كل استفساراتهم - متأكدين إنك فى الجيش؟ *اتهام كل الشباب انهم فى الجيش ، بهدف ابادة الشباب *اتهام كبار السن پأنهم فى الجيش ، الهدف على كل من له معرفة حتى ولى كان بالمعاش أو مفصولا سابقا من الجيش
———٠٠٠ لم أسمع بهذا الشخص من قبل - تهمته شكوك أنه يعمل بالجيش
Quote: يحكي السفير كمال عثمان قائلا: تم اختطافي في الثاني من مايو بعد اسبوعين من الحرب المشؤومة “اختطفوني وكنت في حالة اسعاف للوالد”، فبعد أن ارجعت الوالد الي المنزل ذهبت للبحث عن العلاج فتم اعتقالي بالقرب من مستشفي ابراهيم مالك، حيث أوقفتني مجموعة من متمردي الدعم السريع وبدأو في استجوابي وأخذوا “هاتفي الجوال” واستدعوا المزيد من القوات واتهموني بأنني ضابط في الاستخبارات العسكرية، اقوم بتزويد الطيران الحربي باحداثياث تواجد قوات الدعم السريع، واوسعوني ضرب باعقاب البنادق والخراطيش لكي اعترف بشيء لا علاقة لي به؟ اخذوا سيارتي وصوبوا علي البنادق الي ان وصلت الي ارتكاز بالقرب من محطة “7” بالصحافة، ومن هنا قاموا بتغطية عيوني بقماش، واخذوني من الارتكاز الي “حوش كبير” جنوب جهاز المغتربين لمقابلة القائد وتم استجوابي مرة اخري وتفتيش الموبايل وتفتيش شخصي وانا مقيد، عرفت لاحقاً أن هذا المكان هيئة العمليات التي كانت تتبع لجهاز المخابرات العامة شرق المطار. ثم ” حولني القائد الصغير الي قائد آخر وبدأ يستخرج بعض المعلومات من التلفون، واتهمني بانني تابع لاستخبارات الجيش، فقلت له “أنا دبلوماسي” فأجاب “الدبلوماسي عسكري! ودخل معي القائد الأخير في مساومة واعداً بإطلاق سراحي مقابل صيد ثمين مثل ” ياسر العطا – كباشي – علي كرتي – غندور – اسامة عبدالله “.
مقدمة البرنامج كان شاهدتها سابقا فى لقاءات كثيرة جدا مع شخصيات مختلفة منهم جبريل ،ميناوى، الصديق المهدى (شابه الهبوط الناعم بهبوط الطيارة😀)… -وصديق يوسف وأتت بمقطع فى ذلك اللقاء فيه حديث دقلو ١ "كيف نمشى سكناتنا* والناس بتسن لينا فى سكاكينها" واصفا فيه دقلو١ سن السكين بيديه! ابتسم الباشمهندس صديق يوسف وأمن على ضرورة المقاضاة والمحاسبة والعقاب *سكنات - هى ثكنات طبعا
* الكوز الناجى مصطفى ولا فى زول سأله *حى المجاهدين حيث قصور الجنجويد والكيزان ورئاسة شركة الجنيد ومنزل السفير الإماراتى ولا بيقصفوه الا على خفيف جدا ، حريصين عليه كيزان الذهب وكيزان البترول !
سلام دكتور حسن~ قناة الزرقاء مجهجهة - سمعت لقاء مع صحفى محمد خير - يبدو انه كان ديمقراطى فى قديم زمانه حسب مافهمت من كلامه، وبعدها اظنه قلب لكن اللقاء معاه عجبنى لأنه مرح وكلامه صحيح فى بعض النقاط *ما حيعجبك يا دكتور بحسب كلامه عن قحت
( ما حيعجبك يا دكتور بحسب كلامه عن قحت) ----------------------------------------------- يا هدى انا قلت لك قناة الزرقاء كيزانية وبالنسبة لى مصداقيتها زيرو كقناة طيبة
منو هسه القال ديل أحسن من ديل يا نصر! *شوف الفرق بين رأيى ورأيك .:
هدى:
Quote: سلام اخى النصرى والسلام للجميع~
*سلاما يعم السودان وشعبه ويبقى دائما
كل الخوازيق ذى بعض، أرفض الأثنين تماما -مليشيا الجنجويد ياها صناعة الكيزان ،مليشيات الكيزان وأمنهم اخترقوهم من البداية -مليشيات الكيزان المهووسة ستعود أكثر هوسا وعدوانية الحرب بينهما الآن من أجل السيطرة ونهب موارد السودان
#تسقط كل المليشيات - ويبقى الشعب السودانى مواصلا لنضاله وثورته حتى النصر
————— *وجاء تعليق نصر كما يلى:
Quote: يا هدي التي قالت Quote: كل الخوازيق ذى بعض، أرفض الأثنين تماما
كلامك دا عامل زي في كورة هلال مريخ وواحد سألك إنتي بتشجع ياتو فريق تقومي تقولي ليهو انا بشجع الموردة مفهوم لكن مباراتكم مع الموردة الأسبوع القادم لكن هسع إنتي مع منو ممكن يكون عندك حسابات مثلا لو الهلال إنتصر فهو بيمهد ليكم الطريق يبقي الدرون كافي للفوز بالدوري وإنتي لسه مصرة أنا بشجع الموردة بس
زمان في مثل بيقول ليك إيه الجبرك علي المر قال الأمر منه
بالنسبة لي الإثنين تافهين لكن من الشفناه من الجيش في أكثر من ستين سنة حكم يخيليني اقول انا بشجع الدعم السريع
الجيش السوداني عمالة للكيزان عمالة لمصر عدونا الأكبر عمالة لإسرائيل عمالة لروسيا خيانة وخرق عهود بدأ من التضحية بالترابي والبشير لحدي التضحية بحميدتي نهب موارنا لمصلحته ومصلحة مصر اكثر من ثمانين في المية من الإقتصاد تحت تصرفه كمية كبيرة من الضباط عينوا لا كلية ولا خبرة بس لأنهم كيزان فساد منظم قتل منظم للشعب السوداني فصل الجنوب جيش رئيسه يقول نحن حركة إسلامية كاملة الدسم وإنه البلد دي ملك للحركة الإسلامية الجيش باع السكة حديد والنقل البحري والنقل النهري والنقل الجوي وخرب الأشغال العامة والنقل الميكانيكي خرب مشروع الجزيرة إستولي علي أكثر من مية مليار من قروش البترول أغرقنا في ديون ياما أدخلنا في قائمة الدول الراعية للإرهاب باع الجنسيات السودانية للأجانب
أها يا نصر ودا كان ردى عليك تجده فى البوست المرفق فى المداخلة عاليه:
Quote: يا نصر قريت وجهة نظرى صاح… إنى أشجع الطرف الثالث (الشعب السودانى) وحسب كلامك الموردة -هل نسيت الشعار الذى ما زال قائما لا شراكة لا تفاوض لا شرعية وطبعا لا "مساومة" #لا ما تقيف لازم تزيد - لأنك بتكتب فى عمائل الكيزان والجنجويد معا وتؤيد فى وجهة نظرى شايفاك أصبحت شغال بمفهوم أخونا محمد سليمان (الله يطراه بالخير) انه القاتل حميدتي (الجنجويد) عرف غلطته! - تكون قريت أو سمعت لغو الطرفين -القاتل حميدتي من جهة يشتم فى صنوه (دا كضاب، دا عايز السلطة ودا شنو ودا شنو ) -القاتل برهان وياسر العطا من جهة مليشيات الكيزان يشتموا أيضا فى صنوهم (دا كضاب دا عايز السلطة وشنو وشنو) #ولا واحد فيهم ما جاب سيرة محارق دارفور والإبادة او مجزرة الاعتصام أو قتل الشهداء فى الشوارع نهارا جهارا #ولا واحد فيهم ما جاب سيرة هبة سبتمبر 2013 و قرب انتصارها لولا حكومة الكيزان استنجدت بالجنجويد واستشهد وقتها 250 شهيدا
ثم انه مليشيات الجنجويد ما ياها مليشيات الكيزان زات نفسها غير أن الابن الذهبى ما وقف من تحقيق كل أمانيه يقتلنا بمال الشعب السودانى ويسرق ويهرب ثرواتنا حتى تجاوز شيوخه الكيزان ثروة.
#ما تنزعج يا نصر قد يعود الابن الذهبى - حيث لا استغرب بعد هذه الحرب اللعينة وتدمير الوطن وقتل الأبرياء أن تتحد المليشيتان ثانيا ضدنا (تسوية يعنى)
-شايفة الجماعات تبكى ومهجومة وعايزة تلقى طرف تدخل منه مع المنتصر(أردول قال الدعم السريع فتش منزله - بحثا عن سلاح😀 لو قال بحثا عن ذهب كنا صدقناه)
Post: #10 Title: Re: خدعة الفلول والكِيِزان - الجنجويد أصلا كي� Author: Nasr Date: 09-18-2023, 02:40 AM Parent: #9
يا هدي حتي بداية الحرب المدمرة هذه كنت شغال بنظرية المر والأمر منه وإنه المر هو الدعم السريع والجيش هو الأمر منه بعد الشفته من إجرام الدعم السريع إقتنعت أنهم الإتنين شر مطلق يصعب معه المقارنة
سلام وتقدير هدى من البداية كان واضح انو الجانبين يقودونهم الكيزان وانو اكتر من 60 في المية من قيادات الدعم السريع كيزان منظمين واكتر من 90 في المية من قيادات الجيش كيزان منظمين والحاصل دا إما مفاصلة تانية أو خدعة كيزانية أخيرة وغالبا كما قلتي خدعة كيزانية والدليل الأداء المهين للجيش وطريقة ادارة المعارك في الحرب المدورة دي
Quote: سلام وتقدير هدى من البداية كان واضح انو الجانبين يقودونهم الكيزان وانو اكتر من 60 في المية من قيادات الدعم السريع كيزان منظمين واكتر من 90 في المية من قيادات الجيش كيزان منظمين والحاصل دا إما مفاصلة تانية أو خدعة كيزانية أخيرة وغالبا كما قلتي خدعة كيزانية والدليل الأداء المهين للجيش وطريقة ادارة المعارك في الحرب المدورة دي
سلام واحترام اخى عبد الله جعفر~ اتفق معاك حيث انها واضحة مفاصلة كيزانية جديدة ، شديدة الدموية وكالعادة ضحيتها الشعب السودانى *سيقسمون السودان ، يشردوا الشعب السودانى ويهبوا البلد -ارضه وموارده رخيصا للخارج
مناوى يا مناوى😀 قال الفلول اتقسموا بين مليشيا الجنجويد ومليشيا الكيزان هو قال الفلول من غرب السودان مشوا مع الجنجويد، الحقيقة فى فلول من غير غرب السودان أيضا مشوا مع الجنجويد وهكذا الكاش يقلل النقاش