تدعوا لمساعدة السودانيين للعمل و ( الاستقرار ) في يوغندا ..!!
في زول سامع بي الشركة دي ؟
و بعدين لامن قريت كلمة الاستقرار دي حرقتني شديد ..
الشعب المسكين ده مكتوب ليو يلهث ورا الاستقرار من المهد الى اللحد ..
قسمتك يا رقيق الحال .. مكتوب ليكا تعيش رحّال ..
قلبي عليك يا وطن
Post: #2 Title: Re: شركة صفاء القمر للتجارة و المقاولات .. يوغ� Author: Biraima M Adam Date: 10-04-2023, 02:14 AM Parent: #1
ول أبا يحي قبانى سلام .
كالعادة شركة صفاء القمر .. في دبي، الإمارات .. وكثير من شركات الإمارت تستثمر في السياحة والفنادق في أفريقيا ..
بريمة
Post: #3 Title: Re: شركة صفاء القمر للتجارة و المقاولات .. يوغ� Author: Biraima M Adam Date: 10-04-2023, 02:20 AM Parent: #2
شوف جنس الحالة دي يا ول أبا يحي
السودانيون يقوم بالهجرة إلي رواندا (أنا ذاتي مفكر أمشي هناك ..)
بريمة
Post: #4 Title: Re: شركة صفاء القمر للتجارة و المقاولات .. يوغ� Author: يحي قباني Date: 10-04-2023, 02:33 AM Parent: #3
Quote: كالعادة شركة صفاء القمر .. في دبي، الإمارات ..
ابدا يا بريمة اسم على اسم حقة الامارات تجارة عمومية و ناسنا ديل تجارة و مقاولات و معرفين رقبتهم انهم شركة سودانية يوغندية ..
Post: #5 Title: Re: شركة صفاء القمر للتجارة و المقاولات .. يوغ� Author: عزالدين عبدالرحمن Date: 10-04-2023, 08:24 AM Parent: #4
سلام يابشمهندس ماتستغرب انه موسم الهجرة لافريقيا وافريقيا اصبحت غير انت محتاج تعمل تحديث للسوفت ويير
خلال السنوات الاخيرة ظهرت شركات سودانية واجنبية كثيرة بتساعد رجال الاعمال والاسر والطلاب للسفر والدراسة والاستقرار والاستثمار في افريقيا وعلي المستوي الشخصي عندي الكثير من الاصدقاء هاجروا من الخليج والصين واوربا واستقروا في اوغندا وتنزانيا وراوندا مع اسرهم البعض منهم بحثا عن الدراسة للابناء والبعض الاخر بحثا عن فرص استثمارية افضلوكلها نجحوا لرخص تكاليف المعيشة وسهولة وسرعة اجراءات الاقامة والاستثمار بالاضافة لتوفر الامن والامان والاهم من ذلك اللايف استيل افضل كثير من السودان
ومن خلال زياراتي في رحلات عمل للكثير من دول افريقيا وجدت السودانيين في كل مكان في افريقيا وكلهم محل تقدير واحترام وعايشين في امن وامان ومالهم ومال تسعة طويلة والجنجويد والدقو وشالو عربيتو
