المعتدل/الدكتور مضوي الترابي السياسي والخبير الإستراتيجي المعروف_ أ نسب شخص لقيادة المرحلة الفادمة

02:27 PM October, 28 2023 سودانيز اون لاين
Awad Omer-
مكتبتى
رابط مختصر

(adsbygoogle = window.adsbygoogle || []).push({});الدكتور مضوي الترابي الباحث السياسي والخبير الإستراتيجي المعروف على نطاق عربي ودولي أنه من الشخصيات الناجحة والتي لديه خبرة طويلة في الحياة العلمية، وانسب المرشحين لمنصب رئيس الوزراء في الحكومة الانتقالية.

دا زول مزور
يدعي انو عندو دكتوارة من جامعة غير موجودة

نحن والله الدكتوراة ما سألين منها ..
الدربة في عوالم السياسة ..والاعتدال والتاني في القياس ..اهم من الدكتوراة ..

احسن من تجيب موظف زي حمدوك

(احسن من تجيب موظف زي حمدوك)
----------------------------------------------
السلام عليكم
يا ليتك تعرفنا عن خبرات وامكانيات مرشحكم لو امكن

سلام عوض عمر

Quote: نحن والله الدكتوراة ما سألين منها .. الدربة في عوالم السياسة ..والاعتدال والتاني في القياس ..اهم من الدكتوراة

حبيبنا الاستاذ محمد سيد أحمد ما قال ليك المشكلة في إنو مرشحك ما عندو دكتوراه.
قال ليك المشكلة في إنو مرشحك مزور.
لو صحي مرشحك مزور فأكيد هو غير مؤهل للمنصب.

مضوي الترابي سياسي من الطراز الأول ولو أن فيه بعض إنتهازية وهو بالمناسبة شقيق النور حمد المفكر الجمهوري المعروف وأحد كوادر الإتحاديين الذين دخلوا مع الكيزان في مصالحات الوفاق الوطني يتميز بثقافة عميقة ودربة سياسية لا يستهان بها ولكن أثرت على صورته الC.V المسخ التي أدخل فيها ليس واحدة ولا إثنتان بل العديد من الشهادات والخبرات غير الحقيقية وهو ليس في حاجة لها

مضوي الترابي سياسي من الطراز الأول ولو أن فيه بعض إنتهازية وهو بالمناسبة شقيق النور حمد المفكر الجمهوري المعروف وأحد كوادر الإتحاديين الذين دخلوا مع الكيزان في مصالحات الوفاق الوطني يتميز بثقافة عميقة ودربة سياسية لا يستهان بها ولكن أثرت على صورته الC.V المسخ التي أدخل فيها ليس واحدة ولا إثنتان بل العديد من الشهادات والخبرات غير الحقيقية وهو ليس في حاجة لها

دكتورة مزورة كما قيل، او برضو ماهاميك؟

حمدوك اقلاه بنعرف عنو شئ، او ده مابلوشي، نعم مكلف جدا، واذا ده حاصل، فمامعني نبدا من الصفر معا زول مجهول لانعرف عنه شئ؟

الاقلا تكلفة ياتو، والمغامرة اصلا فوق كم او عشان شنو؟

واذا كمان من دعاة الاتحاد تحت تاج الخديوية، فاردم بث!!
ميزة حمدوك الاساسية بالنسبة لينا غير انو ماسياسي، هو رفض احفاد الغزاة، له، وهذا بالنسبة لينا مؤهل كافي!!

Quote: ولو أن فيه بعض إنتهازية

أكثر واحد إستضافته قنوات الكيزان التلفزيونية في احلك سنوات حكمهم
رأيه دائماً كان يماثل رأي الكيزان
هو ود. الباقر صاحب صحبقة الخرطوم كان همهم كله منصب وزاري في حكومة الكيزان

يقال ..شر التزوير ما يضحك
حتى لو امين عام الامم المتحدة خليك من سياسي او اي منصب ادخل ولو كلمة مزورة
فهو يا يستقيل او يقال والبعض يحاكم. .. التزوير جريمة
طريقة تعاملنا مع الاخطاء الحياتية القاتلة وتهميشنا لها وعدم مبالاتنا واستصغارها واستسهالها
( يعني شنو ؟) لو كذب او .. زور؟؟؟!!
دا جزء من عدم تحضرنا.

كلام لا يردد إلا الكيزان ومن له مصلحة معهم

النقاش رائع واتفق مع الاخوان في المبادئ العامه , شخص عنده او حامة حوله شبهة تزوير مالم يثبت عدم صحتها قضائيا , هذا الشخص غير مؤهل للقياده وعندنا
سابقة الدكتور كامل ادريس في تزوير شهادة ميلاده فكانت سابقه مخجله.

الاخلاق اهم شئ اي شخص حوله شبهات يبعد نفسه عن القياده, القائد هو نموزج يقتدي بسلوكه والمبادئ يجب صيانتها.

كلام صاح يا أحمد يسن

Quote: ( يعني شنو ؟) لو كذب او .. زور؟؟؟!! دا جزء من عدم تحضرنا.

أهم منصب في الدولة وفي الجهاز التنفيذي
وما عندك مانع أن يتبوأه واحد كذاااااااااااااااااااااااااااااب
ويقول ليك ما مشكلة ؟؟؟؟؟
والله مشكلتك كبيرة داير تطبع لينا الكذب والتزوير

انا شخصيا ما سمعت منه اطلاقا انه قال هو دكتور ...

في السودان عادي جدا يلصقو ليك بروفيسر او دكتور حتي لو ما قلت .....من بدا زمن الكيزان وبقي في 40 جامعة عادي يدوك دكتوراة
بعدين في صحفيين مستعجلين او كتاب راي انطباعيين من نوع ركاب اللواري السفرية ديلك ... في اول سندة يقول شعر ويطلف الالقاب بالمجان ..

كل الناس بقت بروفات .. الا المغتربين

تحدث في تلفزيون السودان وقال انه درس في أكاديمية عسكرية في بغداد
وفي جامعة في بولندا

وحصل على الدكتوارة من جامعة أمريكية غير موجودة


التعلق بالالقاب العلمية مؤشر على عدم ثقة
استمعت له في مقابلات كثيرة...يدعي معرفة بالسياسة الدولية والاستراتجيات والعلوم العسكرية

يجب أن نشدد على أن التغيير الحالي نابع من تضحيات كبيرة قام بها الهامش لمقاومة سيطرة النظام المركزي(سُكبت من أجله دماء)، ولذلك ينبغي الحفاظ عليه بحزم وقوة(عين حمرا).

نظام الفهلوة السياسية الكان تمارسه دويلة 56 لم يعد مقبول بعد اليوم. نحن كشعب سوداني، نعتبر أن قضية التعليم لم تعد هي الأمر الأساسي، بل الأمر يتطلب إنشاء دستور يعامل الجميع بالمساواة والعدالة، ويضع أسسًا قوية للحكم يمكن أن يتولى زمامه أي شخص مؤهل دون تمييز، ويحكم السودان بكفاءة وفقًا لرؤية النظام الذي يدعمه.
تانى مافى شخص او شلة تتجرأ وتستغفل غيرها بهذة الحجج الواهية!
تأريخنا كدولة اثبت لنا ان المتعلمين هم سبب رئيسي فى فشل دولة 56 الآن البيان بالعمل كلنا شاهدنا مواطن مثل، حميدتى، لم يكن متعلما ولكنه عمل نقلة نوعية إتجاه بناء الدولة الحديثة لم يستطع المتعلمين مضاهاته،فما بالكم إذا كان عندنا دستور محترم سوف ياتى بالرجل المناسب فى المحل المناسب، وليس مهم ان يكون هذا الشخص، متعلم او جاهل، مادام يعمل من خلال منظومة حزبية.
المثل يقول:
"خلو التور يموت بعدين تعالوا بسكاكينكم"!!

سلام استاذ عوض عمر,
لما بقرأ عنوان بوست و قبل ما اقرأ المحتوى, بحاول اعرف شخصية الكاتب او الناقل. المهم, رغم انو اسمك ما غريب لكن ما قدرت استرجع اى شئ عن كتاباتك فتوكلت على البروفايل لقيتك معانا من 2005 و عندك 700 مداخلة.

الافندى ده يبدو عليه زعلان و قاعد فوق برج عاجى جدا جدا. يا ريت لو اخد صورة تانية شايل طورية و منجل, ربما يتم وضعه مع جوخة من افندية خلا يصارعهم ب عضلات عقله حتى نعرف ان كا يستحق هذا الترشيح.

Quote: يجب أن نشدد على أن التغيير الحالي نابع من تضحيات كبيرة قام بها الهامش لمقاومة سيطرة النظام المركزي

أها!
هل يعجبك تمادي كذب الجنجويد ليلقموك بالحق للباطل!!


يا بن أم!
المشكلة في السودان ليست في من الحكم
المشكلة في القدرة على توفير الرفاه لكل من في الرقاع.

Quote: سلام استاذ عوض عمر, لما بقرأ عنوان بوست و قبل ما اقرأ المحتوى, بحاول اعرف شخصية الكاتب او الناقل. المهم, رغم انو اسمك ما غريب لكن ما قدرت استرجع اى شئ عن كتاباتك فتوكلت على البروفايل لقيتك معانا من 2005 و عندك 700 مداخلة. وعليكم السلام ..استاذنا شكرا علي الاشارة والتقريظ اعلاه

Quote: يخنا كدولة اثبت لنا ان المتعلمين هم سبب رئيسي فى فشل دولة 56 الآن البيان بالعمل كلنا شاهدنا مواطن مثل، حميدتى، لم يكن متعلما ولكنه عمل نقلة نوعية إتجاه بناء الدولة الحديثة لم يستطع المتعلمين مضاهاته

سلام استاذنا محممد ادم
تحية وسلام

÷ا صار حميدتي مصدر الهام اهل الهامش ؟؟
لو ظل اهل الهامش يرددون باستمرار و" ببغاوية" هذه الفرية فلن يمنعوا " اله الموت" من المجئ . .. ..بل سيقضوا عمرهم في ابدية تماما ك "سيزيف" في أزلية عمل غير مجدٍ، ألا وهو دحرجة صخرة صعودًا إلى جبل حتى تعود للتدحرج نزولا من جديد، مرارا وتكرارا، وبلا نهاية.