Post: #1
Title: الحك في الجك ..
Author: عصام دهب
Date: 10-23-2023, 00:32 AM
Parent: #0
00:32 AM October, 22 2023 سودانيز اون لاين
عصام دهب-
مكتبتى
رابط مختصر
وهانذا أعود كما تعود العير ..
في موسم (جدة غير ) .
أعود الى هنا كما قال ذلك الرحال الامدرماني الذي _ في حكاوي شوقي بدري_ هام الدنيا شرقا وغربا ..
ونساه الناس وكل شي ثم ولج دار اهله في ام درمان ذات صباح و هتف فيهم ( عدت اليكم بخفي حنين )
لكني اعود يا جماعة ..وليس معي اي حاجة .
جيت اسالم جيت اطايب و جيت اعاين ..
مشتاق ليس إلا ..
و لا احسبكم - كلكم - ذلك الأطرش الذي عمل تلك الحركة البايخة ليذكر ذلك التعيس الذي
غادر الحلة يوما اثر تلك الضرطة العفوية فحلف ألا يعود إلا بعد ينسى الناس عملته تلك ..
فكان اول من قابله الاطرش الذي ضم شفتيه أوما اليه بصوت الطوووط الذي أرغمه على الرحيل مجددا ..
قال الأطرش في صممه ( انت انت بتتنسي ) ..
ف شنو ياخ ..
ازيكم ..
دنيا زايلي ..
و الاثر باقي ..
|
Post: #2
Title: Re: الحك في الجك ..
Author: عصام دهب
Date: 10-23-2023, 00:46 AM
Parent: #1
و اول القول ترحما و دعوات صادقات بالمغفرة و الجنة
لكل اللذين عرفناهم هنا وسبقونا الى هناك ..
وجعل الله تعالى لهم هناك نعيما لا يزول
و ألحقنا بهم في الخالدين غير خزايا ولا مفتونين ..
ثم محبة وسلام كبير للكبير بتاع الحتة حبيبنا الريس بكري ابوبكر ..
وكل الناس هنا بمقاماتهم السامية ..
و عذرا للباندويث الذي ارهقناه ردحا ..
ثم ..
الكان بينا حاصل ..
كان جميل ياخ ..
|
Post: #3
Title: Re: الحك في الجك ..
Author: عصام دهب
Date: 10-23-2023, 00:52 AM
Parent: #2
أبداك من وين يا كلام ..
و الكلام لعشة الجبل ..
ليه يعني ..
يعني شنو ..
الحرب .. الضرب ..
بالجد ..
|
Post: #5
Title: Re: الحك في الجك ..
Author: عصام دهب
Date: 10-23-2023, 01:00 AM
Parent: #3
بالمناسبة ..
الحرب دي ما حرب كيزان ..
دي حرب كيزان لآمن بهناك ..
ايوة عارف ما جبت جديد ..
لكن الجديد ..
البلابسة ..
فعلا بول بس ..
|
Post: #4
Title: Re: الحك في الجك ..
Author: Biraima M Adam
Date: 10-23-2023, 00:58 AM
Parent: #2
عوداً حميداً يا أستاذ عصام
بالله ضرطت الأطرش دي حكاية عامة !.. أنا أفتكرتها حقتنا الحوازمة في جنوب كردفان، كان شاب أطرش أسمه خليفة ..
سمع زول ضرط ثم غادر وعاد بعد 20 سنة وأول ما قابل من الناس خليفه الأطرش وذكره بفعلته النكراء .. فعاد الرجل من حيث أتي!
قيل المصائب تجمع المصابين .. الشعب السوداني بأكمله أصيب وأبتلي وربنا يهون علينا.
بريمة
|
Post: #6
Title: Re: الحك في الجك ..
Author: عصام دهب
Date: 10-23-2023, 01:05 AM
Parent: #4
مراحب يا حبيبنا بريمة ..عساك طيب وكل الاهل كذلك ..
وربنا يهون على بلدنا و كل اهله ..
و الله يبعد العارض ..
…
اطرشكم سمييع لكن .. ما بسألو ..
|
Post: #7
Title: Re: الحك في الجك ..
Author: عصام دهب
Date: 10-23-2023, 01:14 AM
Parent: #6
و في هذا الغياب الطويل ..
لاقيت و عرفت كمية من البورداب ..
برة وقريب ..
جوة وبعيد .،
لا حولاااا..
و يا سبحان الله ..
سودانيز اون لاين بالجد عالم جميل ، غريب ، لذيذ ..
اريتني اقدر احكي ..
|
Post: #8
Title: Re: الحك في الجك ..
Author: عصام دهب
Date: 10-23-2023, 07:04 AM
صباح الخير
بتوقيت جدة ..
جدة ام الرخاء والشدة ..
جدة غير ..
جدة فهم ..
لأي وهم ..
جاء
جاء
جاء
ما قال بجي ..
|
Post: #9
Title: Re: الحك في الجك ..
Author: عصام دهب
Date: 10-23-2023, 07:04 AM
مهما هم تأخروا ..
فإنهم ح يجوا ..
|
Post: #10
Title: Re: الحك في الجك ..
Author: محمود الدقم
Date: 10-23-2023, 07:24 AM
Parent: #9
حباب المستشار القانوني عصام دهب
جيتن جيت، تعود كعودة صديقي سيف ابن جزيرة ارتي-قاشا بشمال السودان، ٣٠ سنة غربة وعاد بخفي حنين، دقش صحراء العبيدية منقبا عن الذهب وبعد شهرين عثر علي قرابة ٦ كيلوا دهب.
اهلا بك
|
Post: #11
Title: Re: الحك في الجك ..
Author: حيدر حسن ميرغني
Date: 10-23-2023, 08:21 AM
Parent: #10
حبيبنا سعادة المستشار عصام
يا مراحب يا مان
المنبر إزدان بهجة ومسرة بمقدمكم
-
يا فلول جاكم البلا 
|
Post: #12
Title: Re: الحك في الجك ..
Author: Hafiz Bashir
Date: 10-23-2023, 10:30 AM
Parent: #11
مرحب بعودة الأخ الأستاذ عصام دهب إلى الحوش الوسيع.
| Quote: يا فلول جاكم البلا |
اتفق معك عزيزي الأخ حيدر حسن ميرغني في توقعاتك.
ويأتي تصديقي لهذه التوقعات صرفاً من بند "لا يفل الفلول إلا الفلول" مقروءاً مع مقولة الأطرش "انت انت بتتنسي"😝
|
Post: #13
Title: Re: الحك في الجك ..
Author: ابو جهينة
Date: 10-23-2023, 11:18 AM
Parent: #12
مرحبا بك اخي عصام
عودا حميدا
|
Post: #18
Title: Re: الحك في الجك ..
Author: عصام دهب
Date: 10-24-2023, 12:04 PM
Parent: #13
استاذنا الأديب الاريب أبو جهينة ..
كيف حالكم و اخباركم لعلكم وكل من تحبون بخير ..
سعيد انا باطلالتكم و مبسوط بأن التقيكم هنا مجددا ..
حفظكم الله وًووفقكم و اسعدكم ..
ونتواصل ..
|
Post: #16
Title: Re: الحك في الجك ..
Author: عصام دهب
Date: 10-23-2023, 11:30 PM
Parent: #12
اهلين مرحبتين حبابك
وشاكر دخولك وترحابك يا حافظ .
أما بندك فإن لم يكن من السابع و انت ماشي ..
فأصرف منه بلا تكلف و لا حرج ..
و أعمل اطرش ..
حرية حدها السماء
ومعاها اغنية احلام ..
قول عني ما تقووول ..
و انا و لااا هماني
بعد ١٥ سنة من المواجهات المباشرة
و حروبات سودانيز البعيدة
لم يبقى فيني موضع ملاوذة وتوجس
حك في الجك ليس الا ..
ومع ذلك ..
شكرا تاني ياخ ..
|
Post: #15
Title: Re: الحك في الجك ..
Author: عصام دهب
Date: 10-23-2023, 11:22 PM
Parent: #11
مرحبتين حباب حبيبنا و زميلنا وصديقنا
رفيق الزقازيق الجميل الدوغري الغلباوي الاصيل ..
حنين يا حيدر ..
شوق كتير و الله ..
عساك طيب وكذلك نمور التاميل الجميلين و امهم ..
والمنبر بوجود امثالكم محفز للعودة و البقاء ..
اما الفلول و البلابسة ..
فما فيهم مكفيهم ..
هذا إن لم يحسبونا منهم ..
وحتى لو حسبونا معاهم ..
برضو الفيهم مكفيهم ..
ومكفينا منهم بعد ..
شكرا يا حيدر يا حنين ..
|
Post: #14
Title: Re: الحك في الجك ..
Author: عصام دهب
Date: 10-23-2023, 11:15 PM
Parent: #10
حبيبنا ا. محمود الدقم
تحية و تقدير و احترام
و اسأل الله تعالى ان يرحم فقيدتكم و يسكنها الجنة و يلهمكم صبرا جميلا ..
اما عودة صديقكم سيف فأريتها تكون عودة كل المغترببن و المهجرين ..
تسلم يا راقي .
|
Post: #17
Title: Re: الحك في الجك ..
Author: عصام دهب
Date: 10-23-2023, 11:37 PM
Parent: #14
نسيت اقول اني خلال غيبتي ..
عملت لي دريبات للدنيا الجديدة ..
و بعض البقاع البعيدة في كوكبنا الجميل ..
و وجدت البورداب مالين الدنيا ملي ..
ناس حلوين شديد ..
وهم وبعضا غيرهم
من اسباب عودتي ..
و ان شاء الله كان مد الله في الآجال ..
سأحكي عنهم و احدث بنعمة ربنا ..
وبعض ابتلاءاته ..
وين دينق يا جماعة ؟؟
سلام يغشاه حيثما كان ..
بلغوه عني العفو والاحترام ..
|
Post: #19
Title: Re: الحك في الجك ..
Author: عصام دهب
Date: 10-24-2023, 12:09 PM
Parent: #17
من نافذة مكتبي في جدة..
ياهونداك قصر المؤتمرات البتتعمل فيهو المفاوضات ..
ايوة بتتعمل ..
يعني لو اخذت لي مشوار مية متر وقابلت الجماعة ديل ..
كلمتين بس بعمل ليكم الاتفاق النهائي ..
( أبعدوا الكيزان )
لكن المشكلة لو بعدوهم ..
ما حيكون في وفدين ..
و لا مفاوضات ..
و لا كشم ..
انا قلت كشم ..
|
Post: #20
Title: Re: الحك في الجك ..
Author: محمد عبد الله الحسين
Date: 10-24-2023, 12:59 PM
Parent: #19
سلام الأخ عصام
منور المنبر
مرحبا بعودتك إثراء للنقاش.
|
Post: #21
Title: Re: الحك في الجك ..
Author: صديق مهدى على
Date: 10-24-2023, 01:21 PM
Parent: #20
حباب
المستشار
اب نفسا
حار
بعد حرب
قضت
على اليابس
والاخضر
جهارا نهار
انشاء الله
فى جعبتك
شيئا
ليس
عليه
غبار
|
Post: #22
Title: Re: الحك في الجك ..
Author: عصام دهب
Date: 11-08-2023, 11:38 AM
Parent: #20
بارك الله فيكم اخي العزيز ود الحسين ..
و آمل ان أكون عند حسن الظن ..
|
|