يا سلاااااام

11:35 AM October, 13 2023

سودانيز اون لاين
Yasir Elsharif-Germany
مكتبتى
رابط مختصر

كتبت الأستاذة آسيا الربيع قبل الرحيل المر:

Quote: Asia Rabie Abasher [13 أبريل 2016] بعدك انت...كلمات عفاف الصادق البعد صعب...كلمات ولحن وغناء عركي الدور دا عركي عمل رد لي عفاف..ومفيش حد احسن من حد هههههه

Quote: نجلاء حسين الرفاعي [9 أكتوبر] عفاف الصادق حمد النيل أمراة سودانية من الزمن الجميل كتبت أبياتا من الشعر لزوجها الفنان أبوعركي البخيت.. عندما حانت لحظة سفره خارج البلاد في فترة ضاقت عليه السبل بالبلاد.. كتبت عفاف قائلة :- يوم تقول لي داير تسافر بستف الحب بين ملابسك شان يلامسك كل هدما ترتديهو تلاقي فيهو قليبي حارسك ولما تهدأ فوق وساتك تلقي روحي ملت جوانحك ولما تغمض رمش عينيك أبقي في نومك أزاحمك ولما تبقي أمام مرايتك تلقي صورتي كست ملامحك وكل موقف من مواقفك أبقي قدرك وأبقي فيهو أنا البشابهك ولما تمرق لي صحابك وكل زول بشوق يسالمك تلقي في أيديهو إيدي ولمحة من عيني تصابحك حتي في نغمة كلامو تلقي صوتي مزج سلامو وتحس بي، أنا البصافحك ********* وين تسافر مني تمشي وين تقبل مني تبري ياني فيك أنا أمتزجت بمزج النفس البيطلع مرة شهقة... ومرة زفرة أكون الدم في عروقك وأمشي في شريانك أبري مسلك الحب في وريدك فيه بغرق ومنه بروي ياني ندك.. وليك نديدك عنك أكتب ومنك أقرأ ******* وإلتزاما بالقضية والتمسك بالمبادئ والمبادئ هي الحقيقة والحقيقة العندي هي لا مساومة لا مساومة في المقاومة بي مداومة وإلتزاما حق تماما أنا البريدك أنا البريدك وين بتمشي بلايا دربا وكل دربا تمشي فيه لي بيودي وكل حدود الدنيا عندك هي حدي وين ماقبلت تلقي أنك انت مني لي وإنك.. أنت كل ما عندي