Post: #2
Title: Re: غريبة:مقابلة البرهان مع الأستاذة عائشة مو
Author: محمد عبد الله الحسين
Date: 10-04-2023, 04:10 PM
Parent: #1
وشايف الاتهامات تتوالى والتهديدات على البرهان باعتبار أن الموضوع مقدمة لعودة القحاتة..
خاصة انه عائشة والوفد عائدين من الأمارات..
عايزين الناس النشيطين يرفدون بالمعلومات...
وقراءة لما بين السطور..
|
Post: #3
Title: Re: غريبة:مقابلة البرهان مع الأستاذة عائشة مو
Author: محمد عبد الله الحسين
Date: 10-04-2023, 06:33 PM
Parent: #2
سالها احمد طه قال ليها البرهان رده كان شنو بخصوص طرحكم
صمتت برهة وقالت ليه ما حاقول ليك..لكن استطردت او استدركت عدم لباقة او بياخة ردها
فقالت ليه ما بقدر اقول الا بعد اقابل الطرف الثاني..
|
Post: #4
Title: Re: غريبة:مقابلة البرهان مع الأستاذة عائشة مو
Author: حيدر حسن ميرغني
Date: 10-04-2023, 07:41 PM
Parent: #3
تصدق يا محمد د. عائشة موسى الاكاديمة الفذة كانت عضو نشط في المنبر واثرته بمواضيع ترجمة رهيبة شاركنا في التعليق عليها واستفدنا من علمها
من دخلت السيادي وخرجت تناوشتها العديد من الاقلام وقربو يصفوها بالرجعية مع انها ليست كذلك.. (استقالت بدري من السيادي)
مقابلة البرهان لها ربما جزء من المناورات السياسية التي يقوم بها البرهان ومن خلفه كتطمين للقوى الديمقراطية بأنه على مسافة واحدة من الجميع ، وسط الاتهامات التي طالته بالكوزنة
د. عائشة تم انتقادها بسبب مبادرة تصفير السجون عام 2020 التي اطلق خلالها العديد من السجناء وشهدت البلاد بعد ذلك موجة من الجرائم .
المهم عائشة زولة جيدة جدا وكانت مؤثرة وقت وجودها في المجلس السيادي ..
|
Post: #5
Title: Re: غريبة:مقابلة البرهان مع الأستاذة عائشة مو
Author: محمد عبد الله الحسين
Date: 10-04-2023, 08:26 PM
Parent: #4
شكرا يا حيدر على الإفادة. طبعاوهي زوجة الراحل د.محمد عبدالحي(العودة إلي سنار)...وهي امراة محترمة ولكن السياسة تنزل اقدار الناس مهما كانوا. طبعا يسيئنا استعمال تعبيراتمسيئة من شاكلة "حبوبة عاشة"...برضع نرجع لموضوع المقابلة...هل فعلا هناك ايادي خارجية .اماراتية تحديد. ام هي بدافع وطني بحت؟
|
Post: #6
Title: Re: غريبة:مقابلة البرهان مع الأستاذة عائشة مو
Author: حيدر حسن ميرغني
Date: 10-04-2023, 08:51 PM
Parent: #5
Quote: الخرطوم ـ «القدس العربي»: انتقد القيادي في «الحرية والتغيير» ياسر عرمان، دعوات لتشكيل حكومة طوارئ في السودان، وحثّ القوى المدنية على تشكيل جبهة واسعة لإيقاف الحرب المندلعة في البلاد منذ منتصف أبريل/ نيسان الماضي.
وفي وقت توعدت فيه الولايات المتحدة بمحاسبة الذين «يقوضون السلام والتحول الديمقراطي في السودان» أكدت وزارة الخارجية رفضها لمشروع قرار بريطاني مقدم الى مجلس حقوق الإنسان يطالب بتشكيل لجنة تقصي حقائق خاصة بالنزاع الدائر.
والثلاثاء، التقت آلية برئاسة عضوة المجلس السيادي السابقة عائشة موسى، القائد العام للجيش عبد الفتاح البرهان، وسلمته خريطة طريق لوقف الحرب وتشكيل حكومة طوارئ، مشيرة إلى أنها ستنخرط في اجتماعات مع القوى السياسية والمدنية ولجان المقاومة لتنظيم حوار سوداني ـ سوداني يجمع كل الأطراف دون إقصاء.
|
Post: #7
Title: Re: غريبة:مقابلة البرهان مع الأستاذة عائشة مو
Author: محمد عبد الله الحسين
Date: 10-04-2023, 09:12 PM
Parent: #6
يا حيدر انت ذكرت نقطة مهمة...
بجانب( القعدة مع ست الشاي) و(اللقيمات) والشرشحة الساحلية.Quote: مقابلة البرهان لها ربما جزء من المناورات السياسية التي يقوم بها البرهان
ومن خلفه كتطمين للقوى الديمقراطية بأنه على مسافة واحدة من الجميع ، وسط الاتهامات التي طالته بالكوزنة |
.هذا تفسير مهم لجانب قد نغفل عنه في خضم اهتمانا بتفسير خلفيات تحركات الوفد ووما وراء هذه التحركات...
لأن ذلك في الحقيقة بيقدم صورة يحتاج لها البرهان ليمسح عند الناس صورة الديكتاتور....في خضم محاولاته ليبدو أقرب لنبض الشعب .
|
Post: #8
Title: Re: غريبة:مقابلة البرهان مع الأستاذة عائشة مو
Author: haider osman
Date: 10-04-2023, 11:08 PM
Parent: #7
اتونسوا بي ده لحدي ما تلاقي حميدتي وتورينا رأيهم الاثنين شنو
فتحية وزوجها عثمان متحاربين وحاتنو قرض و وصلو مرحلة إنسداد تام ... جووهم الأجاويد قعدوهم وقالوا ليهم لازم تختو مصلحة الأولاد فى اعتباركم وتطروا العشرة وتختو الكورة واطة وتلعنو إبليس لأنو الزواج ده لو اتفرتق صعب يتلما تانى .. فحقو تفكرو بعقلانية قبل إتخاذ أى قرار يتعلق بفض الشراكة.
عثمان قال : المرة دى ما بتنفع معاي للأسباب التالية :
_ لسانا زفر التقول رابطين فوقو التوم هجو وبتنبح اليوم كلو متل القونات..
- قلبها أسود من تاريخ الحركة الإسلامية
- كل ما أقول كلام تبلعني ليهو التقول أمها كانت متوحمة على السوق
- طول اليوم جيب جيب التقول انا معرس محلية ما ولية وبعدين أنا أصرف عليها وله أصرف على فكي جبريل ...
باختصار مابتنفع معاي تاني أنا وهى لازم نتفارق فراق الضمير للكوز... ما عندنا حل غير كده عشان العيشة معاها لا تطاق ... ياخي دى كرهتني الحياة الزوجية وخلتني إتمنى أبقى جوز هند لأنو هو الجوز الوحيد الما عندو زوجة ...
الأجاويد أها يا فتحية قولك شنو ...
فتحية : أنا لساني زفر يا معولق يا مبشتن قاعد لي اليوم كلو بلا فائدة ... زى لجنة فض الإعتصام
أنا قلبى أسود يا السجمان يالرمدان والله أنا قلبى أنضف من جيبك ده يا عدمان يا صرمان..يا ياسر عرمان .
الأجاويد يا فتحية كده ما كويس ما تشتمي راجلك وتقللى من قدرو قدامنا
فتحية : أعمل شنو لكن مرقنى من طورى تمرق روحو المكنكشة فى جسدو زى كنكشة البرهان في الكرسي... شاحدة ربى يورينى فيهو عجايب قدرتو .
أنا من عرستو بقيت زى الجنيه السوداني كل يوم ماشة نازلة وناقصة .
*فى انتظار رؤية الأجاويد لحل الخلاف*
|
|
|