الحاجة البخلي واحد يحب الناس لدرجة الامان بحبهم حاجات كثيرة ، بتلقى في ناس من اهلك تحبهم حب جنوني حتى لو كانوا بعاد تسافر ليهم في بلد ثاني وتصلهم . يعزوك ويكرومك بالضيافة ، ديل البعاد. أما نفس صلة الرحم وهم قريبين منك ، تمشي ليهم برجليك او مواصلات وبيوتهم في مسافة قريبة ، أيضا يكرموك ويعزوك وتمشي منهم وتودعهم ، لما تطلع منهم بتكلموا فيك ويطعنو فيك ويصفوك باقل وصف بان كرهتهم الجية. بالجد حاصل كثير و كثير وأنا شخصيا حصل لي . من اقرب الاهل والمعارف بطعنو من خلفك. دا رسالة للناس العندهم مال وسلطة وبنين وعلم . مريت بتجارب من اقرب الاهل والمعارف وجرحتني جرح عميق وخلاني كرهت اقرب الناس لدرجة لمن اشوفهم كاني شوفت الموت. صاحب تجربة مريت بظروف وتجارب مع الناس المتكبرين الكانو عندهم سلطة ومال وبنين. الجرح عميق في دواخلي عميق بالجد ونازف لليوم . لدرجة قطعت التواصل مع الكثيرين الى يومنا هذا. المثل كتار انتقمو من اهلهم. أنا لم اكون مثلهم ، بعد الحصل سامحتكم بما فعلتوه لي من استفذاذاتكم وتكبركم . بعد ان وصلت الى ما يفوقهم يريدون ان يغفرو ذنوبهم بصكوك المغفرة. لكن سامحتكم مرة اخرى لوجه الله ورسوله. المفيد اسباب الحرب في السودان كانت شرارة اسرية بين كل اسرة واسرة ومن نطاق الاسرة الى نطاق القبيلة ومن القبيلة الى دائرة المطالب بين سودان عربي وسودان زنجي. ما قادرين نقبل بمجتمعنا الفقير والسائق كارو ولا ركشة ولا أي وسيلة من وسائل المواصلات. ما قادرين نقبل الانسان الفقير البجتهد كل اليوم عشان يوفر وجبة واحدة في اليوم ليه ولي اسرتو. ما قادرين نقبل بالطالب المجتهد العايز ينجح في الحياة وطالب مساعدة من الاغنياء. ما قادرين نحترم انسانية الانسان الفرد في الشرطه ولا القوات المسلحة ، لأنو هو جندي او حضرة صول (مساعد). يحترموك عشان أنت ضابط شائل نجوم في كتفك ، يحترموك عشان مصالحهم الشخصية ويكرموك بالهدايا والرشوة ويصنعون صلة القرابة بالرتب. عشان عيون الغلابة وعيون التعابة الحرب قامت ، الحرب قامت لشنو وعشان شنو؟ قامت لخير عشان نعرف الخائن والخير خائن. الحرب اصلا ما شر والخير فيها كتير. قامت عشان الظالمين العايزين يحكمو باسم المليشيا وتكون نهايتهم . قامت عشان القوات المسلحة يفوق من غفلة كانت نائمة . قامت الحرب عشان نكون احسن دولة في العالم. قامت عشان السودان تكون مقبرة الجنجويد العنصرية. الحرب قامت باسباب بسيطة وباذن الله تكون النهاية ونعود للمدن والريف والقرى. السبب بسيط والسبب عاطفة انسان سوداني سمح لخائن سارق ثورات الوطن لتكوين قوات الدعم السريع المليشي الارهابي. جيشك يا وطن قادم بعزة وكرامة.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ذواليد سليمان مصطفى
طارق محمد الطيب
حامد عبدالله
فيس بوك
تويتر
انستقرام
يوتيوب
بنتيريست