شاهدت فيديو متداول عند أصحابنا النوبيين في مطار دلاس بفرجينيا .. يستقبلون ول أبا هشام عباس وحرمه وأطفاله .. والله شيئ يسر أن نري هشام في العالم الحر.
مرحب ول أبا وتشرفت بكم ديار اليانكي!
بريمة
Post: #2 Title: Re: الناشط هشام عباس .. يشرف العاصمة واشنطن .. م Author: Biraima M Adam Date: 11-04-2023, 02:12 AM Parent: #1
أخر فيديو للأخ هشام عباس
بريمة
Post: #3 Title: Re: الناشط هشام عباس .. يشرف العاصمة واشنطن .. م Author: Elhadi Date: 11-04-2023, 02:22 AM Parent: #2
لا أهلاً ولا سهلاً ولا مرحباً ب أبواق المليشيا
Post: #4 Title: Re: الناشط هشام عباس .. يشرف العاصمة واشنطن .. م Author: Nasr Date: 11-04-2023, 02:32 AM Parent: #3
يا ألف مرحب بضمير الثورة السودانية الواعي
Post: #5 Title: Re: الناشط هشام عباس .. يشرف العاصمة واشنطن .. م Author: Biraima M Adam Date: 11-04-2023, 02:40 AM Parent: #3
Quote: لا أهلاً ولا سهلاً ولا مرحباً ب أبواق المليشيا
الهادي، يا أخوي، هشام عباس .. سجن في السعودية بوشاية من الحكومة السودانية فقط في مسألة نشاطه السياسي .. لا علم لي بنشاط هشام ودفاعه عن الدعم السريع .. والأخ هشام رجل منظم كيف يشذ عن أراء حزبه .. ومدافع عن قضايا النوبيين ..
هشام زميل منبر .. رجل مهذب .. ويعبّر عن أراءه دون أن يمس إنسان ولا جهة ولا قبيلة .. يخاطب قضايا الوطن فقط ..
ميزة هشام، يخاطب عقول الناس .. ويشكل أتجاهات الرأي بحجج مقنعة .. فذ في حوارته.
بريمة
Post: #6 Title: Re: الناشط هشام عباس .. يشرف العاصمة واشنطن .. م Author: Hassan Farah Date: 11-04-2023, 06:43 AM Parent: #1
هشام عباس مناضل سودانى شريف تشهد له مواقفه الشجاعة فى الدفاع عن حقوق الشعب السودانى يعرف ذلك كل انسان له ضمير من ينكرمجاهدات هشام عباس اما ان يكون من فئة بنى كوز او مرتزق جبان ولا نامت اعين الجبناء
Post: #7 Title: Re: الناشط هشام عباس .. يشرف العاصمة واشنطن .. م Author: Hassan Farah Date: 11-04-2023, 11:38 AM Parent: #1
وصول هشام عباس الى امريكا بعد خروجه من السعودية
start at 0:46
Post: #8 Title: Re: الناشط هشام عباس .. يشرف العاصمة واشنطن .. م Author: حامد عبدالله Date: 11-04-2023, 10:01 PM Parent: #7
الف حمدالله علي السلامة إقامة سعيدة ونجاح وخير كتير
ولي قدام 💐💐💐💐
Post: #9 Title: Re: الناشط هشام عباس .. يشرف العاصمة واشنطن .. م Author: Biraima M Adam Date: 11-04-2023, 10:51 PM Parent: #8
هشام عباس .. لا يحمل حقد ولا كراهية لأي إنسان .. كل ما يفعله يقرأ ويحلل واقعنا السوداني البائس.
بريمة
Post: #10 Title: Re: الناشط هشام عباس .. يشرف العاصمة واشنطن .. م Author: HAIDER ALZAIN Date: 11-07-2023, 09:41 AM Parent: #9
Quote: لا أهلاً ولا سهلاً ولا مرحباً ب أبواق المليشيا
عليك الله شوف جنس الكوز الخازوق دا والتغبيش والتلفيق البيعملوهو على المختلف معاهم..
هشام عباس لم يكن يوماً مع او يدافع عن الجنجويد ولا العسكر عموماً وكلامه واضح وموجود بالنت من قبل ثورة ديسمبر..
نتمنى للاخ هشام عباس التوفيق وطيب المقام بامريكا اللامة الخلق كلهم كيزان وابواق كيزان زي اخونا دا او جنجويد وابواق جنجويد زي اللخو صاحب البوست ..وليه لا وهي بلد الحريات كما يقال..
المهم نسال الله له التوفيق والسداد وهو يبتدئ رحلة تأسيس جديدة بعد عن فقد إستقراره ووظيفته المحترمة في كبرى شركات المنطقة بسبب خساسة ومؤامرة اذيال الكيزان ..
Post: #11 Title: Re: الناشط هشام عباس .. يشرف العاصمة واشنطن .. م Author: Biraima M Adam Date: 11-07-2023, 10:12 AM Parent: #10
Quote: عليك الله شوف جنس الكوز الخازوق دا والتغبيش والتلفيق البيعملوهو على المختلف معاهم..
كوز شنو؟ دا خايف من الدعم السريع .. لأن القائد حسين برشم عبود (أب شنب، أسد البوص) أعلن لو سمح له القائد سوف يقتحم كوستي .. فالرجل جن جنونه وتماهى مع الكيزان مثل العجوز الباطل زكريا فضل .. وصاروا يبكوا للكيزان ليحموهم في النيل الأبيض. لما قيادات الأنصار يجوا أمريكا .. يتكبكب تقول يقع في وطاة الله.
بريمة
Post: #12 Title: Re: الناشط هشام عباس .. يشرف العاصمة واشنطن .. م Author: السر عبدالله Date: 11-09-2023, 02:02 AM Parent: #11
مرحبا ًًمرحبا بالمناضل الجسور هشام عباس ونرجو ان نلتقيك قريبا باذن الله كما نرجو ان نسمع منك تحليلا جديدا للواقع السودانى الحالى وهل هناك بصيص امل في سودان جديد يعمه السلام والامن ام نفقد الامل تماما ونعتبر السودان خلاص راح
Post: #13 Title: Re: الناشط هشام عباس .. يشرف العاصمة واشنطن .. م Author: Biraima M Adam Date: 11-10-2023, 11:15 AM Parent: #12
شكراً السر
Quote: مرحبا ًًمرحبا بالمناضل الجسور هشام عباس ونرجو ان نلتقيك قريبا باذن الله كما نرجو ان نسمع منك تحليلا جديدا للواقع السودانى الحالى وهل هناك بصيص امل في سودان جديد يعمه السلام والامن ام نفقد الامل تماما ونعتبر السودان خلاص راح
يا أخي أنت ذاتك وين؟ هل موجود معنا في المترو أيريا ..؟
بريمة
Post: #14 Title: Re: الناشط هشام عباس .. يشرف العاصمة واشنطن .. م Author: السر عبدالله Date: 11-10-2023, 11:41 AM Parent: #13
ول ابا بريمة انا في اساسا في كندا ولكن الان في سفرية خارجية بداتها في نيويورك ومن ثم السعودية ومن ثم القاهرة والان راجع السعودية مرة اخرى حيث ساعود الى نيويورك مرة ثانية وارجو ان ازور واشنطن لزيارة قريبي هشام عباس وان شاء الله القاكم بهناك عشان نسالك عن مواضيع عامة وخاصة
Post: #15 Title: Re: الناشط هشام عباس .. يشرف العاصمة واشنطن .. م Author: Biraima M Adam Date: 11-10-2023, 12:04 PM Parent: #14
Quote: ول ابا بريمة انا في اساسا في كندا ولكن الان في سفرية خارجية بداتها في نيويورك ومن ثم السعودية ومن ثم القاهرة والان راجع السعودية مرة اخرى حيث ساعود الى نيويورك مرة ثانية وارجو ان ازور واشنطن لزيارة قريبي هشام عباس وان شاء الله القاكم بهناك عشان نسالك عن مواضيع عامة وخاصة
هشام ما زال يرتب في أموره .. هو والأسرة بخير ..في أيدي أمينه مع أخوة نوبيين درسوا معه منذ الصغر وهم سعيدين بوجوده بينهم .. بالله طمئن الأهل علي صحته وصحة أسرته ..
مرحب بيك .. حينما تصل بلغنا حتى نلتقي ..
-------------------- لو قدرنا نعزمك شاي بنكهة عرق الجنجويد!
بريمة
Post: #16 Title: Re: الناشط هشام عباس .. يشرف العاصمة واشنطن .. م Author: Elhadi Date: 11-10-2023, 04:59 PM Parent: #15
أبواق المليشيا يجب مقاطعتهم وحصارهم اجتماعياً
الحصل لأهلنا وأصدقاءنا ومعارفنا في السودان في الداخل ما شوية والله
وواحد من أسبابه كانت الدعاية السياسية التي يبثها هؤلاء الأبواق سواء بعلم أو بغير علم ـ بجهل أو بمعرفة ـ بحسن نية أو بسوءها
ده موقفي وأنا ملتزم بيهو على الصعيد الشخصي والعام
وأنا عارف السودانيين ديل ما حا يرحموا قحت لي قدام ـ أو ده المفترض يحصل بعد كل ما وقع ـ لكن القصة دي بتبدأ على الصعيد الفردي أول شيء
إذا لم تحدث هذه المقاطعة والعزلة على الصعيد الفردي فلن تحدث على الصعيد العام
والحمد لله رب العالمين تمام الحمد انو الواحد مريح نفسو من سماع ومشاهدة هذه السموم والغثاثة التي يبثها ناشطي المليشيا وقطيع قحت على الصعيد الخاص والعام
Post: #17 Title: Re: الناشط هشام عباس .. يشرف العاصمة واشنطن .. م Author: Elhadi Date: 11-10-2023, 05:10 PM Parent: #16
وإذا مجتمع واشنطن السوداني أو مجتمع فرجينيا والمناطق المحيطة استقبل هذا الناشط الاسفيري المذكور والذي كان ولا يزال يواصل في بث السموم المؤيدة لسردية المليشيا والقوى السياسية المتحالفة معها والتي أصبحت بمثابة الجناح السياسي لهذه المليشيا التي أوغلت في الإجرام بحق السودانيين شمالاً ووسطاً وغرباً
فيبقى ياها سبهللية السودانيين المعتادة في التعامل مع الأمور
Post: #18 Title: Re: الناشط هشام عباس .. يشرف العاصمة واشنطن .. م Author: Elhadi Date: 11-10-2023, 05:23 PM Parent: #17
لو بيتذكر المجتمع السوداني الود بتاع الراكوبة داك لمن كان معتقل في السعودية وكيف انو السودانيين في الخارج وفي داخل السودان اتعاطفوا معاهو وجعلوا من قضية اعتقاله لدى السلطات السعودية قضية رأي عام
إلى أن تم اطلاق سراحه وبعد داك سافر كندا ـ وأنا شخصياً واحد من الناس كنت أكتب بوستات في هذا المنبر بصورة راتبة لحث الناس لحشد الدعم والتأييد لاطلاق سراحه من سجون السعودية..
فكان جزاء السودانيين على ذلك الموقف انو الآن الراكوبة أصبحت في مقدمة المواقع الاسفيرية المساندة للمليشيا والتي تبث سموم الدعاية والبروباغندا والأكاذيب لصالح المليشيا التي تقتل وتنهب وتغتصب وتجرم في حق السودانيين شمالاً ووسطاً وغرباً
تقريباً الراكوبة في مقدمات المنصات الاسفيرية لسردية الجنجويد والجنجويد السياسي المتحالف معها
Post: #19 Title: Re: الناشط هشام عباس .. يشرف العاصمة واشنطن .. م Author: Biraima M Adam Date: 11-10-2023, 06:46 PM Parent: #18
الهادي، هل ما زلت تسكن جوار مسجد أدم سنتر في أستيرلنج ..؟