Post: #2
Title: Re: في أي بلد خطب هذا الإمام خطبة الجمعة 20 أكت�
Author: Abureesh
Date: 10-22-2023, 02:46 PM
Parent: #1
ديل اخ ياسر هم زاتهم ما عندهم أى شئ يفعلونه مما ينصحون به الحكام.. الواحد تلقاه لابس طرحـة بيضـاء ويلعلع فى المسجد، وبعد صلاة الجمعة يرجعوا للمناسف والخرفان المشوية.
|
Post: #3
Title: Re: في أي بلد خطب هذا الإمام خطبة الجمعة 20 أكت�
Author: Bashasha
Date: 10-22-2023, 03:01 PM
Parent: #2
طرحة بيضة أو يلعلع؟
يعني اللعلعة هولة "الضكور" حصريا بي فهمك كذكوري أو برضو جمهوري، لاتناسب "الحرمة" نعم "المرة" البترمز للجبن في فهمك، أما الشجاعة اي "الرجالة" فسمة نوع الذكور حصريا!!
مش؟
طيب فرقك شنو من شيخك ده، الذكوري بالميلاد؟
عزيزي القارئ
اعترف مافتحتا الشريط ده ولاعارف بدو الاعراب اعلاه بماذا يهطرق!!!
مابعيد يكون الموضوع متصل بالصراع الاسري داخل بيت اولاد ابراهيم، المسكنونين بيهو حتي الجمهوريين "افتراضا" القنا لايختلفو عن اي اسلاموي خالص، خالص كقاعدة!!!
|
Post: #4
Title: Re: في أي بلد خطب هذا الإمام خطبة الجمعة 20 أكت�
Author: Abureesh
Date: 10-22-2023, 03:27 PM
Parent: #3
Quote: عزيزي القارئ
اعترف مافتحتا الشريط ده ولاعارف بدو الاعراب اعلاه بماذا يهطرق!!! |
هو انت فتحت عيونك عشان تفتح الشريط.. كمل نومك الدنيا بدرى لسة عندكم.. او لو مصر قوم اتناول ليك فنجان قهوة بعد داك افتح المنبر.
|
Post: #5
Title: Re: في أي بلد خطب هذا الإمام خطبة الجمعة 20 أكت�
Author: Bashasha
Date: 10-22-2023, 03:56 PM
Parent: #3
رغم انف العايشنو صاحب البوست، الجمهوري موضوعو، خطبة بتاعة واحد عربي بتناول فيها مشاكلم الاسرية في جوا بيت ال ابراهيم!!!
طيب لو ده حاصل، احنا حتي في وكت زي ده، دخلنا شنو ياحسانية الجمهوريين، تسوو ما شفتو ليكم جمالن رايحات؟
بالنسبة لي ذكورية ابو الريش او برضو جمهوري هو لايعلم كما غيرو، كيف في تاريخنا الاله كان امراة، اقصد انثي، أو مش ذكر كما في مرحعية الثقافة الارية بعامة، اي ثقافة غير الأفارقة!!!
نعم نوع الذكور السودانيين في بداية البشرية كان لايذكر خالص، ولايسوي شئ مقارنة بالسودانية اي الانثي!!!
بالتدريج التمييز علي اساس النوع انتفي وهكذا انجزنا مشروع المساواة المطلقة مابين النوعين، للمرة الاولي والاخيرة في تاريخ البشرية، قبل آلاف السنين!!
لذا ماصدفة كيف مصدر كل الكتب "السماوية" الحالية كانت انثي نعم امرأة سودانية، بالعبري بسموها "مووت" بالانجليزيه Maat الرمزها ريش النعام المنتشر في جنوب كردفان بالذات في رقصة المردوم، أو ده إيقاع مديح اصلا!
هل الجمهوري من امثال ابو الريش يفقه ايا من هذا؟
قطعا لا!!
نعم كما غيرم ماعندهم مزاج لي هطرقة كهذه لانو وعي الاستلاب العروبي طاغي جدا عندهم كماغيرم!!
لهذا قدر ما احنس اترجي اتوسل الي الجمهوريين أنهم يجو الطريق ده أو يسوو شغلم الشاغل، فما بقبلو كلام زي ده خالص، خالص، كما ايا من بوابين حسن البنا أو سفرجية ناصر، فراشين صدام أو قذاف الدم!!!
كلام محمود ده لايمكن تفهمو ياجمهوري من دون الغوص في تاريخ أجدادك، عشان تعرف ياابو الريش كيف الذات الالهية بعد ماكانت انثي حصريا، تحولت إلي "اندروجينيص" بالانجليزي نعم نصف انثي ونصف انثي، وهذا مفصلي رمزيا!!!
حالتكم تحنن ياجمهوريين!!
|
|