Post: #1
Title: ماذا تتوقع فى اجتماع جده اليوم
Author: مصطفى نور
Date: 10-26-2023, 09:17 AM
09:17 AM October, 26 2023 سودانيز اون لاين
مصطفى نور-امريكا نيوجرسي
مكتبتى
رابط مختصر
السلام عليكم ورجمه الله وبركاته
اسال الله ان يكون الجميع بخير
السوال ماذا يتوقع كل عضو البحصل فى اجتماعات جده التى تبدا اليوم
هل سوف يتم الاتفاق على ايقاف الحرب
هل سيعود الدعم السريع للدمج مع القوات المسلحه
هل سوف تفشل المحادثات
طيب لو كان فى اتفاق من الاول دخلنا فى الحرب دى ليه التى قضت على الاخضر واليابس
انت رايك شنو اخى العضو الكريم
|
Post: #2
Title: Re: ماذا تتوقع فى اجتماع جده اليوم
Author: Ali Elarifi
Date: 10-26-2023, 09:37 AM
Parent: #1
التوقع يتوقف علي المتفاوضين من ناحية تأهليهم ودرجة التفويض الممنوح لهم وجدية الطرفين لانهاء الحرب. للاسف هناك اطراف خفيه لها مصالح في السودان
لذلك تطيل الحرب.
|
Post: #3
Title: Re: ماذا تتوقع فى اجتماع جده اليوم
Author: مصطفى نور
Date: 10-26-2023, 09:53 AM
Parent: #2
Ali Elarifi
شكرا اخى على الرد واسال الله ان يكتب للشعب السودانى الامن والامان
|
Post: #4
Title: Re: ماذا تتوقع فى اجتماع جده اليوم
Author: على ابراهيم رفاى حمد
Date: 10-26-2023, 10:37 AM
Parent: #3
إعلاء قيمة الوطن فوق كل اعتبار
ويجب على القادة التحلى بالحكمة والمسؤولية
للوصول الى تفاهمات اولية منها وقف اطلاق النار، الجانب الانسانى.
ثم مناقشة الجوانب العسكرية...
تحياتى ليك....
|
Post: #5
Title: Re: ماذا تتوقع فى اجتماع جده اليوم
Author: Hasheem Karouri
Date: 10-26-2023, 11:59 AM
Parent: #4
| Quote: إعلاء قيمة الوطن فوق كل اعتبار |
علي ابراهيم .
👍
|
Post: #6
Title: Re: ماذا تتوقع فى اجتماع جده اليوم
Author: السر عبدالله
Date: 10-26-2023, 10:42 PM
Parent: #5
للأسف الشديد لن يحصل اى شئ جديد ...وكل طرف سيضع أجندة مستحيلة التنفيذ
وسوف تستمر هذه الحرب اللعينة سنوات طويلة حتى يهلك السودان وأهل السودان..
لانه وللأسف فإن هذه الأطراف المتحاربة لا تنظر إلى المصلحة العليا للوطن او لمصلحة
شعب السودان ولكن إلى مصالحها الضيقة الخاصة جدا ..
|
Post: #7
Title: Re: ماذا تتوقع فى اجتماع جده اليوم
Author: حامد عبدالله
Date: 10-26-2023, 11:27 PM
Parent: #5
جرجرة ومماطلة
لستهم بتاهيل إقرار انهاء الحرب
الحرب فاجأتهم واشتعلت بالحد الاصبحت فيو اكبر من امكانياتهم
لا اعتقد ان فيهم رجال شجعان الشجاعة المطلوبة لاتخاذ قرار بضخامة
إيقاف حرب.
اعتقد ان الحرب ستقف من نفسها وتفاجئهم كما بدايتها
حيث قرارها اصبح في ايادي اخرين قونات السيوشيلمديا (اللايفاتية )
والمنظراطية والتكنوظراطية وناس الباردة والسوشيلويلفيرية
. حرب طاحن وموت كتير ودمار وشتات وتشريد والخ ومجموعة كبيرة
لا وكمان فيهم اصحاب علم كتير وخبرات CV اقل شئ ٣ صفحات اكبر
الشركات والمنظمات والدول الخ
غير توظيفو في جلد الاحزاب والمدنين لم يفتح الله لهم عقل ولا عين اخري.
الاجتهادالمبزول والترسانة المعرفية خلفو الموجه ضد للاحزاب والمدنين
كفيل بتدمير القارة كلها وركلها خارج التاريخ مئات السنين.
- نحن شعب يحتفل بالموت اكتر من الحياة
الحرب فاجأتنا ولا نملك خبرة وتجربة انهاءها
علينا بالصبر وانتظار توقفها ان يفاجئنا ايضا
خريف الله الواحد دا البجي كل سنة نفس الزمن
ومطرة الله الواحدة دي بتفاجئنا كل سنة
حرب تقيف ! ننبل بس فنحن البال والمبلول والبليلية
وبلبل وام بلينا
ودوورد وكل ما هو جميل
|
Post: #8
Title: Re: ماذا تتوقع فى اجتماع جده اليوم
Author: صديق مهدى على
Date: 10-26-2023, 11:31 PM
Parent: #7
لا شئ
|
Post: #9
Title: Re: ماذا تتوقع فى اجتماع جده اليوم
Author: osama elkhawad
Date: 10-27-2023, 04:59 AM
Parent: #8
اهلا استاذ مصطفى
جئت لاسجل اعجابي بسخرية الاستاذ حامد عبدالله.
|
Post: #10
Title: Re: ماذا تتوقع فى اجتماع جده اليوم
Author: حامد عبدالله
Date: 10-27-2023, 11:28 PM
Parent: #9
| Quote: جئت لاسجل اعجابي بسخرية الاستاذ حامد عبدالله |
الخواض مرة واحدة وكمان اعجاب 🔥🔥 شيل شليتك بكلم كل الناس
وبعمل اسكرين شوط ٠ غايتو دا و قود بسوق بيو ناسي جنس سواقة
ظلط ردمية غابة ترتوار شجر جبل حيطة ما بتوقفني دقيشاب شديد
لمن افقدهم وعيهم
واحتمال كبير تركيب مكنة خبير تكنوظريط
ودوورد وكلماهوجميل ومشتهي
|
|