نعم .. عبد الله حمدوك يمثلني في المرحلة القادمة ..

03:46 AM October, 24 2023

سودانيز اون لاين
يحي قباني-فى الدنيا العجيبة
مكتبتى
رابط مختصر

يمثلني ..
حتى يكمل ما بدأه و حال دون إكماله تآمر الكيزان و عسكرهم ..
يمثلني لانه الرجل المناسب للمرحلة ..

نقطة .. سطر جديد..

و لا نامت أعين المتآمرين و المتقاعسين و الفلول ..

البوست ده منطقة علميات يا قبة اوعك تجري تخلي اركز بس
اذكى انت ولي حمدوك ولي انشتاين ؟؟
https://www.top4top.me/

هو بدا شنو عشان يتمو المهبب دوريل الاماارات جا قال ما عندي مشروع منتظر قحت وقحت ادتو
الوثيقة الدستورية وفشلت2019
سلام جوبا البيض 2020 وفشل
وشرد
وقحت عملت الاطاري 2023 وفشل
وريني المعادلة دي تتتغير كيف مع براعم الامارات وفلنقيات مصر والشركة القابضة ديل
قحت1وقحت2 وجنرالات البقط والجنجويد
https://www.top4top.me/

اذا بديلك شخص ودولة الون مان شو لحدي هسة والرضاعة في الشطر الميت بتاع العرب والعربان والعرووب اخير منك بريمة سعن الروووب
برفع ليك نفس البوست القديم بتاعك عن حمدوك وبضحك فيك السمك ويتبسم الباعوض
فعلا سماكم منصور خالد النخبة السودانية وادمان الفشل
كدي طلع لي رؤية متكاملة وطنية واقليمية ودولية للقحاتة ديل وحمود في مستوى القرن21 غير اللهاث مع امريكا والاتحاد الاوروبي والامم المتحدة ومصر ودول الخليج الغبية ؟؟؟

سلام عزيزنا قباني
أتفق تماماً معاك إنو حمدوك عندو ما يقدمه للسودان
في الفترة القادمة, و أيضاً قدم كثير. أصاب و أخطأ,
أخطأ في تسليم اللجنة الإقتصادية ل حميدتي
أخطأ في تسليم ملف السلام للعسكر و هو ملف سلام المدنيين
في المقام الاول. و لهم الكلمة العليا, و ليست للعسكر
ما مطلوب من العسكر غير تنكيس بنادقهم في وجه الشعب.
الشعب ما خاف من البنادق, و وقف أمامها
لكن حمدوك إختار يتعامل معاهم بنفس غير نفس الشعب
الواقف خلفه, ربما عنده تقديرات لا نعلمها سابقاً لكن لازم نعرفها
قبل أن نبصم.
المرحلة القادمة تحتاج لشخص عندو منفستو كامل لكل مراحل الانتقال
منفستو يتم إعلانه و الإلتفاف حوله {أقصد إلتفاف القوي
التي صنعت الثورة و كانت في ساحة الاعتصام}.
لإرتداد الاعتبار لها, و إنتصاراً لإرادتها, و تقديراً و إحتراماً لشهدائها.

Quote: و لا نامت أعين المتآمرين و المتقاعسين و الفلول ..

سننتصر سنعبر سنشرد .....
والله ذكرتني مايو 1970 وشعاراتا
والمخ الدجتيال
حمدوك بتاع الساعة كم ياخ
منتظر عمر دفع الله يواسيك بي كاركتير جديدة
زي بتاع الرايخ الثالث الزمان ...
4سنة مع عرفت اللعبة الاتلعبت عليك وشردت تاني 4 مليون اضافة لي ناس دارفور وكردفان والجنوب
نفس الادوات العاطلة عن المواهب وحكومة الكرزيات المركزية
https://www.top4top.me/

سلام

Quote: حتى يكمل ما بدأه

من ما ابتداءه ...الموافقة على ان يكون نائب حميدتي في اللجنة الاقتصادية
و شوف من الحاجات الاصدرتها اللجنة الاقتصادية

Quote: وقررت اللجنة الاقتصادية: إنشاء محكمة خاصة لمحاكمة مخربي الاقتصاد خاصة المتهربين من الضرائب والمتلاعبين بالدولار وتهريب الذهب. واصدرت اللجنة قرارا بتفعيل القوة المشتركة لمكافحة التهريب والاتفاقية التجارية مع مصر ومراجعة الرسوم على جرام الذهب وتوحيد سعر الصرف.

!!!!!!!!!!!
!!!
!

نعم وبكل تأكيد يا يحى
نحتاج الآن لشخصية وطنية تحظى باحترام الغالبية وقادرة على رتق النسيج الوطني وعلاج الانقسام الوجداني الحاد في المجتمعات السودانية, شخصية معتدلة بدون ادنى شك في انتماءها لثورة ديسمبر المجيدة , وشخصية تحظى باحترام ودعم العالم الخارجي ولذلك اهمية متجاوزة نظرا لمهام البناء الوطني ما بعد الحرب

نعم حمدوك ..

اعتقد أن حمدوك كان يتعامل مع العسكر بسياسة النفس الطويل
والدردقة شوية شوية حتى يضمهم تحت جناح حكومته
كان يعلم أن العسكر بيدهم البنادق والمتفجرات والدانات
وأنهم لن يرضو بأي قرار بشعرون معه بتهميشهم وسلب
صلاحياتهم وانهم لن يتورعوا عن اللجوء للعنف مع الجميع
وهو ما كان يتحاشاه وقد أفصح عن ذلك مرة وألمح اليه مرات
لكن الأخوان المتاسلمين الكذبة نجحوا في تغبيش وعي رجل
الشارع البسيط فخاض خوضهم لتعكير مياه حكومة حمدوك
حتى كان لهم ما ارادوا
مستغرب جدا في الذين يقولون أن حمدوك كان باستطاعته تدجين
العسكر وفرض حكومته عليهم لأنه مسنود بالشعب مع أن هذا
الشعب لم يحرك ساكنا عندما تم الانقلاب على حكومته واعتقال
اعضائها .
حكومة حمدوك راحت ضحية لمؤامرات ودسائس الأخوان المتاسلمين
الذين بدأوا منذ الوهلة الأولى في نصب شراكهم للإصطياد في الماء
العكر فاصطادوا كثيرا من الذمم الرخيصة وكثيرا من العقول
الساذجة البسيطة

حمدوك اعتذر وسلم الأمانة وذهب ، ما الذي استجد حتى يعود ؟؟
حمدوك فقد الشعبية التي اتت به حين هتفت نفس الجماهير التي كانت تطالب بعودته ضده في نفس اليوم ، فعلى اي رصيد سيتكئ ؟؟
ما هو ارثه السياسي او انجازاته السابقة قبل ان ترشحه قحت للفترة الانتقالية ، ومن كان يعرفه قبل ان يرشحه الانقاذ كوزير مالية ...
حمدوك كان مغمورا قبل الثورة وذهب مغضوبا عليه ممن اتى به بعد الثورة ..
حكوماته كلها كانت منهمكة في استبدال تمكين بتمكين وايدلوجيا بايدلوجيا ، وكانت اهدافها تعديل قوانين الاحوال الشخصية وعلاقات الزواج والطلاق وحرية خروج البنات نص الليل من البيت ، ورفع وصاية الاب على البنت والطفل وحرية اختيار الطفل لدينه دون تدخل الوالدين في بلد لا يجد الطفل ما يختاره من خبز وجبن ، واباحة تجارة الخمور في بلد لا يجد سكانه مياه الشرب النظيفة وبقية قوانين عبد الباري الغريبة المريبة ، سعوا لكل هذا قبل اعادة الطوب والحجارة التي ردموا بها الشوارع وقبل اعادة ما حطمته المظاهرات التي اتت بهم ، رفع الدعم وتجويع المواطن على جوعه والانقلاب على كل المفاهيم التي كانوا ينادون بها قبل الثورة.
ابحثوا عن اناس لا ينتمون لاي حزب او جهة ايدلوجية غير السودان الوطن الواحد لقيادة فترة انتقالية خالية من المناكفات والانتقام حتى نعبر الى بر الامان وتسليم البلاد لحكومة منتخبة ...
اللاعبين بين الشوطين ديل خلونا منهم كفاية حروب وشتات وتجاذب يمين ويسار ........

Quote: سلام عزيزنا قباني أتفق تماماً معاك إنو حمدوك عندو ما يقدمه للسودان في الفترة القادمة, و أيضاً قدم كثير. أصاب و أخطأ,

تحياتي حامد و كلنا أشواق يا صديقي ./
في تقديري الكفة ترجح لصالح ما اصابه حمدوك
خاصة و ان الاخطاء معظمها لها مسببات و فرضها التآمر حتى من اقرب المؤيدين الذين افلحوا في انقسام و تضليل الشارع

حمدوك هو رجل المرحلة القادمة خاصة و نحن في اشد الحوجة لكل الايادي الخارجية لبناء السودان
و لا اقول اعادة بناء بل بناء السودان المعدم الذي أوصلته الحكومات العسكرية إلى اسفل سافلين ..

تحياتي يا قباني
والحضور

حمدوك
سواء الشخص أو المعنى أو الفكرة
أو الحكومة التنفيذية

ما كان حيقدر يستمر ويواصل في الريفورميشن السمح البدأ فيه
وكان ممكن خلال فترة وجيزة جدا يصلح حاجات كتيرة ومهمة
وكان ممكن يصنع البداية الحقيقية الفعلا بدت بشائرها تلوح وتظهر في زمن قياسي

ليه ما كان حيقدر يستمر ؟

مش عشان هو عبد الله حمدوك
ومش عشان سياساته وخططه كانت شنو وشنو

السبب هو
انه ما كان مسموح لأي مكون مدني، أنس ولا جن، انه هو اليحكم
ولا في حاجة اسمها انتخابات ولا فترة انتقالية ولا يحزنون

الاتفاق بين الذراعين العسكريين المسيطرين علي كل شي
هو انهم هم اليحكمو، بأي طريقة وأي وسيلة مهما كانت

عشان كدا وبكل بساطة حصل الانقلاب
الانقلاب كان الخيار الأخير بعد سلسلة العراقيل المعروفة والمفتعلة بالقصد ضد حكومة حمدوك
وكل الناس عارفين كانت كيف من ازمات معيشية مصنوعة القصد منها اظهار حكومة حمدوك بالشكل البستعدي عليها الناس

انقلاب حقيقي

وكان من المفترض وزي ما هو مخطط انه الوضع يستمر اطول فترة ممكنة لغاية الوصول لنقطة الأمر الواقع
وهي تكريس وفرض حكم العساكر، جيش + دعم سريع

لكن المنطقي والبديهي هو حدوث الاختلاف بين الاتنين
ودا كان شي حتمي ومؤكد تماما لأسباب كتيرة، اقل وابسط سبب منها هو رؤية كل طرف، او خلينا نقول حلم كل طرف في حكم البلد
ويا ريت كان الحلم دا من اجل البلد وناس البلد
ابدا، دا كان عشان السلطة والثروة والنفوذ، الشخصي والعائلي والقبلي والجهوي

وكان حتميا يقع الخلاف

والحرب الحالية هي النتيجة المباشرة والكانت متوقعة تماما لكل ذي بصيرة

وأزرق اليمامة الوحيد القال وتوقع حدوث الصدام والاقتتال الحتمي دا، كان الحاج وراق، قدس الله روحه وبصيرته النافذة

المستفيد التالت والخفي/المعلن هو كائنات ما يسمى بالحركة الاسلامية
والما بهم حتى لو احترق كل البلد وكل ناس البلد في سبيل انهم يرجعو تاني ويتسلطو ويسيطرو على كل شي

عشان كده حمدوك، واي حمدوك مشابه
يعني حمدوك الفكرة والمعنى والطريقة

هو الوحيد الممكن يقدر يشيل مصباح ديوجين ويشق بيه الضلام والعتمة النحن فيها دي

خلاصة النضمي

البرهان والمعاه عايز يبقى رئيس البلد
حميدتي والمعاه عايز يبقى رئيس البلد

دا هو السبب الوحيد الأوحد للحرب الشغالة دي

ودا هو السبب الحقيقي الانقلبو بيه علي حمدوك وحكومته

ودا هو السبب البخلينا نكون عايزين نجيب حمدوك

أي حمدوك بنفس المواصفات المطلوبة

سلام قباني
الأحزاب ضيقة الأفق أعاقت طريق حمدوك بعدم تكاتفها .. كان بالإمكان يشكلوا "جبهة" لحماية الحكومة والدفاع عن الديمقراطية
العسكر إستغلوا عدم توفر دعم كافي من الاحزاب لحكومة حمدوك وإنقبلوا عليه
بصراحة انا لا ألوم العسكر لوحدهم في هذا الفشل ، بل الاحزاب مجتمعة التي لم تتعلم الدرس وإفتكرت الطريق مفروش بالورود وتاني مافي عسكري ح يحكمنا
لو اتي حمدوك أو غيره بدون تحالف سياسي عريض قادر على حماية الحكومة المدنية المرتقبة ، لن تقوم للديمقراطية قائمة في بلدنا وسيجثم العسكر على صدورنا لقرون

سلام للجميع
**
* نعم ، قد يكون لدى حمدوك الكثير ليقدمه للسودان في الفترة المقبلة ـ كرئيس للوزراء إذا تم إختياره لذلك ، ولكن بالتأكيد ليس هو الخيار الأوحد ، البلاد بها كثير من الكفاءات .
* حمدوك ـ في فترة الحكومة الإنتقالية المُنقلَب عليها ، كان مُكبَّل ، لذلك لم يستطع فعل شيء يُذكر في مسار التغيير المنشود .
* حتى أن قرار استقالته اتضح أنه كان مُجبَر ومُكرَه عليه ـ من قِبَل البرهان وأرزقية النظام السابق ـ ويوجد تسجيل فديو يشهد ويوثق لذلك ، ويمكن لمن يستطيع رفع الفديو المذكور ـ من أعضاء المنبر ، أن يتكرم به هنا .
* والجميع يعلم أن التضييق على حمدوك ـ من أعوان النظام السابق ـ وصل إلى درجة التآمر على حياته شخصياً ، وتذكرون محاولة الإغتيال الشهيرة .
* الرجل كان مكبّل ، وكان يعمل تحت ضغط شديد ، لذلك لم يكن بإستطاعته التحرُّك بإرادة وحُرية كافية نحو أهداف وغايات الثورة .

قباني وشركاه
رجل مثل حمدوك لا يصلح ولا فائدة ولا منفعة منه اذا :-
* كان محاطا بعساكر شرهين نرمين.. لا يهمهم الا التشبث بالحكم ولو تم تصفية الجميع
* اذا لم يجد بيئة صالحة تصلح ولا تخرب .. ولا تفسد
* اذا لم يجد شعب واعي وذكي .. يعرف مسبقا النتائج والفوائد المترتبة لعمل حمدوك
* اذا كان هناك خونة ومجرمين اسمهم الأخ ان المسلمين
*اذا اذن لمطالب شخص مثل حميدي ان يكون حتى عضو متفرج في لجنة كاللجنة الاقتصادية
**###** اذا لم يكن قوي الشخصية لا يهاب تهديدات العسكر

Quote: المرحلة القادمة تحتاج لشخص عندو منفستو كامل لكل مراحل الانتقال منفستو يتم إعلانه و الإلتفاف حوله

بصراحة, المرحلة القادمة ليست مرحلة شخص واحد بل مرحلة تيم عمل متجانس و قوى سياسية تتوافق علي الحد الادنى.
غير كدا ح يقلبو المرتبة ام بول علي قول الاخ عادل امين.

عايز اي قحاتي مازوم معانا في البورد
شيوعي او ناصري او بعثي
يجاوب
حمدوك قال ما عندي برنامج قحت تدينيةبرنامج
طيب 2019
هل برنامج قحت بعد جربتوهو 4 سنة
كان افضل من برنامج الجبهة العريضة حسنين
برنامج الحركة الشعبية الاصل 2005 الوصلنا انتخابات 2010 بوظا البشير
احسن من اتفاقية اديس ابابا ودستور 1974
الحزب الجمهوري اسس دستور السودان 1955
وهسة عندهم شنو
حكومة كرزيات مركزية غبية في مذبلة الانقاذ،ولي حاجة تانية

Quote: من ما ابتداءه ...الموافقة على ان يكون نائب حميدتي في اللجنة الاقتصادية و شوف من الحاجات الاصدرتها اللجنة الاقتصادية

مدثر كيفنك ..

رجاء مراجعة مداخلة الصفوة طلحة في هذا البوست به اجابات واضحة لمسائل شتى ..

Quote: نعم وبكل تأكيد يا يحى نحتاج الآن لشخصية وطنية تحظى باحترام الغالبية وقادرة على رتق النسيج الوطني وعلاج الانقسام الوجداني الحاد في المجتمعات السودانية, شخصية معتدلة بدون ادنى شك في انتماءها لثورة ديسمبر المجيدة , وشخصية تحظى باحترام ودعم العالم الخارجي ولذلك اهمية متجاوزة نظرا لمهام البناء الوطني ما بعد الحرب نعم حمدوك ..

و بكل تأكيد دائما انت على الموعد يا صديقي و انت تنير الطريق في هذا المنبر ..

المرحلة لا تحتمل مواراه و لا تخفّي او توريه ..

هو حمدوك رجل هذه المرحلة ..

((بصراحة, المرحلة القادمة ليست مرحلة شخص واحد بل مرحلة تيم عمل متجانس و قوى سياسية تتوافق علي الحد الادنى.
غير كدا ح يقلبو المرتبة ام بول علي قول الاخ عادل امين.))
------------------------------------------------------------------------------------------------------------
الاخ محجوب سلام
كلامك الفوق صحيح 100%
وهذا الامر كان ناقصا بل غائبا تماما فى عهد حمدوك

Quote: اعتقد أن حمدوك كان يتعامل مع العسكر بسياسة النفس الطويل والدردقة شوية شوية حتى يضمهم تحت جناح حكومته كان يعلم أن العسكر بيدهم البنادق والمتفجرات والدانات وأنهم لن يرضو بأي قرار بشعرون معه بتهميشهم وسلب صلاحياتهم وانهم لن يتورعوا عن اللجوء للعنف مع الجميع وهو ما كان يتحاشاه وقد أفصح عن ذلك مرة وألمح اليه مرات لكن الأخوان المتاسلمين الكذبة نجحوا في تغبيش وعي رجل الشارع البسيط فخاض خوضهم لتعكير مياه حكومة حمدوك حتى كان لهم ما ارادوا مستغرب جدا في الذين يقولون أن حمدوك كان باستطاعته تدجين العسكر وفرض حكومته عليهم لأنه مسنود بالشعب مع أن هذا الشعب لم يحرك ساكنا عندما تم الانقلاب على حكومته واعتقال اعضائها . حكومة حمدوك راحت ضحية لمؤامرات ودسائس الأخوان المتاسلمين الذين بدأوا منذ الوهلة الأولى في نصب شراكهم للإصطياد في الماء العكر فاصطادوا كثيرا من الذمم الرخيصة وكثيرا من العقول الساذجة البسيطة

وعي الصفوة ما صدفة يا صاحب ..

اشكرك على الشرح المبسط للأخوة المغيبين ..

Quote: غير كدا ح يقلبو المرتبة ام بول علي قول الاخ عادل امين.))

احيييييييييييييييييييييييييي يا مصارين كرعي
والله 4 سنة بقرش في ليمون اليمن واتابع نراهات قحت1 وقحت2 والجنرالات بتاعين الشركة القابضة وجنجويد الامارات ومرتزقة حفتر والسراج واتذكر العنقليز وجيل الاستقلال الذهبي واقرش في الليمون واتحسر
هسة خليك معاي نحن في 24 اكتوبر 2023

شوف تراهات اديس والناس المزمنة الفيها دي بورجغو في شنو لحدي هسة
بالله متسكعين اديس ديل مش احسن يقعدو لي ابي احمد ده يديهم محضارات مجانية في كيف ادارة السودان موارد وشعب ويوريهم في حاجة اسما دول بريكس و ومشروع طريق الحرير
ياخ ديل شرطو عينا كل ما اسمعم ورجغو في راديو دبنقا اتذكر 1970 الشارلستون الترفيرا والقميص التحرمني منك وفريق البوني ام
وابوعيسى وحنان بلوبلو و7 بيوت
في رؤيتين يصلحان كمنصة من جديد الان بصورة اسعافية
1-علي محمود حسنين الجبهة العريضة ويرد اعنباره وعلمو وريتو ودستورو 2019 في مكتبة النور العالمية
2-او من محل وقفت الحركة الشعبية دستور 2005 والمحكمة الدستورية والانتخابات 2011 واتفاق نافع عقار 2011 للمنطقتين كمرجعية لحل كل الحركات المسلحة في السودان
3-سمكرة الجنوب في الحريات الاربعة والنفط مقابل الغذاء
4-اللحاق بي دول بريكس والصين وطريق الحرير للاعادة اعمار 10 مدن سودانية الذهب مقابل التنمية بس
5- والسودان يرجع خمسة اقاليم فقط

https://www.top4top.me/
6-يرجع للايقاد وافريقيا المدرارية كوش الكبرى حضاريا فكريا وثقافيا وسياسيا واقتصاديا واجتماعيا ونفسيا محل وردي العظيم وقطر من بورتسودان لي داكار
الناس ديل يزحو بعد ده محبطين الشعب وسادين الافق على الناس
هسة المشاريع دي صعبة مثلا
وده علم كوش الكبرى يجدعو لينا علم مايو 1969 القبيح ده اول شي
https://www.top4top.me/
https://www.top4top.me/
قرفنا وقرف فرقنا قرف معانا 4 سنة فشل اكثر من كفاية