرس التوسط في الأمر، هنا مقتطفات ..

تابع الفيديو يا ول أبا وتعالنا هل غيرت موقفك أم مازلت مصر مثل الجيرمان غاري كنزيلر ؟




-------------------
للعلم فقط، أنا أشتغلت في هذه المؤسسة 5 سنوات .. وكنت أحد كبار خبراء البرمجة فيها Principal Software Consultant .. الفورمات التى عملناها .. ما تخرش موية في حصار الشركات .. لكن الكريبتو لا ينطبق عليها مفهوم السلعة .. وثم قوانين هذه الجهة لا تنطبق علي الكريبتو .. الجيرمان غاري كنزيلر عايز كسر رقبة عايز يحشر الكريبتو تحت زمرة التسليع حتي يستطيع يقبض منها قروش للضرائب وعوائد جليلة للحكومة الفدرالية.

بريمة

إلي القارئ الكريم

كما قال رجل للمصطفي (ص) أننى لا أفهم دندنتك وأصحابك لكن أقول في دعائي: "اللهم أدخلنى الجنة وأجرنى من النار"؛ الرسول (ص) قال له: "حولهما ندندن" .. المصطفي أؤتي جوامع الكلام .. صلوا عليه.

القصة التى حولها ندندن هنا .. هى ظهور أليات أقتصادية جديدة .. وهى ظهور عملات رقمية .. وظهور بورصات رقمية تتداول في العملات الرقيمة .. وظهور مراكز تحويل من عملة رقمية لأخري أو من العملات الرقمية إلي العملات الورقية القديمة مثل الدولار .. هذا الظهور للآليات الأقتصادية الحديثة يحاول إزاحة القديم المتمترس ..

الأنظمة الجديدة تحاول سحب البساط من تحت العملات القديمة (الدولار، اليورو، الريال، الدينار، الين واليوان) .. وأي عملة تعرفها في العالم إلي زوال .. دوام الحال من المحال ..

ما هو المطلوب منك .. حتى لا تكون طاشي شبكة: تعرّف علي كيفية البيع والشراء .. تعرف علي العملات الحديثة: أيهما ناجح ..

في خلال ال 5 سنوات الأخيرة توصل خبراء الكريبتو أن هناك عملات وشبكات وتطبيقات .. أثبتت نجاحها .. فقدر لرجلك قبل الخطو موضعها ..

------------------------
المهم في الأمر .. نحن في مرحلة معلوماتية جديدة .. مثل بداية الأنترنت .. نحن الأن في بداية شيئ جديد يسمى البلوك جين blockchain .. ودا البديل القادم وله فوائدة وصعوباته .. وأهم شيئ أن توازن ما بين الخوف والطمع في التعامل ...

وح نجيكم لفيديوهات .. لنشطاء في المجال .. وح تشوفوا كيف يشرحوا حركة السوق يومياً .. ونحن الأن في نقطة تعتبر منعطف .. السوق جاء راجع بعد ثلاثة سنوات من الركود الأقتصادي ..

بريمة

أنا ما زلت مع الأخ Nasr والباشمهندس أبو الريش

هنا نصر مؤذر للكريبتو .. علي الجيرمان غاري كنزلير .. وهو أنتصار شركة الكريبتو XRP وهى تسمى Ripple .. وهى الشبكة الرقمية ضمن 5 شبكات مرشحة أن تهبط نظام ال Swift العالمى الذي يفرض حظر علي الدول والتجارة .. وأصبح آلية للهيمنة العالمية ..
وهي شبكات XRP وشبكة XLM تسمى أستيلر Stellar وشبكة ال Algorand .. ولم أتذكر الأثنين الأخريتين ..

شوفوا النصر الكبير ..




-------------------
عجبنى للمرقوت .. أترشي رش لما آمن .. https://sudaneseonline.com/db/attention/010_Smile.gif

بريمة

يا هندسة قانون مورفى رقم 17 يقول:
لو فى حاجة عندها قيمة بالدولار، وسعرها يطلع وينزل، والناس تبيعها وتشتريها، وعندها بورصة تداول فيها، فإن هذه الحاجة اسمها سلعـة.

Murphy's Law# 17

بريمة
راجع ماسينجر المنبر

شكراً يا بريمة وأبو نصرة،
إستفدت كتير من نقاشكما

كسرة: أبو نصرة ياخي إنت أي موضوع بتمسكو بتنجضو، لو مسكت السياسة بتنجضها ولو مسكت أي حاجة بتجضمها،
إنت كاتبي المفضل بلا منازع في سودانيز أون لاين

ول أبا النصري
ألف شكر علي المرور ..

بريمة

Quote: إستفدت كتير من نقاشكما

"ماي بلشير" يا ول أبا النذير،

إن شاء الله سوف يستمر التنوير ..

بريمة

شكرا يا النذير علي هذا الإطراء الضخم

هورررري .. ما زال معدل الركود .. يتراجع .. من 3.2% الشهر الماضي إلي 3.1% ..



بريمة

والله مافاهمين الحاصل شنو للمنبر
ماقادرين
افيدونا

الفيديوهات التالية ... وهى لنشطاء الكريبتو ... وديل ناس عينهم علي أي حركة أو خبر أو هايب ..

تابعوهم ..

هنا ال OMG .. متخصص dogecoin .. يحصي ليكم أنفاسها .. وكذلك كل ال 100 الكبار ..



بريمة

هنا، Avi Lev .. يسكن في فلسطين .. طبعاً العلم لا يعرف حدود .. خذوا منه العلم .. رجل طيب كبير القلب .. متمكن ..
يحصي ليكم انفاس Shiba Inu .. وعدد كبير من العملات .. تقديراته ممتازة .. ويعطيك السمح والشين ..



بريمة

هنا .. Austin Hilton ... من مواطنى تكساس، الجنوب الأمريكي .. ح يتحفكم باللغة التكساسية المميزة .. يعمل فيديو علي الأقل .. يومياً منذ ثلاثة سنوات



بريمة