|
|
|
 Re: ليمدد بدائل آل دقلو رجليهم (Re: دفع الله ود الأصيل)
|
Quote: ∆إتو في دا و لا هداك أبريش
جايب ليو ختابن فاعل تارك أمام الجمعية
العامة للعمم الملتحفة. ماعارف هو المشى
هناك دم صريع و لحم و لا هم المشوليو
«جمعوه» من تحت الشدرة؟!. |
ههههها
تحياتى وسلامى أخى ود الأصيل~
ضحكت بشدة
حسب اشارتك هو الخطاب زاته وينه!، وكمان يتفقوا معاه!
*وكأنه كان مدعوا ودخل القاعة وتم تقديمه داك يا التقديم ووقف على "طوله" والقى ما القى أمامهم 😀
*كل الذى يوجد - فيديو لشخص هزيل فى مخبأ ضيق يهش فى الحشرات من على وجهه
ويكرر نفس العبارات - البرهان دقانى ، ما بخليه الا أقلع حقى منه …
*والطف منظر يا ود الأصيل ، النظرات ، لما فجأة يرفع عينيه فقط وليس رأسه
*جاء فى خاطرى شكل المخلوع البشير فى التلفزيون عند محاولتهم قتل الرئيس المصرى بأثيوبيا ، وكان يبدو غائبا تماما وهو يتحدث يومها
*الأشاوش يكون اتهجموا شديد- ما فاكرين طول انتظارهم لطلته بعد هذا الغياب ستكون هكذا وكمان من غير الخواتم الذهبية على أصابع اليدين
***الأشاوش يحبون لبس الخواتم وفى إبو شوتال مثالا "حياً"
| |
  
|
|
|
|
|
|
|
|
Re: ليمدد بدائل آل دقلو رجليهم (Re: هدى ميرغنى)
|
Quote: هو الآن مثل الكديسة مقفول ومختفى - يعنى ما ناس الخرطوم
حيكونوا زى الكدايس فى العمارات العاجباهم
|
سلام أختي العزيزة و ضيفك ود الأصيل
يا ربي حصل شنو في الفترة بين آخر فيديو ظهر فيه حميدتي بين
جنجويدو في حي المجاهدين و كان يبدو مبتسم و أصغر سناً و بين
ظهوره الأخير نحيف و أكبر سناً بكتير؟
| |
|
|
|
|
|
|
|
|
|
Re: ليمدد بدائل آل دقلو رجليهم (Re: Amira Hussien)
|
Quote: سلام أختي العزيزة و ضيفك ود الأصيل
يا ربي حصل شنو في الفترة بين آخر فيديو ظهر فيه حميدتي بين
جنجويدو في حي المجاهدين و كان يبدو مبتسم و أصغر سناً و بين
ظهوره الأخير نحيف و أكبر سناً بكتير؟ |
تحياتى وسلامى العزيزة نعمات~
حقيقة يا نعمات أصبح شبحا فى حالة تدهور
كنت فاكراه يوم يظهر بعد طول هذا الغياب - سيكون روسى-فاغنر عديل (عضلات وقوة)
هو أصلا صوته غير جهور لكن ما كان خافت للدرجة دى
*الفيديو السابق كان غريبا ويبدو عليه بعضا من تركيبات وجابوه فى وسط غابة من السلاح !
*حتى تسجيلاته الصوتية الاخيرة كان الصوت شوية أقوى !
* ظهوره دا سيزيد عليهم المصائب، فحسب كلام مستشاريه انه من يقود العمليات بنفسه😀
يبقى يتحاسب هو على كل عمائل عصاباته مهما كان وضعه الصحى
| |
|
|
|
|
|
|
|
|
|
Re: ليمدد بدائل آل دقلو رجليهم (Re: هدى ميرغنى)
|
Quote: سلام هدى
طفل كبير بالجد…… الدعاهو منو وصفتو شنو ولا هبالة بس البرهان يلقى خطاب هو كمان لازم يخاطب
محن …..غايتو من اضحوكات الزمان هذا السارق المارق |
تحياتى وسلامى العزيزة أميرة الأميرة~
بالضبط كدا يا أميرة بس عشان خطاب البرهان وما سيعقبه ، طلعوه رغما عن بؤسه الواضح لعمل ضجة
جد جد خطاب شنو وأمم متحدة شنو البتسمعه ، هم عايزين يشغلوا الشعب السودانى لا غير
النصحه يا اميرة مقلبه وكشف ضعفه وهوانه
يمهل ولا يهمل ، من كان يصدق بعد حقاراته وتهديداته لينا وان الخرطوم تبقى فاضية زى مليط
الآن الخرطوم ضاقت عليه رغما عما نهبه من ثروات السودان وتكديس معظمها خارج البلاد
ولا قادر يستمتع بيها جوا ولا برا
لانه احتمال يكون خارج السودان ومختبئ أو محشور فى سفارة روسية ، أماراتية ، عراقية او غيرها!
| |
|
|
|
|
|
|
|
|
|
Re: ليمدد بدائل آل دقلو رجليهم (Re: هدى ميرغنى)
|
من لقاء البرهان مع الجزيرة:
تحدث بتأكيد عن وجود مرتزقة يحاربون مع الجنجويد
.*التأكيد دا لأنه هو عارف وموافق كان على جلب المرتزقة للمتاجرة بهم فى حروبات اليمن وغيرها
*ولقمع الشعب السودانى
| |
|
|
|
|
|
|
|
|
|
Re: ليمدد بدائل آل دقلو رجليهم (Re: هدى ميرغنى)
|
الدباب جبريل حضور شديد يراعى ساكت ولسان حاله يردد وزجاجة سمنه أمامه
"السنة الجاية ، سأكون البديل ، سأكون رئيس الوزراء ، ساتحدث عربى انجليزى ويمكن صينى كمان …"
*ولكن سيأتى اليوم الذى يضربوا جميعهم زجاجات سمنهم وتتبعثر أمانيهم ويفقدون ما عندهم الآن
* سينتصر الشعب السودانى العظيم.
| |
|
|
|
|
|
|
| |
هدى ميرغنى
دفع الله ود الأصيل
نعمات عماد
Amira Hussien
فيس بوك
تويتر
انستقرام
يوتيوب
بنتيريست