πبهدوء:ماذا نقلتم من روح الإسلام إلى بلاد المهجر£

03:13 AM October, 03 2023

سودانيز اون لاين
دفع الله ود الأصيل-
مكتبتى
رابط مختصر

∆سؤال مفخخ في النقعة؟؟؟!!!

∆ اللهم سوى«إرهابا» بشوية
حزامات ناسفات هنا و هناك نسب، إلى البعض
أن فجروا لها برجي التجارة التوأمين إنفاذا
لفتاوى عمك عمر عبد الرحمن و تحريضات
سلفه أبى الأعلا المودودي؟!!

أو شوية كُتَلٍ من السلاسل و الجنازير لضرب الرقاب
و لطم الخدود و شق الجيوب و الدعاء بدوعى الجاهلية الأولى
و النواح على روح الحسين سبط سيد ولد آدم ولا فخرَ ، و هو
عن براء كبراءة الذئب، مما يفعل السفهء منا، أليس كذلك؟!

+ أو سِبَحٍ و طوالقي مُخُر و دفوف،شَتامة و طارات
و" نوبات " وحلق لأحياء ذكرى مولد رسول الأُمَّة و شفيعها ﷺ ،
و كلها طقوس على شعائر لا تمتُّ غلى قشر الدين و الإيمان
بصلة ، ناهيك عن كنه العقيدة السمحا.،
و بي موناصبة (نوبات) و هي أيقاعاتٌ تصحبها حركات
هستيرية أقرب إلى نوبات الصرع ، أعاذكم الله ؛ لا ، و كمان
لامن تجي تناقشم فيها ، حلاة يستشهدون عليها بدليلٍ نصيٍّ
قرآني من قولِ عزَّ من قائلٍ (وَأَنِيبُوا إِلَىٰ رَبِّكُمْ وَأَسْلِمُوا لَهُ
مِن قَبْلِ أَن يَأْتِيَكُمُ الْعَذَابُ ثُمَّ لَا تُنصَرُونَ) .
+ فبالله دي أمَّة تستحق يشفعوا ليها ، البختفو طاقية
النقطة من قدام المادح في سوف أم ضروية؟!!

+ ولا شوية جماعة رايح ليهم الدرب في الموية ، مشو هناك
بي"فكرة" يقولو للناس: إنو رسالة الإسلام الخالدة خلاس قد عفى عليها
الزمن وأك لالدهر و شرب ، و لازم تتمزق و نجيب "رسالة تانية "

فكرةرسالة تانية

على شويجماعة تبليغ على شوية تمليغ لاشُغلَ لديهم ولا
مشغلةَ بأمراض الأُمَم، و الباقي شوية عنقالة قريعي راحت لا هم في العير
ولا في النفير، مجرد (MONEY COLLEDTORS , IF ANY).
علماً بأن من كان هَمُّه ما يدخل بطنه، ليس أرعَ قدرا مما يخرج منها.
وقع ليك ، هناي المشتح عضنيك و لا لسة نفتو ليك؟!!

حايمين هناك تمامن كالحمير تحمِلُ أسفاراً؛
زي واحد في سوق تبمول كاجرلو خيشة فوق قنايتين
وفارشلو تحتا ويكة و تبشتين و قرعة كارجِقل جنبهن
حُقَّة صعوط ود عمَّاري الجيِّد ، و كمان حلات كاتب
عليها لافتة تقرأ :(العالمية للخُضَر و الفواكه) .

طيب عرفناكم وديتو لهناك تمباكاً وحشفاً وسوءَ كيلةٍ
يلا ن ثم ما ذا جلبتم إ ليا من هناك و هنالك، سوى حلاقة القَذعَ
و سناكات الماكدونالد و ا( KFC) و (PIZZA HUT)؟!
أسباب فتاكة لتفشي أمراض السُّمنة في أطفال أمريكا!

+ دي مهداةٌ خسيسن للإخوة التنابكة بالبورد
+ ود عماري الجيد قاللو مصنف في بلاد برة على إنو مخِّدرات؟!
∆ دا واحد أخونا ، زول الله على نياتو في بلد الله، عايش في المدينة
التي لا ينقشع عنها الضباب، لندن. فمرة نازل إجازة؛ صحبانو شرامة
طلبو منو يجيب لهم معاه أكتر حاجة مشتهينها اللي هي :"صعوط".

¶ فعلن رجع محملاً بكميات مهولة من ود عماري الجيد و العطرون
الحجري و تراب الجردقة الممتاز ( لزوم التمطير، و گدي). فتحوها
ليك ناس الجمارك في طرقها على متن السير راحلةً إلى نقطة التفتيش
و ضواحيها فكشف ليهم جهاز شكف الكضب أنو الأمر فيهو إنَّ لله
و إنا إليه راجعون، قعدو گولهم تشنغ تشنغ يعطسو يومين.

[}> فلقو فأولن بودرة ويكة ، فحوصها جات نتيجة القرير على أنو
دا خشب مُجفف لا يُغني ولا يُسمن من جوع , مجرد لواييق لو سفيتا
و أكلتها لا بتغِّت عليك علا لاكين بتوسخ إيديك . ومعاها الكيس ماكن
قالولو دي مخَدِّرات. لگن زولنا حلف صادقن بالتكطعو إ نو مو عارف
عنها حاجة. قالولو : گدي ضوقا؛ قام خمش لو فوكامة و خمجا و زرق
ليها جردقة ترابترترا فوقا؛ ثم شاللو منها سفة ختاها دقار .
زولگ بورُدُلب يا واطة جاك زول.

[} طوالي عملو نداء عاجل لاستدعاء قوات الدرگ من شرطة إسگوتلانديارد .
جو خمو ليگ المسگين لا إيدو لا گراعو بي نقالة و بالإسعاف على المستشفى ،
و منها على المختبر الجنائي بمباحث مكافحة المخدرات.
¶ هناك الضابط النبطشي گان عمگ شيبة، و صاحبَ خبرةٍ طويلةٍ ببيئة السودان.
قاللهم جيبو المضبوطات اللقيتوها مع الزول دا. لگن للمفاجأة، عمگ مما عينو وقعت
على گيس التمباك، أصلو ما صدق؛ قام خمشلو كمية و مطرا بالجردقة و ظبط المقادير
تمام التمام.بعداگ دنكل لروحو سفة گااااربة ختاها دقار مجروص ، لامن تلاليشو ورمن
متل نفخة الفشفاش؛ فكت ليه خرمة شابكة ليها سنين و دنين . بعداك قبل على جماعتو
و قاللهم: اسمعو هنا ، حا تطلقو سراح(المتهم البريء) الزول المسكين دا هسي؛
و لا بخليهو يرفع ضدكم دعوى رد اعتبار؛ و أنا ح حأكون(شاهد ملگ) معاه.
يلا جماعتگ ، جري أعطو الراجل حريتو أطلقو يديهو

π سبق وطرحنا نفس السافوتة
حول أزْمةُ الدِّينِ و الإيمانِ و المَيْتين ظاطو£
وين محِلها ، عارفين؟!!
+ قلنا أيوة، لقينا كامنةً في أهله، بلا استثناءٍ!!
و بوجه ٍ خاصٍّ اولئك المتشدقين المجعجعين بلا
طحين لا يُطعِمُ من جوعٍ ولا يُؤمِّنُ من خَوْفٍ !!
+ بسم الله ابتيدنا بالسلفية، ماسكين في ضنب التوحيد قوي
و طبعن لا غضاضة في ذلك على أيَّةِ حال، ولكنهم يمارسون
الأرهاب ضد كل من خالفهم من مبتعة و مشركين إلى ما
هُنالك، بعيدً عن أية حكمةٍ و خوعظة حسنسةٍ متناسين أنَّ
هؤلاءهم حقلهم الذي يفترض أنهم مسخرون للفلاحة
فيه (لأنيهدي الله بك رجلاً خَيرٌ لك من حُمُر النِّعَم.

حباب ود الاصيل نقلنا الى اهل الغرب حديث المصطفى صل الله عليه وسلم الذي جاء فى معناه :-
الدين المعاملة
ملحوظة:-
اليوم مزاجك رايق هههه
تحياتي
يا رجل يا ظريف جزيت خيرا

والله رايق إلا غسب حسنة ، مهدينا يا فردة
لكن من وين ياحسرة كلما جات الحزينة تفرح ما تلقى
مطرح و البورد زاتو بقى خلا ياخ إتَّ وين الناس الظراف
ديلك ناس باكر قَدور و تربالينا الشيخ ود سيد أحمد؟!!
فضلو لنيا جنس كل واحد مكشرفي وش أخوه؟!

مهلا
اخا
العرب
قد
يدخلوا
عليك
اعضاء
يمسكوك
الضنب
ضنب
الككو
ولا
عجب
لذا
يا ود الاصيل
اذا
وجدت
تعليق
خلا
فوتو
لكيلا
تركب
الصعب

والسؤال هنا موجه على الطرف النقيض إلى
السفهة التكفيريين من "أشاوص" داعش و الغبراء و بوكو حرام
و ما شاكل ذلكم المهوسيين و حذا حذوهم و شذَّ شذَّهم. و ديل بالذات
كمان ماخدين الدين في التخصص مادة إضافية و تخصُّصاً فرعياً
عنوانه القتل على مجرد اختلاف المذهب و على إتيان بعض المعاصي.
+ طيب حتى لو سلمنا بذلك ، أوليس كان من باب أولى القتال في بلاد
الشرك المستباح و دكِّ حصون امبراطويات الكفر البواح.
أوليس كان من باب أولى أن يكون طوفان الأقصى الذي
اندلعت نيرانه فجر هذا اليوم الميمون الأغرَّ السبت 22 ربيع
الأول الموافق 07/ 10/2023، أن تقوده طلائع من جيوشٍهم
الجراراةٍ العرعرم بحيث يكون اول أرتالها ها في من كل حدَبٍ
و صوبٍ من بلاد العُرب أوطاني و آخرها في قلب تلِّ أبيب؟!
أم أنهم أسودٌ علينا و في الحروب نواعمُ؟!!!!
دا أشان بس تآمن الجُبْن و النفاق واصل لي وين.
ود ال ح ي ش ان ال ت لا ت ة
مؤذنٌ في مالطة قاعدة ميطي.

+ نرجع تاني نقلب نفس السؤال نجيبو
بي ورار روا:ماذا جلبتم إ لينا من بلادٍ هي التي فبركت خدعة
تاريخية بت كلب يسمونها محرقة الهولوكوست وصنعت منا دولة
بني صُهيون و جات زرعتها كالسرطان في أوصال الأمة.
+ طبعن عرفنا أنو االجيش دا غلطان و سافي التراب لأنو صنع
لينا جمرة خبيثة الدم الصريع، دي بالثابتة لا يتناطح فوقا كبشان أملحان .
+ و لكن الصانع و الصنيعة أشرف منكم يا همل على الأقل دي صناعة
محلية و مقدور عليها مش جايانا من وراء البحار حيث يعيشون ما ما يُسمًّى
جُزافاً ديموقراطية ، بينما "يرسلونها" معلبةً مسخاً شائهاً وأجنةً مشوهةً إلى
ماما أفريكا في عقول أبناء عاقين سَفَلة و كائنات ألزج من عيال ميكي
وألزق من قُرادة طيز ووألعن و أظرط من خفافيش سُراي لالليل.

ننوه بصفةٍ عامة ٍ إلى ظاهرةٍ مؤرقة لامن مقرفة
أكتر فئتين نقيضتين كالشحمة و النار . ألا و هي أن كلاهما تتخذ
من دين الله حااكورةً موروثة لها حصرياً من سلفها و كابراً عن
كابرٍ، و أبي أهلها كمان كابراً عن كابرٍ، مثلما يقولون.
©وكلو ساخر من كلو . لنستمع لهذا الجدال للبيزنطي
العقيم و الشيق في ذات الوقت للمفارقة، ثم لنحكم بأنفسنا؛ بعنوان:
"الضربة_القاضية الحديدية في مؤخرة الصوفية" إذ يقول لي أحدُ السلفيين:
دخلت مسجداً جامعاً و بعد الصلاة داير اتكلم . قام واحد من المتصوفة نهشني:
داير تتكلم في شنو!؟ هههههه قلتلو و بكل برود عنقليزي: في التوحيد طبعن مالو
عيبو لي؟!.قاللي: هسع هنا أنت شايف لك زولن مشرك هنا!؟ بي نهرة و قومة نفس،
طبعاً ههه!! قلت الناخدو على قدر عقلو: طيب يا عمو أنت دايرني اتكلم في شنو ياخ؟!
ما عندي مانع اختار لي موضوع طبعن دا سوأل مُفخخ !! قاللي: ياخ خلاس ، اتكلم في
الطهارة ‏! قلت ليهو : لكن في زول قاعد في المسجد دا بنجاستو!؟ لو في زول نجس هنا
يرفع يدو و توريني ليهو صاحبك ظرط ريقو و اتلخبتن عليهو اللختساسات و خلاس لامن
انا ضحكت بي صوت عالي و الناس قعدو يضحكو عليهو ‏ و صاحبنا و الله حالتو بقت تحنن
برا محلبية و لا سرتية ‏. المهم قلت ليهو: خلاس عشان خاطرك حا نتكلم في الطهارة سريع
سريع و نخش في موضوعي والحمد لله كلنا طاهرين و موحدين بس مذاكرة سريعة كدي
و الموضوع ما خطير يا عمك. ‏يلا، وتوشك خشيت لك في موضوع التوحيد.
*حاشية لا بد منها: بطبيعة الحال و اتگاءاً علي مبدأ أنو
"كل حزبٍ بما ليديهم طربون". فقد لاحظنا كيف كان لگل محاور (لَبِقٍ)
جمهرة من رجرجةٍ و دهماءَ ، و قد هبوا خفافاً و ثِقَالاً، لنصرة(أخيهم
سواء، ظالماً أو مظلوماً)، و في كل ما ذهب إليه من حقٍ أو باطل.ٍ
¶ هذا ، و گان الله في عون دينه الحق ، بلا إفراط َو لا تفريط َ.

شيءٌ و احد واحدٌ يُجمِعُ المسلمون اليوم
في مشارق الأرض و مغربها , وبكافة مشاربهم و مذهباهم
على تحريمهقولاًواحداً لا يقبل التأويل، ألا وهو أكل لحم الخنزير،
و هذه فتوى لا غُبار عليها ، و لكن هذا ليس كلُّ ما في الأمر!!
+ ألا ترون في دين الإسلام الحنيف هناك مُحرامات كثيرة و هناك
موبقات سبعٌ ، و بات المسلمون ، غلا من رحم ربك يستحلونها نهاراً
جهاراً و كأنَّ شيئاً لم يكُن، فأين نحن الآن ممن يأكل لحم أخيه ميتاً
فكرهتموه، و و أين أنتم من أكل الربا وإنَّ " الرِّبا بضعٌ و
سبعون باباً، أدناها الذي ينكح أمه في حجر الكعبة"و أين
أم هي أم الكبائر هذه عيناتٌ مخبرية فقط ، خلاف
المسكوت و "يا ما تحت السواهي دواهي"