Post: #2 Title: Re: ما دخل بعض (الجنوبيين) بالصراع الدائر في ا� Author: Elhadi Date: 10-30-2023, 03:35 AM Parent: #1
يوشك الأمم أن تداعى عليكم كما تداعى الأكلة إلى قصعتها، فقال قائل: ومن قلة نحن يومئذ؟ قال: بل أنتم يومئذ كثير ولكنكم غثاء كغثاء السيل
طبعاً ضعف البرهان وتردده وأياديه المرتعشة ستغري الكثيرين بمحاولة التدخل في هذا الصراع.
Post: #3 Title: Re: ما دخل بعض (الجنوبيين) بالصراع الدائر في ا� Author: Hasheem Karouri Date: 10-30-2023, 04:39 AM Parent: #2
الهادي . سلام
ياخي والله برافو عليك ، في هذه الفوضي الحاصله نسينا نجيب سيرة الجماعة ديل . هل تعلم ان معظم ضاربي المدفعيه من الجنوبين ؟ مصادري الخاصه تؤكد " أسر العشرات منهم " ، وهم تبع فصيل معين من الجنوبيين .( سنركز الضوء عليهم في الايام القادمة ) . ... وفعلا صاحبنا " مدمن القهوة المباري ستات الشاي " ده ، وضعف شخصيتو و ذله وهوانه وانكساره ، هو الذي شجع الرجرجه والدهماء والصعاليك ، علي الصعقلة وقلة الادب . لكن ايامو قربت ، ومؤسف زول زي ده يكون علي راس الهرم . ده السودان يالهادي ، وماتشيل هم ، وشده وتزول انشاء الله ، السودان ده يالهادي ، ياما فيهو ناس يسدوا عين الشمس ، وفيه رجال كالوحوش الضارية قلوبهم ،قلب أسد ، لا يرضوا الذل والهوان ، ولو كان الثمن تعليقهم احياء ، يقدمون حياتهم رخيصه فدأ ارضهم وعرضهم . لكنها غفلة الزمان . وسجم الرماد ده مصيرو زي غيرو من السفله الذين خدمتهم الصدفه ، وتاريخنا " يعج " بمثل هولاء الاوغاد . امتحان كبير مر بيه السودان ، بسبب اشباه الرجال في قيادة الدولة ، رغم انهم مش قدر المقام ، لكن حكموا غصبا عنا . شده وتزول ياهدهد ، وحواء السودان وابناءها مازالو بخير ، رغم المأأسي المحن . ذو القلب الحديدي ، غدا سيخرج من وسط الرماد ويضع كل شى في محله. والزبالة والعفن محله سلة النفايات ، وليس ركوب الطائرات ومجالسة القوم ، ولبس البدل وصبغ الشعر والوجاهات . انهم اتوا في غفله من الزمان . والزمن نفسه سيعيد كل شى لمكانه الحقيقي .
هكذا هي الحياة ، وغدا ناظره لقريب ، وانشاء الله الناس تتعلم ،،،
Post: #4 Title: Re: ما دخل بعض (الجنوبيين) بالصراع الدائر في ا� Author: Kabar Date: 10-30-2023, 07:48 AM Parent: #1
ول ابا الحبيب دكتور الهادي سبيل..حبابك يا صديقي انت سألت:
Quote: ما دخل بعض (الجنوبيين) بالصراع الدائر في السودان؟
ثم قلت:
Quote: شاهدت فيديو لبعض الجنوبيين المستنفرين مع المليشيا
ياخي دي ما سبقك عليها اخونا عبد الرحمن عمسيب ، ورشان اوشي ، وعشة الماجدي ، والإنصرافي..وأي كوز اصيل حايم..!
اهلنا قالوا ، يا ول ابا دكتور الهادي سبيل ،:التركي ولا المتورك.. ونحن بنقول: الحنكوش ولا المتتحنكش..!
في واحدة من معارك بحري ، شباب الدعم السريع اسروا ضابط الجيش العظيم..العميد الركن حسين ونسه..وهو من اهلنا النوبة طبق في ضواحي لقاوة وابوزبد (هذا اذا كنت بتعرف السودان الحقيقي يا الهادي سبيل)..قامت الحنكوشة رشان اوشي..قالت ده عامل يومية في مصانع الدقيق..! والقطيع شالها ام شقيق وعار بيها..!..لمن دمعت عيون الضابط العظيم اخونا العميد الركن حسين ونسة..!
والسؤال: انت عرفتهم كيف جنوبيين يا الهادي سبيل؟ وما لهم الجنوبيين مش اخير من مصر..مع العلم انو مافي امرأة او رجل من جنوب السودان العظيم اتدخل في الصراع السوداني..تدخلهم كلو بالخير والمحبة والبحث عن سلام السودان..!! ديل اولاد من جبال النوبة يا الكلنكس الهادي..قبل شهر اعلن اللواء عبد الباقي علي قرفة بانضمامه للدعم السريع وانو ح يدفع بعدد 25000 الف مقاتل..! طبعا انت المتحنكش يا الهادي ، ما بتعرف من السودان ، غير الجزيرة ابا وربك وكوستي..لكن بنقول ليك السودان واسع وعريض..! اهلنا ..دينكا انقوك في ابيي العظيمة.. سلطانهم اعلن دعمه لناس الدعم السريع.. ومش مهم.. صحيح يا الهادي ، جنوب كردفان/جبال النوبة..هي الجنوب الجديد..لكن ،ما بتقدر تجعل منها اخر وعدو كمان..!
لو كنت مثقف حقيقي ، اعتذر لأهلك في جبال النوبة..!
تحياتي اخوك /محمد النور كبر- طيبة البيارة في بحر ابيض..
Post: #5 Title: Re: ما دخل بعض (الجنوبيين) بالصراع الدائر في ا� Author: حيدر حسن ميرغني Date: 10-30-2023, 10:30 AM Parent: #4
سلام يا هادي أعتقد اخونا العزيز كبر أوجز واوفى في الشرح ، بل ازاح الإلتباس الذي يعشعش في ذهن الكثير عن هذا الخلط العجيب
Post: #6 Title: Re: ما دخل بعض (الجنوبيين) بالصراع الدائر في ا� Author: Biraima M Adam Date: 10-30-2023, 10:01 PM Parent: #5
أشاوس ضنب الككو يسجلون حضور ..
أركز يا ول أبا الهادي ..
عنهم: المستشار
Post: #7 Title: Re: ما دخل بعض (الجنوبيين) بالصراع الدائر في ا� Author: Elhadi Date: 10-31-2023, 00:42 AM Parent: #6
أخونا كبر ـ السلام عليكم
الفيديو معروض في العديد من الحسابات في وسائل التواصل على أنهم جنوبيين في أحد مساجد الرياض ومنهم حساب الصحفي أحمد البلال الطيب
ثانياً : انت غلطان أنا ما الدكتور الهادي سبيل ولا أعرفه حتى
Post: #8 Title: Re: ما دخل بعض (الجنوبيين) بالصراع الدائر في ا� Author: Hasheem Karouri Date: 10-31-2023, 01:17 AM Parent: #7
Quote: الفيديو معروض في العديد من الحسابات في وسائل التواصل على أنهم جنوبيين في أحد مساجد الرياض ومنهم حساب الصحفي أحمد البلال الطيب
كلنا شفناه ، ومستر بين ، اي مقطع بقدح في جماعتوا " بتعامي " عنه ومابشوفوا . انا بجمع في البيانات لافتراع بوست بهذا الخصوص . وكالعادة جاء جاري ويلصق في اختامو القاطعة من راسو ده . .
هباله الزول الكبير شينه ،،،،
Post: #9 Title: Re: ما دخل بعض (الجنوبيين) بالصراع الدائر في ا� Author: Biraima M Adam Date: 10-31-2023, 01:29 AM Parent: #8
Quote: هباله الزول الكبير شينه ،،،،
متأكد المسألة هبالة .. بتاعت ضنب الككو؟ .. الشخص المتحدث هو اللواء عبد الباقي علي قرفة .. والهادي طبعاً شاف شباب طوال أفتكرهم جنوبيين .. مناطق كرنقو عبد الله وأنقولو .. ديل من أضخم نوبة الجبال .. عمالقة.
------------------ أنت بتسميني مستر بين ليه؟ أنا ح أشيل منكم شرفاء الجيش السودانى .. وينضموا إلي الدعم السريع .. ليتكون منهم جيشنا الوطني إن شاء الله. أنت أشتغل شغلك وأنا شغال في شغلي، وفي المستقبل ح نلتقي في المغيرب!
بريمة
Post: #10 Title: Re: ما دخل بعض (الجنوبيين) بالصراع الدائر في ا� Author: Hasheem Karouri Date: 10-31-2023, 01:42 AM Parent: #9
Quote: متأكد المسألة هبالة .. بتاعت ضنب الككو؟ .. الشخص المتحدث هو اللواء عبد الباقي علي قرفة .. والهادي طبعاً شاف شباب طوال أفتكرهم جنوبيين .. مناطق كرنقو عبد الله وأنقولو .. ديل من أضخم نوبة الجبال .. عمالقة.
------------------ أنت بتسميني مستر بين ليه؟ أنا ح أشيل منكم شرفاء الجيش السودانى .. وينضموا إلي الدعم السريع .. ليتكون منهم جيشنا الوطني إن شاء الله. أنت أشتغل شغلك وأنا شغال في شغلي، وفي المستقبل ح نلتقي في المغيرب!
لو قلت ليك حاجة بتصدق ؟ انا شفتهم بعيني ديل . تصدق ولا ماتصدق انت حر . المهم ده ماالوقت المناسب ، وبجي يوم ، تقول كلام الراجل كان صاح والله ( ده طبعا لو بهمك الامر ) . وانا لا اظن ذلك . ..... مستر بين ، راجل " ظريف " هو انتا خليت ليهو حاجة ؟ بس ناقصك عربيتو " الميني كوبر "
