Post: #1
Title: انطلاق اعمال مؤتمر القضايا الانسانية في السودان
Author: زهير ابو الزهراء
Date: 11-17-2023, 04:15 AM
03:15 AM November, 16 2023 سودانيز اون لاين
زهير ابو الزهراء-السودان
مكتبتى
رابط مختصر
انطلاق اعمال مؤتمر القضايا الانسانية في السودان ٢٠٢٣
16 /11/ 2023
ينعقد في القاهرة في الفترة بين ١٨ الي ٢٠ نوفمبر ٢٠٢٣، مؤتمر القضايا الانسانية في السودان - ٢٠٢٣، تحت شعار (تفعيل الاستجابة الانسانية للكارثة في السودان). يقوم بتنظيم المؤتمر عدد من منظمات المجتمع المدني السودانية المستقلة، تضم كل من فكرة للدراسات والتنمية، المبادرة الاستراتيجية لنساء القرن الأفريقي (صيحة)، جمعية اطباء النساء والتوليد السودانية، نقابة الصحفيين السودانيين، هيئة محامي دارفور، ومحامو الطوارئ.
يشارك في المؤتمر طيف واسع من مجموعات الاغاثة المحلية والمبادرات القاعدية وغرف الطواري ومجموعات النازحين واللاجئين بالاضافة الي منظمات الاغاثة الدولية العاملة في السودان ومنظمات الامم المتحدة. وسيعمل المؤتمر خلال ثلاثة ايام على استعراض الاوضاع الإنسانية في السودان، ونقاش القضايا التفصيلية المتعلقة بقطاعات الحماية الاجتماعية، الأمن الغذائي، النظام الصحي، العنف الجنسي المبني على النوع خلال النزاع، وقضايا الوصول والتنسيق والاستفادة من التجارب المحلية ودعمها، والمعوقات اللوجستية لوصول وتوزيع العون الانساني في السودان. الغرض من هذا المؤتمر ليس نقاش عجز التمويل او نقاش الميزانيات بل البحث عن كيفية تجاوز المعوقات الموجودة على ارض الواقع امام ايصال العون الانساني للمتضررين. ويهدف المؤتمر الي انتاج توصيات عملية وقابلة للتطبيق فيما يتعلق بتفعيل عمليات جهود الحماية والعون الانساني للمدنيين بحسب ماتضمنه وتنظمه قواعد القانون الدولي الانساني ومطلوبات الواقع.
ينعقد المؤتمر بدعم مقدر من الحكومة النرويجية ممثلة في مجلس اللاجئين النرويجي ومن وزارة الخارجية البريطانية الذين تكفلوا مشكورين بتقديم التمويل اللازم لانشطة المؤتمر، وكما تتقدم لجنة تحضير المؤتمر ايضا للسلطات المصرية لسماحها باقامة المؤتمر في اراضيها وتسهيل دخول المشاركين القادمين من السودان والبلدان الاخرى.
وسيتم بث جلسات المؤتمر بشكل مباشر على الرابط التالي:
Media – Sudan Crisis 2023
إن محنة السودانيين والمعاناة التي يتعرضون لها خلال هذه الحرب تمثل مأساة إنسانية كبيرة لا يجوز ان يتم التغاضي عنها او تجاهلها وسط انصراف الاهتمام العالمي الي مشاغل وقضايا اخرى متلاحقة. اننا سنظل نعمل ونرفع جهودنا واصواتنا تذكيرا بمعاناة اهلنا وشعبنا وسعيا من اجل تقليل وطأتها على كواهلهم.
حفظ الله السودان وشعب السودان
اللجنة التحضيرية لمؤتمر القضايا الانسانية - السودان ٢٠٢٣
|
Post: #2
Title: Re: انطلاق اعمال مؤتمر القضايا الانسانية في �
Author: adil amin
Date: 11-17-2023, 04:48 AM
Parent: #1
شفت دي يا زهير اكبر اهانة للسودان والسودانيين
بالله وزع ليهم رسالة ابراهيم منعم منصور للبرهان وحميدتي
في المؤتمر ده
السودان بلد منهوب وليس منكوب
والحقيقة المرة دي لازم يوجها متسولين الامم المتحدة ديل
والحل السياسي وفرو حسنين من 2019
وحل الاقتصادي وفرو ابراهيم منعم منصور من 2019
تم تهريب 300 طن ذهب بنفس الطائرات البتجيب الاغاثة دي
السودان اغنى بلد في افريقيا
موارد
وازمة السودان
حثالة سياسية
سوء ادارة موارد من 1989_2023
وهسة 50 طن ذهب من مناجم الاقليم الشمالي
نديها الصين
وتعمر لينا حلفا القديمة
وتعملا مدينة لاقامة ال5 مليون سوداني القاعدين في مصر
وتعمل فيها منازل جاهزة ومستشفيات وجامعات ومطار دولي وسوق حر،
وما تطلع سلعة من السودان دون القيمة المضافة
من
ماشية
محاصيل
معادن نفيسة
الطاقة الشمسية والصين والذهب
كافي جدا لاسكان 4 مليون سوداني في مدينة حلفا
دي الاستجابة الانسانية
و10 مدن اقليمية في السودان بنفس الشيء
الامم المتحدة بشكلها الحالي لا تصلح لانسانية القرن ال21
والزمن بينا
السودانيين لازم يعيشو بكرامة في بلدهم وبمواردم
وهم 40 مليون ما اكثر من سكان شنغهاي في الصين
وهسة الرفس في الخرطوم ده لازمتو شنو
قلنا ليكم من 2019
رجعو الاقاليم الخمسة والغو الولايات وكل اقليم فيه جبل ذهب جيبو خبرا صينيين يعمرو الاقليم معاكم زي السبعينات
بتتسكعو في الدول الناهبة السودان لي شنو؟
وتلهثو مع الامم الما اتحدت يوما ومارتن جريفس ليه؟
اصحو يا شعب كوش
السودان يطعم العالم مش يطعمو الاخرين
والعقول زينة الرجال
|
|