الأشاوس يحتلفون بالنصر في شارع ال 60 .. ب (فرقة موسقي أشاوس الشعب)!

11:00 AM November, 30 2023

سودانيز اون لاين
Biraima M Adam-أمريكا الشمالية
مكتبتى
رابط مختصر

أنقروا .. في الوصلة الأرفاق التالي ..




بريمة

يا بريمة، الهواء شكلو داير يقلب،
الجيش شكلو جاهو سلاح،
لداحة ياسر العطا الأخيرة دي ما ساكت.

أتوقع ظهور هاشم كاروري ببوستات نارية
وهذه المرّة بوستاته سوف تكون صادقة ما زي مكناته القديمة،
فشنو؟
جهز حالك إذا بتريد أنت وسمعة

ختم الموسم
https://www.top4top.me/

Quote: يا بريمة، الهواء شكلو داير يقلب، الجيش شكلو جاهو سلاح، لداحة ياسر العطا الأخيرة دي ما ساكت. أتوقع ظهور هاشم كاروري ببوستات نارية وهذه المرّة بوستاته سوف تكون صادقة ما زي مكناته القديمة، فشنو؟ جهز حالك إذا بتريد أنت وسمعة

ابوبكر لداحة ياسر العطا دي ما فوق راي الرجل اراد المزايدة علي الكيزان

الغريب يا بيما أنهم من أمس ناس الجيش قالوا كان عنده غارة علي شارع الستين
شغالين في الخرطوم وسط تمشيط
ورسلوا الأخبار للمواقع الإخبارية بس بدون صور
الفيديو رهيب أتمسح من كل الوسائط دا شغل الاستخبارات
لكين الدعامة محتفلين بكل شيء قاعدين بمزاج

-الجيش قال استلم وسط الخرطوم ومنطقة المقرن، الدعامة اليوم الصباح الخميس 30.11.2023 طلعوا فيديو وهم بتجولو في المقرن، وجامعة الخرطوم وشارع النيل، ووسط الخرطوم واتحدو اي عسكري يشرب قهوة بلباس عسكري في المقرن او وسط الخرطوم.
-تصريحات ياسر العطا الغرض منها انو بلمع نفسه ليحل. محل البرهان بعد حذفه
-السلاح ما زال يتدفق علي الجيش من هنا ووهنالك ولكن السلاح خاص باالمشاه، والجيش مشكلته، في المشاه، خصوصا بعد مقتل ابوحزيفة الرجل الثاني في كتائب البراء قبل يومين في وادي سيدنا بواسطة الدعامة.
وترك اكثر من ٤٠٠٠ مستنفر مراكز التدريب في سنار وبورتسودان والجزيرة بسبب كذب المدربين لهم، وسط معلومات عن اجهاض اكثر من ٣ مستنفرات بنهر النيل كما اشارت مصادر في السوشيال ميديا .

ول أبا المستنير،
نعم، الزول الجابوه في وادي سيدنا .. اللواء الركن أدم هارون إدريس .. شكلوا غرابي محرّش .. ضرب حي في بابنوسة قطّع الأطفال أشلاء، مناظر بشعة.
بالله شوف أخلاق الجيش، الحرب مدوره هنا في الخرطوم قال يضرب حواضنهم عشان يرعووا؟!

أصلاً يا المستنير المذبوحة لا يضيرها السلخ .. ظلوا يذبحوا فينا منذ عام 1983م في جنوب كردفان .. وحتى اليوم فضل فينا باقي .. وما ح يعملوا أسوأ مما عملت فينا الحرب ..

أملنا، يا غرقنا أحرار .. يا مرقنا حازمنها .. ما في أي تراجع وخلي ياسر العطا يجيب الكيماوي بتاع صدام حسين ... كن قدر يعمل حاجة!

بريمة

ول أبا بريمة

شكله ده الحفل الختامي للجنجويد في شارع الستين..

Quote: ابوبكر لداحة ياسر العطا دي ما فوق راي الرجل اراد المزايدة علي الكيزان

ول أبا بهاء بكري، الرجل قاتل لما قنع من الدواس وما جاب نصر .. مفروض عليه يستحي علي روحه.

بريمة

ول أبا زهير

Quote: الغريب يا بيما أنهم من أمس ناس الجيش قالوا كان عنده غارة علي شارع الستين شغالين في الخرطوم وسط تمشيط ورسلوا الأخبار للمواقع الإخبارية بس بدون صور الفيديو رهيب أتمسح من كل الوسائط دا شغل الاستخبارات لكين الدعامة محتفلين بكل شيء قاعدين بمزاج

تصدق يا زهير، مع الميديا الحديثة دي، الكذب أنتهى بلا رجعه ..
الأشاوس قتلوا الجيش إعلامياً .. إعدام عديل، فيديوهات في المقرن، وفي جبرا، وشارع ال 60 .. وأماكن متفرقة في العاصمة كلها تكذب دعاوي الجيش!

الحلو في الأمر، الفيديو دا كما قلت أنت كشف بعد أخر للدعم السريع .. الأريحية التامة بجلب فرقة موسيقية ..

بريمة

Quote: ول أبا بريمة شكله ده الحفل الختامي للجنجويد في شارع الستين..

أنت عارف يا ول أبا محمد عبد الله، لو ياسر العطا مسحنا من الوجود نظل مبسوطين .. بعد ما طردناه ودا مسجل في دفتر التأريخ .. الرجل داوس بكل شراسة لكن "كو" الأشاوس أشرس وأكثر ثباتاً منه. أخيراً جرجر إزيال الخيبة.


الأحتفال دا يا ول أبا، نقطة تحول كبيرة في مسيرة السلام في بلادنا .. وأتمنى أن تكون شعرت بشيئ من الإطمئنان بقرب نهاية الفلم.


بريمة

يا بريمة، "أنا حصل كضبت عليكم؟"
أسمعها مني خليك من الفيديوهات والميديا،
الهواء قلب

Quote: يا بريمة، "أنا حصل كضبت عليكم؟" أسمعها مني خليك من الفيديوهات والميديا، الهواء قلب

حاشاك يا ول أبا الكذب ... لكن عينك تشوف، الأعلام يكذب، أمس الجيش قال ح يمسح العاصمة كلها من الوجود والأن الأشاوس يحتفلون.

معروف لو جابوا أسلحة ح يفجروا بها الوضع في الفاشر .. هذا ما أتوقعه.

بريمة

يا ول أبا لحن الوداع ده كان يكون في حدائق الشعب أو أمام القصر الجمهوري..

Quote: يا ول أبا لحن الوداع ده كان يكون في حدائق الشعب أو أمام القصر الجمهوري..

أبشر، المرة القادمة ح يكون الأحتفال في حدائق الشعب ..
الأشاوس فرضوا سيطرتهم علي الأرض .. وهذي لا ينكرها إلا مكابر ساكت بقوة رأس.

بريمة

التفاؤل بالنصر كويس بس وينكم من معاناة المواطن

الناس تخجل من أكاذيب الطرفين وتكون عاقلة وتقول كلمة الحق كلهم ما عندهم حق في لا حرب مع الديمقراطية ولا حماية مواطن
بعد الان ما في تضليل
في أعترافات خطيرة لقرار أنسحاب الشرطة من العاصمة ومن الذي أعطي الأمر بأغلاق أقسام الشرطة و كمان كيف تم تسليم معسكرات جهاز الأمن
غير نهب الذهب وعصابة تصدير المواشي لمصر وفساد شركات زادنا
بعد الحرب ح يعرف الرأي العام ماسي ديل لا وطنيين ولا مع المواطن لا شيء
أبسط شيء لما تم التفاوض بخصوص عدم قصف المدن بالطيران قالوا أولا خروج القوات المسلحة من المدنية بعدها تكون أمنيين الغارات الجوية
يا جماعة نحن ما كضب علي أنفسنا
عارفين أنتو ما بتقبلوا أن يحكم السودان واحد من الزرقه بس أنتو من الاستقلال عملتو شنو

*ملة كذب ونفاق وأنا علي يقين بعد الحرب لن يكون هنالك أثر لقيادات سودان ما بعد الاستقلال

Quote: عارفين أنتو ما بتقبلوا أن يحكم السودان واحد من الزرقه بس أنتو من الاستقلال عملتو شنو

يا زهير، المحاكمات التأريخية لا تجدي الأن .. لان سبب الحرب هو تراكمات الماضي ..
الناس تفكر خارج صندوق الأزمات التأريخية .. ونرموا قدام ماذا ينفعنا من هنا و لقدام .. النظام البائد وفلوله أستنفدوا كل "كريدت" أعطاهم له الشعب.
الشعب فقد الثقة في أي قديم .. وأنا أفتكر الجاي ح يكون أفضل رغم التخوف الذي زرعه الفلول في عقول الشعب.

بريمة

ول ابا محمود
أنت موثق .. أحفظ التوثيق ..

Quote: -الجيش قال استلم وسط الخرطوم ومنطقة المقرن، الدعامة اليوم الصباح الخميس 30.11.2023 طلعوا فيديو وهم بتجولو في المقرن، وجامعة الخرطوم وشارع النيل، ووسط الخرطوم واتحدو اي عسكري يشرب قهوة بلباس عسكري في المقرن او وسط الخرطوم. -تصريحات ياسر العطا الغرض منها انو بلمع نفسه ليحل. محل البرهان بعد حذفه -السلاح ما زال يتدفق علي الجيش من هنا ووهنالك ولكن السلاح خاص باالمشاه، والجيش مشكلته، في المشاه، خصوصا بعد مقتل ابوحزيفة الرجل الثاني في كتائب البراء قبل يومين في وادي سيدنا بواسطة الدعامة. وترك اكثر من ٤٠٠٠ مستنفر مراكز التدريب في سنار وبورتسودان والجزيرة بسبب كذب المدربين لهم، وسط معلومات عن اجهاض اكثر من ٣ مستنفرات بنهر النيل كما اشارت مصادر في السوشيال ميديا .

هل لديك الأسم الكامل لأبي حزيفة .. الرجل الثانى في كتائب البراء الذي قتل؟

بريمة