يا ناس بل بل .. تعالوا شوفوا .. أسر ضباط المهندسين في يد الدعم السريع!

02:48 PM September, 27 2023

سودانيز اون لاين
Biraima M Adam-أمريكا الشمالية
مكتبتى
رابط مختصر

أستاذ جعفر .. صاحب الفيديو من تنقاسي الشمالية ..



بريمة

شاهدت الفيديو بتاع اُسر العساكر ديل في الفيس بوك وترحمت على الجيش العساكرو الما قادرين يحموا اسرهم خليك من يحموا المواطنين
جيش دعاية وفزاعة طير ليس إلا .. قائده يتسول المساعدة وعياله في امان في مصر تحت حماية السيسي
-
الزول ده بل الفلول بل جد .

ول أبا حيدر

أرفق لنك للفيديو في الفيس بوك ..

بريمة

يا بريمة، كان انت كان الدقم كان الزول الفي الفيديو دا،
ما ممكن تثبتوا لينا انكم منتصرين، وتسبوا في الكيزان والفلول،
وفي نهاية أي كلام توسلوا لينا نقنع الكيزان يجلسوا معاكم لوقف الحرب؟!
تموا انتصاركم للنهاية وخلصونا من الفلول،
لكن لو دا حد انتصاركم كلمونا قولوا لينا نحن ما عندنا قدرة أكتر من دي ولازم نجلس مع الكيزان للحوار

وإنت جاي خامي بقجك نظام فرحان
يعني
لا حول ولا قوه الا بالله

Quote: يا بريمة، كان انت كان الدقم كان الزول الفي الفيديو دا، ما ممكن تثبتوا لينا انكم منتصرين، وتسبوا في الكيزان والفلول، وفي نهاية أي كلام توسلوا لينا نقنع الكيزان يجلسوا معاكم لوقف الحرب؟! تموا انتصاركم للنهاية وخلصونا من الفلول، لكن لو دا حد انتصاركم كلمونا قولوا لينا نحن ما عندنا قدرة أكتر من دي ولازم نجلس مع الكيزان للحوار

وانت شايف الدقم مثلا ناطق رسمي، أو مستشار للدعم السريع حتي يشوف او ما يشوف؟
الامور واضحة قدام عينيك، كيف جيشكم يهرب ويخلي نسوانو وراه؟ وليه البرهان نقل عاصمة البلاد لبورتسودان؟ طالما هو منتصر؟ نعم هنآك تجاوزات حصلت في مناطق يسيطر عليها الدعم السريع ويتحمل مسؤوليتها الدعم، لكن للان الفلول يقاتلون من وراء جدر وليس فيس تو فيس،، وخساير بالجملة يدفع ثمنها المواطن، لذلك قلت لابد من اتفاق سلام من اجل عيون المواطن وليس لان الفلول منتصرين

يا دقم، أنا آسف، كنت مفتكرك مع الدعم السريع

تقرأ مداخلتي السابقة؛
يا بريمة، كان انت كان الزول الفي الفيديو دا ……

Quote: يجلسوا معاكم لوقف الحرب؟!

كنت اراهن علي انك مستنير وكده 🤣

الحروب التي دارت في السودان في الادغال والاحراش
لم تنتهي او تقف الا باتفاقيات سلام وان كانت وقتية فما
بالكم وهي تدور داخل العاصمة وبين المواطنين العزل.
ان كان الطرفين حريصان علي المواطن ولا اظن ذلك فليوقفوا
الحرب بأي ثمن.

ول أبا المستنير،
سلام ..

Quote: يا بريمة، كان انت كان الدقم كان الزول الفي الفيديو دا، ما ممكن تثبتوا لينا انكم منتصرين، وتسبوا في الكيزان والفلول، وفي نهاية أي كلام توسلوا لينا نقنع الكيزان يجلسوا معاكم لوقف الحرب؟! تموا انتصاركم للنهاية وخلصونا من الفلول، لكن لو دا حد انتصاركم كلمونا قولوا لينا نحن ما عندنا قدرة أكتر من دي ولازم نجلس مع الكيزان للحوار

المستنير، ليه أنا أنقل ليكم فيديوهات من ناس في الشمال .. ومناطق أخري غير الغرب، عشان تعرفوا المشكلة ليس في شمال وغرب وشرق او جنوب، المشكلة هى السياسة وفي المركز ..

اراكم نحافظوا علي لحمة الوطن والنسيج الأجتماعي .. إلي أن يحسم الدعم السريع الأمر ويقول لناس الحرية والتغيير أن يكونوا الحكومة الجديدة.

---------------
أها جاتكم باردة ومشرحة ..


بريمة

والله، يا بريمة، أنا شايف الجنجويد بعد وفاة حميدتي داخلين في ورطة كبيرة،
على الأرض منتصرين انتصار ساحق، لكن ما قادرين يتحركوا خطوة لقدام وبستجدوا في الكيزان بالتهديد يجلسوا معاهم للتفاوض.

ول أبا عارف

Quote: لحروب التي دارت في السودان في الادغال والاحراش لم تنتهي او تقف الا باتفاقيات سلام وان كانت وقتية فما بالكم وهي تدور داخل العاصمة وبين المواطنين العزل. ان كان الطرفين حريصان علي المواطن ولا اظن ذلك فليوقفوا الحرب بأي ثمن.

كل الحروب السودانية أنتهت في طاولة المفاوضات .. وهذه الحرب يجب أن تنتهى بالمفاوضات، ليس هناك حل أخر بأن يقضي طرف علي الأخر.
لو لاحظتم قوة كبيرة من الدعم السريع جاءت من الشمال ودخلت أم درمان ولم يعترضها الجيش، يبدو هى التى أستولت علي الأحتياطي في أم درمان.. واضح الدعم حقق تفوق علي الأرض.

أوقفوا الحرب ..

بريمة

المستنير،

Quote: والله، يا بريمة، أنا شايف الجنجويد بعد وفاة حميدتي داخلين في ورطة كبيرة، على الأرض منتصرين انتصار ساحق، لكن ما قادرين يتحركوا خطوة لقدام وبستجدوا في الكيزان بالتهديد يجلسوا معاهم للتفاوض.

ول أبا، القائد حي يرزق.

هناك شخص في فيديو في يوم 20 سبتمبر .. الشخص قال انه له علاقة بشخص من الدعم السريع وكان مرافق للقائد .. فكان يطلب منه أن يرسل له فيديو حي من الميدان ولكن المرافق تخوف أن الفيديو يخلق له مشكلة ..
في يوم من الأيام أستطاع ألتقاط فيديو قصير للقائد مباشر وكان في عربة تاتشر ويتحدث إلي جنوده. قال الشخص والله رايته صورة وصوت ومن داخل التاتشر وكان يرتدي كدمول .. منعم سليمان (بيجو) قال أتصل بالقائد 9 مرات منذ بداية الحرب .. يعنى هناك تواتر في السرديات. الموت أبداً لا يدس.

لو فرضنا لا قدر الله أن القائد أستشهد، الأن الحرب أفرزت واقع لا يمكن تجاوزه .. كيف الناس تتعامل مع هذا الواقع .. لابد أن تقبل بهذا الواقع.

بريمة

حميدتي يا بريمة، توفى أو عاجز،
الرجل بعد كل ما يثار حوله فيهو نخوة لو كان حي ما كان بخليهم يسرقوا وينهبوا،
هي الآن تجمع رجال عصابات

المستنير،

Quote: حميدتي يا بريمة، توفى أو عاجز، الرجل بعد كل ما يثار حوله فيهو نخوة لو كان حي ما كان بخليهم يسرقوا وينهبوا، هي الآن تجمع رجال عصابات

مفاوضات جدة .. بين الرئيس البرهان والقائد حميدتي علي الأبواب .. لماذا هذا الأيمان بأن القائد حميدتي أستشهد.

بريمة