مفاوضي الدعم السريع .. رفضوا الكوز عمر صديق .. وجردوه من صفة سفير!

Quote: ماهو السبب الحقيقي وراء إبعاد عمر صديق؟ 🔳 إبعاد عمر صديق من وفد التفاوض م لانو كوز فوفد التفاوض فيه فقيري مثلا وهو كوز معروف ولو الموضوع موضوع كوزنه كانوا طالبوا بإبعاده برضو، وأيضا ابعاده ما لانو مدني فكبير مفاوضي الجنجويد فارس النور ايضا مدني ولو الموضوع موضوع مدني الجيش برضو بالمقابل كان طالب بإبعاد فارس النور. 🔳 بل السبب الأساسي لإبعاد عمر صديق هو انو منذ البداية الطرفين اقروا بشكل واضح وصريح انه التفاوض بين (الدعم السريع والقوات المسلحة) لذلك عمر صديق كزول تابع للخارجية التفاوض دا ما يخصه في شي. 🔳 يلا البلابسة بيحاولوا يغطوا علي خيبتهم في انهم من البداية قبلوا انو الجيش يمثل نفسه فقط وليس حكومة السودان وعشان يغطوا علي دا بتلقاهم في كل أخبارهم بضللوا الناس بعبارة (وفد الحكومة السودانية) مع انهم عارفين انو المفاوضات دي بين الجيش والجنجويد فقط لا غير. 🔳 وبما انه الإتفاق الأول نص انو المفاوضات بين الجيش والدعم السريع يبقي وفد الجيش ما بيقدر بجيب حتي ضابط شرطه في التفاوض خليك من ممثل وزارة الخارجية لانو كل الوزارات دي ما طرف في التفاوض حسب الديباجة الاولي المتفق عليها. عاطف عبدون