يا حليل منبر سودانيزأونلاين .. أصبح واجهة إعلامية للجنجويد!

كان المنبر في عهود خلت منارةً رائدة وقوية يرتادها الباحثون عن التحليل السياسي الرصين، والأخبار الموثوقة، والحوارات الأكاديمية والفكرية والأدبية والاجتماعية والرياضية الثاقبة التي تشحذ الأفكار؛ لكنه للأسف هوى إلى ما يشبه أيّ صفحة مبتذلة في سهَلَة الفيسبوك يستغلُّها أذناب الجنجويد بسذاجة منقطعة النظير لطمس حقائق جرائمهم الثابتة، وإغراقه بالأخبار المختلقة، وتأجيج النعرات القبلية ونيران العنصرية، والترويج لدولة جديدة تتوفَّر فيها كلّ عناصر فنائها حتى قبل أن تُولد، وتحوَّل إلى منصَّة.يسخّرها القحاطة للكذب والتدليس لتحقيق مآرب سياسية ضيّقة وتطهير صحائفهم من دنس تآمرهم مع من قتل الأبرياء وهتك أعراضهم وشرَّدهم من ديارهم.

لا أقول إن المنبر كان منزَّهًا عن المهاترات وخاليًا من الأخبار المفبركة، ولكن سمْته العام كان الجديّة والرصانة، خلافًا لما هو عليه الآن.

نافح كثيرٌ من الأعضاء الإنقاذ وقارعوا أنصارها الحجة بالحجة على مدى عقدين بعيدًا عن الأفكار الطفولية والمراهقة السياسية.

الحصول على الأخبار في هذا العصر صار متاحًا بكبسة زر، بل إن العواجل أصبحت تأتينا حارةً من الفرن على هواتفنا المحمولة ومن مصادر عدّة. ولذلك، فإنني أفترض أن من يأتي إلى سودانيزأونلانين الآن لا يأتي بحثًا عن مستجدات الأحداث، بل لمعرفة أبعاد الأخبار التي وصلته أصلاً في هاتفه المحمول والاستئناس بتحليلات الأعضاء وآرائهم.

أما ما نراه الآن، فهو الإسفاف والسفه بعينه.

ول أبا محمد صديق
سلامات ..
أختلفت معك في مسألة النوستالجيا للعهد القديم للمنبر. سودانيز أونلاين جسم حي يواكب التطورات المتسارعة في الشارع السودانى ويعكس واقع الحال علي الارض بكل زخمة. الكثيرون من زوار المنبر يأتون للأخبار في المقام الأول فهو أشبه بخلاصة الأحداث. في زمن الأزمات يتحول المنبر لصوت يعبّر عن الواقع ويتشكل طبقاً لذلك حسب مجريات الأحداث اليومية.

وهنا نقطة خلافي، نحن هنا في أمريكا، نعتبر المنبر مصدر للمعلومة للكنغرس الأمريكي والأدارة الأمريكية .. المنبر تقرأه وترصده جهات نافذة حيث تقوم بتحليل طبيعة وأتجاهات الرأي حول القضايا المثارة ومحل الأهتمام. الفيديوهات التي ننقلها غير أنها مادة أخبارية فهى مادة توثيقية لما يجري؛ خذ علي سبيل المثال تحذير وزيرالخارجية الأمريكي أن مدينة الفاشر سوف تتعرض للأعتداء (أو كلام شبيه من هذا .. لا أتذكر النص)، أضف أن المنظمات طالبت بعدم أشعال مدينة الفاشر لأنها فيها مقار المنظمات الأنسانية وأكبر تجمعات الفارين من جحيم الحرب من مناطق أخري من دارفور. هل تفتكر هذه المنظمات لهم ناس علي الأرض؟ لا هم يعتمدون علي قراءة الأخبار ثم تحليل المادة المتاحة ..

ومن جانب أخر المنبر يعتبر صافرة إنذار مبكر بوقوع الأحداث؛ الجنينة تمت ثلاثة أيام متتالية يحاور فيها الدعم السريع قيادة الفرقة 15 لأستسلامهم ومعروف أن الفرقة ينقصها الأمداد العسكري، يسقطون لهم الزخائر إسقاط بسبب الحصار. يرصد المنبر الأخبار علي مستوي أحياء العاصمة .. كل هذه الأشياء تنذر الناس بأن يتخذوا التدابير اللازمة ..

الأن، في وجهة نظري، الخطر الحقيقي في أربع مدن: الضعين والأبيض .. ديل في وش المدفع. الفاشر وربما الفاشر أفضل حالاً من الأبيض بسبب نداء المنظمات .. عطبرة أنفرد بها أحمد الضي بشارة، الربيع عبد المنعم يتحدث عن مروي .. وأنا لا أعرف لماذا عطبرة .. فقط أخمن أنهم خلف ليس الفلول بل المستنفرين لأنهم كما بدا صيد سهل ويرفع الروح المعنوية لقوات الدعم السريع وفي ذات الوقت أمر محبط للفلول. وكسر الروح المعنوية حرب لا تقل عن الحرب في الميدان. الفيديوهات تظهر قوة الجيوش من خلال زخمها والأنفعالات ساعات النصر وتوفر نافذه لرصد حالة المواطنين.

جبهة جنوب كردفان فيها أحداث تتشكل تحت السطح .. وهكذا ..

في جانب أخر المنبر يرصد بصورة مكثفة أخبار جدة والوساطات .. وعمد الحرب.


بريمة

المحترم محمد صديق
سلام
طيب البمنع المنبر شنو انه يكون واجهة للجيش ؟

مرحبًا بريمة.

أتفق معك أن المنبر "كان في السابق" مصدرًا تُسْتقى منه الأخبار وتُسْتشف منه اتجاهات الرأي، لكن هذا الأمر تغيَّر الآن بعد تغلغل وسائط التواصل الاجتماعي الحديثة في المشهد الإعلامي ودخول عنصر صحافة المواطن (citizen journalism)، التي أتاحت وفرة من الصور الحيَّة، التي تُغني في كثير من الأحيان عن كثير من الكلام؛ ولذلك أصبح الفرق بين صحافة الأمس وصحافة اليوم كالفرق بين المعلّق الرياضي الإذاعي والمعلّق الرياضي التلفزيوني، ولذلك أصبحت القنوات الرياضية تولي الأستديوهات التحليلية أهمية كبيرة وتستقطب لها أبرز المتخصصين في المجال من مذيعين وصحفيين ومحللين ومدربين ولاعبين سابقين.

عملتُ في قناة إخبارية عربية، وأذكر أننا ناقشنا في اجتماع تحريري ضرورة أن تواكب القنوات الإخبارية هذا التطوُّر، ولعلك لاحظتَ أن الزمن المخصَّص للاستضافات والفقرات الحوارية في هذه القنوات قد زاد على حساب الأخبار القصيرة، التي أصبح جلُّها يقوم مقام مقدمات ومعطيات إخبارية قصيرة (leads) لتقارير تحليلية تعقبها في الغالب استضافات لمزيد من التحليل واستعراض وجهات نظر الجهات موضوع المادّة الإخبارية.

أرى أن المنبر يجب أن يواكب هذا التطوُّر.

ما يعرضه جنجا المنبر يعكس واقع الجيش المتردية
وخاصة في غرب البلاد وسقوط الحاميات الواحدة تلو الاخري.
وكشف زييف وادعاء الجنجا بحماية المواطن وممتلكاته.

Quote: المحترم محمد صديق سلام طيب البمنع المنبر شنو انه يكون واجهة للجيش ؟

أهلين حيدر.

بنظرة خاطفة للصفحة الأولى من المنبر ومتابعة نشاط بعض الأعضاء ستجد أن ما يقومون به هنا هو عملٌ منظَّم وفقًا لتنسيق بينهم يصبُّ في الآخر في سياق المجهود الإعلامي العام للجنجويد.

أما المناصرون للجيش، فمن الواضح أنهم أفراد يعبّرون عن آرائهم الشخصية بلا تنسيق بينهم، كما أن مشاركاتهم متقطعة وليست بكثافة مشاركات مناصري الجنجويد، الذين يعملون بلا كلل أو ملل، ويبدو أن "الروتا" لا تسمح لهم بأيّ غيابات عن الصفحة الأولى للمنبر.

المنبر كمؤسسة أو شركة محايد يا محمد صديق بدليل انت الان وآخرين ممن يرون رايك
تكتبون ما بدا لكم من نقد الجنجويد.. ولكنك ضقت ذرعا
بحرية الرأى التى لا تحترمونها إلا أن كانت تصب فى قول ما ترون فقط.
الله لا جابكم فى الحكم تانى.. دا حالكم وانتم خارج الحكم فكيف
بكم لو عندكم السلطة. انت الان مستمتع بحرية الرأى
فى هذا المنبر ولكنك تريد أن تحرم من تختلف معهم. تواضع
يا اخى الفاضل وافهم انك لا تملك حقا اكثر من الاخرين.. هل تعلم أن
هذا هو السبب الذى يكره فيه السودانيون الاسلاميين؟ عدم
رؤية والاعتراف بحق أى معارض ومخالف لما يرون

أنت إنسان غير مؤاخذ عندي، يا أبو الريش يا ضنب الجنجويد!

لم أطالب بحجر أيّ رأي إذا كنت تقرأ وتفهم.

يقدّر الجنجويد أهمية الإعلام، ولذلك فإنهم يصرفون على هذا الجانب صرف من لا يخشى الفقر. لديهم شبكة إعلامية واسعة تضمُّ متخصصين في التعامل مع المؤسسات الصحفية والإعلامية العالمية والحكومات والبرلمانات ومؤسسات المجتمع المدني الدولية، ولديهم مفرَّغون لإغراق المواقع السودانية المهمة، مثل سودانيزأونلاين وغيرها، بأخبار الجنجويد ودعم روايتهم الفاسدة، هذا فضلاً عن آلاف المجنَّدين وعمَّال اليومية وبالقطعة المنتشرين في وسائط التواصل الاجتماعي لنشر أخبارهم المختلقة وإضعاف الروح المعنوية للجيش والمواطنين وتضخيم انتصارات الجنجويد وتتفيه انتصارات الجيش. ولذلك، لا تسمحوا لهذه الطغمة أن تضعضع معنوياتكم، والعزاء أن الله قد سلَّم البلاد بتبديد حلم آل دقلو في إنشاء دولتهم.

أذكّركم بما كتبته عن استغلال القحاطة الإعلام خلال عهدهم المشؤوم للترويج لخطرفاتهم:

هى دى اخلاق الكيزان.. قلت لك اخى الفاضل فكان ردك انت غير مؤاخذ
جنجويد فى عينك .دى صناعتكم كنتم عاوزين تتعشوا بيهم فتغدوا بكم
مكر قصاد مكر مافى فرق بينكم وبينهم. الاتنين ما عندكم ولاء مبدئى للديمقراطية.
الاسلاميون مثل الشيوعيين.. ديل الما متفق معاه شيوعى أو حنجويدى.. والشيوعيين
اللى يعارضهم معناه كوز.. الله يشيلكم كلكم زى ما ختاكم .. انتم وباء
هذه البلاد

"أخي الفاضل" بتاع عينك يا مخرّف؟

أنا رديت ليك "إسلامي" بضنب الجنجويد التي تناسبك.

إنت معروف في المنتدى ده بأنك زول مطرطش ساي وما بتجمّع وغير متزن.

من خبرتي الطويلة الممتازة في المنابر، أنا عندي شريحتين: واحدة للناس المحترمين تناسب مقامهم، وواحدة للمتنمّرين وغير المحترمين من أمثالك ياخدوا بيها على رأسهم.

يا محمد صادق انا لا اعرفك ولا يهمنى أن اعرفك.. ارد على ما تكتب فقط
لكن شخصنة النقاش وترك الموضوعى للشخصى فهذه اخلاقك واخلاق التنظيم
الذى رباك.. تلجؤون إليها حين تفلسون فكريا

شفتً ياها دي الطرطشة اللي قلتها ليك.

منو هو أصلاً اللي عايز يعرفك؟

إنت لو صحي ما مطرطش جيب لينا مقتبس في البوست ده أنا قلت فيها يوقّفوا الجنجويد من الكتابة أو يحجروا على آرائهم.

إنت زول أرعن وفارغ ساي وشايت ضفّاري وما جاي أصلاً عشان نقاش.

إنت شايف إنك تتهم زول بأنه إسلامي دي حاجة عادية؟

بعدين يا موهوم إنت قايل الإسلامي الصحي صحي بيخاف إنه يقولوا عليهو إسلامي وينكرها.

قلتها لي واحد أرعن قبليك. أنا لو كنت ارتضيت أكون سياسي إسلامي، ما كنت حوّجت أمثالك إنهم يستنتجوا إني إسلامي ولا لا، لأني ببساطة ما كنت حا أرضى أكون غير في الصف الأول للإسلاميين.

شفتَ جنس نوعيتك دي ياها اللي بتخلّي الواحد يندم شديد على أنه ضيّع 30 سنة ما كان فيها كوز.

سلام. اخ محمد صديق
العناصر التي تناصر الجنجويد او تنتمي لفرفتهم اقلية مجهرية في هذا المنبر - وغالبا ما يكون. دافعها جهوي وقبلي

اغلبية هذا المنبر في تقديري وقفت ضد الجنحويد. منذ النشاة وقفهم. ضدهم حلفاء للكيزان وشركاء البرهان او ادوات لهم
يقفو الان ضدهم - المجزرة ومايحدث الان من قتل وتشريد ونهب واحتلال البيوت. او باختصار فتحو جبهة صراع. ضد الشعب نفسه واستهدفوه
واعتقد ان هذا هو موقف اغلب الشعب من الجنحويد

اذا كان اغلب الشعب يقف هذا الموقف والجنحويد علي ماهم عليه من بشاعة وفظاعة وهم محل تنفير ولا جذب
اذا اين الخلل. -؟
هل هو عجز قيادة الجيش الكسبحة عن ادارة الحرب وعن حماية الارواح. والممتلكات. -وعن الوصول لحل سلمي وايقاف الحرب من مركز قوة ؟
ام هو في الكيزان الذي صنع الجنجويد والان. يحاولون استبدال مليشيا دقلو. بمليشيا كرتي ؟
ام هوفي الجيش الذي اضعفه الكيزان وهمشه البرهان لصالح الجنحويد والذي. يعد نفسه ضحية لهولاء. ولجنحويدهم ؟

ماهو السبب طالما الشعب في اغلبه ضد الجنحويد
وطالما. المنبر في اغلبه ضد الجنحويد منذ ان كان الكيزان يعدون مواجهة الجنحويد قصم لظهر الدولة وكان البرهان بعد المساس بالجنجنويد رجس من عمل الشيطان ! ضدهم منذ ذلك الوقت وحتي يومنا هذا
اذا ماهي العلة !
ً
ثانيا. هل اعلام الجيش ومن يناصر البرهان يقوم بدوره ؟

موضوع انو نشاط الدعم السريع منظم ونشاط الجبهة المعادية له فردي
ليس بالمبرر
فقد كان المنبر -؟ك افراد يواجه. نظام البشير المؤدلج بتنظيمه وامنه وجنجويده وقد كشفهم وعراهم

يجب الغوص في جذور العلة وتشخيص المرض لا الاكتفاء. بمعالجة اعراضه
العلة في الواقع. الفعلي ومايحدث. فيه لا في المراة - المراية التي تعكسه - كسر المراة وسبها. وتشنيفها لن يغير في الواقع وان عود الواقع معوجا فلن يستقيم الظل

Quote: شفتً ياها دي الطرطشة اللي قلتها ليك. منو هو أصلاً اللي عايز يعرفك؟ إنت لو صحي ما مطرطش جيب لينا مقتبس في البوست ده أنا قلت فيها يوقّفوا الجنجويد من الكتابة أو يحجروا على آرائهم. إنت زول أرعن وفارغ

طيب يا محمد ما دام مصر على الأسلوب دا.. تانى حاعمل ليك كوبى وبيست.. نسخ ولصق
الان اقول ليك انت مطرطش وارعن وفارغ.. يللا قول اى عبارات تحب يرجعوها ليك.. ما ازيد على ما تقوله
بس اى كلمة ما موضوعية سارجعها ليك زى ما الناس ترجع الخطابات المرسلة
للعنوان الخطأ.. اختر لنفسك ما يحلو

Quote: سلام. اخ محمد صديق العناصر التي تناصر الجنجويد او تنتمي لفرفتهم اقلية مجهرية في هذا المنبر - وغالبا ما يكون. دافعها جهوي وقبلي اغلبية هذا المنبر في تقديري وقفت ضد الجنحويد. منذ النشاة وقفهم. ضدهم حلفاء للكيزان وشركاء البرهان او ادوات لهم يقفو الان ضدهم - المجزرة ومايحدث الان من قتل وتشريد ونهب واحتلال البيوت. او باختصار فتحو جبهة صراع. ضد الشعب نفسه واستهدفوه واعتقد ان هذا هو موقف اغلب الشعب من الجنحويد اذا كان اغلب الشعب يقف هذا الموقف والجنحويد علي ماهم عليه من بشاعة وفظاعة وهم محل تنفير ولا جذب اذا اين الخلل. -؟ هل هو عجز قيادة الجيش الكسبحة عن ادارة الحرب وعن حماية الارواح. والممتلكات. -وعن الوصول لحل سلمي وايقاف الحرب من مركز قوة ؟ ام هو في الكيزان الذي صنع الجنجويد والان. يحاولون استبدال مليشيا دقلو. بمليشيا كرتي ؟ ام هوفي الجيش الذي اضعفه الكيزان وهمشه البرهان لصالح الجنحويد والذي. يعد نفسه ضحية لهولاء. ولجنحويدهم ؟ ماهو السبب طالما الشعب في اغلبه ضد الجنحويد وطالما. المنبر في اغلبه ضد الجنحويد منذ ان كان الكيزان يعدون مواجهة الجنحويد قصم لظهر الدولة وكان البرهان بعد المساس بالجنجنويد رجس من عمل الشيطان ! ضدهم منذ ذلك الوقت وحتي يومنا هذا اذا ماهي العلة ! ً ثانيا. هل اعلام الجيش ومن يناصر البرهان يقوم بدوره ؟ موضوع انو نشاط الدعم السريع منظم ونشاط الجبهة المعادية له فردي ليس بالمبرر فقد كان المنبر -؟ك افراد يواجه. نظام البشير المؤدلج بتنظيمه وامنه وجنجويده وقد كشفهم وعراهم يجب الغوص في جذور العلة وتشخيص المرض لا الاكتفاء. بمعالجة اعراضه العلة في الواقع. الفعلي ومايحدث. فيه لا في المراة - المراية التي تعكسه - كسر المراة وسبها. وتشنيفها لن يغير في الواقع وان عود الواقع معوجا فلن يستقيم الظل

مرحبًا، كمال عباس.

صحيح أن عدد الموالين للجنجويد بلا مواربة في هذا المنبر قليل كما تفضّلت، ولكن من يناصرونهم لأسباب سياسية من خلف حجاب - وأعني قحَّاطة المنبر - ليسوا بقلّة، وهم في تقديري أشدُّ خطرًا من الموالين الفاقعة جنجويدتهم.

أتفق معك في أن دافع معظم المناصرين الظاهرين للجنجويد هنا قبلي وجهوي، إذْ لم يقم الدعم السريع أصلاً على فكرة صلبة تجعل المستنيرين يظاهرونه؛ كما أن العامل المادي مستبعد، إذْ إن معظم الموالين للجنجويد هنا - مما أرى وربما أكون مخطئًا - متميّزون في مجالاتهم ويشغلون مناصب محترمة، ولكن يجب ألا نغفل أن كثيرًا ممن يوالون الجنجويد على أساس عرقي وجهوي يرون في اعتلاء الجنجويد ظهورنا فرصة ليرتقوا مكانةً، وهم لا يدرون أنهم كانوا قبل أن يخونوا وطنهم وجيرانهم وأصدقاءهم في مقامٍ لا مقام بعده في نظر مجتمعهم.

أما السابلة من مناصري الجنجويد إعلاميًا في وسائط التواصل الاجتماعي، وخاصةً الذين لا ينتمون إلى القبائل التي تناصر الجنجويد، فهؤلاء دافعهم المال والأمل في تغيُّر أوضاعهم بعد سيطرة الجنجويد على مقاليد الأمور في البلاد.

أما الجيش، فالخلل من جانبه في تقديري يتمثّل في عدم وجود حكومة مدنية تدير الملف الإعلامي والسياسي؛ هذا فضلاً عن أنه يبدو أن الجانب الإعلامي هو آخر ما يفكّر فيه الجيش حاليًا نظرًا للوضع الميداني والضائقة المالية الناجمة عن تعطُّل مركز الدولة وانغلاق قنوات الدعم الخارجي.

يا اخونا محمد صديق
الخلل. بالنسبة للجيش. ليس في الجبهة الاعلامية فحسب وانما فيما يجري في ارض الراقع - وفي قيادته الكسبحة وفي كيفية ادارة المعركة
الاعلام مراية تعكس الواقع التشويه الذي يظهر في سطحها وفيما تعكسه. مرده هو الواقع. والمشهد. والتجسيد الذي تعكسه ليس في المراة ،،،
وبعدين الاعلام بالنسبة للحرب الجارية وخصوصا الجنحويدي - لايصنع حدث ولايجيش احد او يوثر فيه لان الشعب في مجمله وغالبيته ضد الجنحويد الذي فتح جبهة ضده واستهدفه - واحتل دوره وشرده
وبالتالي لم ولن توجد الة اعلامية يمكن تغير هذا المعطي الدامغ

المنبر وزي ما قلنا اصلا في غالبه ضد الجنجويد ولم يكتشف فظائعه بسبب هذه الحرب او منذ نشوبها وزي ماقلنا من اكتشف هذا هو الكيزان وانصار البرهان. الذين كانو يدعمون الجنحويد في فظائعهم السابقة ويبررون لها ويشاركونهم. فيها ومن اكتشف. هو كل من صمت علي فظائع. دارفور ومافعله الجنحويد هناك !

المنبر في غالبه ضد الجنحويد - حتي الان. بما في ذلك معظم قحاتته بس كونوا. انًو. كثر ضد الكيزان وقيادة الجيش فهذا لايعني انهم مع الجنجويد والواقع ان مصيبة القحاتة. وخطاهم الكبير هو محالفة اللجنة الامنية بكيزانها وجنجويدها وبرهانها

المراة تقول ان التشويه والعلة. سببها. الكيزان وقيادة الجيش - وسببها الدمار الذي طال الجيش علي يدهم - هذه هي العلة. واصل الداء. محاربة الاعراض والظلال. وطعنها ان يفيد ولن يغير واقعا

يا كمال، البوست مخصَّص للنواحي الإعلامية تحديدًا كما تلاحظ من عنوانه.

الوجع كتير!

سلام محمد صديق
سودانيزاونلاين ليست إستثناء من بقية الميديا إلا بمقدار ضئيل،
هنالك آلة إعلامية ضخمة لشيطنة كل من يقف ضد الدعم السريع بتصنيفه بين بلبوس وكوز وفلول وبوق حرب.
سودانيزاونلاين لم تسلم من هذه الآلة في تضيق حرية الرأي.
أبو الريش في هذا البوست مثال ناصع لكيفية العمل كتِرس في هذه الآلة.
ابو الريش في هذا البوست مثال واحد من أمثلة كثيرة وكيفيات عمل متعددة.

اخونا ابو الريش بصراحة نفسك كان حار جدا في نقاشك مع الاخ محمد الذي قدم طرحاً معتدلاً لا يستحق منك كل هذا العنا
قد يكون كلامه في محله ، أهو برضو رأي .. والمنبر منبر رأي ، له الحق في طرح ما يريد
محمد صديق من عقلاء المنبر اياً كان توجهه ـ لا يسعك إلا أن تحترمه

سلام اخونا حافظ بشير
نعم وكذلك تمت عملية تخوين وتجريم وتصنيف كثر ووصفهم بالانتماء. لللدعم السريع
علما بان اغلب ضد الجنحويد ماضيا وحاضرا
ولكن الالة الاعلامية الضخمة " ايضا" - تصر علي التجريم وجنجودة الاخر المختلف او. من يناهض قيادة الجيش وتاثير الكيزان !
تقف ضد الحرب انت جنجويدي تقف ضد قيادة الجيش الكسبحة وناس علي كرتي انت جنحويددي ومرات قحاطي !!

الاهم وزي ماقلت ان اعلام الجنحويد لايصنع حدثا ولايخلو راي عام مش لانو الناس بتحب برهان او لانو اعلام الجيش وتيار بل بس قوي ومفند لخطاب الجنحويد
وانما لسبب اهم هو ان ممارسات الجنجويد. وفظائعهم واستهدافهم الشعب هو ما خلق راي عام حقيقي ومكتوي ضدهم
فالاغلبية ضد الجنجويد وهو امر لم تخلقه الة اعلام برهان ولم تنفيه الة اعلام. عزت الماهري ولم تغسله من الاذهان
لانه خط اكتوي بنار الجنجويد وذاق ويلاتهمً

اذا. وكما قلت الاعلام الان لايصنع حدث ونما ا هو مراة تعكس بكل قبحه وتشوهاته - فا لعيب في الواقع المجيد لافي المراية او الكاميرا

سلام يا حيدر

Quote: دا حالكم وانتم خارج الحكم فكيف بكم لو عندكم السلطة. انت الان مستمتع بحرية الرأى فى هذا المنبر ولكنك تريد أن تحرم من تختلف معهم

Quote: هى دى اخلاق الكيزان

Quote: فهذه اخلاقك واخلاق التنظيم الذى رباك

أبو الريش لا يدري ما فعله ولا يدري ما هو الخطأ الذي ارتكبه وقد كتب العبارات أعلاه ببساطة كأنما هي الرد الطبيعي لكل من يفترع بوست ضد الدعم السريع.
لذلك أنا قلت أنه مثال لتِرس داخل آلة، فالتِرس يؤدي مهمته دون أن يكون قادراً على رؤية الصورة الكلية والنتيجة النهائية لما يفعله.
وحال ابو الريش قد ينطبق على الكثيرين.

صدقت، يا مولانا حافظ.

سئل الراحل وردي ذات مرَّة عن تدهور الغناء في السودان، فأجاب بأن الغناء ليس نبتًا شيطانيًا، بل ممارسة إنسانية تتأثر بما حولها سلبًا وإيجابًا، وسودانيزأونلاين ليست بمنجاة من الفوضى التي ضربت بأطنابها في هذا الفضاء المفتوح، كما تفضَّلت.

==========

مشكور أخي حيدر على الإطراء، وأرجو أن أكون دائمًا عند حسن ظنّك.

أسوأ ما قد يصل إليه المشارك في أيّ منصة تفاعلية هو أن يُحسب من المخطرفين وتُستتفه أراؤه.

على المستوى الشخصي، أول ما يسترعي انتباهي إلى أيّ مشاركة هو كاتبها قبل موضوعها، وهناك كثيرون هنا ممّن لا أهدر وقتًا في الدخول في منشوراتهم أو حتى قراءة تعليقاتهم في منشورات الآخرين، ويكون هذا غالبًا بعد تمحيص مشاركاتهم السابقة وثبوت ضحالة تفكيرهم وضعف حججهم وفقًا لتقديراتي، وأبو الريش هذا في أعلى قائمة الذين لا أقيم لآرائهم وزنًا، لأنه أشتر وطاشّي شبكة عديل.

سلام أخي العزيز كمال عباس

Quote: نعم وكذلك تمت عملية تخوين وتجريم وتصنيف كثر ووصفهم بالانتماء. لللدعم السريع

طبعاً نفس الآلة الإعلامية إستفادت من واقع الكراهية للكيزان فقامت بربط كل رأي مضاد للجنجويد بتصنيفه كرأي كيزاني
وما يتبع ذلك من وصمة.
وسعت لمحو الوصمة عن الإنتماء للجنجويد او مسنادتهم.
ففي الميديا، وسودانيزاونلاين ليست استثناء، ووصف أحدهم بأنه جنجويدي او مساند للجنجويد لا يعرضه لأي مضايقات او تنمر بينما الحال ليس كذلك لكل من يقف ضد الجنجويد.
البيئة الحالية في المديا تعطي الجنجويد ومسانديهم مساحة حرية اوسع ولكنها تضيق بكل من يكتب ضد الجنجويد.
رغم أن الثورة قالت "العسكر للثكنات والجنجويد ينحل"، إلا أن البيئة الحالية في الميديا جعلت من أي موقف ضد الجنجويد يفسر كتعاطف مع العسكر ويتم تصنيفه كوصمة عار بينما ليس الحال كذلك في حال التعاطف مع الجنجويد.
هذه البيئة تمت صناعتها بغرض وليست وليدة التفاعلات التلقائية.

بعد توضيح حال المنبر وما آل اليه من تردي حال ، لا لظن ان هناك شىء يمكن ان يقال بعد كلام صديق
مقارنة تضاد

Quote: كان المنبر منارةً رائدة وقوية >>> صفحة مبتذلة في سهَلَة الفيسبوك يرتادها الباحثون عن التحليل السياسي الرصين، والأخبار الموثوقة >>> يستغلُّها أذناب الجنجويد بسذاجة الحوارات الأكاديمية والفكرية والأدبية والاجتماعية والرياضية >>> لطمس حقائق جرائمهم الثابتة، وإغراقه بالأخبار المختلقة تشحذ الأفكار>>> تأجيج النعرات القبلية ونيران العنصرية والترويج لدولة جديدة تتوفَّر فيها كلّ عناصر فنائها حتى قبل أن تُولد، تطهير صحائفهم من دنس تآمرهم مع من قتل الأبرياء وهتك أعراضهم وشرَّدهم من ديارهم

Quote: وانما لسبب اهم هو ان ممارسات الجنجويد. وفظائعهم واستهدافهم الشعب هو ما خلق راي عام حقيقي ومكتوي ضدهم فالاغلبية ضد الجنجويد وهو امر لم تخلقه الة اعلام برهان ولم تنفيه الة اعلام. عزت الماهري ولم تغسله من الاذهان لانه خط اكتوي بنار الجنجويد وذاق ويلاتهمً

قلتً فأحسنت المقال، يا كمال!

وهذا يفسّر اقتناع عامَّة الناس تمامًا بسوء الجنجويد.

الجنجويد المساكين ومن شايعهم ما زالوا لا يدركون أن مساحيق الدنيا كلّها لن تكفي لتجميل صورتهم البشعة في عيون الناس.

والموالون للجنجويد في هذا المنبر ما زالوا لا يعون أن سيل منشوراتهم في هذا المنبر لن يجزي عن الجنجويد القتلة شيئًا، لأن السيف سبق العذل والفأس وقع في الرأس.

ومن خطل القحاطة أنهم يظنون أن بمقدورهم أن يزيّنوا للمواطن البسيط، الذي انتُهك عرضه وطُرِد من داره وشُرّد وسُلبت ممتلكاته، أن الجنجويد يفعلون كلّ ذلك لمصلحته، وأن كلّ هذا يهون في سبيل التخلص من الفلول ودولة 56.

الاستاذ محمد صديق


تحياتي
أنت أعلم مني بأن صناعة الرأي من أصعب المهام في الإعلام أو بكافة الوسائط أن كانت علي الإعلاميين أو صناع المحتوي ولكن في النهاية ينتصر الطرح المعقول الذي يحترم عقول القراء
لقد حاولت من خلال فوضي ذهنية فيني وكتابة لا قيمة لها أحقق بعض الاماني ليس في مناصرة فريق لا خر ولكن لكي أخرج من تناقض الآخر والانا وها نحن نحاول
كنا معنا والتجارب العظمية قلة في عالم اليوم عسي أن يفتح الله لنا بالجديد العبقري الذي يصب في مصلحة البلاد والعباد

Ey

Quote: أقيم لآرائهم وزنًا، لأنه أشتر وطاشّي شبكة عديل.

محمد صادق
لا أقيم لك وزنا لانك اشتر وطاشى شبكة ..
كنت ساعلق على ما قاله دكتور حيدر ولم تجد ما تعلق
عليه لأنه كلام مطلق على عواهنه لم يستند
ولو لجملة واحدة يتيمة مما قال إنه يرد عليه

Quote: كان المنبر منارةً رائدة وقوية >>> صفحة مبتذلة في سهَلَة الفيسبوك يرتادها الباحثون عن التحليل السياسي الرصين، والأخبار الموثوقة >>> يستغلُّها أذناب الجنجويد بسذاجة

قلنا الكلام ده هنا قبل كدة قالوا لينا اقعوا البحر لا وبل هددوا سيد الحوش بأن اي مساس بيهم سيطيح من قيمة هذا المنبر
ولن يكون هنالك رواد، الجنجويد ما بحاربوا الفلول بل بيحاربوا الشعب السوداني كلو،
تحياتنا يا دكتور

سلام يا زملاء
هل ما يطرح في المنبر يعكس ما يحدث الان في أرض الواقع ام لا؟

ول أبا حافظ
سلام ..

Quote: ففي الميديا، وسودانيزاونلاين ليست استثناء، ووصف أحدهم بأنه جنجويدي او مساند للجنجويد لا يعرضه لأي مضايقات او تنمر بينما الحال ليس كذلك لكل من يقف ضد الجنجويد.

قلت شنو يا ول أبا حافظ؟ هل أنت بجدك؟ .. أرجع وأقرأ أراء صاحب البوست خليك من أي واحد أخر، أقرأ عن "الروتا" .. وفي مكان أخر "الكوتا" اليومية .. شوف ما حصل للباشمهندس أبو الريش!! رجل تحرمه مهما تختلف معه.

تانى لو كتبت مثل هذا الرأي، ول أبا محمد صديق بوستيه عينه ما تشيف إلا النور .. نغرقه له تب بالأسفاف من المسففين ..

--------------------
فازع يوتيوب أجيب ليكم خبر تخرج دفعة المدفعية في الدعم السريع ..

بريمة

معقولة. ياحافظ ؟
انا هنا اتحدث. عن مبدا. التصنيف العشوائي. -والترصدي - والكاذب غض النظر. تبعاته وحجم تاثيره
فمن يطلق. هذا التصنيف. غرضه الاساء وتشويه السمعة والكذب الضار
هل نجح. في مقصده ام فشل. هذا. موضوع اخر !
واايضا من يطلق التنصيف يستغل كراهية الشعب. - المحقة - ضد القتلة ومن ينهب ويسلب ويحتل. دور المواطنيين
نعم يستغل كراهية الشعب لمن قاتل بالعمالة باليمن ومن قتله شبابه امام القيادة ومن ارتكب المجازر بغرب السودان
ومع علمه بكل موبقات الجنحويد. يدمع. زورا وبهتانا وكذبا الاخر بالنهر جنحويدي

انا شخصيا رفضت وارفض تصنيف الوطنين والثوار. الذين قضًو حياتهم في مصارعة الكيزان مواجهة البرهان - بانهم كيزان. واعتبره. اهانة وتشويه سمعة
ولا ابرره
كما ارفض الاساءة. لمن قضي عمره في مواجهة الجنحويد ولايزال. بانه جنجويدي

يجب التعامل المبدئي والمتسق ووحدة المعيار تجاه هذا

سلام اخي العزيز كمال عباس
ما فهمت شنو المعقولة او اللا معقولة.
أتفق معك في رفض التصنيف العشوائي الغير مبني على أدلة وذلك بغض النظر عن إتجاه التصنيف وأعتبره نوع من الإساءة
ولكن هذا ليس موضوع مداخلتي السابقة ولا أظن أنه موضوع البوست.
أنا أتحدث عن وصف لحالة عامة وسائدة في الوسائط بما فيها سودانيزاونلاين.
وهذه الحالة بها خلل كما اردت أنا تبينه وهي ليست بالحالة المثالية بالتأكيد،
كما أنها ليس بالضرورة أن تكون منطبقة على الكل.
وليس بالضرورة أن تكون مبنية على منطق وليس بالضرورة أن تكون متسقة.
كون أنك تصنف الوصف بالجنجويدي كإساءة وكوني أتفق معك في ذلك ليس بالضرورة أن يفسر حمولة الكلمة في مجمل المجتمع،
فلا أنا ولا أنت نمثل مجتمع الوسائط.
كما أنه لا ينفي أن هنالك جهد كبير قد بُذل في تخفيف حمولة الكلمة.

مداخلتي السابقة تتحدث عن وصف للبيئة التي توفرها الوسائط لمساحات الرأي مع او ضد الجنجويد.
هذه البيئة يشارك في فيها سلوكي وسلوكك الحواري ولكنننا فقط مشاركين وإنما يشكل هذه البئة الجمع الكبير الذي نحن نجزء صغير جداً منه.

سلام وتحية أخي العزيز محمد صديق

طبعا ما تفضلت أنت بذكره حول التدني الحادث في المنبر لا يتناطح حولها عنزان...

أما الجانب المحزن هو استخدام التصنيفات الحزبية المجانية لمن يخالفك الرأي ، كنوع من "التنمر الناعم"شكلا، و الخبيث معنى وجوهر..

وتلك لعمري صفة فاشية في المجتمع -لذلك لا استغرب... وهي بالإضافة لخبث مقصدها فهي تمثل جانب من الكسل الذهني لدى الشخصية السودانية التي

تطيق التحليل و النفس الطويل للبحث لذلك تجدنا نكتفي باطلاق "الوصف" او " الرمز" للشخصيات أو السلوك بدلا من إرهاق الذهن بالبحث فيما وراء ذلك..

والشواهد كثيرة على ما أقول ..فيكفي أن أصف مجهود كاتب يخالفني في الرأي بأنه كوز أو عروبي أو شيوعي الخ..المشكلة هذه الظاهرة لا يختلف فيها المتعلم من

الجاهل إلا من رحم ربي..

تحياتي

صباح الخير

Quote: أذكّركم بما كتبته عن استغلال القحاطة الإعلام خلال عهدهم المشؤوم للترويج لخطرفاتهم:

يا عزيزي إذا كان هم يشترون الاعلام ( حسب زعمك) ليقينهم باهميته
في مثل هكذا حروب
أنتم تشترون عداوة الناس المحايدين وغير المحايدين ولذلك يتجنبونكم ويسفهونكم
ان كنتم على حق أو باطل (بيدكم لا بيد عمرو أو القحاطي) ..
.........
بالمناسبة
كثير من الذين اتجهوا للالحاد لأن الخطاب الديني غالبا يأتي فظا وغليظا
مهددا متوعدا متوحشا متعطشا للدماء ..
للأسف المسلمين لم يقدموا دين الإسلام السمح بطريقة تحبب الآخرين
به فالمنابر والمنتديات الدينية تحتشد بالسبابين الشتامين المتوعدين
المهددين المتكبرين العنصريين .
يجب أن يقدم المسلمين الدين الاسلامي كما قدمه الرسول صلى الله
عليه وسلم لا كما قدمه فقه التراث وكتب ما يسمى بالعلماء والشيوخ
بداية من العهد الأموى ومرورا بالعباسي إلى يومنا هذا .

Quote: شوف ما حصل للباشمهندس أبو الريش!!

أبوالريش حصلو شنو يا هندسـة؟ كفى الله الشر
ما أذكره ان محمد صديق ترك الموضوع وقبل على شخصيا وناولنى شوية عبارات.. نفضت منهم الغبار ولفيتهم فى ورق نظيف ورجعتهم ليه.. ولو رسلهم تانى سأعمل
نفس الشئ.. لقيت دى الطريقة الوحيدة التى تعيد مفارقى الموضوعية واللجوء الى التنمر وأسقتصاد الشخص وترك النوضوع المطروح.. تعيدهم الى جادة الطريق.
سمعت الرهيفة التتقد؟ بس دى.. وكما تدين تدان. ما حصل ليه أى شئ ابوالريش.
نحن السودانيين لسة بدرى علينا.. حرية الفكر هذه لا نفهمها لأنها فى قاموسنا مافيشة أصلاً.. انت لازم تكون عضو حزب تطبل ليه.. لا يفهمون غير كدا.. الفهم
يجيبوه من وين لمفاهيم الفكر الحر.. ما يعرفوه ولا يصدقوه.. بس انت خالفهم وقول الحقائق المجردة.. طوالى يلصقوك فى واحد من الأحزاب.. وما دام لا يفهمون لغة
العقل والمنطق نكلمهم باللغة التى يفهمونها..

تحياتى

Quote: انا شخصيا رفضت وارفض تصنيف الوطنين والثوار. الذين قضًو حياتهم في مصارعة الكيزان مواجهة البرهان - بانهم كيزان. واعتبره. اهانة وتشويه سمعة ولا ابرره كما ارفض الاساءة. لمن قضي عمره في مواجهة الجنحويد ولايزال. بانه جنجويدي يجب التعامل المبدئي والمتسق ووحدة المعيار تجاه هذا

دها كلام مثالي أكتر من اللازم، يا كمال.

هناك فرق بين أن تصف زول بأنه كوز بمعني الانتماء التنظيمي، ووصفه بالكوز لأنه واقف مع جيش بلده ضد من قتل أهله وشرّدهم ويريد أن يحكم بالقوة ليستبدل ظلمًا بظلم، وهذا الفرق يُفهم من السياق.

يعني أنا مثلاً لما أقول لبشاشا يا ضنب الجنجويد، فأكيد أنا لا أعني أنه جنحويدي يحمل السلاح وينتمي إلى الدعم السريع تنظيميًا. صحيح أنه نافح الجنجويد سنين عددًا عندما كانت الضحية" أهل الهامش" أو الزرقة كما يقول، ولكنه غيَّر الشريحة عادي زي الزبادي عندما تغيَّرت الضحية الآن وهم الجلابة، وتحوّل الجنجويد بين عشية وضحاها في نظره إلى أصحاب حق وقضية. زي ده لو وصفته بأنه جنجويدي بتكون أكرمته ورفعت من شأنه، لأنه في الحقيقة هو سابق الجنجويدي بفراسخ في السوء. وكذلك الحال مع السيئين من القحاطة.

عندك برضو مثال أبو الريش. يجي يقول أنا إسلامي بصريح العبارة ساي كده سلفقة. ويا ريت لو من كلامه الواحد ممكن يفهم منه أنه قاصد أنه أنا كوز لأني بناصر "جيش الكيزان"، لا ده جازم تمامًا أني كوز وغليد كمان. ولما ردّيت ليهو التوصيف بأنه ضنب جنجويد قعد يتشكّى ويتبكّى.

Quote: يا عزيزي إذا كان هم يشترون الاعلام ( حسب زعمك) ليقينهم باهميته في مثل هكذا حروب أنتم تشترون عداوة الناس المحايدين وغير المحايدين ولذلك يتجنبونكم ويسفهونكم ان كنتم على حق أو باطل (بيدكم لا بيد عمرو أو القحاطي) .. ......... بالمناسبة كثير من الذين اتجهوا للالحاد لأن الخطاب الديني غالبا يأتي فظا وغليظا مهددا متوعدا متوحشا متعطشا للدماء .. للأسف المسلمين لم يقدموا دين الإسلام السمح بطريقة تحبب الآخرين به فالمنابر والمنتديات الدينية تحتشد بالسبابين الشتامين المتوعدين المهددين المتكبرين العنصريين . يجب أن يقدم المسلمين الدين الاسلامي كما قدمه الرسول صلى الله عليه وسلم لا كما قدمه فقه التراث وكتب ما يسمى بالعلماء والشيوخ بداية من العهد الأموى ومرورا بالعباسي إلى يومنا هذا .

يا طلحة، يا هو ده الأسلوب اللي غطَّس حجر القحاطة.

أيّ زول يعادي القحاطة لازم يدمغوه بالكوزنة.

القحاطة ما صحوا حتى الآن للحقيقة المُرَّة وهي أنهم فاقوا الكيزان سوءًا في نظر الشعب.

كتير من البسطاء الآن يبكون دمًا على حكم الكيزان، لأنهم جرَّبوا جربندية القحاطة وخيانتهم.

القحاطي لسه فاكر أنه لم يصف زول سلفقة ساي بأنه كوز حا يكون انتهى منه.

أنا شخصيًا في نظري الكوز ملاك مقارنة بالقحاطي. على الأقل الكوز الصحي صحي ممكن يموت عادي في سبيل فكرته. القحاطي إلا يموت خانقاهو حتَّة لحمة ولا في حادث ركشة.

من الاخر كده، عزبزي القارئ:
حامل لواء كتائب البراء هذا، كمان ابشع من اي كوز، لانو جهوي نازي ابارثيدي للطيش او دي مشكلتو الاساسية، والجنجويد بتاعنو في وعيو بمثلو "الغرابة" اي "المهدية الثانية" كما متداول علنا في المنبر ده!!!

ده، هو منطلق اي حرف يجي مارق من خشم الابارثيدي ده!!

نعم هو عايز المنبر يتحول الي بوغ اعلامي لكتائب البراء، كما قنوات الممصر العميل عمسيب مثلا او الانصرافي، والسلام، البطالبو بضم الشمال للخديوية، السفرجية والبوابين ديل الخرمو، اشتهو، طولو من خدمة "البيه"، من فرط الادمان!!

والا مفروض الكل يقيف علي مسافة واحدة من مليشيات نظام الفسقة، لو مليشيا جنجويد اماراتية او مليشيا مخابرات مليشيا الخديوية!!

لافرق!!

لا للحرب بالوكالة!
الجنجويد ومايسمي ديش ينحل!!

بس طلّعوا لي إدانة واحدة من بشبوشي الدنقلاوي التايواني للجنجويد من ما بدأت الحرب دي؟

يدينهم كيف والضحية الجلابة؟

بشبوشي مشكلة حياته هي الجلابة ومستعربي السودان تحديدًا، وكراهيته ليهم مرضية.

أي زول بيحرّك مستنقع العنصرية بمنشورات تأججها متلفحًا دثار الإصلاح الاجتماعي ده زول غير جدير بالاحترام وأكيد هو تارك نفسه ضحية لرواسب قديمة وبينتقم من مجتمعه من وراء كيبورده.

بلاحظوا بشبوشي بيقول بتركيز شديد وبيكرّرها عشرمائة مرة أنه جلابي وهنا زايد عليها كمان أنه شاهد ملك، وهو في قرارة نفسه عارف أنه ما محسوب جلابي في دنقلا العجوز. قرقرقرقر.

أمشي شم ليك قدحة يا ضنب الجنجويد يا رخييييس!

Quote: يدينهم كيف والضحية الجلابة؟

عيييييييييييبيييك!!!
اهو قدامكم العمسيبي، الانصرافي، جاب ضقلو يلولح!!

نعم اهو اعترف علنا كتابة انو هو فاهم الحاصل ده، كصراع بقاء أو فناء مابين الجلابة و "الغرابة" زي ماقنا، ولهذا ومن منطلق جهوي صرف هو الآن بصرخ ضد ذات جنجويدو اداة محارق الابادة ل"الغرابة" لما قلبو عليهو زي ماهو فاهم!!!

لهذا العمر ده كلو ابادة الملايين بواسطة ذات جنجويدو ماحرك فيهو شعرة، وهذا طبيعي منطقي، من عمسيبي، الان علنا بدعو بضم الشمال للخديوية عديل كده لانو طول من الاستمتاع بخدمة "بهوات" احفاد الغزاة، كحال اي "هاوس نقا" الكانو اي الارناؤوط مخدمي علي كرتي، كافراد بياكلو عيش بالقبض علي امثال هذا الابارثيدي في شندي في مروي في دنقلا، عبري، حلفا، لبيعم بألاقة أو الكيلو!!!

نعم علنا العمسيبي ده، بيعترف كيف زي كلامنا ده، حتي من جلابي، دعك من "الزرقة" هو عداء للجلابة تخيلو، نعم تاملو طريقة تفكير هذا المخلوق البدلق في الجواهو من دون ماينتبه!!!

عيييييييييييبيييك!!!

وقع ليكم كلامنا؟؟

شفتو كيف اتبرع بالدليل؟

يامريض، دعك من الجلابي بشاشا:

حتي "الزرقة" اصل الحضارة، امهات اباء البشرية، نعم ضحايا قهرك عبر السنين بالوكالة ماعندهم الي اليوم عداء ومن منطلق جهوي اثني لامثالك اطلاقا، اشهد بهذا كجلابي، كابلغ تنزيل تجسيد لارثنا الحضاري، ايها العار السبة، رغم انف سنين القهر من بعد الاستعباد، بالوكالة لهم ياقن ال العباس، بواب احفاد الغزاة!!
عوووع!!

Quote: يعني أنا مثلاً لما أقول لبشاشا يا ضنب الجنجويد، فأكيد أنا لا أعني أنه جنحويدي يحمل السلاح وينتمي إلى الدعم السريع تنظيميًا. صحيح أنه نافح الجنجويد سنين عددًا عندما كانت الضحية" أهل الهامش" أو الزرقة كما يقول، ولكنه غيَّر الشريحة عادي زي الزبادي عندما تغيَّرت الضحية الآن وهم الجلابة

عوووووووووووووووك!!!

اهو اعتراف تاني، علنا، كتابة، من دون مايعي او يقصد، كيف "العمسيبي" ده، "الانصرافي" حامل لواء ارهابي البراء، ما اشتغل خالص، خالص، بالكانو بسوو جنجويدو هو العمر ده كلو، اداة محارق الابادة ل"الزرقة"، اما الان فهو مرعوب!!

شفتو الاعتراف هنا، علنا كيف؟

طيب مرعوب ليه الان؟

"مهدية تانية"!

نعم "الغرابة" اي جنجويدو هو، قلبو عليهو بي فهمو للحاصل!!

نعم بي براءة بمارس اسقاط لي فهمو هو طريقة تفكيرو هو علي حيطة بشاشا القصيرة!!

قال بشاشا "التايواني" لاحظو، الما جلابي اصلي، قال كان "بنافح الجنجويد" لما الضحايا كانو "غرابة" لاحظو، الاقرب لي "التايواني" بشاشا وليس هو!!

اما الان فقال بشاشا "غير الشريحة" لما جنجويد الجلابة قلب علي مخدميهم صانعيهم الجلابة!!

شفتو الاسقاط هنا كيف، وباريحية، وبمنتهي البراءة لي طريقة تفكيرو هو كابارثيدي؟

Quote: أيّ زول يعادي القحاطة لازم يدمغوه بالكوزنة.

تماما زي ما أي زول يعادي الكيزان يدمغوه
بالقحتنة .. لا فرق يا عزيزي لو فلفلنا موضوع البوست
دا ذاااتو بنلقاه يدمغ من يعادى الكيزان بالقحتنة عمدا أو جهلا
الشاهد وثابت حتى لو أنكر الجميع أنه ومنذ سقوط النظام المباد
أصبح هناك طرفان لا ثالث لهما ..
كيزان وقحاتة
بوعى أو بدونه

الجيل الجديد

Quote: العمسيبي، الانصرافي ..جاب ضقلو.. يلولح ..الجلابة... "الغرابة" ..جنجويدو ..مهدية تانية" "التايواني" الما جلابي ل "التايواني" .. الشريحة" الجلابة.. مخدميهم. الاسقاط.. ةابارثيدي عيييييييييييبيييك!!! عمسيبي ...الخديوية "بهوات" احفاد الغزاة "هاوس نقا" الارناؤط... علي كرتي...الابارثيدي في:- شندي في مروي في دنقلا، عبري، حلفا... ةبألاقة أو الكيلو!! واخيرا قرقرقرقرقر

احمد ياسين خير افصح!!

يا هو ده التنسيق الإعلامي اللي قلناهو ليكم.

ما في زول يفتكر دخول بشاشا وأي قحاطي هنا صدفة. القحاطي والجنجويدي في سرج واحد.

بشبوشي على سبيل المثال كما هو متوقع رسّلوا ليهو في الخاص استدعوهو يجي يغّرق البوست بمحفوظاته دي.

عشان كده هو حتى جنجويدي ما تامّيها. هو مجرد ضنيب جنجويد و"تِرِس" على قول مولانا حافظ. وعلى فكرة، أنا زمان استعملت كلمة "زمبلك" يملوهو في الخاص ويفكّوهو في نواحي الإنترنت يشتت محفوظاته دي ولما الملْيَة تخلص، يرجع يشحنوهو ويجي داقش تاني.

طبعًا بشبوشي ما عنده ليهم غير محفوظاته دي يجي يكّبها ويسجّل في دفتر الحضور.

هم اتنين في المنبر
ليهم لغة خاصة
الاول:
كمال الشهير ب .... بشاشا لا يخرج عن النص الموازي لقناعاته و تاريخه وفلسفته .. مطلقا
مع ان الانسان ممكن احيانا (يخرج عن النص) او عن مبدأ معين لو حتى فكرة
لكن هذا البشاشا لا يتزحزح... اتجاه واحد .. قدر ما راجعت عديد المداخلات عشان امسك عليه شىء....يستحيل
الثاني:
دا احسن نخلي شوية

Quote: العمسيبي، الانصرافي

بشاشا لف البوست في كلمتين واداك ليهو في فتيل يا محمد صديق :)


...
مناكفة ليس الا
اوعو تعتبروها حملة منظمة :)

أخونا حمد ياسين
بشاشا هو بشاشا
ليس بجنجويدي ولم يكن كذلك أبدا
بشاشا وقف ضد الجنجويد أيام مجازر دارفور ـ القتل والنهب والسلب والإغتصاب والتشريد والحرق ـ وقف ضد إيدلوجيا عرب وزرقة
وقف ضدهم ـ في وقت صمت فيه البعض علي تلك الممارسات ـ بررها أو حتي أيدها -
نعم قد إكتشف البعض هذه الفظائع في الحرب الجارية ـ علما أنه لهذه الممارسات تمت برمجة وصناعة الجنجويد والفرق الجوهري أن الكيزان وقيادة
الجيش كانو شركاء في تلك المجازر واليوم هم علي نقيض مع الجنجويد
.. فشنو البخلي باشاشا يرفض مجازر دارفور ويؤيد فظائع الجنجويد في الخرطوم؟
لا شي ـ بشاشا ليس مع الجنجويد سابقا أوحاضرا
ولكنه في إعتقادي ضد التعميم والتجريم العرقي والجهوي الذي طال كل الغرابة بما فيهم
ضحايا الجنجويد ـ من زغاوة ومساليت وفور
ـ

وطبعا الجنجويد كارثتهم إنهم فتحو جبهة قتال ضد الشعب والأبرياء والعزل والمدنين ـ وليس فقط صراع عسكري ضد الجيش والمسلحيين والكيزان
..........

Quote: ليس بجنجويدي ولم يكن كذلك أبدا بشاشا وقف ضد الجنجويد أيام مجازر دارفور ـ القتل والنهب والسلب والإغتصاب والتشريد والحرق ـ وقف ضد إيدلوجيا عرب وزرقة وقف ضدهم ـ في وقت صمت فيه البعض علي تلك الممارسات ـ بررها أو حتي أيدها - نعم قد إكتشف البعض هذه الفظائع في الحرب الجارية ـ علما أنه لهذه الممارسات تمت برمجة وصناعة الجنجويد والفرق الجوهري أن الكيزان وقيادة الجيش كانو شركاء في تلك المجازر واليوم هم علي نقيض مع الجنجويد .. فشنو البخلي باشاشا يرفض مجازر دارفور ويؤيد فظائع الجنجويد في الخرطوم؟ لا شي ـ بشاشا ليس مع الجنجويد سابقا أوحاضرا ولكنه في إعتقادي ضد التعميم والتجريم العرقي والجهوي الذي طال كل الغرابة بما فيهم ضحايا الجنجويد ـ من زغاوة ومساليت وفور

يا كمال عباس، بشبوشي ضنيب جنجويد. حتى جنجويدي ما تامّيها.

عشان بس يثبت أنه ما جنجويدي شوف تعليقه الخجول ده. ربنا ما فتح عليهو غير يقول الشعار ده من ما بدأت الحرب:

Quote: لا للحرب بالوكالة! الجنجويد ومايسمي ديش ينحل!!

بشاشا ده بيعفّن في قبره بعد ساعة واحدة بس، لأنه حا ينزلوهو جاهز من زفارة لسانه وسوء طويته.

Quote: بشاشا لف البوست في كلمتين واداك ليهو في فتيل يا محمد صديق :) ... مناكفة ليس الا اوعو تعتبروها حملة منظمة :)

يا مشرّّف، زولك ده قبل كده لفَّاها لي في كلمتين: "يساري" و"برائي"، وفي الاتنين طاشي شبكة. أظنه بعد ما لكزوهو وقالوا ليهو أصحى يا بريش الزول ده ما عنده أيّ علاقة باليسار، شاف أقرب حاجة أنه يكوزنّي.

غايتو أنا لما أصحي اصباح أول حاجة بحمد الله أنه أحياني بعد ما أماتني، وأنه حفظني من أن أكون قحاطيًا وضنيبًا للجنجويد.

مساء الخير
محمد صديق
ما قخاتي يعنى كوز
وهذا أسوأ ما يمكن أن يكونه انسان
حاول شوف ليك مخارجة يا أخوي العزيز

سلام. اخونا. طلحة عبد الله
الحكاية. او بقت الاتهام. بالانتماء. لقحت تبقي. هينة
القضية. بقت اخطر من كدة اتهام. بالانتماء للجنحويد بالدرب العديل
مع. انو المتهمين ديل هم ضد الجنحويد. طيلة حياتهم والان هم علي المستوي الشخصي متضررين منهم

وانا. شخصيا. بحترم واتفهم. موقف. ماكان. ضد الجنحويد. وممارساتهم منذ مجازر دارفور وما بعدها وهم. الان ضدها ايضا ويعتقدون ان. التصدي. للجنجويد هو الاولوية وياتي بعدها الدور علي الكيزان وقيادة الجيش. الكسبحة
موقف هولاء. متسق. مع تاريخهم. ومبدئي وان اختلفنا. في الاولويات والتي. في راي التصدي. لكافة. اضلاع. مثلث الدمار. /كيزان وبرهان وجنجويد - اي الجنحويد. ومن صنعهم ومن قواهم

احترم مواقف هولاء. واقدرها. فهم قوي وطنية وثورية وقفنا معا ضد الانقاذ والجنحويد وجنرالات الجيش ايام دارفور واحداث مجزرة القيادة

وبالتالي. هم يختلفون. جوهريا ونوعيا
عن الكيزان. وعن من صمت او ايد او برر. لمجازر دارفور او حتي نجد الجنحويد وقتها
لن. اصنف. واو اصف هولاء الوطنيين والثوريين بالكوزنة او تاييد. قتلة الثوار. برهان وحميدتي ومشاركي الجنحويد في مخازيهم السابقة

ديل ناسي. وان اختلفنا في التقديرات

اما. من ايد الجنحويد او راهن عليهم لاي اعتبار. -فهم. خارج حسابتنا. وخارج وجدان شعبنا

يا طلحة معليش ما عندك موضوع.

الواحد بجي المنبر ده عشان يرفع مستواه في فنيّات الحوار، وما أظن أنا حا أستفيد حاجة منك، لأنه فاقد الشيء لا يعطيه.

أهلنا قالوا الواقع بوقّع، وأنا لو ناقشتك بهبط الليق.

يا جنجا وقحاته اخش اتلكم
ولا تقوا واي

اخونا كمال عباس
لك التحية
من وجهة نظر شخصية انت محلل سياسي او كنت معد في غرفة الاخبار
انت لو ما صحفي او معلق ومحلل سياسي ... حيكون الامر غريب

Quote: فشنو البخلي باشاشا يرفض مجازر دارفور ويؤيد فظائع الجنجويد في الخرطوم؟

اعتقد هذا السؤال الجوهري محتاج اجابة واضحة من بشاشا..
صراحة سؤال في محله
زنرجو ان يجيب بشاشا بدون .. مهمشين ... باشوات .. ارتاؤوط
.. شركس... بوابين ... زرقة ..جلابة .و بالطبع امون

السؤال ده سألناهو كم مرة وجاوبنا عليهو، يا أحمد ياسين.

الإجابة هي أنه الضحية اختلفت رغم أنه الأداة واحدة.

في دارفور الضحية الزرقة، وفي الخرطوم الضحية هم الجلابة. الأداة في درافور في نظر بشبوشي قتلة مجرمين. أما في الخرطوم، فهم أصحاب حق وقضية.

بشبوشي بيقول الجلابة سكتوا زمان على أفعال الجنجويد لما كانوا أداة في يدّهم، وهو الآن ساكت لأنه الجنجويد فرزوا عيشتهم وقلبوا على الجلابة.

لو بشبوشي زول مواقف صحي كان أدان أفعال الجنجويد بغض النظر عن الضحية وما يربط إدانته بأنه الجلابة زمان سكتوا. هسي لو الهواء قلب على الجنجويد بتشوف العوعاي.

يعني انت متوقع يا محمد صديق... اجابته:

Quote: الإجابة هي أنه الضحية اختلفت رغم أنه الأداة واحدة

حتكون نفس الاجابة؟

هو ما بجاوب على السؤال ده وبيقعد يلف ويدوّر لأنه ببساطة ما عنده إجابة.

الإجابة دي تفسيري أنا لتناقضاته.

ده زول طارح نفسه على أنه زول مبادئ ونصير المظلومين وهو أكتر زول متناقض وانتقائي والمبادئ بتاعته غير متسقة. الجريمة هي جريمة مهما كان مرتكبها ومهما كانت الضحية وإدانتها ما مفروض تكون مشروطة بأيّ شيء.

بطريقة تانية، هو المفروض ما يرتكب نفس الخطأ اللي هو ماسكه على الناس وهو السكوت على الجريمة ومرتكبها.

لو الجلابة صحي "غلطوا" زمان وسكتوا على ظلم الزرقة على يد الجنجويد، المفروض هو ما يقع في نفس الخطأ بوصفه زول مبادئ ونصير المظلومين مهما كانوا، وطوالي يدين تعرُّض الجلابة للقتل و"بنفس القوة". لكن نعمل شنو مع طريقة الكيل بعشرة مكاييل دي؟

صباح الخير
وانت يا اللخو محمد صديق موضوعك شنو هنا
في المنبر دا ؟؟
ياهو الشتم والسخرية ورمي الاتهامات وتوزيع
التصنيفات يمين يسار ولو زنقوك أو شالوا بضاعتك
دي رجعوها محل ما مرقت منو تبدأ تقيم في الناس
دا عندو موضوع وداك ما عندو موضوع داك كويس
وداك كعب دا دوم وداك حلاوة لكوم
أنت لشنو عايز الناس يبادلوك الهتر والتراشق
اللفظي القاعد تعمل فيهو دا ؟؟؟
طبعا اكيد عارف انو الأسلوب دا أسهل منو ما في
وفي ناس بارعين فيهو جدا ممكن يكرهوك المنبر دا
إلى أن تفك البيرق أو تعمل أية حركة كدا واللا كدا
قال ما عندك موضوع وجيت عشان استفيد قال خخخخخ
طيب لشنو انت عايز تشيل وما تدي ؟؟
أفد أول وبعدين طالب بالاستفادة
ما ممكن تجي تورجغ على كيفك وتوزع الاتهامات والتصنيفات
ولما يبادلوك بالمثل ترفع قرن ؟
كدا غلط
حاول اتسق
او
انبشق
خخخخخخخخ

أخوكم محمد صديق دا جواهو نرجسي صغير مركب مكنة من لا ياتيه
الباطل من خلفه أو جنبه من باب أنا أعلمكم وما باقي
ليهو إلا يقول يوحي الي خخخخخخخخخخ
يفتح بوست يملأه تنميط وتصنيف وسخرية ويشيل
ويأتى بالخلق الذي ينهي عنه وما عايز أي زول يقول
ليهو عار عليك اذا فعلت عظيم خخخخخخخ
هيااااااااا اللخو دا منبر رأي ورأي آخر ما مدرسة
فيها ناظر وتلاميذ .. تصنف يصنفوك، تشتم يشتموك
تسخر يسخروا منك، تعمل فيها اعلم الناس تلقى ليك
عالم فوقك .. فااااااااااااشنو
حاول أتخلص من الاستاذية الراكباك دي عشان ما
يرجعوك سنة أولى روضة
...........
الكيزان مخلوقات بلا قيم ولا مبادىء ولا انسانية ولا أخلاق
وفوق كل ذلك أراذل جبناء يعانون مركب نقص يحاولون التعويض
بالاساءات والارهاب الفكري خخخخخخخخخخ

يا طلحة، المنبر ده فيهو ناس كتار بتناقش معاهم وبختلف معاهم في الرأي بكل احترام.
لكن اللي بيجي يهابش زيّك كده، بناوله على رأسه طوالي.

أما حكاية أنه واحد يجي يكرّهني المنبر زي ما بتقول، فهذا بيدل على إنك ما متابع.

في منو أسوأ وأليق من بشبوشي هنا؟ ياهو ده بيقول جوّة نفسه مصيبة شنو اللي وقّعتني في العكليتة ده؟ وأنا قاعد ومتسنتِر ليهو هنا مهما طالت الرحلة. وخلّي في بالك أنا كتير من تعليقاتي بكتبها وأنا في المواصلات ذهابًا أو إيابًا من الشغل. يعني بتسلّى بالرد على أمثالك وما بضيّع وقت مهم عشانهم.

كان في واحد متنمّر زيّ بشبوشي ده اسمه حاتم إبراهيم عامل فيها شيخ المتنمّرين في المنبر، ربّنا وقّعوا في طريقي كِره اليوم اللي قعد يهابش فيهو زيّك كده وعرد كله كله من المنبر.

فنصيحة مني ليك، أحسن تجمع نفسك وتحسّن طريقتك، لأنك إنت اللي حا تكره اليوم اللي جابك هنا.

أما حكاية تقييم الأعضاء، فأنا فعلاً عندي تقييم خاص للأعضاء، وإنت خارج التصنيف لأنه ما شفت ليك مشاركات عميقة عليها القيمة. ياهم السطرين الفارغين اللي بتجي تكشحهم كل شوية ديل وتنصرف إلى حال سبيلك.

خد عندك بشبوشي ده. 20 سنة في المنبر ده ولسه ما بيفرّق بين حرفي العطف "و" و"أو"، وإنجليزيته إنجليزية "امبسلين سيجنال تو" على الرغم من أنه خريج "كلية غردون التذكارية" ومقيم ليهو عشرمائة سنة في مجتمع ناطق بالإنجليزية. أما من ناحبة المنطق وترتيب الأفكار وسلاسة عرضها، فيخربه منها. ياها طريقته بالكربون ما فيها اي تطور.

Quote: فشنو البخلي باشاشا يرفض مجازر دارفور ويؤيد فظائع الجنجويد في الخرطوم؟

ابو الكيم تحياتي، وخالص الشكر.
عزيزي القاري:
مرة اخري دي فرصة نادرة لتتامل معنا نموذج عقلية هذا "العمسيبي" نعم الديك، او تور محمد صديق هذا، اللي عقدة حياتو هو زي كلامنا ده عن "الوعي الجلابي" مش الجلابة اي سكان الشمال، جغرافيا، وهذا زي ماقنا فال خير!!

نعم من تجربتنا الطويلة جدا في مجال تشخيص، تشريح، تحليل "الوعي الجلابي" اداة دمارنا، كجلابي لي روحي، بنعرف انو اللخو ده علي وشك انو "يصحي" لانو واعي "في اللاشعور" بالبسوي فيهو كجلابي، ولكن ماقدر يصل لي حل، بينو او بين نفسو بعيد من الاخرين، ولذا هو اكتر جلابي بتعقد، شغل احساس غريزي ب"الذنب" ما بلغ مستوي "الشعور" متي ما جا ذكر نموذج عقلية الجلابي في المنبر ده، او علي كده اليا، وميكانيكيا ومن دون تفكير بلجأ للتبرير، لتمرير بغرض التستر لهكذا طريقة تفكير، لانو زي كلامنا ده بكون اصابو في المفصل، او عشان كده بتعقد!!

كرد لما نفحمو، فطوالي بلجأ لي فرمالة الارهاب الفكري، الاصلا مصممة لاخضاع/لارهاب/لاسكات، ضحايا قهرو، اي "الزرقة" اي غير الشماليين.

ولهذا مضحك حد الثمالة، لما هو شغل افلاس او Desperatness يستخدم ذات الخطاب بتاع "غرابي حاقد" في مواجهة جلابي زيو!!

نعم انتا ماممكن تلبس السرول كعراقي، مش؟!!

باختصار دي مشكلة هذا المخلوق والمحرك الاساسي لي كل شولة من قلمو في هذا الفضاء.

ننتقل كمثال لنتناول كلامو اعلاه، البعد الاخر في عقليتو الجلابية هذه، نعم كيف بشاشا بدعو لابادة ذات اهل بيتو، تخيلو، نعم جلابتو، فقط لانو بشاشا تجرأ واشار للبغلة الفي الابريق، اي نموذج عقلية الجلابي، من باب تحليل سر/سبب بلاوينا عشان نصل لي حل!

انتا لايمكن كطبيب تعالج مريض اذا لم تتوفق في التشخيص لي حالتو المرضية، عشان تعرف العاليهو شنو، والا لايمكن تصل لي حل اطلاقا اي علاج للحالة المرضية دي!!

بناءا علي اعلاه، لما تحاول تشيل "عينة" دم من دم المريض كطبيب، بغرض التحليل، وهذا مؤلم للبعض حد الرعب، فهل هذه جريمة محاولة قتل، للمريض مثلا؟

قطعا لا!!

كل ماهناك انو اللخو ده بحاول يسكت بشاشا، لانو افحمناه، نعم فضحناه، نعم عريناهو تماما، ولهذا من الرعب هو بلجأ لي خطاب كهذا، شغل افلاس لانو ماعارف يقول شنو علي كلامنا ده، كرد!!!

نجي للنقطة المهمة المفصلية في الكلام ده، اي الحاصل بالضبط شنو الان في بلدنا، في السودان وفقا لطريقة تفكير هذا المخلوق:

هل الفتنة الحالية دي، الاشعلوها اذلام القتلة الفسقة الفسدة، مخدمي محمد صديق، بغرض استعادة كراسي السلطة الفقدوها كنتيجة لي ثورتنا الاسطورية بمعني المفردة، هي حرب "غرابة" في مواجهة جلابة، زي ما اللاخو ده فاهم، كما كل نازية الجلابة، ناس "كيان الشمال"، "دولة النهر" ودعاة اهداء الشمال لاحفاد الغزاة؟

قطعا لا!!!

ولكن ده، هو العدسات الجلابية، الابارثيدية اللاصقة!!

اللي لو كانت حمرا، فهو حيشوفو كل شئ احمر وهكذا!!

اذلام نظام القتلة كما حذرنا، نبهنا في المنبر ده منذ 2013:
عاااااجل: النظام يحاول بلا امل تشغيل كومر الجهوية العمرو، بالمنفلة!عاااااجل: النظام يحاول بلا امل تشغيل كومر الجهوية العمرو، بالمنفلة!
اشعال الفتنة الجهوية هي فرمالتو الوحيدة اللتي لا يملك غيرا اطلاقا!!

ولهذا هم البغذو/بتبنو/بنشرو هكذا خطاب، لانهم واعين وباكثر من اي مجموعة اخري كيف هكذا هاجس/رعب/Paranoia منتشر في اوساط الجلابة كما في نموذج محمد صديق، ولهذا هم باستمرار بحاولو يوظفو هكذا "برانويا" عن عمد، بخبث، علي الدوام، كما يفعلون الان، الان، اللحظة، حد التهديد بفصل الشمال واهداؤو لمخدميهم، نعم احفاد الغزاة!!

طيب الحاصل الان شنو من وجهة نظر بشاشا:
هي حرب باختصار بين مليشيات نظام الفسقة من اجل كراسي السلطة، باشراف وتدبير المخابرات الخديوية العايزا تفتت السودان بغرض ضم الشمال ثم الامارات من الجهة الاخري.

التفاصيل في فهمنا كالاتي:
النظام الهالك من قولة تيت، اقصد من لحظة سقوط نظامم كالمعتاد وكما متوقع سعو بشتي السبل للانقلاب ابتدا بتعطيل/افشال الفترة الانتقالية بشتي السبل.

الجنجويد بذات الطريقة، امتطي ظهر "دحشة" الثورة، زي ماقنا من قولة تيت، بغرض الاحتماء بثوارنا اولا بعدما قلبو علي مخدميهم صانعيهم، اي نظام القتلة، وثانيا بغرض انشاء مملكة ال دقلو بامتطاء "دحشة الثورة" لنهب ثروات بلدنا باشراف دويلة الامارات!

لهذا الجنجويد بدورم كانو جاهزين لي لحظة الصفر لانهم عارفين كويس انهم مستهدفين بواسطة مخدميهم صانعيهم، وكنتيجة ولعت الفتنة الحالية باشراف مخابرات مستعمرينا لو احفد غزاة او بعاعير امارات.

اذن واضح للكل كيف لاعلاقة البتة بالفتنة الجارية، بي "فوبيا" جلابة/غرابة المكوشة علي وعي محمد صديق، او هو بسوي كده من دون مايعي شغل "الفيك بدر بي" نعم الفي راسو بطحة!!

اذن تصوير مايحدث كاستهداف "غرابة" لي "جلابة" مذهل، يفضح طريقة تفكير هذا المخلوق، واذا ده مثبت، فما دخل بشاشا ليحاكم ويصلب بناءا تصورات "غرابة فوبك"؟

Quote: طيب الحاصل الان شنو من وجهة نظر بشاشا: هي حرب باختصار بين مليشيات نظام الفسقة من اجل كراسي السلطة، باشراف وتدبير المخابرات الخديوية العايزا تفتت السودان بغرض ضم الشمال ثم الامارات من الجهة الاخري. التفاصيل في فهمنا كالاتي: النظام الهالك من قولة تيت، اقصد من لحظة سقوط نظامم كالمعتاد وكما متوقع سعو بشتي السبل للانقلاب ابتدا بتعطيل/افشال الفترة الانتقالية بشتي السبل. الجنجويد بذات الطريقة، امتطي ظهر "دحشة" الثورة، زي ماقنا من قولة تيت، بغرض الاحتماء بثوارنا اولا بعدما قلبو علي مخدميهم صانعيهم، اي نظام القتلة، وثانيا بغرض انشاء مملكة ال دقلو بامتطاء "دحشة الثورة" لنهب ثروات بلدنا باشراف دويلة الامارات! لهذا الجنجويد بدورم كانو جاهزين لي لحظة الصفر لانهم عارفين كويس انهم مستهدفين بواسطة مخدميهم صانعيهم، وكنتيجة ولعت الفتنة الحالية باشراف مخابرات مستعمرينا لو احفد غزاة او بعاعير امارات. اذن واضح للكل كيف لاعلاقة البتة بالفتنة الجارية، بي "فوبيا" جلابة/غرابة المكوشة علي وعي محمد صديق، او هو بسوي كده من دون مايعي شغل "الفيك بدر بي" نعم الفي راسو بطحة!! اذن تصوير مايحدث كاستهداف "غرابة" لي "جلابة" مذهل، يفضح طريقة تفكير هذا المخلوق، واذا ده مثبت، فما دخل بشاشا ليحاكم ويصلب بناءا تصورات "غرابة فوبك"؟

قرقرقرقرقر

الورجغة دي كلها ما بتحلّك يا ضنيب الجنجويد.

يا زول إنت قاموسك العفن ولا كلمة ما قادر تستعملها منه مع الجنجويد اللي بيقتلوا في "ثواركم" وينتهكوا في أعراضهم ويطردوهم من بيوتهم.

اختشي على دمّك وخليك متّسق في مبادئك وتحلّى بالشجاعة وأكتب إدانة واضحة للحاصل الآن ده.

لما الحكاية جات على الجنجويد، الرعديد ده قلب فيها "محلّل فسحة وبول إصطراطيجي" ههههه

قال "طيب الحاصل شنو من وجهة نظر بشاشا" قرقرقرقرقرقرقر

اللخو النرجسي الصغير الهراش
هاهاهاهاهاها وصلت طب يا هناي خخخخخخخ
انت عايز تهابش وتقابض وتعمل فيها صع لوك قدماء العرب
ويخلوك يعنى ؟؟
أنت جيت منبرش بكرشك شبكتني عندك موضوع
وما عندك موضوع مع اني ما عملت ليك أية حاجة
تداخلت باحترام شديد ودا الخلاني خميت الطرشتو لي دا
كبيتو ليك في نخرتك ببساطة .. حكيم أنا زمان كنت بلعب مدافع قشاش
برجع الكورة الجاتني بى دربا تخبط فيك تقد عينك، تكسر سنك، تشرط
شلوفتك، تعمل ليك خرم نخرة تالت، تشرم واحدة من اضيناتك
دي حاجة ما بلقي ليها بال كتير المهم ما تجي ماري بجنبي خخخخ
انت قايل شنو ؟؟
يعني عايز تجي تتشقلب وتتجقلب فيني وأخليك تمشى
تنبطح على بطنك تنوم وانت تتدشأ أو تطلق الريح
ثم تحلم احلام سعيدة ؟؟
ما لازم زي ما قلت ليك تعمل فيها شفت ومنقطا تاخد
على قفاك أو أية حتة فيك مقنطرة

Quote: فنصيحة مني ليك، أحسن تجمع نفسك وتحسّن طريقتك، لأنك إنت اللي حا تكره اليوم اللي جابك هنا

كضاااااااااابة
أنت لازم تعتذر عن حكاية ما عندي موضوع دي
برغم أنها هواء ساي من واحد زيك لكن كبرت في
رأسي .. لو ما اعتذرت بسكك هنا للعيد انفخ عضلاتك
ان بقى عندك
خخخخخخخخ
.............

اللخو النرجسي الصغير الهراش

Quote: ما شفت ليك مشاركات عميقة عليها القيمة. ياهم السطرين الفارغين اللي بتجي تكشحهم كل شوية ديل وتنصرف إلى حال سبيلك. .

لا خلاص عقدتني عملت لي اشقدي في مشاعري خخخخخخخخ
متين أنا جيت هنا نصبت نفسي عالم علامة واللا مفكر واللا اديب ؟؟
اصلا جيت المنبر دا للكورة والونسة والضحك والفرفشة
وفضلت زمن ماشي جنب الحيط عشان ما عايز مشاكل
مع أي كائن حي هنا
لكن وحاة نفختك الكضابة دي تتشفتن علي وتعمل لي
فيهو هولاكو ما أخليك لو بقيت قدر جبل أحد
وعشان اسهل عليك أنا كطلحة عبدالله ما عميق ولا أية
حاجة في أية حاجة بس ما تهبشني بدون سبب عشان
ما بخليك للحول خخخخخخخخ
بلا أنا شفت بلا قلاصة وفلسفة معاك

Quote: كضاااااااااابة أنت لازم تعتذر عن حكاية ما عندي موضوع دي برغم أنها هواء ساي من واحد زيك لكن كبرت في رأسي .. لو ما اعتذرت بسكك هنا للعيد انفخ عضلاتك ان بقى عندك خخخخخخخخ

يا طلحة، ما يا هو زي تواضع قدراتك ده هو اللي بيخلّي نرجسية الواحد تكون في السماء ويشوف نفسه عبقري زمانه.

نحن نستمدّ نرجسيتنا من ضحالة أفكاركم.

بعدين اعتذار شنو يا راجل؟ إنت مجرّد كومبارس و"سِنّيد" وكيسك فاضي وما عندك أي موضوع زي ما قلت ليك وبكرر ليك تاني.

لما يكون عندك موضوع ومستواك يرتفع كتير ممكن ننظر في أنه ندخّلك التصنيف.

Quote: يا طلحة، ما يا هو زي تواضع قدراتك ده هو اللي بيخلّي نرجسية الواحد تكون في السماء ويشوف نفسه عبقري زمانه

أيوة دا حقك ان شاء الله تشوف نفسك نبي
انت حر أكيد لكن تعمل الحركات دي بعيد بعيد مني
سبب واحد يخليني أخليك تتعبقر وتتنرجس علي ما في
أنا ما فاضي للهلاويس وامراض العصر الراكباك دي
شوف يا نرجسي يا عبقرينو أنت الواضح ما فاضح
البتيح ليك تمارس علي النرجسية والعبقرية والتعنصر عشان تعايرني
بتواضع قدراتي بتيح لي أنا اطلع أبول ليك في رويسك دا وانزل
أواصل مسيرتي.. ببساطة شديدة جدا .. خخخخخ
أوع تكون قايل الموضوع دا شائك يعني ؟؟
أمشي انجر اتعبقر واتنرجس واتعابط بعيد مني وخلي لي
تواضع مقدراتي دي مالك ومالا ؟؟ ذنبها شنو ؟؟ سألتك ؟؟؟؟ خخخخخخ
تعمل نفسك بعاتي بقلب ليك عفريت طوالي

أحبابنا الأعزاء محمد صديق وطلحة ‏
لكما الود
نعرف إنه مشكلتنا أصلا كيف ندير اختلافاتنا في المنبر دعك من إدارة تنوعنا.. وما يجري في المنبر ‏في معظم البوستات دليل على عدم إيماننا

بالديموقراطية و بالرأي الآخر_إلا تشدقا، وتجملا و إدعاء..‏

نعرف إن مشكلتنا مشكلة مزمنة ولكن رجاء التخفيف قليلا و حاولا إيجاد مساحة (تنازلا) للتفاهم..حتى ‏نستمتع بحوار مفيد.. ووفِّروا العضلات دي

لوقت تاني...وإن شاء الله ما يجي الوقت داك..‏

نتمنى أن نقرأ ونرى أجمل ما عندكم من كل شيء...القواميس كلها متاحة ...

مع احترامي لكما

يا طلحة، أنا ما جيتك وما بتذكر دخلت معاك في نقاش جاد. براك اتشالقت وجيت تهابش وتتنمّر، وأهو في الآخر بقيت تكوس في المخارجة.

يا هو ده البوست موجود أمشي راجع مهابشتك بدأت كيف ووصّلتك لي وين.

وخليني أغشّشك وأديك hint بسيط، وهو أنه ما إنت براك المقصود. الحكاية مدروسة، لأنه من الخبرة الطويلة الممتازة في المنابر، الواحد انتبه لي أنه ما ينفع يكون مؤدّب على طول الخط، لأنه حا تكون فريسة ولقمة سائغة للمتنمّرين من أمثالك. لما تمسك واحد زيّك كده وتدّيهو على رأسه، أمثاله بيعملوا ليك ألف حساب وبيترددوا ويفكُروا كويس قبل ما يتنمّروا عليك. يعني حاجة كده زي ال (police presence) بتساعد في الحدّ من وقوع الجرائم.

تاني بقول ليك، أنا ما جيتك وبادرت بالشينة، ولو عايز تحترم نفسك وتمسك في "حيطك" زي ما قلت، بتلقى مني كل احترام، ولو عايز تمرق من ضُلّها وتفارقه، يبقى القرار قرارك وتتحمّل تبعاته

أنا أكوس للمخارجة ؟؟؟؟؟؟؟؟؟؟ هههههههههه
نرجسي وعبقري وكضاب كمان ؟؟؟
وحاة نفختك الكضابة دي أنا ما صدقت
لي موضوع ببرع فيهو عشان أقضي بيهو
الزمن
كدا شوف طاقة مخارجة انت ان شاء الله
تعمل فيها مصاب في العضلة الضامة ومحتاج
راحة اربعة اسابيع .. يمكن خلال الفترة دي انسى
واللا أمل وأخليك خخخخخخخخ
........
انت بتجيب سيرة التانين ليي ؟؟ معاك أنا التانين
القلت بتديهم على راسم ديل ساكتين أو مافيشين
ركز مع رأسي أنا يا هلاكو المنبر خخخخخخ

Quote: يا هو ده البوست موجود أمشي راجع مهابشتك بدأت كيف ووصّلتك لي وين.

أسهل من كدا تجيب
انت الحتة الهبشتك فيها دي ولو لقيت كلامك
صاح بجيب ليك بسطونة تبسطني بيها على الملأ
مستحيل اتعدي على أي مخلوق لكن برد الاعتداء بالطريقة البتفشني
تعملا انت وعايز تشممني عفنتا واللا كيف
اعتذر اعتذر خارج نفسك
خخخخخخ

Quote: تجيب انت الحتة الهبشتك فيها دي ولو لقيت كلامك صاح بجيب ليك بسطونة تبسطني بيها على الملأ

وين ؟؟؟؟؟؟؟؟؟

سلاما واحتراما أخى محمد صديق والجميع~
*الجوقة ما صدقت "ورجغة ثقيلة"
#ما عارفة ليه من يعلنون الانتصار فى حرب الحقارة هذى لا زالوا فى حالة غضب وبدائية😀

اهو قدامكم، ماقادر يقول بغم كرد علي تشريحنا لي عقلية هذا "العمسيبي" نعم "الانصرافي" النازي الجهوي القح، حامل لواء كتائب البراء، من أجل الدفاع عن مملكة الجلابة وضد "الغرابة" زي ماهو فاهم مايحدث من صراع بين مليشيات كيزانو وبإشراف مخابرات مستعبدينا مستعمرينا لاستعادة كراسي السلطة!!

نعم ياتنزل الميدان زيو، النازي الابارثيدي، سبب دمارنا وتقاتل "الغرابة" بي فهمو اي ذات مليشيا جنجويدو هو، يا انتا تنمط ك"ضنب" جنجويد وهو من صنع الجنجويد لاحظو!!

اها ضنب جنجويد ام من صنع الجنجويد؟

نعم هو فاهم مايحدث كصراع جلابة/"غرابة" وهذا مرا عادي في المنبر ده من دون هذا مايلفت نظر واحد من الجلابة الفي المنبر ده!!!

Quote: وين؟؟؟؟؟

شفت السذاجة بتاعتك؟

إنت قايلني عاطل وقاعد معاك في دردشة مباشرة؟

زيّك ده بشوف ليهو كم دقيقة وأنا في المواصلات أكسّر بيها الزمن، لأنه ما عندك حاجة تستاهل يردّوا ليك عليها.

زي ما قلت ليك إنت زول الله ساي وكومبارس وعلي قدر حالك. ما عندك قدرة على نقاش، عشان كده جُرّ ليك عنقريب والزم حيطتك. ولما ناسك يحتاجوك بيكوركوا ليك تجي تكب الشويتين بتوعك ديل وترجع لي عنقريبك.

Quote: سلاما واحتراما أخى محمد صديق والجميع~ *الجوقة ما صدقت "ورجغة ثقيلة" #ما عارفة ليه من يعلنون الانتصار فى حرب الحقارة هذى لا زالوا فى حالة غضب وبدائية😀

مرحبًا هدى.

براك شايفة ورجغة بشاشا دي وكيف ما قادر يبرّر عدم اتساق مبادئه.

ولما يتزنق يمشي يستدعي ليهو واحد كومبارس محدود القدرات من ضُل عنقريبه عشان يسنده ويشتت ليهو الكورة..

مكرر

Quote: ولما يتزنق يمشي يستدعي ليهو واحد كومبارس محدود القدرات من ضُل عنقريبه عشان يسنده ويشتت ليهو الكورة..

😂😂😂
هسه كدا كويس يا صفوة؟
تجي مارق من ضل عنقريب ضنب الجنجويد؟!!!
ياخي كان تبقى ضنب جنجويد او على الأقل تعال مارق مباشرة من عنقريب الجنجويد،
لكن تجي مارق من ضل عنقريب ضنب الجنجويد دي ما رضيناها ليك.
😂😂😂😂😂😂😂😂😂

محمد صديق يا راجل كبير وعفين
انت شغلتك شنو غير حراسة الأسافير والردحي في خلق الله
تشتم وتسب وتسخر وتتصعلق ؟؟
سذاجة شنو البتتكلم عنها يا قبور انت ؟؟
كان أخير ليك تخوض في مستنقع العباطة والشتيمة الافترعتو
دا من باب البتبلبل بعوم بدل ما تدخل نفسك في خرم ابرة
أضيق من الأول وتقعد تفنجط زي العتود القارصاهو عقرب.
شوف يا هطلة كبير
أنت قلت لي راجع البوست وشوف هبشتني وين
قلت ليك اسهل من كدا جيب مقتبس للهبشة بتاعتي ليك
الخلتك تقل أدبك علي ولو فعلا دا حاصل مستعد
اعتذر ليك واجيب ليك بسطونة تبسطني بيها
طبعا وبما انو اصلا ما في كلام زي دا ما كان عندك خيار
غير الزوغة بمزيد من قلة الأدب ههههههههههه
يالك من هطلة كبير
اعتذر بدل تقعد تفنجط وتبهدل في نفس أكتر ما هي
مبهدلة .
واحد عوقة عفين
خخخخخخخخخخخ

أخوكم حافظ لو كلامك الفوق دا لي أنا طلحة عبدالله
قوم شوف ليك شغلة اقضاها
وكان ما لي اعتبرني ما قلت حاجة
خخخخخخخخ

Quote: عفين

محمد صديق عبدالله...بالله اكان ما قلت لى طلحة عبدالله دا
تور عفين الشين أنى .....
ما اضينة ....وزين انى ..
تور عفين الشين انى
...
زمان لامن يكون في فصلك ..اسم طالب مشترك مع اسمك
خاصة اسم ابوك... بتحس انه اخوك..وما بترضى فيهو اي
زول يحقرو وحتى ما بترضى انه يتجلد.
طلحة ومحمد انتوا ما شايفين اسم الجلالة مشترك في اسمائكم دي؟
على الاقل عظموهو

صباح الخير
أحمد يسن أنا جني وجن الهراشين المنفوخين وقليلين أدب
من لدن اللخو الفوق دا .
تداخلت معاهو باحترام صادق من باب النقاش بس شبكني
ليك ما عندك موضوع ومحدود وممدود وعميق وقدرات وجركانات
ما عارف دا منو القال ليهو طلحة عبدالله عالم جليل ومفكر جهبوذ
وأديب نحرير خخخخ
حي الله العبدلله زول يجي يتفاكه مع المتفاكهين ويتظارف مع المتظارفين
وفي الأثناء كان عتر ليهو دشمان كيبورد يطقطق المتنطعين والمتأسلمين والعنصريين
ويتخارج يشوف ليهو شغلة يقضاها أو شطرنج يلعبو
ما عندي أخلاق للتنظير والغرف من بالوعة السياسة الوسخة دي أصلا
أمراض العصر البعاني منها اللخو دا من لدن أنا اعلمكم وأفقهكم
واشطنكم ما شايلا ولا بعرفا وبخاف من المشاكل عشان عارف نفسي
ما بسكت وما برحم وما عندي صليح ولا صديق ولا بهمنى كان مخلوقات
الدنيا كلها كرهتني عشان بكره الحقارة والعنصرية والنفاق الاجتماعي
والتجارة باسم الدين .
بجيب من الآخر لا ألوى على شىء
والكبير عندي ربي الخالقني
بس

اللخو محمد صديق أيها النفاخ العظيم والمعتدي الأثيم
ما الذي جعلك تتجرأ وتسخر من قدراتي المحدودة ؟؟؟
مش عيب وغلط؟؟
نعم ادرك أن قدراتي محدودة بل أصلا ما عندي قدرات
واعرف انو انت ما عندك أخلاق ولا قيم الدين
التى تنهي عن السخرية من الآخرين والتطاول عليهم عشان
كدا عادي تمارس هذا السلوك الفاجر على الآخرين لكن
اذا سامحك الآخرين لأنهم طيبين ماذا ستفعل مع شرير
مارق للربا والتلاف زيي كدا لا يسمح أن يسخر من قدراته
على علاتها ومحدوديتها هطلة مثلك ؟؟؟؟ خخخخخخخخخ
اعتذر
أو
ساطاردك في كل جخنون اسفيري
خخخخخخخخخ
.......
يالا أقضي يومك دا كلو ومعظم يومك التاني وبعضا من يومك
التالت وأنت تفكر في المخارجة وعندما تتيقن أن لا مفر اللا الاعتذار
تعال زيد الطين بلة وورينا من قلة الأدب حبة خخخخخ

الاخوان محمد وطلحة ، روقوا المنقة شوية،

هو في صفوة غيرك هنا يا طلحة؟
خلي روحك رياضية يا صفوة.
وبالمناسبة أنا مداخلتك الأولى في البوست دا فهمت إنك خاطبت محمد صديق بضمير الجماعة بغرض التفخيم والتعظيم وليس بقصد نسبه لجماعة معينة، صححني إن أنا أخطأت الفهم.
لكن نفسي أعرف علاقة الخطاب الديني والإلحاد بالبوست شنو؟

Quote: يا عزيزي إذا كان هم يشترون الاعلام ( حسب زعمك) ليقينهم باهميته في مثل هكذا حروب أنتم تشترون عداوة الناس المحايدين وغير المحايدين ولذلك يتجنبونكم ويسفهونكم ان كنتم على حق أو باطل (بيدكم لا بيد عمرو أو القحاطي) .. ......... بالمناسبة كثير من الذين اتجهوا للالحاد لأن الخطاب الديني غالبا يأتي فظا وغليظا مهددا متوعدا متوحشا متعطشا للدماء .. للأسف المسلمين لم يقدموا دين الإسلام السمح بطريقة تحبب الآخرين به فالمنابر والمنتديات الدينية تحتشد بالسبابين الشتامين المتوعدين المهددين المتكبرين العنصريين . يجب أن يقدم المسلمين الدين الاسلامي كما قدمه الرسول صلى الله عليه وسلم لا كما قدمه فقه التراث وكتب ما يسمى بالعلماء والشيوخ بداية من العهد الأموى ومرورا بالعباسي إلى يومنا هذا .

الأخ العزيز طلحة

Quote: اللخو محمد صديق أيها النفاخ العظيم والمعتدي الأثيم ما الذي جعلك تتجرأ وتسخر من قدراتي المحدودة ؟؟؟ مش عيب وغلط؟؟ نعم ادرك أن قدراتي محدودة بل أصلا ما عندي قدرات واعرف انو انت ما عندك أخلاق ولا قيم الدين التى تنهي عن السخرية من الآخرين والتطاول عليهم عشان كدا عادي تمارس هذا السلوك الفاجر على الآخرين لكن اذا سامحك الآخرين لأنهم طيبين ماذا ستفعل مع شرير مارق للربا والتلاف زيي كدا لا يسمح أن يسخر من قدراته على علاتها ومحدوديتها هطلة مثلك ؟؟؟؟ خخخخخخخخخ اعتذر أو ساطاردك في كل جخنون اسفيري خخخخخخخخخ ....... يالا أقضي يومك دا كلو ومعظم يومك التاني وبعضا من يومك التالت وأنت تفكر في المخارجة وعندما تتيقن أن لا مفر اللا الاعتذار تعال زيد الطين بلة وورينا من قلة الأدب حبة خخخخخ

الأخ طلحة... ما تكبر الموضوع قدر ده... لا داعي للكلام ده كله... حكاية اعتذار و أو غير اعتذار الموضوع طورتوه بدون داعي..

الاعتذار صفة جميلة لكن كده بتصعب موضوع الاعتذار حتى و إن كان هناك نية..

الراجل سكت بالله إنت برضه اسكت واعتبروه ضريبة التداخل في المنبر ... واحد يبقى أحسن من التاني..

دايما المداخلانت الخشنة بتثير المشاغل .. يا ريت الناس تراعي مشاعر الآخرين...

تحياتي واحترامي للجميع

Quote: انت شغلتك شنو غير حراسة الأسافير والردحي في خلق الله تشتم وتسب وتسخر وتتصعلق ؟؟

يا كومبارس، السخرية دي فن إنت ربنا ما قسمه ليك. بالسخرية دي أنا بتصعلق وبقِل أدبي (باحترام) علي أمثالك.

إنت مسيكين فاكر أنه الإسراف في الشتائم المباشرة بتقهر أي زول بتوّجهها ليهو. ممكن مع زول تاني لكن ما معاي أنا، لأنها ما بتهز فيني شعرة. هي بتفضح كبكبتك وبتورّي أنه كثافتك جات. لك في كفيلك بشبوشي عظة. قبليك ما قصّر لغاية ما فتر وكمَّل قاموسه العفن.

أنا بشتّمك بل بقول حقائق عنك بتوضّح أنك زول تمامة عدد ساي في المنبر ده وبتاع فارغة. يعني وجودك زي عدمه.

ده ما ياهو كلامي اللي قلته ليك وجيت براك بعد داك تطوّعت وأكّدته؟

Quote: أصلا جيت المنبر دا للكورة والونسة والضحك والفرفشة وفضلت زمن ماشي جنب الحيط عشان ما عايز مشاكل مع أي كائن حي هنا

Quote: حي الله العبدلله زول يجي يتفاكه مع المتفاكهين ويتظارف مع المتظارفين

وعشان أنا عارف تاريخك التنمّري ورعونتك، أدّيتك جرعة وقائية:

Quote: وفي الأثناء كان عتر ليهو دشمان كيبورد يطقطق المتنطعين والمتأسلمين والعنصريين

يا طلحة، إنت حتى في قلة الأدب قدراتك محدودة ومتخلّف وشماشي بالطريقة التقليدية. حاول طوّر قدراتك في المجال ده كمان، لأنك بعد ما تكّمل شتائمك دي وما تلقى ردّ مني، بتبقى موتور وتلقى نفسك قاعد في السهلة تورجغ. وياها دي أعراض الهترشة بدأت تظهر.

إنت أصلاً ما منك خوف إنك تفحم الواحد بحجج قوية في أي موضوع مطروح للنقاش. حدّك ياهو شوية الشتائم اللي بتجي تشتّتها دي. والغريبة إنك عامل فيها سياسي وبتكره الإسلامويين كره العمى، وبعد ده قاعد كنب من منطق وحجج.

هسي شنو اللي بيجيبك في منشور جادّ زي ده؟ شايف ليك تفاكُه ولا قرقريبة تناسب اهتماماتك المتواضعة التي لا تتناسب مع منبر زي ده بيرتاده ناس مستنيرين. مش ياهو السبب اللي جاي عشانه زي ما قلت براك "كايس ليك دشمان كيبورد تطقطق بيهو المتنطعين والمتأسلمين والعنصريين" أمثالي؟

تصحيح:

*ما بشتّمك

الهطلة بلوة الله في المنبر والأسافير
أنت بتكرر في الكلام الما ناكرو أنا لشنو ؟؟
قلت ليك وكررت انو أنا بتاع الحاجات القلتها دي كلها
لكن ما بسمح لهطلة ملغوف زيك يقل أدبو على من باب
الشفتنة وفرد العضلات والعفرتة
تشتم وتسخر بلصق ليك ديباجة في ضهيرك وكل يوم
بجي اغير ليك يا دماملك راحت يا اما كمان جابت وساخة
وعفن زيادة لكن المهم العلي بعملو تصرخ تكورك وتتشقلب
تنطط تولول ما بهمنى
انت سخرت من مقدراتي المافي أصلا فاذا كنت ترى أن هذا
من حقك ( السخرية من الآخرين) فلازم تسردب لرد الفعل
وتقعد تحك وتتمرصع وتتمرضغ وتتوحوح اليوم كلو
تعمل فيها شفت وصعيليك وبتاع هرشات ووهمات من عينة
أنا أعلم وأنا أفقه بعيد مني عشان وحاة نفختك الكضابة دي
بقبقبك إلى أن يشاء خالقك أمرا آخرا
كيف تجي تتصعلق علي بالسخرية والاستهزاء وأسيبك تمارس
حياتك بهدوء وطمأنينة ؟؟
عارفك موهوم في دقنوسك الفاضي دا لكن ما لدرجة انك
تعتقد انو ممكن تمارس الشفتنة والصعلقة وقلة الأدب على زول
بدون ما يسلخ قفاك
يالك من علق خخخخخخخ

حافظ
ضمير الجماعة الخاطبت بيهو الهطلة الصعيليق دا معني
بيهو هو ومن لف لفه وهم الذين يشترون عداوة الناس
بالسخرية والشتيمة والكواريك والتهديد والوعيد .. افتكر
دي ساهلة جدا ما عايزا شرح.
علاقة البوست بالخطاب الديني الغلظة والاستعلاء في كل
أقرأ قوله تعالى ( ولو كنت فظا غليظ القلب لانفضوا من حولك )
الهطلة دا عايز الناس تقتنع برأيه بالغلظة وقلة الأدب
والشتيمة والصعلقة البعمل فيها دي .
دي برضو أظنها ساهلة جدا إلا كان انت قاصد حاجة
تانية غير الفهم .
.............
الأخوة الذين يدعون للصلح سعيكم مشكور ومقدر
الهطلة دا استحقرني وسخر مني من دون سبب
لو ما اعتذر ما بفكو إلا سيد الامانة يشيل امانتو
لمتين نقعد نمارس المثالية والعفو عند المقدرة وما
شابه من ادبيات وقيم ؟؟؟
أصلا عينة النفاخ العظيم والمعتدي الأثيم دا ما عندو
في نافوخو طايوق يفهم بيهو المثاليات دي وبعتبرا خوف
واشارة لمزيد من قلة الأدب والصعلقة خخخخخخ

هطلة الأسافير أيها النفاخ العظيم المعتدي الأثيم
أنا طلحة عبدالله أقول عن نفسي أية حاجة واعمل
ليها أية حاجة ان شاء الله أديها كف أو اتعلق في نيمة
اقطع مطارق وانزل أجلدني لامن جلدي يقوم دي نفسي
وأنا حر فيها
لكن العينتك دا غير مسموح ليهو بالتعدي والتلفظ والسخرية
وما شابه من قلة الأدب والصعلقة أو اذا واتته الشجاعة والجرأة
يبقي يجي صباح اليوم التاني مردف أو عامل ساتر خخخخخخ
فهمت واللا أديك شلوت اخليك تلف ما تقيف ؟؟
أكيد ما فهمت وح تجي تاني تكرر نفس الكلام ..
غايتو الربط الحمار وفكاك انت دا أحمر من الحمار خخخخخخ

طلحتتا..ومحبتنا

Quote: انت سخرت من مقدراتي

يا اللخو مقدراتك وقدراتك ومهارااك العالية دي نحن عارفنها في المتبر،دا
وشهد ويشهد بها الكثير .
انت زعلان ومتوتر كدة عشان بس سخر من مقدراتك؟ دا يعني شنو؟
معناتة ان راي محمد صديق مهم واثر فيك.
صاح ؟؟؟؟
بعدين انحن ما جايين نصالح .. والصلح خير.. نحن جايين نشيد بمقدراتك يا شيخ طلحة
استغفروا..... النقوم نلحق الجمعة

أحمد يسن أثر فيك دي شنو ؟؟؟
ما شرط تنتبه لحاجة عشان أثرت فيك
لما تكون ماشي في الشارع وفجأة ينبح فيك
كلب أكيد بتقول ليهو جر أو بتعمل أية حركة
كرد فعل خخخخخخخخ

Quote: ضمير الجماعة الخاطبت بيهو الهطلة الصعيليق دا معني بيهو هو ومن لف لفه وهم الذين يشترون عداوة الناس بالسخرية والشتيمة والكواريك والتهديد والوعيد .. افتكر دي ساهلة جدا ما عايزا شرح.

ساهلة كيفن يا طلحة؟ دا كلام معقد جداً.
اول حاجة: منو هم من لف لفه ديل؟ ... وهل إنت معاهم؟
النصيحة لله هو سخر منك لكن الشتيمة والكواريك والتهديد والوعيد ديل حقاتك إنت في البوست دا.
فهل الشتيمة والكواريك والتهديد والوعيد حقاتك ديل كافيات لتأهيلك لتكون ضمن من لف لفه أم لا؟

ثم ثانياً: بشاشا دا ما ياهو دا تراهو مدور سخرية وشتايم من طرف، شنو الخلى محمد صديق يبقى "هطلة وصعيليق" وبشاشا "وحش اسافير"؟

قمة التعقيد والصعوبة: شنو الخلى "ساهلة" بالتاء المربوطة و"عايزا" بالآ أسد؟
هسه دا ما ياهو الكيل بمكيالين ذاااااتو.😝

#لا_للشكلة
#شكلة_عبثية

Quote: #لا_للشكلة #شكلة_عبثية

هههههها
وأحترموا "حضور البديهة" فى زملائكم
تحياتى يا مولانا
*اعجبتنى هذه العبارات والسخرية…

سلام أخونا حافظ بشير
أرجو قراءة هذه المداخلة وهي خاصة بمواقف" الوطنين والثوريين'
وأعني من وقفو ضد الجنجنويد منذ النشاءة وتصدو لهم

Quote: وانا. شخصيا. بحترم واتفهم. موقف. ماكان. ضد الجنحويد. وممارساتهم منذ مجازر دارفور وما بعدها وهم. الان ضدها ايضا ويعتقدون ان. التصدي. للجنجويد هو الاولوية وياتي بعدها الدور علي الكيزان وقيادة الجيش. الكسبحة موقف هولاء. متسق. مع تاريخهم. ومبدئي وان اختلفنا. في الاولويات والتي. في راي التصدي. لكافة. اضلاع. مثلث الدمار. /كيزان وبرهان وجنجويد - اي الجنحويد. ومن صنعهم ومن قواهم احترم مواقف هولاء. واقدرها. فهم قوي وطنية وثورية وقفنا معا ضد الانقاذ والجنحويد وجنرالات الجيش ايام دارفور واحداث مجزرة القيادة وبالتالي. هم يختلفون. جوهريا ونوعيا عن الكيزان. وعن من صمت او ايد او برر. لمجازر دارفور او حتي نجد الجنحويد وقتها لن. اصنف. واو اصف هولاء الوطنيين والثوريين بالكوزنة او تاييد. قتلة الثوار. برهان وحميدتي ومشاركي الجنحويد في مخازيهم السابقة ديل ناسي. وان اختلفنا في التقديرات

وطبعا من أعنينهم هم من عائشت خطهم هذا منذ ظهور طاعون الجنجويد منذ نحو عشرين عاما وأغلبهم خارج موقع سودانيزأون لاين
والان إختلفت تقديراتهم في هذه الحرب ـ وإن كانو في المجمل ضد أضلاع مثلث الدمار


الخلاصة هناك تيار ممن عنيتهم في إقتباسي السابق ـ تجده يتعامل مع أبناء خطه وخندقه الوطني ـ بتخوين وتجريم ودمغ بعدم الوطنية وربما بالعمالة وكمان بأنه جنجنويدي أو مناصر لهم ـ و أضحت الهتافية والتشنج هي سمة عند البعض وغاب التحليل والتعليل والتسبيب الموضوعي للظاهرة للحدث وطغي الخطاب التنفيسي ـوالأخبار الكاذبة والإنتصارات الزائفة والتعلق بالأوهام وبل والبحث عن عدو ووخصم مفترض يتمثل في رفاق خندقه الوطني هذه عقلية .يمثلها جزء من وهذا التيار ...........

Quote: لما تكون ماشي في الشارع وفجأة ينبح فيك كلب أكيد بتقول ليهو جر أو بتعمل أية حركة كرد فعل

ههههههههههه
لي سبعة شهور ما ضحكت
اها... خلي محمد صديق يجي ويشوف بنفسه المقدرة بتاعتك دي
لذيذوني ودمك ظريف

اخوكم حافظ
أنت اشتر وبتاع لولوة ساي
سبب واحد يخليك تحقق معاي ما في
شوف شغلتك يا زول

Quote: ساهلة كيفن يا طلحة؟ دا كلام معقد جداً. اول حاجة: منو هم من لف لفه ديل؟ ... وهل إنت معاهم؟ النصيحة لله هو سخر منك لكن الشتيمة والكواريك والتهديد والوعيد ديل حقاتك إنت في البوست دا. فهل الشتيمة والكواريك والتهديد والوعيد حقاتك ديل كافيات لتأهيلك لتكون ضمن من لف لفه أم لا؟ ثم ثانياً: بشاشا دا ما ياهو دا تراهو مدور سخرية وشتايم من طرف، شنو الخلى محمد صديق يبقى "هطلة وصعيليق" وبشاشا "وحش اسافير"؟ قمة التعقيد والصعوبة: شنو الخلى "ساهلة" بالتاء المربوطة و"عايزا" بالآ أسد؟ هسه دا ما ياهو الكيل بمكيالين ذاااااتو.😝

الراجل ده زنقته زنقة كلب في طاحونة، يا مولانا حافظ.

غايتو لو ما خانتني الذاكرة زمان في مرة من المرات قلت لبشاشا "وحش الأسافير"، الكومبارس طلحة ده جاء ناطي وقال لي ما تستعمل اللقب ده لأنه خاص بي أنا براي. الولد كأنه صاحب براءة اقتراع. قلت ليهو سمِح يا أحمد زويل.

أها زولك ده بينتقد توجيه الشتائم وهو مثله الأعلى في المنبر ده بشبوشي. وللأمانة والتاريخ بشبوشي عنده شوية حرفنة في توجيه الشتائم. صاحبنا أبو سطرين تمامة العدد ده قاعد ميطي وحتى في توجيه الشتائم فاشل ومُمِل.

طبعًا الكومبارس ده أيامه باسطة وساكوبيس يحمد ربه صباح ومساء أنه واحد زيّي تواضع وقاعد يشيل ويدّي مع واحد مغمور زيّو كده. جاتو شهرة

مش إنت يا كومبارس براك قلت نرجسية، أها أكرب قاشك لأني أشبّعك منه، مع العلم أني لغاية الآن شغال معاك بي 10% من الطاقة التشغيلية.

هطلة الأسافير عولاق المنبر العفين
أنت قاعد تحلم وتجي هنا تورجغ واللا الفيلم بتاعك دا شنو؟
زنقتني كيف ووين هو أنا راكبك ومطالبك باعتذار عن قلة أدبك
علي
بعد العوارة جابت ليها تهيؤات ووساوس كمان ؟؟
اللهم لا تمحنا لا تبلينا خخخخخخخخ
خلاص انت استمر زانقني وانا بستمر مقبقبك دي حاجة
كويسة بالنسبة لي عشان بصراحة هاجسي انك ترخي
ويا رب أخوكم حافظ دا كل مرة يجي ناطي يشاتر ويحقق
معاي عشان انت تتشجع وتواصل في البتسو فيهو دا
واحد عولاق خخخخخخخخخ
.........
انت بشاشا دا ملاوز ليك كدا مالو ؟؟
سيبك منو وركز معاي أنا المقبقبك دا
لامن تخلص من زنقتني بعدين قبل عليهو
هسة حاول اتملص
ما تخرب الموت بالرفسي والفرفرة خخخخ

Quote: براءة اقتراع

دا شنو هسي يا سعادة المترجم؟!!!
اذا قلت غلطة مطبعية .. ما بتجي زي واحد محلل رياضي ومدرب في،قنلة السودان بقول
دا لاعب (معترف)
والاعتراف بالذنب فضيلة

الديك او تور:
او تاني وللمرة الالف بعد المليون:

بشاشا هو العضو الوحيد لما سجل في المنبر ده، كعضو، النشر دستور محدد، ينظم جولات صراعو الفكري في هذا الفضاء بي صورة واضحة!

بناءا عليه ووفقا لدستور بشاشا الشتيمة هي الكلام المرسل، من دون اثبات.

نعم الكلام المثبت في دستور بشاشا وجهة نظر موضوعية، او مش شتيمة.

واذا وجهة النظر هذه كانت بشعة، اي الصورة، فالملام هنا هو "المصّوّر" بتشديد الواو، مش "المصوٍر" بكسر الواو!

طبقا لذا النص في دستور بشاشا، يا مخيخ سخلة، وجسد نخلة، وهذا راي موضوعي مثبت او مش شتيمة، جيب جملة واحدة من كلام بشاشا، مرسلة، ما مثبتة، وبالتالي شتيمة!!
عزيزي القارئ:
مرة اخري، تامل منظر المصطفين خلف حامل لواء كتائب البراء هذا، نعم الديك، او تور، ومن منطلق هوس وعي جهوي صرف، وهم يدعون الوقوف معا ثورتنا وضد نظام الفسقة!!

نعم جلابة للطيش، وكما رفيقم في كرور الوعي الجلابي، بنظرو لي ذات جنجويدم هم، ك"غرابة" وهذا هو كل مافي زعيقم في هذا الفضاء، كما في نموذج هذا الخيط، ضد جنجويدم اي "الغرابة" زي مافاهمين!!

طلحة لك التحية..

مفروض كل من كان موقفو ضد هذه الحرب العبثية بالوكالة، يجي هنا ويردم "العمسيبي" ده، ردم، نعم الديك، او تور ده، ممثل خط كتائب البراء، مليشيا نظام الفسقة في هذا الفضاء!!

حبيبنا طلحة

Quote: اخوكم حافظ أنت اشتر وبتاع لولوة ساي سبب واحد يخليك تحقق معاي ما في شوف شغلتك يا زول

كلامك دا لو دايرين ندخل عليهو بعض التحسينات بالتسبيب وسحب الإتهامات الجائرة بالشتارة واللولوة، بيبقى معناهو بالعربي البسيط بعد التحسينات هو:
"يا حافظ معليش ما عندك موضوع. الواحد بجي المنبر ده عشان يرفع مستواه في فنيّات الحوار، وما أظن أنا حا أستفيد حاجة منك، لأنه فاقد الشيء لا يعطيه. أهلنا قالوا الواقع بوقّع، وأنا لو ناقشتك بهبط الليق."
الغريبة بعد كلامك دا لا حسيت بيك استفزيتني ولا حسيت بيك نرجسي وبكل تأكيد ما حسيت بيك هطلة ولا صعيليك.
لكن النصيحة لله يا صفوة حسيت بيك بتكون زمان كنت نوع المدافع الثيردباك أبو الدقيق🦋 الراكوبة، النوع الكنت أنا بعد أنفرد بالقون بجيهو راجع اجبدو لمن لباسو ينشرط حتين أمشي ادخل الكورة في القون.

#لا_للشكلة
#شكلة_عبثية

صباح الخير
أنت يا حافظ لسة مصر على العبث والتذاكي بتاعك دا ؟؟

Quote: ا لغريبة بعد كلامك دا لا حسيت بيك استفزيتني ولا حسيت بيك نرجسي

طيب أنت ما حساس خلاص عرفنا عدم حساسيتك أها برضو
ما حسيت بيهو انو رد لبضاعة مغشوشة وردتها لي قبل كدا ساي كدا بدون مناسبة ؟؟
مش قبل يومين تلاتة في بوست مجاور قلت للناس طلحة دا أشتر ؟؟ خخخخخخ
أنت قلت لي أشتر ساي انطباع لكن كدا أوريك أنت اشتر ومتلقى حجج (تقرأ بتاع لولوة) كيف
أمسك عندك اللولوة دي

Quote: هو سخر منك لكن الشتيمة والكواريك والتهديد والوعيد ديل حقاتك إنت في البوست دا. فهل الشتيمة والكواريك والتهديد والوعيد حقاتك ديل كافيات لتأهيلك لتكون ضمن من لف لفه أم لا؟

أنت عارف انو أنا عارف وغيري عارف انو دي شتيمتي أنا فلما تجي
انت تقول الشتيمة حقتك انت يبقي دا حشو ساي ما جبت جديد غير انو قاصد تجريمي
على رد فعلي لسخرية واستحقار ومرقانك النصيحة ما بعفيك من كونك متحيز وناصر الظالم
لأن السخرية أشد وقعا من الشتيمة على الأقل بالنسبة لي وبما ان ذلك كذلك فمن حقي أردها
بالطريقة البتريحني، أنت لو سخروا منك ومررت الموضوع باعتبارو دا عادي فأنا ما انت
يا زول

وشوف أم اللولوة والشتارة هنا

Quote: بشاشا دا ما ياهو دا تراهو مدور سخرية وشتايم من طرف، شنو الخلى محمد صديق يبقى "هطلة وصعيليق" وبشاشا "وحش اسافير"؟

هو بشاشا براهو أنت ذاتك قاعد تشتم تصريحا أو تلميحا فهل حصل قلت ليك
هطلة أو بصلة ؟؟ أبدا لا ولا من حقي ذاتو أقول ليك كدا وإلا أكون زيك أو زي العوقة الفوق دا
لشنو ؟؟ لأنك ما شتمتني .. ثم أصلا كلامي للعوقة دا كان ردا على كلامو لي بانو ما عندي
موضوع وياهن السطرين ديل .. قلت ليهو انت برضو ما عندك موضوع ومعديها كلها شتيمة
وسخرية .. شفت كيف انت مزعج وبتاع لولوة ساي ؟؟ هو يقول لي ما عندك موضوع وسطرين
عادي عندك ولما ارد ليهو أقول ليهو انت برضو ما عندك موضوع وبتاع شتيمة تجي تبرك
وتمارس اللولوة خخخخخخ
وشوف الحشو دا

Quote: شنو الخلى "ساهلة" بالتاء المربوطة و"عايزا" بالآ أسد

أنا خليتا كدا وعلى المتضرر اللجوء للقضاء أو
ممكن يدق راسو بأقرب حيطة أو يشرب من هناك خخخخخ
هسة وين موضوعك في الكلام الكتير الكبيتو دا ؟؟

اخلاصة يا أخوكم حافظ
أنا برد الاعتداء علي بالطريقة البتريحني أي اعتداء
على الآخرين من الآخرين ما بعنيني عشان أنا ما محامي
مالم يكون الاعتداء دا جسيم وعام زي العنصرية والتجارة
بالدين وممكن يؤثر علي وعلى من تهمنى مصلحتهم بطريقة
مباشرة أو غير مباشرة .
يعنى لو انت شتمت ليك زول هنا ما بتدخل إلا من
باب محاولة راب الصدع وان لقيت دا بزيد الطين بلة
بنسى الموضوع
لكن تجيء تعتدى علي أنا برد ليك بالطريقة العايزا
ان شاء الله أطلعك زومبي أو مسخ مشوه خخخخخ
حقي الشرعو لي خالقي .
...............
النفاخ العظيم المعتدي الأثيم أها عملت لي شنو في حتة
انو أنا البديت بالاعتداء عليك .. جيب مقتبس أو عشان
اسهلا عليك جيب تلميح ساي مني خلاك تقول دا اعتداء
ومستعد اعتذر عن كل حرف هنا
أها قصرت معاك ؟؟
عشان تعرف انو انا زول طيب وعلى نياتي خخخخخ

Quote: لنفاخ العظيم المعتدي الأثيم أها عملت لي شنو في حتة انو أنا البديت بالاعتداء عليك .. جيب مقتبس أو عشان اسهلا عليك جيب تلميح ساي مني خلاك تقول دا اعتداء ومستعد اعتذر عن كل حرف هنا أها قصرت معاك ؟؟ عشان تعرف انو انا زول طيب وعلى نياتي خخخخخ

بما إنه اليوم إجازة ولأنك سألت السؤال في المقتبس أعلاه بطريقة مقبولة، ولأنك خفّفت من سيل شتائمك ورِست على "نفّاخ عظيم" و"معتدي أثيم"، فممكن أزيدك شوية وقت على الدقائق حقت المواصلات. لكن تأكّد أنك لو رجعت للشتائم بتكون إنت الخسران وحا تقعد تتضاير من السخرية اللي حا تجيك.

كل الحكاية أنه سكلبتك بدأت بعد ما أنا كتبت ليك التعليق ده:

Quote: يا طلحة معليش ما عندك موضوع. الواحد بجي المنبر ده عشان يرفع مستواه في فنيّات الحوار، وما أظن أنا حا أستفيد حاجة منك، لأنه فاقد الشيء لا يعطيه. أهلنا قالوا الواقع بوقّع، وأنا لو ناقشتك بهبط الليق

أها لحدي التعليق في المقتبس أدناه الحكاية كويسة وردّك مقبول:

Quote: صباح الخير وانت يا اللخو محمد صديق موضوعك شنو هنا في المنبر دا ؟؟ ياهو الشتم والسخرية ورمي الاتهامات وتوزيع التصنيفات يمين يسار ولو زنقوك أو شالوا بضاعتك دي رجعوها محل ما مرقت منو تبدأ تقيم في الناس دا عندو موضوع وداك ما عندو موضوع داك كويس وداك كعب دا دوم وداك حلاوة لكوم أنت لشنو عايز الناس يبادلوك الهتر والتراشق اللفظي القاعد تعمل فيهو دا ؟؟؟ طبعا اكيد عارف انو الأسلوب دا أسهل منو ما في وفي ناس بارعين فيهو جدا ممكن يكرهوك المنبر دا إلى أن تفك البيرق أو تعمل أية حركة كدا واللا كدا قال ما عندك موضوع وجيت عشان استفيد قال خخخخخ طيب لشنو انت عايز تشيل وما تدي ؟؟ أفد أول وبعدين طالب بالاستفادة ما ممكن تجي تورجغ على كيفك وتوزع الاتهامات والتصنيفات ولما يبادلوك بالمثل ترفع قرن ؟ كدا غلط حاول اتسق او انبشق خخخخخخخخ

لكنك للأسف انفعلتَ وحتى ما انتظرتَ ردّي على تعليقك وجيت طوالي كاشح حلَّتك في تعليق back-to-back، مع العلم أني كنت أصلاً شامّي ريحة كُشْنة حلَّتك بتاعت "القطر قام" دي من أول تعليق ليك، واللي طمبجتها بالفقرة الأخيرة اللي ما كان في ليها لازمة بي تعريفة في تعليقك ده:

Quote: أخوكم محمد صديق دا جواهو نرجسي صغير مركب مكنة من لا ياتيه الباطل من خلفه أو جنبه من باب أنا أعلمكم وما باقي ليهو إلا يقول يوحي الي خخخخخخخخخخ يفتح بوست يملأه تنميط وتصنيف وسخرية ويشيل ويأتى بالخلق الذي ينهي عنه وما عايز أي زول يقول ليهو عار عليك اذا فعلت عظيم خخخخخخخ هيااااااااا اللخو دا منبر رأي ورأي آخر ما مدرسة فيها ناظر وتلاميذ .. تصنف يصنفوك، تشتم يشتموك تسخر يسخروا منك، تعمل فيها اعلم الناس تلقى ليك عالم فوقك .. فااااااااااااشنو حاول أتخلص من الاستاذية الراكباك دي عشان ما يرجعوك سنة أولى روضة ........... الكيزان مخلوقات بلا قيم ولا مبادىء ولا انسانية ولا أخلاق وفوق كل ذلك أراذل جبناء يعانون مركب نقص يحاولون التعويض بالاساءات والارهاب الفكري خخخخخخخخخخ

وصدقني إنت لو ما كنت كتبتَ الفقرة الأخيرة في التعليق أعلاه كان برضو تعليقك بالنسبة لي حا يكون مقبول، لكن لأنك اتشالقت وكتبتَ الفقرة الأخيرة في تعليق موجّه لي شخصيًا، فبالضرورة إنك كنت قاصد أنه محمد صديق مخلوق بلا قيم ولا مبادئ ولا إنسانية ولا أخلاق وفوق كل ذلك جبان ويعاني مركب نقص. يعني لغاية نرجسي صغير دي كانت مبلوعة عندي. لاحظ أنه سكلبتك في تعليقك الأخير ده كان ردّ فعل لتعليقي البسيط بتاع إني ما حا أستفيد منك شيء وما داير معاك نقاش. تعليقي ده ما كان فيهو أي شتيمة مباشرة، لكن بالرغم من كده جاب كثافتك وخلاّك ترغي وتزبد وتجي تفكّ آخرك وتخرج من المثالية الزائفة اللي بتحاول تظهر بيها دي.

الواحد لما يتناقش في منابر عن موضوع عام بيوجّه النقد للمؤسسات مش للأفراد، إلا إذا كان الموضوع تحوّل إلى حاجة شخصية زي ما إنت فتلت الحوار ده. ياهو ده بشاشا شغال فيني "العمسيبي" و"الانصرافي" والبرائي" وصويحابتها ولا كأنه بيقول لي في حاجة، وأنا كمان ما بقصّر معاهو لأنه ببساطة هو اختار الطريق ده.

إنت يا طلحة زول مسّكوك في أنه كلما زاد فجور الشخص في خصومته للكيزان، زادت وطنيته وغيرته على البلد. لازم تطلع من الوهم ده من رأسك عشان تعرف تفكّر صاح. ما ترضى بأنك تكون "تِرِس" وثائر "آلي" موجَّه يقولوا ليهو يمين يمشي يمين يقولوا ليهو شمال يمشي شمال. طلّع لوثة الكيزان دي من رأسك وما تبقى زي مسؤولي القحاطة اللي زهدوا في أنهم يضعوا معايير نجاح خاصّة بيهم واكتفوا بأنه ياخدوا فشل الكيزان معيار لنجاحهم.

بعدين يا أخوي خليني من الشعارات الكضابة دي: الكيزان بجنجويدهم ديل ما ياهم اللي القحاطة تآمروا معاهم وخدعوا الشعب وباعوا دماء الشهداء وحكموا معاهم وقاسموهم المناصب والعربات والنثريات والسفريات. والآن بكل انتهازية الدنيا جايين لابسين عباية الأجاويد ورافعين شعار "لا للحرب" التضليلي وعايزين يصالحوا الكيزان والجنجويد على بعض عشان يلقوا ليهم شوية كراسي؟

أنا الكوز النرجسي اللي قدّامك ده كنت من أشدّ المعارضين لأي اتفاق مع جيش الكيزان اللي حكموا معاهو ناسك ناس خالد سلك ومحمد الفكي ووجدي صالح.

كدي بالله إنت ده طلحة عبد الله ورّينا رأيك كان شنو في الوثيقة الدستورية ومشاركة القحاطة الحكم مع الفلولي البرهان وضنبه الجنجويدي حميدتي؟

النفاخ العظيم المعتدي الأثيم
منو هو المسكني دا يا موهوم انت ؟؟
أنا في خصوم و عداوة الى يوم الدين مع تجار
الدين كان كيزان واللا أي جماعة تدعي انها اسلامية واللا
شيطان رجيم .. كرهي ليهم سيظل إلى يوم القيامة
وهناك ساقاضيهم جميعا أمام الله الحكم العدل
هم والعنصريين وشاتمي الآباء والأمهات ..
هسة خلي الكيزان ديل بمارسوا اجرامهم دا
بعيد عن الدين والله ما اشتغل بيهم لاني
عارف انو الاجرام دا ما حكر على جماعة
دون جماعة إلا من رحم ربي لكن الفرق في
ممارستو باسم الدين وهي لله والنفاق بتاع الانجاس
الفسدة الفسقة القتلة ..
أنا ما في زول بمسكني وما في زول بخليني اعمل
حاجة أنا ما دايرها لا ترهيبا ولا ترغيبا ولا تذاكي
زيك تذاكيك القاعد تعملو هنا
المهم
كلامي واضح أنت سخرت مني بقولك ما عندي موضوع
بدون اي سبب وانا رديت السخرية بطريقتي لو ما عجبك
واصل في تعنترك ونفخك وأنا بستمر في نفخك زيادة
بالنسبة للفقرة بتاعت الأخوان المتاسلمين الفسقة الفسدة القتلة
أنا اضفتها بعد سخريتك مني ودي اضفتها ساي كدا
حقارة مني بالأخوان المتأسلمين ديل كونك تلبسا انت
طاقية فدا ما ذنبي أنا لكن تأكد انو الشتيمة التانية انت
مقصود بيها وستظل مقصود بيها ردا على سخريتك وتعديك..
................
النفاخ العظيم المعتدي الأثيم قول لجماعتك الأخوان المتأسلمين
تجار الدين الفسقة الفسدة لعنة الله عليكم أجمعين يا جبناء يا اراذل
خخخخخخخخخ
لو جيت قلت لي أنت اتهمتني وصنفتني ساي بطمعك كلامك دا
بنخريك خخخخخخ

النفاخ العظيم المعتدي الأثيم
شايفك بتظهر دائما مع المتذاكي حافظ
الحكاية شنو ؟؟ خخخخخخخ

Quote: بالنسبة للفقرة بتاعت الأخوان المتاسلمين الفسقة الفسدة القتلة أنا اضفتها بعد سخريتك مني ودي اضفتها ساي كدا حقارة مني بالأخوان المتأسلمين ديل كونك تلبسا انت طاقية فدا ما ذنبي أنا لكن تأكد انو الشتيمة التانية انت مقصود بيها وستظل مقصود بيها ردا على سخريتك وتعديك

شفت سذاجتك وتبريرك الفطير اللي بيأكد إنك تمامة عدد ساي في المنبر ده؟

أما حكاية إنك زول إضينة ساي، فدي ما بياخدني فيها الشك وإنت أصلاً ما بتقصّر في تأكيدها في أي تعليق بتكتبه.

طبعًا عملت غمران من الإجابة على أسئلتي في آخر تعليقي السابق، لأنك زول هبوب ساي قاعد أباطك والنجم وياهو حدّك تجي المنبر تتفشخ في الفاضي إنك قابلت فلان داك في النادي وما سلّمت عليهو لأنك اكتشفت أنه كوز.

عشان كده يا عاطل أحسن ترجع تاخد ليك غمدة تحت ضل عنقريب كفيلك بشبوشي لغاية ما ينادوك تاني.

الكوز الهطلة العولاق العفين
أعمل ليك شنو شايفك مليت البوست
استجداء وتبريرات وتظلمات وفنسة
اسئلتك شنو العملت غمران منها يا دخش انت
وأنت أصلا تسأل لشنو ؟؟؟
أنت تعتذر بس أو بستمر أديك بالشلوت في قفاك
واحد عوقة
خخخخخخخخ

Quote: كدي بالله إنت ده طلحة عبد الله ورّينا رأيك كان شنو في الوثيقة الدستورية ومشاركة القحاطة الحكم مع الفلولي البرهان وضنبه الجنجويدي حميدتي؟

لو عايز تنفي إنك ما تمامة عدد في المنبر ده، جاوب لينا على السؤال ده.

عايزين الأعضاء يتعلَّموا من مقدراتك السياسية، يا "تِرِس".

يا جماعة الكويز دا يفهموه كيف
شوف كم مرة أنا قلت ليك ما عندي مقدرات
ولا اية حاجة .. بس عندي يجي واحد منفوخ
ومتعنتر زيك كدا يمارس على التفلت والسخرية
أقبض في زمارة رقبتو لغاية ما يبين ليهو صاحب
دي مقدراتي كلها جربها واختبرها اكتر وورينا عنترتك
ولو كمان ملاوز من الاستمرار في الزقاق الضيق دا
تعال اعتذر وروح في حال سبيلك... غير كدا
بسكك والله العظيم

Quote: يا جماعة الكويز دا يفهموه كيف شوف كم مرة أنا قلت ليك ما عندي مقدرات ولا اية حاجة .. بس عندي يجي واحد منفوخ ومتعنتر زيك كدا يمارس على التفلت والسخرية أقبض في زمارة رقبتو لغاية ما يبين ليهو صاحب دي مقدراتي كلها جربها واختبرها اكتر وورينا عنترتك ولو كمان ملاوز من الاستمرار في الزقاق الضيق دا تعال اعتذر وروح في حال سبيلك... غير كدا بسكك والله العظيم

قرقرقرقرقر

شفت ياها دي الشلاقة اللي كتلت إشراقة.

في زول نصيح وعضو في أشهر منبر حواري في السودان يؤمّه مستنيرين من كل الأطياف السودانية يجي وبكل سذاجة يقول ويكرّر عن نفسه أنه ما عنده مقدرات وشغال وظيفة ردَّاح مفلس في المنبر.


في عيّل تائه دخل المنبر ده حاولوا رجّعوهو لأمه في مضارب الفيسبوك ينوبكم ثواب.

الأخوان محمد وطلحة
لو سمحتوا نرجع لموضوع الخيط
أو رجاءً يا محمد تفتح خيط آخر لمواصلة النقاش فى الموضوع الاساسى
مع الاحترام للجميع

أنا هو ذلك الرجل أيها الكويز الهطلة المعتوه خخخخخخخ
عايزني أكون نفاخ متلك وأشبك الناس أنا اعلمكم
وأنا أفقهكم وأنا هزبر وأنا هرقل ؟؟
اعمل شنو الله ما اداني مقدرات أها اعترض على حكمه ؟
أنت لو ما عاجبك حكم الله فيني تعال فجرني بحزام
ناسف يا ارهابي يا عنصري اصلا انتوا معروف عنكم
الفوقية والخيلاء والنفخة الكذابة وانتوا احط وأجبن مخلوقات الله
في أرضو
تااااااااااااااااااني
مقدراتي كلها محصورة في ردم امثالك من البجوا يسخروا
ويقلوا علي أدبهم
أرفع رويسك دا عاين لي جاي
أوع تجي تاني تشبكني مقدرات وجركانات
بلا فيس بلا تيس بلا قلاصة معاك
خخخخخخخ
..........................................

Quote: قرقرقرقرقر

كون نفسك واقتني ليك قاموس براك يا بتاع المقدرات انت
قر ينفخك يوقفك قربة أكتر ما أنت منفوخ خخخخخ

Quote: يا محمد تفتح خيط آخر لمواصلة النقاش فى الموضوع الاساسى

هاهاهاهاها
بطاردو في أي بوست ليهو
ما تتعبي يا أخت
الحل يعتذر عن سخريتو مني
كدا بفك خناقو

دي قصة حقيقية عندنا في الجزيرة.

في كل حِلّة تقريبًا بيكون في واحد مهترش كده بيكون فالِت وغير مؤاخذ بسبب خلل في مقدراته العقلية والناس بتتونّس بي قفشاته وما بيزعلوا من خروجه عن النص وبيقضّوا بيهو وقت. حاجة كده زي صاحبنا طلحة عبد الله ده في المنبر ده.

مرة كان في خلاف بين زوج من قرية وزوجته من القرية اللي جنبهم. أها الأجاويد من أهل الزوج ملوا ليهم بكسي ماشين يصلحوا بين الزوجين. لما وصلوا نص المسافة لقوا واحد من عينة طلحة ده مغزوز وسطهم. هو استغلّ انشغال الناس لما جوا يركبوا وانزغم وسطهم. أها الجماعة لما استصعبوا الرجعة عشان يتكافوا شتارة زولنا ده، قالوا ليهو يا طلحة خلاص ما بنرجّعك لكن بشرط تسكت وما تقول ولا كلمة لأنهم عارفنّوا بفلّت. قال ليهم خشمي عندي. لما وصلوا وجلسة الأجاويد بدأت وقام واحد من أهل الزوجة قرّب وجهات النظر وبعده قام واحد من أهل الزوج وزاد على ذلك والحكاية كانت ماشة على انفراج، طلحتنا ده قام رفع يده وقال لازم يقول كلمته. أهل الزوج قعدوا يجابدوا فيهو من جلابيته عشان يقعّدوهوا لأنهم عارفين البئر وغطاها، لكنه كان مصمم على أنه يدلي بدلوه. أها واحد من أهل الزوجة المهميّن - ولعله والد الزوجة - قال ليهم يا أخوانا خلّوا الراجل يقول كلامه. طلحتنا ما صدَّق ودقشهم ليك بكلام شين شديد من السرّة ولي تحت خلّى اللي يتضاير يتضاير والركِب البكسي رِكب. أهل الزوجة حلفوا بنتهم ما ترجع لزوجها بسبب شتارة طلحتنا ده.

ده ياهو اللي بيعمل فيهو تمامة العدد طلحة عبد الله في المنبر ده.

الخلاصة من القصة أعلاه أنه طلحة عبد الله تمامة العدد ده مثال حي لمعنى النيران الصديقة لأنه بيضرّ القحاطة ويضعف حججهم أكتر مما يخدم مواقفهم.

ما معقول بعد مجهود يعملوهو أمثال د. المشرّف عشان يبرروا مواقف القحاطة، يجي واحد موتور زي طلحتنا ده يقِد ليهم الشغل بهذه الرعونة.

أخ
قصة حزينة بس في النهاية مالك ما قلت تمت بحمدلله
أو البقية في العدد القادم ؟؟
خخخخخخ
شوف يا كويز يا معتدي أثيم تتحول لبتاع احاجي تبقى حاوي دا
ما بفكك عشان كدا بدل الهترشة الضيعت فيها زمن دي
اعتذر عن السخرية أو كذب قول طلحة عندو مقدرات خخخخ
أو
سأطاردك للعيد في أي جخنون اسفيري اصادفك فيهو
تمت بحمدلله
خخخخخخخ

الكويز المعتوه النفاخ العظيم المعتدي الأثيم
أي قحاتي ضراهو ردمي ليك يتلب من
رأس بيت يكسر رقبتو هو القحاتي البضرو
ردمي ليك شن نفرو عولاق ساي زيو وزي
الأخوان المتاسلمين والجنجويد ربنا يرسل ليهم
رياح سوداء وزلازل وبراكين خخخخخخخخ
انت يا عوقة يا معتوه قايل أنا بهمنى قحاطي
واللا أي كائن حي يحول بيني وبين ردم
أمثالك من المعتدين؟؟خخخ
بديت أشفق عليك والله خخخخ

إنت لو ما عقلك عقل شافع لسه مؤمّل أنه ممكن تقلع ليك اعتذار بطريقتك دي، يا تمامة العدد؟

تكرارك لطلب الاعتذار في نهاية كل تعليق هي محاولة يائسة عايز تحسّس بيها نفسك وتظهر للناس بالكضب ساي بأنك منتصر وزانق الطرف الآخر.

أنا متفهّم الضرر النفسي اللي وقع عليك من سخريتي وخلاّك متوتر كده. إنت مصدوم من أني وضّحت ليك إنك زول لا قيمة له في المنبر ده ومجرّد عدد ليس إلا.

لا وكمان طوالي عشان تثبت أنه كلامي عنك غير صحيح وتورّي أنه عندك إسهام في المنبر طوالي اتخفّفت ومشيت فتحت ليك بوست ما يساوي ليهو تعريفة.

Quote: إنت مصدوم من أني وضّحت ليك إنك زول لا قيمة له في المنبر ده ومجرّد عدد ليس إلا. .

لا حولااااااااااااااااااااااا ولا قوة إلا بالله هههههههههههه
عارف يا كويز هسة أنا امنيتي شنو بقت ؟؟
خليت الاعتذار وأية حاجة بس نفسي أجيبك
احلق ليك صلعة وأجيب لي مشرط أو أية حديدة
أفتح بيها فاخورتك دي أشوف جواها شنو ؟؟
أصلو ما ممكن يكون فيها طايوق زي الناس..
اذا كان أنا براي وضحت هنا مرارا وتكرارا
أنو ما عندي قيمة ولا مقدرات ولا أية حاجة
اكون كيف مصدوم من كون كويز معتوه زيك
أو غيرك قال لي كدا ؟؟
أسمع
اعتذر
او جيب لي تقرير يفيد بحالة الحاجة المالية تجويف
جمجمتك دي وأنا متأكد بتكون طين أو زبالة أو روث
خنازير مريضة بس المهم ما طايوق بني ادم
وفي حالة زي دي بلقى ليك العذر وبعتقك
هذا أو ....
بسكك للعيد
خخخخخخخخخ

غايتو تحمد ربك يا صفوة لأنه لو ما التكنلوجيا دي زول فارغ زيَّك كده ما كان في حاجة بتجمعني بيهو.

ضرّي عيشك لأنه البوست ده طلّعك إلى النجومية يا مغمور يا تمامة العدد.

يا كويز يا دغور
أنا بساعدك
شوف حكاية ما عندك مقدرات وانت لا تساوى
شىء وانت حجر طين وشوال فاضي وما شابه
من اوصاف ونعوت دي أنا معترف بيها كلها
اصلو ما ناكرا فااااااااااشنو
حاول فخم شتيمتك وجود تدويرتك وقوي صدماتك
لي عشان الواحد يحس انو في ند حقيقي ويستمتع
باللعب لأنو الحاجات البتعقدك دي ما بالضرورة تعقدني
انا كمخلوق عارف حدود مقدراتي لا متشابي ولا متشالق
ولا قدمت نفسي للناس هنا أو في أي فجة من الفجاج بغير حقيقتي ..
اللهم لا تمحنا لا تبلينا
أنت وقت هوين ودغور كدا
الوداك تتشالق وتتعنتر شنو من الأول ؟؟؟

قرقرقرقر

يا صفوة أنا عارف أنه السبب الرئيسي في صدمتك النفسية وثورتك العارمة دي هو كلامي عن أنك قاعد ميطي ويخربك مقدرات، وبعد ده عايزني انجرَّ وأبادلك الشتائم المباشرة وأظهر زيّك ضعيف ومتور ومزنوق؟

كان غيرك أشطر، يا تمامة العدد.

حكاية إنك تعترف في كل تعليق بأنه ما عندك مقدرات للإيحاء بأنك بتفوّت فيني دي ما بتنطلي على الناس هنا. إنت فعلاً ما عندي أيّ مقدرات، يا صفوة.

أنا سألتك سؤال بسيط ما محتاج شطارة ولا عبقرية ولا مقدرات خارقة عشان أثبت بيهو أنك قاعد كنب. وإنت لأنك عارف أنه ما عندك أيّ مقدراتك وعارف أنه الإجابة على السؤال داك بتجرّك لي حتّات خارج حدود تخصصك وهو الردحي وكيل الشتائم، طوالي عملت فيها غمران وجلّيت السؤال ورفعت البيرق.

يا طلحة، العلاج الوحيد لحالتك دي أنك تستعيذ من الشيطان وتقعد مع نفسك في جلسة صفاء وتعترف بينك وبين نفسك - مش بطريقتك الساذجة اللي بتعمل فيها في البوست ده - أنك فعلاً زول خاوي وتمامة عدد ساي في المنبر ده. دي أول مرحلة من مراحل العلاج.

إنت المفروض حدّك في المنبر ده إنك تقعد في أطراف المنبر ده وتمسك ليك إبريق ولما المستنيرين من القحاطة يخلصوا نقاش جاد وموضوعي وعايزين يطلعوا تنتظرهم برَّة وتكب ليهم الموية.

ياها دي واحدة من أضرار التكنلوجيا. تلِم الغث والسمين في صحن واحد.

يا كويز يا عفين
لابد أن أحلق ليك صلعة وأطلع الشرابات القديمة
الحاشي بيها فاخورتك المصلبة دي يمكن واحتمال
وان كان بعيد الواحد يلقى شوية طايوق يتفاهم معاهو
شوف يا عتود الشجر انت خخخخخخ
شتيمتي ليك مقابل سخريتك وقلة أدبك علي
دا موضوعي معاك هنا وفي أية زقاق الاقيك فيهو
مقدرات وجركانات وخزعبلات دي تهاتي بيها
أنت براك
هو انت يا العوقة بعدم مقدراتي دي نفسك قائم معاي
وماسكاك أم هلا هلا ليك تلاتة أيام
بضحواتها وامسياتها ومال لو عندي مقدرات تجيك سكتة
قلبية واللا كيف .؟؟ ححححححح
مرة تعمل لي فيها حبوبة بتاع أحاجي ومرة تتفنس وتقعد
تبرر ومرة تستجدي ما خليت ليك قشة ما اتعلقت فيها
عشان تنجو من الغرق دا مع انو الحل بسيط وسهل
تعتذر عن سخريتك واستحقارك وتتعهد انك تاني ما تعمل
كدا
هذا أو سوط الكيبورد عديم المقدرات دا
بسلخك كل ما بان ليك أثر خخخخخخ
شنو شايكني حل اللغز وأجب على الأسئلة
أدناه وضع دائرة وما عارف شنو ؟؟
تقمصك لدور ناظر المدرسة الإبتدائي ما بحلك من الخنقة
دي لو مليت البورد دا والبوردات المجاورة بالكواريك
والنواح
الحل في الاعتذار
أو زي ما قلت ليك صورة اشعة نشوف فيها
الحاجة الحاشيها في فاخورتك دي احتمال نلقاها
برطوش قديم ونعذرك وبالتالي
نعتقك
خخخخخخخ

غايتو اللي دخلت فيك تاني ما بتمرق، يا صفوة.

حا تعيش طول حياتك تتذكّرني لأني جرحت مشاعرك وكبرياءك لدرجة أنك طلعت من طورك وبقيت تنفخ يمين وشمال عشان تاخذ بي تارك.

والسبب للتاريخ هو أني قلت ليك ما عندك مقدرات بس.

أنا غايتو شفت ناس هتكوا عرضهم ما زعلوا جنس زعلتك دي. أتاريها المقدرات دي مهمة خلااااس لمن يفتقر إليها، يا طلحة مقدرات.

الظريف في الأمر ده كله وبيوضّح أنه طلحة ده فعلاً زول مخُّه ما شغال وما عنده مقدرات أنه بيطالبني أعتذر ليهو على أني قلت إنه ما عنده مقدرات، في حين أنه بيقول وبيؤكّد بالتغليظ وفي تعليقات كتيرة ليهو كلامي عن أنه ما عنده مقدرات.

إنت المفروض تعتذر لي نفسك قبلي، يا طلحة أباريق؟

بطريقة تانية، لأني عارف فهمك تقيل.

إذا افترضنا أني استسلمت وأذعنت وقلت الروب وعايز أعتذر ليك، أقول ليك شنو؟

أقول ليك معليش يا صفوة وامسحها لي في وشَّي لأني سخرت منك وقلت ليك ما عندك مقدرات، ونحن الاتنين متفقين على إنه ما عندك مقدرات؟

برضيك نحن الاتنين نظهر كضّابين قدّام أعضاء المنبر، يا طلحة أباريق؟

حاول شوف لينا صيغة اعتذار مناسبة، يا صفوة.

صباح الخير
يا كويز
قلت ليك وقلت لحافظ وكررت الكلام دا كتير
أنا اقول وأعمل لنفسي أية حاجة في أية حاجة
ان شاء الله أطلع في نيمة اقطع لي خمس ست
مطارق وأنزل أجلدني لامن أجيب الدم أنا حر
أقول لنفسي ما عندي مقدرات ما بفهم أطرش
عوير بريالة دي نفسي وأنا حر أقول فيها الدايرو
أقول ليك حاجة ان شاء الله يلموا فيني شفع الفريق
التحتاني والفوقاني والوسطاني يركبوني حمار بالقلبة
ويفلعوني بالطوب وأنا رضيان .. بس تجي انت
تلمح لي ساي بالسخرية والاستحقار انزل عليك
أبطحك وأطالبك باعتذار
حقي واللا ما حقي ؟؟
اعتذر
أو جيب صورة أشعة مقطعية للجمجمة يمكن ألقى
ليك عذر واعتقك خخخخخ

Quote: صباح الخير يا كويز قلت ليك وقلت لحافظ وكررت الكلام دا كتير أنا اقول وأعمل لنفسي أية حاجة في أية حاجة ان شاء الله أطلع في نيمة اقطع لي خمس ست مطارق وأنزل أجلدني لامن أجيب الدم أنا حر أقول لنفسي ما عندي مقدرات ما بفهم أطرش عوير بريالة دي نفسي وأنا حر أقول فيها الدايرو أقول ليك حاجة ان شاء الله يلموا فيني شفع الفريق التحتاني والفوقاني والوسطاني يركبوني حمار بالقلبة ويفلعوني بالطوب وأنا رضيان .. بس تجي انت تلمح لي ساي بالسخرية والاستحقار انزل عليك أبطحك وأطالبك باعتذار حقي واللا ما حقي ؟؟ اعتذر أو جيب صورة أشعة مقطعية للجمجمة يمكن ألقى ليك عذر واعتقك خخخخخ

قرقرقرقرقر

والله، يا صفوة، بتعليقك التحفة ده أثبتَّ أنه وظيفة شيَّال أباريق للقحاطة في المنبر ده ذاتها كتيرة عليك.

يا أخي، أكرم ليك تقرأ بس وتمسك خشمك عليك بدل جنس بهدلتك دي، أو تمشي تقع دفسيبة الفيسبوك وتخوض مع الخائضين وزول هناك بجيب خبرك ما في. لكن تقعد وتقول خرمجاتك دي في منبر زي ده بتهبّل بروحك ساي. وأحسن ليك كمان لو اكتفيت بالقمبرة في نادي العين وتخلّيك في كشاتينك وضُمناتك.

شغلك اللي في تعليقك الأخير ده، يا طلحة مقدات، شغل لولوة ومراوغة ساي، وحكاية أنه إنت فعلاً ما عندك مقدرات لكن إنت الوحيد المسموح ليك تقول الكلام ده وتسخر من نفسك ده لعب عيال ساي. زي "براءة الاقتراع" بتاعت لقب "وحش الأسافير" بتاعت أحمد ياسين ديك.

إنت مخرجك واحد من ورطتك دي، يا طلحة أباريق، وهو إنك تقول إنه سخريتي ورَّمت فشفاشك وهردت مصارينك من جوّة وخلَّتك تكضّب وتكابر ساي وتقول ما عندك مقدرات عشان تكتل لي الدش في يدي. وفي الحالة دي، أنا بعتذر ليك وأدّيك بسطونة تجلدني بيها زي ما إنت بتقول، لكن بشرط إنك تثبت فعلاً أنه عندك مقدرات، وحا نخصّص ليك جلسات تقييم عشان نشوف إذا إنت مؤهل للدخول في التصنيف ولا لا، والبداية حا تكون بأنك تسيبك من التهرب اللي بتعمل فيهو ده وتجاوب على سؤالي ده:

Quote: كدي بالله إنت ده طلحة عبد الله ورّينا رأيك كان شنو في الوثيقة الدستورية ومشاركة القحاطة الحكم مع الفلولي البرهان وضنبه الجنجويدي حميدتي؟

Quote: سخريتي ورَّمت فشفاشك

بالله شوف الكويز العوقة أب فاخورة
ملانة براطيش دا بسو في شنو ؟؟
ومال أنا راكبك لي أيام وليال لشنو
ما عشان سخريتك يا عفين ورمت فشفاشي
شوف الهناي التفيه دا
أصلا البوست دا أنا غزيتو واحتليتو لشنو
ما عشان الم فيك يوميا أحشي ليك سخريتك واستحقارك
دا بنخريك

شوف بالله الكويز الهبنقة دا بطوطح في رقبتو
كيف زي قرد البابون الماسكاهو زرقة
أقول سخريتك ورمت فشفاشي ؟؟؟؟ هههههههههههه
ومال أنا بجلد فيك لشنو يا دحيش ؟؟؟ ههههههههههه
اللهم لا تمحنا لا تبلينا
الكوز لامي وسخ وعبر الدنيا كلها تجارة بالدين
ونفاق وعنصرية وصعلقة وعباطة وغباء بلا حدود
مسخ مشوه خخخخخخخخ
محمد صديق أيها الكويز المشوه العبيط من أي جحر عميق في الكون
خرجت إلى الدنيا؟؟ وماذا تريد من هذه الفانية بما
انو ما ليك أية لازمة فنصيحتي ليك أن تأكل
وتشرب وتتغوط كما البغال إلى أن ياتيك أمر
الله فتنفق كما ينفق خنزير في البراري خخخخخخ
...........
سخريتي ورمت فشفاشك ؟؟؟؟ هههههه ومال أنت ليك
أيام وليالي تاكل في الخبط والهزر دا لشنو يعنى ؟؟
ههههههههههههه
ياللغباء

Quote: لكن بشرط إنك تثبت فعلاً أنه عندك مقدرات

دلاهتي الكويز العبيط مقدرات منو وجركانات شنو ؟؟؟
دا ما بحلك من السلخ حاول شوف ليك مخارجة تانية
أو
فكفك نفسك اعتذر
أو
جيب صورة الأشعة خخخخخ
........
محمد صديق أيها الكويز الغبي من أي فج في الكون تلبت إلى هذه الدنيا ؟؟؟؟
وماذا تريد من هذه الفانية ؟؟؟ .. بما أنك تمامة عدد وزيادة زحمة للبشرية
فنصيحتي ليك انزوي في أي شق أو جحر لتأكل وتشرب وتتغوط إلى أن ياتيك أمر الله فتنفق
كما ينفق خنزير في البراري
سيبك من الهلفظة والجلفظة البتسو فيها دي بلا مقدرات بلا جركانات بلا
حشرجة معاك اعتذر أو تعال كل يوم قالع هدومك عشان تاخد الجرعة
اليومية من الشلاليت في قفاك خخخخخخخخخخ
قال سخريتي ورمت فشفاشك قال.. ومال أنا سايقك من اضيناتك لشنو ؟؟؟ هههههههههه
يا للغباء المتجدد

قرقرقرقرقرقر

فشفاشك ما اتورّم بس، يا طلحة أباريق، بل طرشق عديل، والدليل هو ردّ فعلك وقومة نفسك التي لا تتناسب مع كلامي عن إنك عديم المقدرات.

شغلك ده دليل على أنه في خلل كبير في تركيبتك وشخصيتك. وإنت زي ما قلت ليك قبل كده شمَّاشي تقليدي بتاع حلاقيم وردحي ساي، وبتحاول ترفع معنوياتك بسلاح العاجز وهو كيل الشتائم.

وأهو واضح أنك لما لقيت نفسك عاجز عن الرد على تعليقي الأخير، لجأت إلى الإسراف في الشتائم.

شوف القائمة دي في تعليقك الأخير بس:

Quote: الكويز العوقة أب فاخورة ملانة براطيش دا بسو في شنو يا عفين الهناي التفيه دا الكويز الهبنقة قرد البابون دحيش مسخ مشوه المشوه العبيط خنزير في البراري كما البغال

والغريبة بعد ده كله أنك متوقّع أني ممكن أجي أعتذر ليك. أعتذر ليك علي شنو؟ لا أنا عارف ولا إنت عارف ولا القراء عارفين؟

الخلاصة، يا طلحة مقدرات، أنسى حكاية إنك ممكن تستفزني بالشتائم مهما كتَّرت منها.

ياهو ده كفيلك بشبوشي شغال فيني شتائم على مدى سنوات وبرضو مواصل معاهو لغاية ما جاتو نفسيات. لكن إنت حالتك أصعب، لأنه بشبوشي على الأقل بيقاوم وجلده تخين ومتمرّس في تقبُّل السخرية، لكن من اللي أنا شايفه قدَّامي ده، إنت قريب حا يطقّ ليك عِرِق لأنك حا تقعد تلوك في شتائمك دي وأنا حا أواصل عادي في جلدك بسخريتي اللي حا تورّم فشفاشك وتطلّعك من طورك زيادة. وأهو أعراض فقدان السوائل بدأت تظهر عليك.

يا كويز يا دلاهة
أنت تسخر مني ساي كدا حقارة وكمان
ترجع تقول لي سخريتي منك ورمت فشافشك
امعانا في الاستحقار والحقارة والاستفزاز
وعايزني يا طيرة اشتت ليك فستق ولوز هنا
وادعو ربنا يقويك و يبارك فيك ؟؟ يالك من معتوه رعديد
أنت شفت شتائم والله العظيم أركبك بيها لما يتورم
فشفاشك وكبدك وكليتك وقلبك وسائر اعضاء جسدك
يا مأفون
قال كمية شتائم قال أحمد ربك أنو دا واقع افتراضي
ساي وإلا كان طلعت بلت ليك في رويسك دا
شنو البخليك تسخر مني وكمان تتبجح يا مريض أنت
سخريتك ورمت فشفاشي وح تواصل في السخرية مني ؟؟
طيب يا عجل انت واصل وأنا بوريك قاموس شتائم
ما سمعت بيهو في أبشع كوابيسك يا موهوم
واصل سخريتك وتبجحك واحتفاءك بالبتعمل فيهو دا
واستعد يا هطلة
.

Quote: في خلل كبير في تركيبتك وشخصيتك. وإنت زي ما قلت ليك قبل كده شمَّاشي تقليدي

وانت يا دلاهة المنبر ما كنت مصدقني واللا شنو ؟؟
أيوة شماسي وعندي خلل في شخصيتي وتركيبتي بزيد على كل
ما أصادف كويز زيك يسخر مني استحقارا ويفتخر ويحتفي بسخريتو
تبجحا وسوء أدب وظوية
شوف يا متبجح ويا متعنتر أنا ما بهمنى استفزك واللا اطرشك
الفي جوفك بقدر ما يهمنى أنك تتأدب معاي لا تسخر مني حتى
لو كانت فيني كل عبر الدنيا وان فعلت تسردب وتثبت وتبطل تذاكي
ومحاولات استعطاف المتابعين لأنهم ما بهموني طالما انا برد
في اعتداء حصل لي من معتوه دونما أي سبب الا الحقارة وقلة الأدب
لا وكمان بتبجح وبحتفي بالسخرية دي خخخخخخخخ
..............
محمد صديق أيها الكويز المتبجح المعتوه من أي مجرة شياطين قفزت
إلى الدنيا وماذا تريد من حياتك البائسة هذي؟؟ أنت كـأيما طفيلي عبيط
تشارك البشرية الماء والكلاء والهواء وبما انه ما ليك لازمة فنصيحتي
انزوي في أي ثقب جعارين لتأكل وتشرب وتتغوظ إلى أن ياتيك
أمر الله فتنفق كما تنفق الخنازير البرية ...خخخخخخخ

اذا كان الكيزان يقتلون الناس بدق المسامير في رؤوسهم
واقحام الحديد في ادبارهم
بل ويدفنون بعضهم أحياء ويمارسون حياتهم الطبيعية مع
اسرهم وأولادهم وربما يسكنون في نفس الحي الذي تسكن
فيه أسر وأطفال من قتلوهم
فعادي جدا يفتخروا ويتبجحوا ويحتفوا بالسخرية من الآخرين
كما يفعل المعتوه محمد صديق
يا معتوه أنت اخترت المخلوق الخطأ لتسخر وتتبجح بسخريتك منو

قرقرقرقرقرقر

شفت جنس جقلبتك دي، يا طلحة أباريق؟

3 تعليقات وراء بعض ما فيهم غير النفخة الكضابة وبرضو تقول لي فشفاشك ما اتورّم، يا ضنيب الجنجويد.

طبعًا حكاية خيانتك لبلدك وعمالتك للجنجويد دي حا نجيها لي قدَّام.

لوك الصبر بس يا خائن. إنت وأمثالك اللي فاكرين أنه خيانتكم دي حا تعدّي ساي. صدقني حا تتنفخوا جنس نفخ، يا عواطلي نادي العين.

حبيبنا محمد صديق
وحبيبنا طلحة
ارجوكم صلح وسماح
يكفينا ما يحدث في الوطن
مشكلتي اني لا اجيد العامية
حتى الكثير من المفردات المتبادلة بينكم لم افهمها
مثال.. هطلة.. هل هي المؤنث من المطر.. ههه

لكم التحايا.. وحفظكم الله

الكويز الكلب الأجرب

Quote: برضو تقول لي فشفاشك ما اتورّم

هههههه هسة القاعد يجقلب ويولول ورأسو دايش منو
هو أنا في ال 3 تعليقات القلتهم ديل قاعد أقول أيوة ورمت
لي فشفاشي عشان كدا أنا راكبك أيام وليالي تجيء تقول
لا انت قلت فشفاشي ما اتورم ؟؟ خخخخخخ الجابرك شنو
تتصعلق وتمارس قلة الأدب والسفالة علي طالما ما بتتحمل
الحقن وبتخليك تجقلب وتهضرب وتجيك تهيؤات يا عرة ؟؟؟؟
أعمل أية حركة كدا واللا كدا وأنا بفهم وبرحي ليك شوية
بدل تجابد وتفرفر وتتمرصع كدا حححححح

Quote: طبعًا حكاية خيانتك لبلدك وعمالتك للجنجويد دي حا نجيها لي قدَّام

قول واي يا كلب يا رمة هههههههههه
لقيت حكاية ما عندك مقدرات وجركانات ما جايبا حقها
قلت تشوف ليك مراقة تانية يا عوقة ؟؟؟؟
والله العظيم دا ما بحلك مني يا عوقة المنبر
تكضب تنافق تسرق تخطف تزني تمارس اللواط تملص تمشي
امفكو ما بحلك إلا تعتذر بلا خيانتك لي بلدك بلا
ولولوة معاك .. ما بحلك إلا الاعتذار والتعهد بعدم
العودة للصعلقة وقلة الأدب يا كويز غير كدا لو نططت
يا صفيق ما بفكك ..
ضنب جنجويد وخائن لبلدي وعميل سري وعاطل وأي حاجة
في رويسك الفاضي دا .. كدا أول حاجة فك رقيتك من الخنقة دي
اتنفس أول وتعال شوف خيانة بلدي وضنب جنجويد وضنب سحلية
كويز عجل خخخخخخ

Quote: حبيبنا محمد صديق وحبيبنا طلحة ارجوكم صلح وسماح

سعيك مشكور يا حبيبنا علي
.....................
الكويز العجل هطلة المنبر العولاق الدلاهة
محمد صديق للحول ما بفكك يا صعيليق
يالك من معتوه واطي تفيه خخخخخخخخخ
اعتذر واعلن توبتك وتعهدك بعدم العودة للصعلقة
وقلة الأدب وبعد دا احتمال ارخي ليك القبضة غير كدا
إلا تتنفس بمساماتك أو تجيبا من الآخر و تولى الأدبار يا علق خخخخخخ

يا مسيكين إنت عندك شنو يردُّوا عليهو؟ ياها شتائمك دي ما عندك غيرها.

إنت زول مارق للربا والتلاف وما عندك سمعة تخاف عليها، لأنه طريقة تربيتك واضحة وكل إناء بما فيه ينضح.

إنت زي ما بقولوا المصريين مِدهوِل على عينك وما جايب خبر، عشان خلّيني أفتح ليك أضانك من هسي عشان بعدين ما تقول ما كلَّموني.

الحكاية واضحة، يا طلحة أباريق. بما أنه المنبر ده محضور ومرصود، لو الجنجويد مسكوا البلد عندهم قائمة أي زول فيها لو رجع بيتنفخ، وأنا في نصّ القائمة دي.

ولو الجيش انتصر، أمثالك من الخونة ديل يبلّوا رأسهم أو يشوفوا ليهم بلد تاني، يا عواطلي نادي العين.

يعني في النهاية في ناس هنا حا تتنفخ، يا ضنيب الجنجويد.

ويا ريت لو إنت خيانتك عليها القيمة. كل اللي بتقدر عليهو أنه تقيف في محطة الشحن في الخاص يملوك بالزمبلك وتجي داقش وتقول الشويتين بتوعك ديل وتشيل وش القباحة، وتُكتَب من الخونة.

كل اللي عملتوهو هنا من تأييد لقتل الأبرياء وهتك أعراضهم وسلب ممتلكاتهم وتشريدهم حا تادفعوا تمنه غالي قريبًا بإذن الله، يا ضنيب الجنجويد.

أكرب قاشك بس، يا طلحة مقدرات يا خائن.

الحقيقة يا محمد صديق، لي زمن متابع مداخلاتك، والحقيقة شكلتك دي قريتها كلها؛
أنت متمكن من اللغة وطريقة الكتابة بطريقة ممتازة وأفكارك حتى في الشكل الما عندو معنى دا ًمرتبة ودقيقة،
داير أقول شنو؟
لماذا لا تكتب مقالات في السياسة بشكل عام دون المواجهة المباشرة مع الأفراد وإضاعة الزمن في مناكفات لا معنى لها؟
كذلك لك مقدرات نقدية وأدبية فائقة من الممكن أن تجعلك من الأعلام،
فقط تحتاج لكسر نفسك وأن لا تنتقم لها،
أنت رجل مميز جداً،
أرجو أن تُعيد طرح نفسك من جديد.

وين يا عبدالله أبوبكر
الكويز المتميز دا تاني
إلا يتميز في جلابيتو بلاحقو كدا للحول إلا ينفق هو
أو اموت أنا
أو يعتذر
ويتعهد بعدم العودة للصعلقة وقلة الأدب
خخخخخخخخ

Quote: لأنه طريقة تربيتك واضحة

أهااااا أهلك وتربيتهم ذنبهم شنو
حرقك قول واي يا واطي واحتمال افكك
ما تجيب سيرة أهلي وتربيتهم عشان أنا ما
جبت سيرة أهلك وتربيتهم مع اعتذاري ليهم
لأنو قابضك من حلقومك يا عفن
خخخخخخخخخ

Quote: ولو الجيش انتصر، أمثالك من الخونة ديل يبلّوا رأسهم أو يشوفوا ليهم بلد تاني، يا عواطلي نادي العين.

هههههههههههه عايز تزوغ ؟؟؟
يا كويز يا علق سيبك من الجيش والجنجويد
هسة خليك في رقبتك ما تحور الموضوع ..
اعتذر بدل اللهاث الأنت فيهو دا
الجيش ينفخني والجنجويد ينفخوك دي خليها بعد تفك حلقومك

Quote: هههههههههههه عايز تزوغ ؟؟؟ يا كويز يا علق سيبك من الجيش والجنجويد هسة خليك في رقبتك ما تحور الموضوع .. اعتذر بدل اللهاث الأنت فيهو دا الجيش ينفخني والجنجويد ينفخوك دي خليها بعد تفك حلقومك

عارفك ما عايز تسمع كلام النفخ ده، لأنه بيخلّي ركبيك يضاربوا، يا عواطلي نادي العين.

إنت شابفها بعيدة وتحسبها لعب، وفاكر الحكاية زي معارضة سياسية لنظام حاكم.

المرة دي الحكاية فيها خراب بلد بحاله. وأمثالك من الخونة بإذن الله حا يشوفوا أيام غبرة.

والأيام بيننا، يا طلحة أباريق.

Quote: الحقيقة يا محمد صديق، لي زمن متابع مداخلاتك، والحقيقة شكلتك دي قريتها كلها؛ أنت متمكن من اللغة وطريقة الكتابة بطريقة ممتازة وأفكارك حتى في الشكل الما عندو معنى دا ًمرتبة ودقيقة، داير أقول شنو؟ لماذا لا تكتب مقالات في السياسة بشكل عام دون المواجهة المباشرة مع الأفراد وإضاعة الزمن في مناكفات لا معنى لها؟ كذلك لك مقدرات نقدية وأدبية فائقة من الممكن أن تجعلك من الأعلام، فقط تحتاج لكسر نفسك وأن لا تنتقم لها، أنت رجل مميز جداً، أرجو أن تُعيد طرح نفسك من جديد

مشكور يا مستنير على الإطراء والنصيحة الغالية.

والله بتجيني نصائح كتيرة مباشرة وعبر التواصل بالتكنلوجيا الحديثة زي نصيحتك دي بأنه ما أردّ على الموتورين في وسائط التواصل الاجتماعي، لكن بيزعلني أنه إذا قلت أتجاهل الموتورين ديل يقوموا يشعروا بالكضب بزهو الانتصار الزائف، عشان كده بواصل معاهم مع مراعاة التخفيف من الخسائر. ووالله الواحد خجلان أنه ينزل لي مستوى متدني من الملاواة مع ناس زي اللي اسمه طلحة عبد الله ده.

لكن وعد مني أني آخد بنصيحتك ما وسعني ذلك.

كمان مشكور على نصيحتك المقدّرة بأني أكتب مقالات سياسية، وبإذن الله آخذ بها أيضًا.

تحياتي

الكويز الدلاهة محمد صديق
موضوعي معاك هنا تعتذر عن سخريتك وصعلقتك وقلة أدبك
معاي بعد نخلص من الموضوع دا تعال تاني يا علق هددني
بالأيام البينا والما بينا والجيش والجنجويد والحكومة والمعارضة
والعفن البتسو فيهو دا
هسة أنا لا يهمني وطن ولا مواطن تهمني نفسي دي يا عوقة
لابد من أن تاخذ على قفاك إلى أن تتوب وتعتذر عن سخريتك
وتبجحك يا كويز يا منافق
شوف يا كويز يا رمة ما بتجرني لموضوع تاني غير سلخك
ونفخك هنا عقابا على قلة أدبك علي
وعشان تكون عارف لو وليت الأدبار من هنا قبل تعتذر
بلاحقك في أية فجة أصادفك فيها إلا تولي الأدبار من المنبر
دا كلو
واحد وسخ عولاق
.............
أوسخ وأردأ وأحط من الأخوان المتاسلمين وحملة مباخرهم لم تلد أناث الكون
...............
محمد صديق أيها الكويز العفين أي رياح القت بك إلى الدنيا
وماذا تريد من هذه الفانية .. نصيحتي ليك بما انك زيادة عدد
وزحمة للبشرية أن تأكل وتشرب وتتغوط إلى أن يأتيك أمر
الله فتنفق كما ينفق خنزير بري في أدغال افريقيا خخخخخ

وَلَو أَنّا إِذا مُتنا تُرِكنا
لَكانَ المَوتُ راحَةَ كُلِّ حَيِّ
وَلَكِنّا إِذا مُتنا بُعثِنا
وَنُسأَلُ بَعدَ ذا عَن كُلِ شَيءِّ

دا من اشعار علي بن أبي طالب

بدون شرح او تفسير او إيضاح
فكل شعر بما فيه ينضح

المهم
في إمكانية ندخل ونحاول أصلاح ذات المنبر هنا

وزي كأننا حيثما ولينا ارواحنا
موعودين بالتنافر والتناخر والخلاف

الفينا مكفينا ومكفي الحوالينا

رغم انه وايم الحق
من بداية جيتنا هنا في ٢٠٠٢
ما حصل دخلنا حجازين نهائي بين اتنين
رغم حدوث العشرات من الإشكالات المؤذية والمؤلمة

لكن ومن على البعد
آنسنا نارا يمكن نستدفئ بيها
بدل تحرقكم وتحرقنا وتحرقهم

وما اكتر واشد وامض الحرائق الفينا

ندخل ولا الحجاز ليهو عكاز ؟

بركة بالشوفةيا ابوذر... والله جينا نطايبك
برضو علي بن ابي طالب قال:
دَواؤُكَ فيكَ وَما تُبصِرُ
وَدَاؤُكَ مِنكَ وَما تَشعُرُ
وَتَـحْـسَبُ أَنَّـكَ جِـرْمٌ صَـغِـيرٌ
وَفيكَ اِنطَوى العالَمُ الأَكبَرُ

اما صفي الدين الحلي قال:
أتطلبُ من أخٍ خُلقاً جليلاً وخَلْقُ الناسِ من ماءٍ مَهينِ
فسامحْ إِن تكَدَّرَ وُدُّ خِلٍ فإِنَّ المرءَ من ماءِ وطينِ
وقال آخر:
نَظَرتُ إلى الحَياةِ فَلم أجِدهَا سوى حُلمٍ يَمُرُّ ولا يعودُ
....
طلحة و محمد صديق حتى ما عبر ونا ولا قالوا ياخي نراعي الناس ديل
او حتى نجبر بخاطرهم....في النهاية .. الشكلة دي مصيرها شنو يعني؟

هطلة المنبر العولاق الدلاهة
.....................
العامية فيها رصيد كبير من مفردات الشتم
عكس اللغة النوبية
ما المقصود بهطلة.. هل أنثى المطر.. هطلة مطرة ههه
الدلاهة والعولاق.. الدلاهة كلمة غربية اما والعولاق يمكن تاويلها

اه يا ضواحي الدنيا

الأعزاء الأحباب طلحة ومحمد صديق لكما كل الاحترام
بعد أن عبّر كل منكما عما يجيش وما لا يجيش بخاطره وباطن نفسه...اعتقد أن المشهد يجب أن يؤول إلى نهايته غير مأسوفا ‏عليه..‏

لأنه لا يبدو أن هناك جديدا يُغري بالمتابعة.‏

الأخ طلحة رجاء التوقف عن المهاترات التي لا تفيد حتى وإن رأيت أنك تأخذ حقك بهذه الطريقة التي لا تناسب المكان..‏

الأخ محمد صديق لا نحتاج لأن نكيل لك المدح والتقريظ...نرجو منك المساهمة بإطفاء هذا الحريق الذي لا يشرف أيا منكما..‏

فالتوقف عن المهاترات أوكذلك الاعتذار من شيم الكبار... والجميع قد فهم الدرس بنفس الدرجة فقد وصلنا الرذاذ جميعا..‏

رحمة بكم وبنا با رجاء التوقف...فلا غالب ولا مغلوب‏.

والله من وراء القصد

Quote: أو جيب صورة أشعة مقطعية للجمجمة يمكن ألقى ليك عذر واعتقك خخخخخ

😂😂😂
حلوة يا طلحة وفيها إبداع.

Quote: مش قبل يومين تلاتة في بوست مجاور قلت للناس طلحة دا أشتر ؟؟ خخخخخخ

عييييييييييييييييك يا طلحة
الكلام دا ليهو أكتر من شهر، عملتهن يومين تلاتة!!!
ما شاء الله ذاكرتك قوية.
لكن ياخي أنا قلت للناس عنك إنك أشتر وداير تظهر لكن قلبك طيب.
تجيني تعملني أشتر وبتاع لولوة؟!!!

المهم لو تاني إتذكرت ليك حاجة ومهما حصل بيناتنا عليك الله أديني من نوع بتاعة الأشعة المقطعية دي واختاني من المنابيذ والشتايم التاقليدية
من نوع عفن ودلاهة وهطلة ورمة، ديل مملات ياخي وما فيهن روح إبداعية.
لو شبكتني بمنابيذك التقليدية دي طوالي بكب ليك الإعتذار، جني وجن الملل.

محمد عبدالله الحسن
أنا ما عارف انت الجابرك شنو على أنك تتابع بوست
مهبب زي دا أنا ذاتي بمصر ليمونة قبل ما اجي
اتمرن فيهو .. الطبيعي انك يا محمد ما تفتحو من أصلو
عشان ما تتشلهت لكن خلاص سعيك وطلبك ينظر ويفاد خخخخخ


يا حافظ الكلام ما تم عشرة يوم
كان الكلام دا في بوست قباني لكن ما وصلت درجة
اجيب ليك اقتباس ياخ.. أنا مشيت الموضوع عادي جدا
لاحساسي بحسن النية عندك ولا في بالي والله لكن
الكلام جاب الكلام ..
بالنسبة للشتيمة المملة أصلا أنا محمد صديق دا خاميهو
ومكاورو كوار طماطم ساي ما وصل عندي مرحلة أهجوه
لكن الماعون ملان ولا فخر خخخخخ

تحية وتقدير وود عظيم لأحمد يسن وأبوذر
...................
يا حافظ ومحمد وأحمد يسن وأبوذر عن اذنكم
محمد صديق خلاص فكيتك من السخرية البذلتها لي بدون
سبب واردفتها باستحقار وتبجح نزولا عن رغبة الجماهير
لكن
تعال مارق وريني كيف خنت بلدي والقال ليك منو أنا
عاطل في نادي العين ومنو المعاي الخانوا بلدهم والجيش
أو الأمم المتحدة ح تصلبهم معاي ..
بسكك بالأسئلة دي لكن بدون شتيمة عشان أصحاب
القلوب الرحيمة ما يتاثروا خخخخخ

نزولا عند وليس عن خخخخخخخ
.........
يا حافظ كان في واحد هنا اسمو جرجير وملقب بمحمد البشرى الخضر
كان عامل لي ازعاج كان دخلت قلت السلام عليكم بسخر مني ومرات
يسخر مني في بوستات التانين الأنا أصلا ما دخلتها ولا شفتها لكن
ما حصل يوم اتشاكلنا اصلو تفتكر لشنو ؟؟
انت ذاتك يا حافظ عندك السخرية مرة بترميها سافرة متبرجة
ومرة بتخاف فيها الله وبتنقبها وتغطغطا وفي كل الأحوال ما بقيف
عندها حتى لو حرقتني بعمل نفسي ميت تفتكر لشنو ؟؟؟
أنا طيب شديد أطيب من المسك ياخ خخخخخخخخ

الحبيب طلحة

Quote: محمد عبدالله الحسن أنا ما عارف انت الجابرك شنو على أنك تتابع بوست مهبب زي دا أنا ذاتي بمصر ليمونة قبل ما اجي اتمرن فيهو .. الطبيعي انك يا محمد ما تفتحو من أصلو عشان ما تتشلهت لكن خلاص سعيك وطلبك ينظر ويفاد خخخخخ

***برضه مقبولة منك.. الحجاز ليه عكاز...

***أجمل حاجة الكلمتين الأخيرتين...الفوق بنستحملن ..ضريبة الدخول في المنبر..

المهم يتوقف الكلام الغير مشرف.

وبرضه تحياتي واحترامي..

لا والله أنا جادي يا محمد البوست مهبب ووسخان جدا
بسبب الشتائم وكان في محلك ما بدخل فيهو مرتين
ما قصدي حاجة يا حبيب والله ع ما اقول شهيد

Quote: لا والله أنا جادي يا محمد البوست مهبب ووسخان جدا بسبب الشتائم وكان في محلك ما بدخل فيهو مرتين ما قصدي حاجة يا حبيب والله ع ما اقول شهيد

****خلاص يا حلو

..مافي حاجة..

سلام أخ محمد صديق والجمع المحترم~
إن ما ينشره الجنجويد و"التابعية" مجرد دعاية مملة
يغرفوا من الأسافير تزويرا ويكبوا
*انهم زى ٤ جنجويد وجوقة داعمة لهم يكتب احدهم سطرا وتأتى الجوقة للمساندة المملة
*يبدو أن فيسبوك وخلافه لهم قوانينا تحترم القارئ والكاتب والخصوصيات اكثر من هذا الموقع
حيث إنه إذا هدد أحدهم مشاركا بإنه سياتى بمعلومة من أين يكتب أو خلافه ، يتم وقفه
لكن فى هذا الموقع لا يحدث - يبدو ان متابعة التفاصيل كثيرة على الباشمهندس بكرى ابو بكر وهم يستغلون هذا الجانب
——
* هذه الفيديوهات الدعائية يكثر تواجدها من طرف الحرب الآخر
ولكن لان المحصلة كلها قتالا ضد الشعب السودانى ، يترفع الغالبية من أن ياتوا بها

***يذهب القتلة إلى الجحيم ويبقى الوطن