من هي تسابيح دياب أول مرشحة سودانية لملكة جمال العالم؟

11:20 AM November, 24 2023

سودانيز اون لاين
زهير ابو الزهراء-السودان
مكتبتى
رابط مختصر

https://www.0zz0.com


نشرت الصفحة الرسمية لمسابقة ملكة جمال العالم، مقطع فيديو للمتسابقة تسابيح دياب، رقم 31 التي تمثل بلدها السودان، كأول مرشحة سودانية للقب ملكة جمال العالم 2023، مما أثار موجة من الإعجاب والتساؤلات بشأن الفتاة البالغة من العمر 28 عاما، المولودة بمدينة الخرطوم في السودان، والمقيمة حاليا في دبي.

أعلنت البلوجر السودانية تسابيح دياب في مقطع فيديو عبر صفحتها الشخصية على منصة X، عن اختيارها رسميًا لتكون أول فتاة سودانية تمثل بلدها السودان لمسابقة ملكة جمال العالم 2023، قائلة: حاسه بفخر اني قادره اوصل صوت بلدي وارفع اسمها وعلمها للعالم، ده مش انجازي لوحدي، ولا لقب ملكة جمال العالم ليا، لكنه فخر وانجاز كل بنت سودانيه وكل شخص سوداني، محتاجه صوتكم ودعمكم عشان نقدر نسلط الضوء على بلدنا ونوصل صوتنا للعالم.

وأضافت، انتو قادرين تتخيلو انه الدعم مش بس من السودان والسودانيين، لا فيه مصريين، ولبنانيين، وسوريين وفلسطينيين، بيبعتولي رسايل تشجيع ودعم، وانا حابة أقول الحمدلله علي وجودكم في حياتي ودعمكم، نفسي اضمكم واحضنكم واحد واحد وابوسكم بين عيونكم واقول ليكم انتو فخر الحمدلله علي رزق وجودكم دي نعم، ووعد مني ارجعلكم بالتاج.

ونشرت تسابيح دياب مرة أخرى لتبشر متابعيها بتقدمها على المكسيك وألمانيا، فأصبحت في أقل من ٢٤ ساعة، في المرتبة الأولى بالتصنيف الخاص بمسابقة ملكة جمال العالم، ووعدت جمهورها بأن تقرأ أكثر، لتزيد من مدى ثقافتها، كما انها ستتحدث بكامل قوتها، وستكون جزء من تحقيق تاريخ جديد لبلدها رغم كل الاحزان والظروف التي تمر بها.

نقلا عن أخبار السودان، فقد حصلت تسابيح على بكالوريوس علوم المحاسبة والدراسات البنكية من أكاديمية السودان للعلوم المصرفية والمالية عام 2015، وعملت في مجال العقارات لمدة 5 سنوات، لكنها اتجهت في النهاية لصناعة المحتوى وعملت كبلوجر.

بتنا سمحة

ماشاء الله

لابد من دعمها لأن المسابقة أكثر من مسابقة جمال و لكنها منبر مهم لرفع إسم السودان و طرح قضاياه على مستوى عالمي.
يبدو إنها بنت، مع جمالها، مميزة جدا و إلا لما وصلت لهذه المرحلة في هذه المسابقة العالمية.
نتمنى لها التوفيق و نتمنى أن تجعل من موقع الشهرة هذا منبرا لدعم السلام و السلم الإجتماعي في السودان

بس أوعاكم تقومو تتاتشو فوقا، دا يقوللك: دي بتنا جلابية
وداك يقوللك لا لا، علي الطلاق دي بتنا نحنا "على الله" مأنا عارفكم
متاعيس و خُيَّااب رجا ، متل الشَُّفَّع يقعدو يتشاكلو في قطعة حلوى
لامن يعفصوها بالتراب قبال ولا واحد فيهم يذوق عُسَيْلتها.

الناس في شنو وتسابيح في شنو ؟؟؟؟
ومسابقات ملكات الجمال هو سوق لبيع المرأة في سوق النخاسة
وعشان يبيعوا ليها مستحضرات التجميل
وتدعو البنات بدلا من أن يهتمن بعقلهن وتنميته وتثقيفه وتهذيبه
(جمال الروح والنفس)
لأن يهتممن بجمالهن الخارجي
وفي ذلك سوق رائجة لمستحضرات التجميل

نحن في حالة حرب
من لم يمت بالرصاص وقصف الطيران مات بالجوع في منزله

Quote: الناس في شنو وتسابيح في شنو ؟؟؟؟ ومسابقات ملكات الجمال هو سوق لبيع المرأة في سوق النخاسة وعشان يبيعوا ليها مستحضرات التجميل وتدعو البنات بدلا من أن يهتمن بعقلهن وتنميته وتثقيفه وتهذيبه (جمال الروح والنفس) لأن يهتممن بجمالهن الخارجي وفي ذلك سوق رائجة لمستحضرات التجميل نحن في حالة حرب من لم يمت بالرصاص وقصف الطيران مات بالجوع في منزله

اوجزت وافدت ، شكرا على الوعي في وقته !

Quote: نحن في حالة حرب من لم يمت بالرصاص وقصف الطيران مات بالجوع في منزله

نكتة يا نصر: أيام السيول و الأمطار في السودان في مؤتمر صحفي الراحلة فاطمة أحمد إبراهيم لمت في صادق المهدي قالت ليهو يالصادق الناس غرقانه و بيوتها واقعة و إنت لابس نضيييف!
قال ليها اها أتدردق في الطين في الطين يعني يا فاطنة! هههه
المهم الحياة لازم تسير و أجمل الأدب أنتج في ايام الحرب، أوتذكر كوابيس بيروت! أجمل الروايات العالمية و الاوبرات و الأغاني و المراثي قيلت أيام الحرب..
الحياة لابد أن تسير بخيرها و شرها.