القائد نصر الدين عبد الفتاح .. قاعد سلاح المدرعات الهارب ..
بريمة
Post: #2 Title: Re: قائد سلاح المدرعات الهارب: نصر الدين يختب� Author: حيدر حسن ميرغني Date: 10-02-2023, 02:55 PM Parent: #1
الهروب من الجيش اثناء اي معركة - حسب نظام بعض الجيوش - رصاصة في الرأس طوالي فليقبضوا عليه ويطقطقوه .. إن كان كوز بالطبع ح يطلع بطل بفقه الضرورة وما بعيد يسمون شارع بإسمه
Post: #3 Title: Re: قائد سلاح المدرعات الهارب: نصر الدين يختب� Author: Biraima M Adam Date: 10-02-2023, 03:02 PM Parent: #2
Quote: الهروب من الجيش اثناء اي معركة - حسب نظام بعض الجيوش - رصاصة في الرأس طوالي فليقبضوا عليه ويطقطقوه .. إن كان كوز بالطبع ح يطلع بطل بفقه الضرورة وما بعيد يسمون شارع بإسمه
حيدر، الفلول لا يقصرون في إيجاد التخريجات .. قالوا كان عايز يدمر الدعم السريع والقائد البرهان منعه .. عشان كده حرد الدواس وذهب كوستي !!
أنت عارف ليه هو خاف، لأن في وقت السلم حينما تم توزيع قوات الدعم السريع علي المؤسسات والوحدات هو رفض ضمهم للمدرعات وأساء لقوات الدعم السريع .. منذ أن دورت الحرب الزول مرعوب مما جنت يداه .. وأخيراً حينما حمي الوطيس هرب ..
بريمة
Post: #4 Title: Re: قائد سلاح المدرعات الهارب: نصر الدين يختب� Author: nazar hussien Date: 10-02-2023, 03:02 PM Parent: #2
الهارب لا يرتديء كاكي الجيش ويكون وسط جنوده
Post: #5 Title: Re: قائد سلاح المدرعات الهارب: نصر الدين يختب� Author: Biraima M Adam Date: 10-02-2023, 03:15 PM Parent: #4
ول أبا نزار حسين
Quote: الهارب لا يرتديء كاكي الجيش ويكون وسط جنوده
أها ما تبقي مثل دكتورة نعمات تقولنى ما لم أقل .. أنا قلت القائد نصر الدين عبد الفتاح مختبئ في كوستي! لم أقل ولا أعلم إن كان في الجيش أو خارجه .. دي حدود معرفتي لكنه هناك في كوستي، وما عارف ح يجري وين تانى!
بريمة
Post: #6 Title: Re: قائد سلاح المدرعات الهارب: نصر الدين يختب� Author: حيدر حسن ميرغني Date: 10-02-2023, 03:18 PM Parent: #5
يكون قرأ البوست ده وإتخارج لمعبر أرقين سيراً على الأقدام
Post: #7 Title: Re: قائد سلاح المدرعات الهارب: نصر الدين يختب� Author: Biraima M Adam Date: 10-02-2023, 03:28 PM Parent: #6
Quote: يكون قرأ البوست ده وإتخارج لمعبر أرقين سيراً على الأقدام
يتخيل لي يا حيدر، ما ح يقدر يشق طريقه للشمال .. أقصر الطرق يتجه إلي ولاية سنار ومنها إلي القضارف ويتخارج عن طريق أثيوبيا .. وأخشي الجيش يلم فيه ويقصر أجله ويرميها في الدعم السريع ..
شوف البطولات الزائفة تودي أصحابها لوين ..؟
-------------------------- اللهم لطفك يا الله تأتينا بالسلام .. اللهم إنك قادر علي ذلك وأنت خير الناصرين.
بريمة
Post: #8 Title: Re: قائد سلاح المدرعات الهارب: نصر الدين يختب� Author: Zakaria Fadel Date: 10-02-2023, 05:16 PM Parent: #7
شوفوا قوة العين يكتب في العنوان : الهارب ويقول انا قلت مختبئ
هههههه
Post: #9 Title: Re: قائد سلاح المدرعات الهارب: نصر الدين يختب� Author: Zakaria Fadel Date: 10-02-2023, 05:26 PM Parent: #8
و ايها البوق الكذاب هذا الفيديو للقائد نصر الدين عمره ٥ شهور
Post: #10 Title: Re: قائد سلاح المدرعات الهارب: نصر الدين يختب� Author: Biraima M Adam Date: 10-02-2023, 06:10 PM Parent: #9
Quote: و ايها البوق الكذاب هذا الفيديو للقائد نصر الدين عمره ٥ شهور
زكريا، الهلا هلا ركبته .. يا أخي لم أقل الفيديو جديد .. جبت الفيديو فقط عشان الناس تعرف الزول الذي أتحدث عنه ..
ثم ثانياً نعم، هرب ونعم أختبئ .. هرب من المدرعات .. وتخبئ في كوستي .. العربي بقيت ما بتعرفه وأنت مدرس؟!
الرجفي والهلا هلا .. بتعمل أكتر من كده.
بريمة
Post: #11 Title: Re: قائد سلاح المدرعات الهارب: نصر الدين يختب� Author: اسماعيل عبد الله محمد Date: 10-02-2023, 06:19 PM Parent: #10
هههههههه يا ول أبا هو كبيرهم هرب بقت على نصر الدين خارج نفسو من بطش الأشاوس الخواف ربا عياله
Post: #12 Title: Re: قائد سلاح المدرعات الهارب: نصر الدين يختب� Author: tabaldy Date: 10-02-2023, 08:09 PM Parent: #11
تخياتي
Quote: لأن في وقت السلم حينما تم توزيع قوات الدعم السريع علي المؤسسات والوحدات هو رفض ضمهم للمدرعات وأساء لقوات الدعم السريع
في رايي دا موقف يحسب ليهو، لو دا فعلاً موقفو معناتو هو واحد من شرفاء القوات المسلحة البستحقوا التقدير.
Post: #13 Title: Re: قائد سلاح المدرعات الهارب: نصر الدين يختب� Author: محمد صديق عبد الله Date: 10-02-2023, 09:21 PM Parent: #12
إنت عارف أنا لما أفتح المنبر ده أول حاجة بتجذبني للبوست هي صاحبه ثم موضوعه، لأنه الجواب بيكون باين من عنوانه.
في بوستات ما بقرّب منها خالص لأنه بكون صنّفت صاحبها ضمن الأشخاص اللي ما بيضيفوا لي حاجة. وبتخيّل في غيري عندهم نفس المعايير دي.
في ناس حقيقة الواحد بيستفيد وبيتعلّم من مشاركاتهم وأسلوبهم وطرقهم في صياغة حججهم، وفي ناس تمامة عدد ساي. طبعًا بوّاب البروف من المجموعة التانية، لكن أنا عامل ليهو استثناء لأنه حالة خاصة وبديت ليهو علاج في معامل "الديك او تور" وحرام ما بقدر أقطعه.
أنا لاحظت أنه بوستاتك في الآونة الأخيرة أخذت منحى مؤازرة الدعم السريع بطريقة هزَّت صورتك وبشوف أنها خصمت منك كتير.
لو بتسمع من أخوك "الصغير": العبرة ما بالكم، بل بالكيف. يعني بوست محكم ومظبط وما يخرّش الموية أفضل من 20 بوست متعجّل يقدح في مصداقيتك ويكون بس لمجرد تسجيل الحضور في الصفحة الأولى للمنبر. الموضوع كده بيُفهم على أنه مجرّد كوتة يومية لازم المؤيدين للدعم السريع يحققوها.
الدعاية بطرق خاطئة بتكون نيران صديقة وآثارها ممكن تكون أسوأ من بوستات الطرف الآخر. ردم المنير بالبوستات بصرف النظر عن جودتها وحساب تأثيراتها الإيجابية والسلبية في الغالب حا تُفسّر على أنه الدعم السريع مغروض (desperate) لبوستات مهما كان محتواها. كمان الواحد لازم يضع اعتبار للمكان اللي بينشر فيهو، والمنبر ده أغلب مرتاديه ناس مستنيرين وسياسيين محنّكين عندهم ملكات تحليلية عالية ما زي لو إنت بتنشر في دفسيبة الفيسبوك والواتساب اللي ممكن تلقى فيها ناس بسطاء ممكن يتقبلوا منك أيّ كلام ويزدردّوه بلا تمحيص وغربلة.
أنا ما بقول ليك ما تدافع عن الدعم السريع، لكن الحكاية محتاجة شوية حرفنة وتوازن بين تحقيق الكوتة اليومية والمحافظة على صورتك ناصعة.
الكلام ده بيسري على ناس تانيين، لكن علاقتي بيهم ما بتسمح لي أسديهم النصح زيّك.
تحياتي.
Post: #14 Title: Re: قائد سلاح المدرعات الهارب: نصر الدين يختب� Author: Biraima M Adam Date: 10-03-2023, 00:38 AM Parent: #13
ول أبا محمد صديق سلام ..
Quote: أنا ما بقول ليك ما تدافع عن الدعم السريع، لكن الحكاية محتاجة شوية حرفنة وتوازن بين تحقيق الكوتة اليومية والمحافظة على صورتك ناصعة.
كوتة شنو يا ول أبا، أنا زول حر Freelancer البكتبه دا هو محض رأي شخصي ..
ألف شكر علي النصيحة وفي العين والرأس .. أحسنت.
بريمة
Post: #15 Title: Re: قائد سلاح المدرعات الهارب: نصر الدين يختب� Author: Biraima M Adam Date: 10-03-2023, 00:45 AM Parent: #14
ول تبلدي سلامات ..
Quote: في رايي دا موقف يحسب ليهو، لو دا فعلاً موقفو معناتو هو واحد من شرفاء القوات المسلحة البستحقوا التقدير.
لو كان حافظ علي موقفه لقلنا الرجل يستحق الأعجاب .. وأنت تعرف أوقات الحرب، أهم ما فيها الأنصياع لرأي القائد حتى إن لم يوافق موقفك الشخصي .. بغض النظر عن حيثيات خروجه، ياهو أنا دمغته بأنه هارب.
بريمة
Post: #16 Title: Re: قائد سلاح المدرعات الهارب: نصر الدين يختب� Author: Biraima M Adam Date: 10-03-2023, 00:54 AM Parent: #15
Quote: هههههههه يا ول أبا هو كبيرهم هرب بقت على نصر الدين خارج نفسو من بطش الأشاوس الخواف ربا عياله
الرجل قال أخير نقول هاع! .. والهروب من زول وصل مرحلة قيادية كبيرة شينة ..
Post: #17 Title: Re: قائد سلاح المدرعات الهارب: نصر الدين يختب� Author: tasneem Date: 10-03-2023, 02:27 AM Parent: #7
وماذا عن بطولة حميدتي يا بريمة !!!!
Post: #18 Title: Re: قائد سلاح المدرعات الهارب: نصر الدين يختب� Author: Biraima M Adam Date: 10-03-2023, 03:06 AM Parent: #17
Tasneem سلام ..
Quote: وماذا عن بطولة حميدتي يا بريمة !!!!
القائد حميدتي رجل فارس .. شهد له أصدقاءه وخصومه في أرض المعركة .. مثلاً خروج البرهان من القيادة، أنا لا أعتبره هروب من المعركة .. هى معركة وهو يديرها بأسلوبه الأمثل .. لكن قائد في مواجهة مثل نصر الدين عبد الفتاح ويترك المواجهة دا هروب من الميدان. مثلاً الرجل البطل الذي قتل في نيالا اللواء ياسر فضل الله .. رفض حتي ينصاع لقرار البرهان لأنه يري أن شرف جنديته يحرم عليه الإستسلام .. دي الجندية أنت ذهبت طوع إرادتك وعليك تحمل تبعات قرارك ..
وبالمناسبة أنه شرف عظيم يقتل قائد في الميدان وهو ساد مواجهته .. حينها لم يترك لخصمه أي فرحة بالأنتصار فقد يصبح كسب معركة وهى ليست نهاية الحرب .. أما الأستسلام أو الهروب نهاية حرب ..
بريمة
Post: #19 Title: Re: قائد سلاح المدرعات الهارب: نصر الدين يختب� Author: Biraima M Adam Date: 10-14-2023, 02:00 PM Parent: #18
هل تصدقوا القائد نصر الدين .. قالوا تانى .. جاء راجع تانى لسلاح المدرعات ..
في الأسبوع الماضي أنزلت فيديو .. قلت فيه بقرب نقل القائد أيوب .. من مدرعات الشجرة .. الأن اللواء نصر الدين جاء راجع .. طبعاً الناس يظنون ربما جاء لأستلام القيادة .. لكن في الغالب أن كوستي أصبحت في خط النيران .. وهناك الموضوع ممكن ينبشك في أي لحظة .. فقال أحسن الخرطوم.
الزول يجري كده لمتين؟
بريمة
Post: #20 Title: Re: قائد سلاح المدرعات الهارب: نصر الدين يختب� Author: Biraima M Adam Date: 10-15-2023, 03:31 PM Parent: #19
****
بريمة
Post: #21 Title: Re: قائد سلاح المدرعات الهارب: نصر الدين يختب� Author: Biraima M Adam Date: 11-23-2023, 04:11 AM Parent: #20
الهارب اللواء نصر الدين .. عاد مرة أخري إلي سلاح المدرعات .. مكسور الجناح، فاقد تماماً للمعنويات والروح القتالية. علي شرفاء الجيش أن ينفضوا من حول هذا الجبان وينضموا إلي أشاوس قوات الدعم السريع.
