*و تتوالى فضائح الخارجية السودانية .. السفير مجدى أحمد مفضل، سفير السودان فى النمسا و مندوب السودان الدائم لدى وكالة الطاقة النووية بڤيينا، تم تعيينه كدبلوماسى بالخارجية السودانية دفعة 1995م (دفعة كلها كيزان صرف) عمل دبلوماسى فى كراتشى، و واشنطن و غيرها ..* *لم يتعلم و لم يتقن لغة أجنبية خلال عمله طوال ال38 عاماً التى قضاها بالخارجية دبلوماسياً و سفيراً متجولا بين الدول .. إستمعوا إليه فى مخاطبته للجنة الطاقة النووية بڤيينا يوم الجمعة الماضى 6/10/2023م لتدركوا مدى مأساة الخارجية و الدبلوماسية السودانية (محن و كوارث الإنقاذ) !!*
Post: #2 Title: Re: و تتوالى فضائح الخارجية السودانية .. السفي Author: صديق مهدى على Date: 10-09-2023, 07:04 PM Parent: #1
مندوبة اسيوية تضحك وتلتفت يمين وشمال غايتو يافلول شكيناكم لله الحي الشايف كل شئ
Post: #3 Title: Re: و تتوالى فضائح الخارجية السودانية .. السفي Author: بدر الدين الأمير Date: 10-09-2023, 07:08 PM Parent: #1
قبانى انت جادى هل دا حصل
Post: #4 Title: Re: و تتوالى فضائح الخارجية السودانية .. السفي Author: صديق مهدى على Date: 10-09-2023, 07:18 PM Parent: #3
ود الامير ومال البتكلم فى الفيديو دا منو اصحى يا بريش وبعدين ما تدخل غلط
Post: #5 Title: Re: و تتوالى فضائح الخارجية السودانية .. السفي Author: يحي قباني Date: 10-09-2023, 08:48 PM Parent: #4
Quote: قبانى انت جادى هل دا حصل
ياهو ده قدامك يا امير .. مالك مخلوع ههههههههههه
Post: #6 Title: Re: و تتوالى فضائح الخارجية السودانية .. السفي Author: يحي قباني Date: 10-09-2023, 08:49 PM Parent: #5
Quote: مندوبة اسيوية تضحك وتلتفت يمين وشمال غايتو يافلول شكيناكم لله الحي الشايف كل شئ
المصيبة انه في الخارجية ليو 100 سنة يا صديق ..
Post: #7 Title: Re: و تتوالى فضائح الخارجية السودانية .. السفي Author: بدر الدين الأمير Date: 10-10-2023, 00:53 AM Parent: #6
الخواجات صديق مهدى ويحى قبانى انتو حاسدنى على خلعتى عرفنا فريق الخلا كمان جابت ليها سفير خلا ياللعجب العجاب وبعدين اللغة عربية واحدة من لغات الامم المتحدة الستة المعتمدات ولا دى برضو بجهلها هذا الجهلول
Post: #8 Title: Re: و تتوالى فضائح الخارجية السودانية .. السفي Author: السر عبدالله Date: 10-10-2023, 02:02 AM Parent: #7
والله فعلا يا ود الأمير اذا ما بيعرف ان اللغة العربية هي إحدى اللغات الرسمية في الأمم المتحدة تبقى مصيبة ...مش كان أخير ليه يتكلم باللغة العربية ..ان شاء الله بالدارجى كان افضل ويخلى مهمة الترجمة لمترجمى الأمم المتحدة
Post: #9 Title: Re: و تتوالى فضائح الخارجية السودانية .. السفي Author: يحي قباني Date: 10-10-2023, 04:57 AM Parent: #8
Quote: الخواجات صديق مهدى ويحى قبانى انتو حاسدنى على خلعتى عرفنا فريق الخلا كمان جابت ليها سفير خلا ياللعجب العجاب وبعدين اللغة عربية واحدة من لغات الامم المتحدة الستة المعتمدات ولا دى برضو بجهلها هذا الجهلول
الاولوية للولاء عند الكيزان يا بدر .. الخدمة المدنية على قدر ما كان فيها الكيزان عملوا عملية احلال كامل دون النظر للمؤهلات .. فقط الولاء ..
Post: #10 Title: Re: و تتوالى فضائح الخارجية السودانية .. السفي Author: مصطفى نور Date: 10-10-2023, 08:53 AM Parent: #9
الاخ الغالى قباني عساك وكل من معك بخير وربنا يسلم البلد واهل البلد قدر ماحاولت افهم قصه الخرفان وقصه انو فى ناس مابياكلوا لحم ماقدرت افهم شى كان بالعربى ولا الانجليزى ممكن زول يفهمنى الزول ده قاصد شنو والله محن والله ده احسن منو حموده حلاق الجامعه والله بالنسبه ليه محمداحمد محجوب ياخى الله ابتلانا بناس حمير والاعتذار للحمير والله
Post: #11 Title: Re: و تتوالى فضائح الخارجية السودانية .. السفي Author: يحي قباني Date: 10-10-2023, 01:17 PM
وصلتني رسالة من أحد القراء .. سعدت بتواصله كمتابع للمنبر و للمواضيع التي تهم اصلاح السودان و حزنت كثيرا على ما حملته الرساله.
يقول صاحب الرسالة:
ــــــــــــــــــــــــــــــــــــــ سلامات عزيزي يحيى عفوا لاقتحامي بريد صفحتك، لكن موضوع السفير ذكّرني بما سمعت من شقيقي قبل سنوات. عندنا جارنا كوز وقانوني دخل الكلية الحربية مطلع التسعينات وأصبح قاض عسكري. المهم انه قبل بضع سنوات زار شقيقي ويبدو انه جاءت سيرة وزارة الخارجية وتعيين السفراء قال شقيقي ان الكوز (في لحظة استغفار نادرة) قال له: ربنا يغفر لنا ما فعلناه في الخارجية. وحين استفسر شقيقي عن ما فعلوه، حكى له الكوز انه كان ضمن اللجنة التي تجري امتحانات التعيين في الوزارة في التسعينات، وانهم كانوا يقومون بإنجاح كل الكيزان في الامتحان رغم انهم جميعا كانوا راسبين وخصوصا في مادة اللغة الانجليزية، ويقومون بإسقاط كل الاخرين الذين نجحوا بجدارة. لابد ان السفير المفضل هذا كان أحد الراسبين الذين شملهم عطف التنظيم ولجنته فصار من السفراء الذين يشار لهم بالبنان ويتحدث الانجليزية بطلاقة القونات.. تحياتي لك ولجهدك وكوكبة سودانيز النيرة بكري وبشاشا وكمال عباس وبقية عقد التنوير الفريد ــــــــــــــــــــــــــــــــــــــــــــــــــــــــــــــ
تحياتي لصاحب الرسالة .. و حزني عليك يا وطن ..
Post: #12 Title: Re: و تتوالى فضائح الخارجية السودانية .. السفي Author: muntasir Date: 10-10-2023, 04:33 PM Parent: #11
Quote: مندوب السودان الدائم لدى وكالة الطاقة النووية
يا قبة كمان طاقة نووية الكوز ده مفروض يكون حده طاقة بالشاف والطلح في بحر أبروف
Post: #13 Title: Re: و تتوالى فضائح الخارجية السودانية .. السفي Author: muntasir Date: 10-10-2023, 08:24 PM Parent: #11
Post: #14 Title: Re: و تتوالى فضائح الخارجية السودانية .. السفي Author: يحي قباني Date: 10-10-2023, 10:22 PM Parent: #13
Quote: مندوب السودان الدائم لدى وكالة الطاقة النووية
يا قبة كمان طاقة نووية الكوز ده مفروض يكون حده طاقة بالشاف والطلح في بحر أبروف