القائد الفذ حسين برشم، دور مدفعية تقيلة في الجيش في "ود عشانا" ..
من يريد أن يري المعركة لايف .. يدخل في تيوتر ألجنا الفقر في "X" ..
Quote: ألجنا الفقر reposted
القائد الرائد حسين برشم في ودعشانا . بل تقيل #مليشيا_البرهان عردوا وانسحبوا ولاحقنكو في تندلتي 🔥🔥🔥
ضرب زي الضرب ..
بريمة
Post: #2 Title: Re: القائد حسين برشم .. في قتال عنيف مع الجيش .. Author: محمد عبد الله الحسين Date: 10-02-2023, 03:21 AM Parent: #1
سلام يا ول ابا....جيشكم وصل كوستي والا لسه؟؟
Post: #3 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 04:16 AM Parent: #2
ول أبا،
Quote: سلام يا ول ابا....جيشكم وصل كوستي والا لسه؟؟
أنت تعرف ما أسهل أن يطبل الواحد ويجعل كل سودانيز أونلاين وقراءها "هابي" .. لكن هل يفيديكم بشيئ ..؟ بالطبع لا. الحقيقة أفضل حتي الناس تضاير نفسها وتستعد نفسياً للأسوأ ..
الأستعداد النفسي للحرب أهم شيئ ممكن يساعد في تقليل الصدمة ..
خط الرهد، أم روابة، ود عشانا .. فيه قادة أبطال .. أنتم شفتم في الفيديوهات الرائد حسين برشم .. لكن القائد شيريا رجل قاد الدعم السريع في كل جنوب كردفان في أهلك الظروف .. سمعت أنه في خط الأسناد للقوة المتحركة ..
ربما هناك خطة عسكرية تجري، الأرتكاز لبعض الوقت قبل التقدم، إلي تندلتي .. وشفنا مثل هذا مراراً في الفولة، في الأضية، الفرشاية، الرهد وأم روابة .. ربما حتي يضاير المواطون الوضع .. لكي يتفادوا مواقع الأشتباك .. الخسائر في الارواح قليلة جداً في ود عشانا .. ربما شباب كانوا يحرسون المتاجر وأشتبه فيهم أنهم من أفراد قوة عسكرية .. أو وقعوا في خط تقاطع النيران .. المواطنون واعون جداً لظروف الحرب ليس مثل أهل الأبيضيخرجون مع الجيش مهللين ومكبرين وجارين شمار ساكت ويقعوا الموت.
إرتكاز الدعم السريع علي بعد حوالي 30 كلومتر من تندلتي .. يعنى بالكتير 30 دقيقة من المدينة .. لا طيران، لا مسيرات .. ولا هاونات تضرب فيهم .. وضع هادئ وصامت ..
أتمنى أن ينسحب الدعم السريع ويعود إلي ود عشانا .. وأن لا يتقدم .. تندلتي مدينة عامرة .. وبها بنية تحتية جيدة .. ويجب أن يتفاداها الدعم السريع بأقصي ما يمكن .. ربما يفتح الله علي الشعب السوداني بالسلام ..
هذا ما أقدر أقوله ..
-------------- الدعم السريع .. هو جيش السودان يقاتل من أجلكم لإعادة الديمقراطية ..
بريمة
Post: #4 Title: Re: القائد حسين برشم .. في قتال عنيف مع الجيش .. Author: Zakaria Fadel Date: 10-02-2023, 05:26 AM Parent: #3
يقول البوق: الدعم السريع هو جيش السودان يقاتل من اجل الديمقراطية
وبما اننا نملك شوية ( قنابير) في رؤوسنا يجب أن نصدق لان ( النهب) السريع: * لم يغتصب النساء * ولم ينهب الممتلكات * ولم يأخذ سيارات المدنيين * ولم يطرد المدنيين من منازلهم * ولم يستولي على هذه المنازل ويسكن بها
الا لانه يقاتل من اجل ديمقراطية
Post: #5 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 05:31 AM Parent: #4
Quote: يقول البوق: الدعم السريع هو جيش السودان يقاتل من اجل الديمقراطية
وبما اننا نملك شوية ( قنابير) في رؤوسنا يجب أن نصدق لان ( النهب) السريع: * لم يغتصب النساء * ولم ينهب الممتلكات * ولم يأخذ سيارات المدنيين * ولم يطرد المدنيين من منازلهم * ولم يستولي على هذه المنازل ويسكن بها
الا لانه يقاتل من اجل ديمقراطية
هذا ما أشرنا إليه .. بالنبيح وسب الدعم السريع هاهى الحرب علي الأبواب .. هل يفيدك هذا الجعير؟
أركز!
بريمة
Post: #6 Title: Re: القائد حسين برشم .. في قتال عنيف مع الجيش .. Author: Zakaria Fadel Date: 10-02-2023, 05:33 AM Parent: #5
يا بوق دعك من اللف و الدوران هل فعل التتار هذه الأشياء ام لا؟؟؟!!!
Post: #8 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 05:39 AM Parent: #6
Quote: يا بوق دعك من اللف و الدوران هل فعل التتار هذه الأشياء ام لا؟؟؟!!!
30 عام يا فلول .. ساكت علي نهب ثروات الشعب السوداني؟ من غيركم نهب ثروات الشعب السوداني وأفقره وشرده .. حان الوقت للفاسدين أمثالك أن يغوروا من وجه الشعب السوداني ..
بريمة
Post: #7 Title: Re: القائد حسين برشم .. في قتال عنيف مع الجيش .. Author: Hafiz Bashir Date: 10-02-2023, 05:36 AM Parent: #4
Quote: الدعم السريع .. هو جيش السودان يقاتل من أجلكم لإعادة الديمقراطية
ههههههه خليهو الدعم السريع، إنت دا يا ولد أبا بريمة من متين كنت حريص على الديمقراطية في السودان؟ دا طرفي من الديمقراطية الداير يعيدها لينا الدعم السريع ويبشر بها ولد أبا بريمة.
Post: #9 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 05:47 AM Parent: #7
ول أبا حافظ
Quote: خليهو الدعم السريع، إنت دا يا ولد أبا بريمة من متين كنت حريص على الديمقراطية في السودان؟ دا طرفي من الديمقراطية الداير يعيدها لينا الدعم السريع ويبشر بها ولد أبا بريمة.
أنا فاهم .. أمثالك شدة ما فقد الثقة في أي كلام صار يقول .. Its too good to be true الديمقراطية جاية .. لا تستعجل .. وح تعيش الحرية والسلام والعدالة.
نعم، أنا وقفت مع وحدة السودان 30 عاماً، وحجتي الحفاظ علي وحدة تراب الوطن مقدم علي فقدنا لارواح .. كأخف الضررين.
الأن المعركة تحديداً ما بين الديمقراطية والدكتاتورية التى عشناها كل حياتنا ..
أختار يا ول أبا، وحكّم عقلك .. أنت رجل رشيد.
بريمة
Post: #10 Title: Re: القائد حسين برشم .. في قتال عنيف مع الجيش .. Author: Zakaria Fadel Date: 10-02-2023, 05:55 AM Parent: #9
ايها البوق... الفساد و الصمت الذي تزعمه لن يعفيك من الإجابة هل طرد تتار العصر الحديث مدنيين من منازلهم و ( توهطوا) فيها هل اغتصب بعض التتار فتيات تحت تهديد السلاح هل استولى التتار على سيارات مدنيين بقوة السلاح هل سرق التتار ممتلكات مدنيين هل قتل التتار اي مدني رفض جرائم تحدث في منزله؟ الا يساوم بعض التتار مدنيين الان بالمال لكي ترجع سيارات من الضعين الا ياخذ بعض التتار رشاوي مالية من مدنيين للسماح لهم بمرور امن
هل يفعل ( الاوباش) ذلك ام لا؟
Post: #11 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 05:59 AM Parent: #10
Quote: ايها البوق... الفساد و الصمت الذي تزعمه لن يعفيك من الإجابة هل طرد تتار العصر الحديث مدنيين من منازلهم و ( توهطوا) فيها هل اغتصب بعض التتار فتيات تحت تهديد السلاح هل استولى التتار على سيارات مدنيين بقوة السلاح هل سرق التتار ممتلكات مدنيين هل قتل التتار اي مدني رفض جرائم تحدث في منزله؟ الا يساوم بعض التتار مدنيين الان بالمال لكي ترجع سيارات من الضعين الا ياخذ بعض التتار رشاوي مالية من مدنيين للسماح لهم بمرور امن
هل يفعل ( الاوباش) ذلك ام لا؟
ما زمن النبيح .. نتبيحك أنتهى زمنه ..
وأنا فقط أذكرك .. أن مدينة تندلتي .. علي بعد 30 دقيقة من أرتكاز الدعم السريع .. فماذا أنتم فاعلون؟
بالله أجبنى؟!
بريمة
Post: #12 Title: Re: القائد حسين برشم .. في قتال عنيف مع الجيش .. Author: Hafiz Bashir Date: 10-02-2023, 06:01 AM Parent: #10
يعني يا ولد أبا بريمة إنت 30 سنة خاتي وحدة السودان في مقدمة اولوياتك وتاكل الديمقراطية علي جنب، وهسه وفي اكتر وقت فيهو وحدة السودان مهددة بالضياع وفجأة كدا قلت تخت الديمقراطية في مركز إهتماماتك؟!!!
بريمة قوم لف.
Post: #13 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 06:06 AM Parent: #12
ول أبا حافظ
Quote: يعني يا ولد أبا بريمة إنت 30 سنة خاتي وحدة السودان في مقدمة اولوياتك وتاكل الديمقراطية علي جنب، وهسه وفي اكتر وقت فيهو وحدة السودان مهددة بالضياع وفجأة كدا قلت تخت الديمقراطية في مركز إهتماماتك؟!!!
بريمة قوم لف.
السودان أبداً غير مهدد بالضياع الأن .. زمان كل الحركات المسلحة تتحدث عن الأنفصال .. الأن فضلت الحركة الشعبية شمال فقط ..
لكن لا خلاف أن الديمقراطية مهددة وربما إلي الأبد لو عاد الفلول ..
بريمة
Post: #14 Title: Re: القائد حسين برشم .. في قتال عنيف مع الجيش .. Author: الطيب عباس Date: 10-02-2023, 06:06 AM Parent: #3
Quote: الدعم السريع .. هو جيش السودان يقاتل من أجلكم لإعادة الديمقراطية ..
الجنجا يورجغ
السعن ابو مويتين شوية جلباغ بلغتكم يا جنجا
Post: #15 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 06:12 AM Parent: #14
Quote: الجنجا يورجغ
السعن ابو مويتين شوية جلباغ بلغتكم يا جنجا
الطيب عباس .. يا فلول .. أرقد للفجغ! .. كدي أفتي أخوك الفلول زكريا فاضل .. ما يكتر البكاء بعد أن أشبع الدعم السريع من جرابه النتن ..
القائد الفذ حسين برشم .. غايتو عصر علي الفلول.
بريمة
Post: #16 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 06:17 AM Parent: #15
Post: #17 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 06:25 AM Parent: #16
وهاك يا زكريا .. من مراسل الجزيرة .. قال منطقة ود عشانا أخر حاميات الجيش في ولاية شمال كردفان قبل التوجه للنيل الابيض
أها .. الكوع حمي!
بريمة
Post: #18 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 06:37 AM Parent: #17
صحيفة أم در تايمز تقول:
Quote: قوات الدعم السريع تقول في بيان لها إن قواتها استلمت عدد 12 عربات قتالية بكامل عتادها العسكري وعربة راجمة كاتيوشا وأسلحة وذخائر بمنطقة ود عشانا شمال كردفان
بريمة
Post: #19 Title: Re: القائد حسين برشم .. في قتال عنيف مع الجيش .. Author: Hafiz Bashir Date: 10-02-2023, 06:41 AM Parent: #18
Quote: السودان أبداً غير مهدد بالضياع الأن .. زمان كل الحركات المسلحة تتحدث عن الأنفصال .. الأن فضلت الحركة الشعبية شمال فقط ..
لكن لا خلاف أن الديمقراطية مهددة وربما إلي الأبد لو عاد الفلول ..
بريمة
ولد ابا شكلك الليلة تقلت في العبابير.
Post: #20 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 06:57 AM Parent: #19
ول أبا، الدعم السريع لا يتحدث عن أنفصال نهائياً .. بل يتحدث عن الحرية والديمقراطية والسلام والعدالة.
إذهب وشوف ياسر عرمان ماذا قال: "نريد أن نسمع أن الجيش يتمسك بنفس المفردات التى ينادي بها الدعم السريع .." أنتهي.
لكي يتم تقريب وجهات النظر، لكن الجيش لا يتحدث عن ديمقراطية ولا حرية ولا سلام !
بريمة
Post: #21 Title: Re: القائد حسين برشم .. في قتال عنيف مع الجيش .. Author: نعمات عماد Date: 10-02-2023, 11:45 AM Parent: #20
بريمة
انت ما شايف التناقض الأنت فيهو؟
بي هنا بتقول الجنجويد ح يجيبو الديمقراطية و الحرية و السلام؟
كيف يجيبو السلام و الحرية و البلا بلا بلا و انت بي هناك بتقول لي
ناس كوستي أهربوا الجنجويد جاينيكم للقتل و السرقة و الإغتصاب؟
Post: #22 Title: Re: القائد حسين برشم .. في قتال عنيف مع الجيش .. Author: محمد عبد الله الحسين Date: 10-02-2023, 12:00 PM Parent: #21
آخر أخبار المعركة شنو.... ليه ما اتقدموا لكوستي؟؟؟ عايزين الحقيقة...التفاصيل.
Post: #24 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 12:26 PM Parent: #22
ول أبا محمد عبد الله ما زال ردي عليك قائم
Quote: ربما هناك خطة عسكرية تجري، الأرتكاز لبعض الوقت قبل التقدم، إلي تندلتي .. وشفنا مثل هذا مراراً في الفولة، في الأضية، الفرشاية، الرهد وأم روابة .. ربما حتي يضاير المواطون الوضع .. لكي يتفادوا مواقع الأشتباك ..
هنا قناة الغد .. تقدم تحديث للأخبار
بريمة
Post: #23 Title: Re: القائد حسين برشم .. في قتال عنيف مع الجيش .. Author: الطيب عباس Date: 10-02-2023, 12:25 PM Parent: #21
والله كوستي تحاولو تعتبوها ساي تتردمو ردم الكلاب هل تعلم انو المدفعية في ربك مجهز ليك مفاجاءت من العيار التقيل اللواء 21 في كوستي .. راجنكم بفارغ الصبر جهزو الحجابات بس زايلة ونعيمك زايل
Post: #25 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 12:45 PM Parent: #23
د. نعمات
Quote: ناس كوستي أهربوا الجنجويد جاينيكم للقتل و السرقة و الإغتصاب؟
بت أبا، ركزي، أنت طاشه شبكة ..
الحروب فيها الموت الجزافي collateral death .. وهذا يعنى أن الفرد ضحية ساكت .. جاي مسافر مثلاً ووقع في خط تقاطع نيران وقتل لا مع هؤلاء ولا مع أولئك .. لذلك ينصح الخبراء .. بتقليل الضحايا collaterals .. بتحديد مواقع كثافتهم أو تحديد مواقع لتجمعهم ..
الله يرحم والديك ما تقولينى حاجة لم أقلها ..
بريمة
Post: #26 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 12:51 PM Parent: #25
ح نوثق لبطولات أبناء شعبنا السوداني .. تعالوا شوفوا القائد الفارس المغوار حسين برشم
يا بت أبا، جد النبي لما قابل أبرهه .. قال لأبرهه جئت لإبلي .. قال له أبرهه: جئنا لنهدم مكان عبادتكم وأنت تسألنى عن الإبل؟ .. قال له أن البيت له رب يحميه وأنا رب الأبل .. الأهم حينما رجع جد النبي، قال لأهل مكه .. أهربوا إلي رؤوس الجبال .. والمكاويين قالوا هاع .. مرقوها في رؤوس الجبال !!
أنا أقول لناس تندلتنى .. أنتشروا في القري المجاورة .. بعيداً من خط سير الجيوش .. وأهل كوستي كذلك .. أخرجوا من كوستي .. تفادوا الحرب بأي شيئ ممكن.
بريمة
Post: #31 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 01:34 PM Parent: #29
الأخ علي العريفي
Quote: الجنجويد الله ياخذ لنا حقنا منهم روعوا اهلنا الامنين , الجنجويد فضيحه من فضائح العصر هم لا عسكر ولا بني ادميين.
منطقتتنا ام روابه وشمال كردفان من اكثر المناطق امنا علي مستوي السودان هؤلاء الحراميه سرقوا حق المواطن العادي وعطلوا الحياه كلها نشكيهم الي الله .
انشاء الله ياخد لنا حقنا منهم. عشان تعرف انهم اناس غوقاء بدون هدف ولا خطه او استراتيجيه نهبوا دولة السودان وفي النهايه دمروا الدوله كلها.
الله ينتقم من الجنجويد فردا فردا.
أنت برضك فلول ..! 35 عاماً من الموت والدمار .. تجئ تقول الدعم السريع خرب البلد؟ .. يا أخي البادئ أظلم، مقولة مشهورة!
بريمة
Post: #32 Title: Re: القائد حسين برشم .. في قتال عنيف مع الجيش .. Author: نعمات عماد Date: 10-02-2023, 01:48 PM Parent: #31
تشبيهك للجنجويد بأبرهة ظط.
و تحذيرك منهم و من جرائمهم تؤجر عليه على حسب علم الله بنيتك.
الديمقراطية و الحرية و السلام و العدالة لا يجتمعن مع النهب و القتل و الإغتصاب.
Post: #33 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 02:03 PM Parent: #32
Quote: و تحذيرك منهم و من جرائمهم تؤجر عليه على حسب علم الله بنيتك.
يا أخوانا نسوي شنو مع بت أبا د. نعمات .. تقولنى ما لم أقل؟
يا دكتورة كردفان تحت أماكن سيطرة الدعم السريع والدعم لديه ثلاث أشهر في تلك المناطق .. لا زول شالوا منه شيئ، لا ضربوا مواطن، لا قتلوا ولا نهبوا؛ بل العكس الناس عرفوا الضبط والربط والنظام العام. الناس هانئين ومطمئنين، ليه بقية السودان ما تبقوا مثل كردفان.
بريمة
Post: #34 Title: Re: القائد حسين برشم .. في قتال عنيف مع الجيش .. Author: محمد عبد الله الحسين Date: 10-02-2023, 02:34 PM Parent: #33
الشيء العرفتو انه الجنجويد اتبلو واتشتتوا... يعني موضوع كوستي انسى. كنت عايزك تقول كده بالواضح عشان مصداقية نقل الخبر.
Post: #35 Title: Re: القائد حسين برشم .. في قتال عنيف مع الجيش .. Author: نعمات عماد Date: 10-02-2023, 02:37 PM Parent: #33
يا بريمة أنا ما قولتك شئ ،لكن عندما يُذكر الجنجويد
فتلقائياً يستحضر الناس صورة القتل و النهب و الإغتصاب
التي مارسوها في دارفور و في كردفان و الخرطوم.
أدقبل أيام نهب الجنجويد دار حامد في كردفان و قتلوا تاجر و نهبوا
من الكبابيش و الفزع لحقهم و أشتبك معهم و أعادوا المسروقات.
Post: #36 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 02:50 PM Parent: #35
ول أبا محمد عبد الله
Quote: الشيء العرفتو انه الجنجويد اتبلو واتشتتوا... يعني موضوع كوستي انسى. كنت عايزك تقول كده بالواضح عشان مصداقية نقل الخبر.
طيب منتظر شنو؟ ما تنقل مصدر الخبر .. يا أخي، تفتكروا أنا قاعد أدس الخبر ..ليه!!
والله يا الفلول حيرتونا!
بريمة
Post: #37 Title: Re: القائد حسين برشم .. في قتال عنيف مع الجيش .. Author: محمد عبد الله الحسين Date: 10-02-2023, 02:55 PM Parent: #36
طوالي فلول؟ شكلك زعلت.. ياخ انقل الاخبار كاملة.. يعني لما يكون في تطورات مافي صالحك انت بتعمل نايم..نحن عشان نعتمدك مصدر للاخبار لازم تنقلها بحذافيراها.. اذ عايز تنقل الحاجت البتفرحك بس كلمنا ...
Post: #38 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 02:56 PM Parent: #36
د. نعمات
Quote: يا بريمة أنا ما قولتك شئ ،لكن عندما يُذكر الجنجويد
فتلقائياً يستحضر الناس صورة القتل و النهب و الإغتصاب
التي مارسوها في دارفور و في كردفان و الخرطوم.
أدقبل أيام نهب الجنجويد دار حامد في كردفان و قتلوا تاجر و نهبوا
من الكبابيش و الفزع لحقهم و أشتبك معهم و أعادوا المسروقات.
لو قبلنا بطرحك .. علي أساس أعتبار ما كان .. ماذا الأن؟ .. يعنى كأنك تقولين لا يلد الدعم السريع إلا فاجراً كفاراً ..
أسسوا المشافي: مستشفي المك أبو شوتال .. أول مستشفي يعالج كل السودانيين مجاناً .. ما حصل شيئ مثل هذا في هذه السنين القحط! مستشفي الشهيد محمد سليمان .. كذلك .. قوافل الأغاثة للمتضررين .. لكن عين السوء لا تري إلا الظلام.
بريمة
Post: #39 Title: Re: القائد حسين برشم .. في قتال عنيف مع الجيش .. Author: نعمات عماد Date: 10-02-2023, 03:02 PM Parent: #38
طيب بي منطقك دا يا بريمة
ممكن يجي كوز يقول المخلوع البشير عمل كباري و جامعات و تصنيع حربي
عشان كدا لو قتل اوسرق ما مشكلة.صح ولا ما صح؟
Post: #40 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 03:07 PM Parent: #39
تعالوا شوفوا القائد البطل حسين برشم .. يقود جنوده في أرض المعركة ..
لله درك من رجال كالأسود الضارية .. يخوضوا النار أم لهيب .. والواحد فيهم مبتسم .. تحية للبطل حسين برشم ..
بريمة
Post: #42 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 03:12 PM Parent: #40
ول أبا محمد عبد الله
Quote: طوالي فلول؟ شكلك زعلت.. ياخ انقل الاخبار كاملة.. يعني لما يكون في تطورات مافي صالحك انت بتعمل نايم..نحن عشان نعتمدك مصدر للاخبار لازم تنقلها بحذافيراها.. اذ عايز تنقل الحاجت البتفرحك بس كلمنا ...
نعم زعلت يا ول أبا، أنا زول الفي قلبي في قلمي .. صدقنى لم أجد غير ما أنقل لكم! جيبوا أنتم كمان، عشان يكتمل التوثيق.
بريمة
Post: #41 Title: Re: القائد حسين برشم .. في قتال عنيف مع الجيش .. Author: نعمات عماد Date: 10-02-2023, 03:12 PM Parent: #39
كل من سَلّطَهُ الله على الشعب ينسى أن الظلم يولد الغبن و الغبن يولد التمرد و التمرد يقود للحرب. في ناس مغبونة من المهدية و ناس بعد الإستقلال و ناس ظلمها نميري و مظاليم الصادق و مظاليم المخلوع البشير و مظاليم حميدتي و برهان و اللجنة الأمنية و الآن مظاليم الجنجويد و ستستمر الحروب لغياب العدالة .
Post: #43 Title: Re: القائد حسين برشم .. في قتال عنيف مع الجيش .. Author: محمد عبد الله الحسين Date: 10-02-2023, 03:18 PM Parent: #41
Quote: نعم زعلت يا ول أبا، أنا زول الفي قلبي في قلمي .. صدقنى لم أجد غير ما أنقل لكم! جيبوا أنتم كمان، عشان يكتمل التوثيق.
بريمة
ما عاش من ما عايزين زعلك يا ول ابا... انت راجل بالك طويل..وما بتحب تجامل وما بتحاول تزعل زول.. العفو يا ول ابا.. اخد راحتك تماما.
Post: #44 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 03:23 PM Parent: #41
Quote: طيب بي منطقك دا يا بريمة
ممكن يجي كوز يقول المخلوع البشير عمل كباري و جامعات و تصنيع حربي
عشان كدا لو قتل اوسرق ما مشكلة.صح ولا ما صح؟
ما صاح .. ههههاي!!
والصحيح، أرجعي لفيديو: شمبات الجميلة .. في هذه الصفحة .. الناس العزل الذي ثبتوا في منازلهم لم تسرق! .. وحييناهم كأبطال من أبناء شعبنا .. ودعونا قوات الدعم السريع للوقوف بجانبهم وتذليل الصعوبات التى تواجههم.
دا يا دكتورة يوضح أن الحرامية هم من عامة الشعب أو مجرمى السجون أو 9 طويلة .. الذين ينتظرون خروج المواطنين من منازلهم لكي يدخلوها ويخربوها .. الجيش نفسه صار يمارس ذات التخريب .. وأسواق بأسم السيد البرهان الأن تنتشر في المدن الكبيرة.
بريمة
Post: #45 Title: Re: القائد حسين برشم .. في قتال عنيف مع الجيش .. Author: نعمات عماد Date: 10-02-2023, 03:35 PM Parent: #44
Quote: الناس العزل الذي ثبتوا في منازلهم لم تسرق! .. وحيينا
كلام غير صحيح
أنا حاضرة و انت بتسمع و بتتفرج على فيديوهات بمزاجك.
الجنجويد دخلوا البيوت على الناس بقوة السلاح في ناس أنقتلت عشان
رفضوا يخرجوا من البيوت و يسلموا مفاتيح العربات.
ما تفبرك الحقائق .أولاً مجموعة جنجويد تقتحم البيت و تقتل أو تطرد
الناس و بعدهم يجو الحرامية يشيلو ما تبقى بعد نهب الجنجويد للأشياء
الثمينة.لعلمك الحرامية كانوا أصلاً مسجونين و أطلق سراحهم الجنجويد.
Post: #47 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 03:44 PM Parent: #45
بت أبا دكتورة نعمات
أدخلي هنا وأسمعى شهادة أهل شمبات .. وتعالي، راجعى كلامك
Post: #48 Title: Re: القائد حسين برشم .. في قتال عنيف مع الجيش .. Author: نعمات عماد Date: 10-02-2023, 03:50 PM Parent: #47
بريمة
شوف عين و موت في الجيران و الأهل ما محتاجة أقرا بوست
عشان أعرف جرائم الجنجويد.
Post: #49 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 03:54 PM Parent: #48
Quote: بريمة
شوف عين و موت في الجيران و الأهل ما محتاجة أقرا بوست
عشان أعرف جرائم الجنجويد.
يا دكتورة، أديها نفس .. أها جبنا ليك الفيديو .. أستمعوا له .. ديل ناس ليس لهم علاقة بالدعم السريع
بريمة
Post: #50 Title: Re: القائد حسين برشم .. في قتال عنيف مع الجيش .. Author: نعمات عماد Date: 10-02-2023, 03:54 PM Parent: #48
اسع يا بريمة دا تناقض ولا ما تناقض ؛
تشكر ناس شمبات ما طلعوا من بيوتهم عشان كدا ما اتسرقت.
و تقول لي ناس كوستي يهربوا عشان بيوتهم تتسرق؟
Post: #51 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 04:09 PM Parent: #50
القائد حسين برشم .. يترنم .. بعد هزم قوات الجيش في منطقة الفرشاية .. في كردفان
انا متوقع فيديو مثل هذا بعد هزيمة الجيش ود عشانا ..
بريمة
Post: #52 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 04:17 PM Parent: #50
دكتور نعمات
Quote: اسع يا بريمة دا تناقض ولا ما تناقض ؛
تشكر ناس شمبات ما طلعوا من بيوتهم عشان كدا ما اتسرقت.
و تقول لي ناس كوستي يهربوا عشان بيوتهم تتسرق؟
أستهدي يا دكتورة أستهدي .. الحرب لا تسير بوتيرة واحدة .. أنت أخذت جزء ففط من الحيثيات التى قدمتها .. خروج الأسر والمواطنون العزل والأطفال والعجزة ..
أيضاً أنا قلت، الناس تنتظم في لجان أحياء .. لأسعاف الجرحي .. وقلت أن الذين يبقوا عليهم ان يعملوا خنادق في المنازل ليحتموا بها أثناء الأشتباك .. وعليهم التواصل مع قوات الدعم السريع لتعريفهم بطرق الأخلاء .. راجعى البوست كويس .. تجدينى مناصر لأهل كوستي .. أفضل من بوق الحرب زكريا فاضل ..
بريمة
Post: #46 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 03:39 PM Parent: #44
ول أبا،
Quote: ما عاش من ما عايزين زعلك يا ول ابا... انت راجل بالك طويل..وما بتحب تجامل وما بتحاول تزعل زول.. العفو يا ول ابا.. اخد راحتك تماما.
ول أبا، طيب الله خاطرك .. يوم لا ينفع مال ولا بنون .. الناس مفتكرينى غير متضرر من الحرب .. ببتي أنا لأننى من عامة غمار فقراء الناس .. لا سكنوا فيه جيش ولا دعم السريع .. ساكنه فيه الحمير والكلاب الضالة وهربت منه حتي الفئران .. شهداء أهلنا الأقربين عدد كبير ..
غايتو، ربنا يخفف مصاب كل منكوب
بريمة
Post: #53 Title: Re: القائد حسين برشم .. في قتال عنيف مع الجيش .. Author: muntasir Date: 10-02-2023, 04:50 PM Parent: #46
بريمة إتشهود ، انت كج يا جنجاوي هسي بتلحقو عيال قارح عيسى
Post: #54 Title: Re: القائد حسين برشم .. في قتال عنيف مع الجيش .. Author: Biraima M Adam Date: 10-02-2023, 06:06 PM Parent: #53
Quote: بريمة إتشهود ، انت كج يا جنجاوي هسي بتلحقو عيال قارح عيسى
جنكيز، نعم، لا إله إلا الله ومحمد رسول الله .. أها أتشهودته .. عيال قارح عيسي .. مالهم؟
