Post: #1
Title: ♧ فنتازيا أحاجي سودانية£
Author: دفع الله ود الأصيل
Date: 10-08-2023, 06:31 PM
07:31 PM October, 08 2023 سودانيز اون لاين
دفع الله ود الأصيل-
مكتبتى
رابط مختصر
للكبار فقط ( فنتازيا أحاجي سودانية)
سلام حجيتكم ما بجيتكم
باللله الديار يقرأ يركز معانا شوية في ما خلف السطور
(01)
+ أكان معروف في الحله كلها إنو أحمد بريد السرة ريدة جد , قبل ما يعرسها و بعد
علا ! لكن هي السرة مي سرة نصاح ؟ السره كلو الشافا صاح .. السرة صاح , من فوق
لي تحت و الله صاح , طول و غلد , لون قمح و وجيهن سمح ,, إن جات عليك ووووب عليك!
و إن قبلت وووبين عليك!!!..... و جنس الكلام ده أياهو كان كلام ناس الحلة جت و كتين يجيبو
سيرة (السرة )..و هو أحمد زاااتو هين ؟ من ما قام معروف شهم , لحاق قريب و بعيد , فااارع
صحابي عديل خلقه و طبع, , ومن قوته كان برفع ( اللستر ) برااااو ,, طلق صحي .
و شان أحمد كان بريد السرة جد ما هماهو ( عدم الجنا ) .
+ و لا كان عندو بال للسرة لما تحنسو ,, راضياك عريس لضرتي إنتي
آآ السرة ظنيت بقيتي ما بتريديني و تبغديني و لا عاد كيفنو دا ؟ : سجم خشمي
يا جمل شيلي.. ده كلام شنو ؟ نان بتدوريني أعرس فوقك كيييييف : شان بريدك
و دايرالاك الجنا و الله الجنا بدورو! بس شرطن يكون منك.. و تبكي ( السريرة )
تقول خيديا لبكا تجري عليهو تتنهد وتندس في سدرو , ويمشو سوا يندسو في
بطن السرير على الدريب البجيب الجنا إلا القسمة حكامة.
ود ال ح ي ش ان ال ت ل ا تة
|
Post: #2
Title: Re: ♧ فنتازيا أحاجي سودانية£
Author: دفع الله ود الأصيل
Date: 10-08-2023, 06:58 PM
Parent: #1
(02)
( كدايس ) السرة وركز معاي على كدايس دي موش كدايس كدارات
عمومن معروفات , نُضاف و بُيُّض صوفاتن تقول قطن طبي ومسالمات للطيش
خليكا من (كدايس الخلا) النملة أم رويشات تاكل عشاهن ما أصلو كانت معتنيه
بيهن عناية جد ,, لبن تمام , أكل تمام , نضافة جد حلفت ( خجيجة المشاطة ) قالت
شافت السرة شايلة الضفارة و بتضفر ليهن أضافرين كريعاتن النصيحة ليك يا الله ،
السرة معروووفه مرأه نضيفه خلاص , الجداد الببشتن البيت ده عند السرة نضيفو ظريف
وأكلو رغيف و مهذب و ود ناس شديد , وبعاف التمباك حلفت خديجة المشاطة !!
قالت شوف عيني و سمع أضاني الكتاكيت كان بسمعن كلام السرة .. خشو القفص
يخشو طووالي القفص ما تخرو في الحوش ما يخرو .. وحات الله _ والكلام
لي خجيجة_ يترصو في قداما في طابور الصباح و ما فاضلُّو بس علا كان
صفا وانتباه يقرا نشيد العلم لاصباححنينه والله إنتي يا السرة
و عليك جنس غشامة باقية حديس البلد و البلدين!!
|
Post: #3
Title: Re: ♧ فنتازيا أحاجي سودانية£
Author: دفع الله ود الأصيل
Date: 10-08-2023, 07:10 PM
Parent: #2
(03)
آآآآي والله حنينة كانت السرة و في شان كدي بكت بكاء شديد خلاص
يوم ( أحمد ) كتل جنا ين لأبو الرقيع ..... يا أحمد خليهو ,,, يا أحمد خليهو
إلا مركوب أحمد كان أسرع من كواريك السرة جنا أبو الرقيع البخوف ده ,,,
حضنتو السرة عليها و قعدت تبكي و تمَنِّح .. كرررر علي يا أحمد دي برضو روح
- أفوو آآآآ السرة الداهي ده قالو شوم !!!
- الشوَّمو منو !؟ تب عليهم ما بفهمو , ده بيرضع زي ابن آدم , تب عليهن تب!
السرة هووووي أبعدي منك الداهي دا شوم و أنا كبدتي مابياه و مكجنة خلقتو !
- وحات الله يا أحمد أكان صاحي كنت رضعتو من شطري ده !!
انبهت أحمد يعاين مندهش في النهيد التابي لامين فسخت منو
الهدم و عرتويا يا السرة ياخ سدرك عجيييب و .... و ... رجع
أحمد يمُق زي طفل غرير و معجزة
|
Post: #4
Title: Re: ♧ فنتازيا أحاجي سودانية£
Author: دفع الله ود الأصيل
Date: 10-08-2023, 07:17 PM
Parent: #3
(04)
قام أحمد من الفراش مليان عرق و آخرإنبساط
و السرة حتيها مبسوطة جد دنقر يفتش للنعال
,, اتلخبتو النعلات سوا ,, فردة المركوب يمين و نعال
السرةقاعد بالشمال ,, دنقر لبس نعالو شيتا غريب في ملمسو
جوه النعال أحمد يمين إتحسسو !يا السرة نيتك لازمتك و في النعال
جوز وطاويط قسمتك" السرة زادت انبساط و حضنت عليها الجوز سوا
.. أبو الرقيع صغير و فردتو حلااااتن يا يمة "تيمان" بعض ما تمشو
يا الحبان بعيد تقولو انتهت,, دي لحجوة يا دووب إبتدت!
|
Post: #5
Title: Re: ♧ فنتازيا أحاجي سودانية£
Author: دفع الله ود الأصيل
Date: 10-08-2023, 07:20 PM
Parent: #4
(05)
و مرت الأيام كبرو الخفافيش زي بعض , جلد ناعم زي حرير
و في نفس الوكت ملمس مُخيف , و شكل مخيف , شيطان عدييييل ,
فاراُ بطير و كمان خبيث عضعض جداد السرة جت لامين طفش
وسط اندهاش السرة من حالو القلب ,, يا حليلزمن الجداد لازم
الأدب.. و كبارنا قالو: " البلم عيله الوطاويط بخربشنو"
|
Post: #6
Title: Re: ♧ فنتازيا أحاجي سودانية£
Author: دفع الله ود الأصيل
Date: 10-08-2023, 07:26 PM
Parent: #5
(06)
+ و إستالد الخفاش ولد ..مرات بنات مرات ولد
و أحمد يعاين و يندهش و السرة ترضشّع في الولد
يا السرة زحي الداهي شوم..يا السره زحي الداهي شوم
و البيت إتملا أبو الرقيع كتير خفاش كبير وطواط كبير
يا السرة بيتك ضاق عليك أطردي الملعون و شوم
+ باللختسار أحمد قِنع و هجً خلى السرة لي هذا اللعين
و السرة لا زالت تفتش في الدرب صابها العمى و الإنكسار
و نصيبها من البيت صِبِح قفص الجداد الهجً فات
و كديستين منقرطات بُيُض .. بدون ضفر
يا السرة حالك ما بسر
|
Post: #7
Title: Re: ♧ فنتازيا أحاجي سودانية£
Author: دفع الله ود الأصيل
Date: 10-09-2023, 07:13 AM
Parent: #1
+ قالك في أ مسالنا والمسل ا لقديم ساير
// "جدي طويل ، و ما بلحق الكعكول" طيب تعال نزيدك
في القصيد بيت: ظنيت سمعت آجنا بي قولة //عمي طويـــل
طول النخلة ومخ السخلة ؛ علا ماو قادر يلحق الكعكول//؟!
الجواب: زمان قالو: حبل الدلو ، عشان مدلدل لسانو لا تحت؛و واحدين
تانيين قالو: أبدن دا الدرب ؛ لأنو منبطح فوق الواطةو ما برفع رويسو .
+ علا نا لقيت لها تفسيرن كُتُر و عجيب بلحيل :تحين دا مو لسان زولن كان
عاجباه روحو وشغل رقيص فوق كل الحبالالممكنة و على روسين كل الأفاعي
اللا- ممكنة و يوزع في تهديداتو يمين شمال بهنا حلمان لأم قرَّان؛ يجيب لها
لبن الطير و يسكنا مزارع الباقير , وبجاي يلعلع فوقنا بي طلاقات فشنك
برا مروة يجازف في حاجتن كدي سموها الديمو/ضراطية بالباسطرمة
ما سمع بها من شقت عينو !!لحد ما أنقدَّ في مسكينتو و لقى روحو
راكب التونسية ماش لي ألله مباشرتن !و لا رايكم شنو بالله ،
مو ياهو بزاتو و صفاتو؟! عمومن اللوم مو عليه ، يمش
يكوس الورطوه والسكران في ذمة الصاحي.
ا
|
|