/ الشلاقة عاقة /

03:09 PM September, 10 2023

سودانيز اون لاين
دفع الله ود الأصيل-
مكتبتى
رابط مختصر

مشيت الليلة للشلاقة ا لعلي أتشالق أفتش
في دفاتري لا صفراء القديمية ، تحديدن في بوست
" أفتحج يا سمسم أبوابك احنو العنقالة" لقبت حبيبو
عارف ناشد مطالبني نفرع خرمجات عن حاجة مسميها
(الشبروبة ) المهم بشوبة مقاربات قدرنا نجازف لها مردادفات
لقينها أقرب بل هي التِّشِبِّر بعينه اللهي الشلاقة كما في العنوان،
إذن الخيت دا مفترع علا انجلاتك ود ناشد و يلا تعال يا رب
الفن يا سيدي.. وفيكا نظمت الدُّر قصيدي ، تعال تعال. بس
لا بدَّ تجي بي دوايتك ومحايتك تفتشب لينا الشغل دا
وليك حق السلبطة في الكوبيرايت فيتي ففتي.

انتظم سبعة عيدان ثقابٍصفاً واحداً
كالبُنيان المرصوص، ،في وجه العاصفة، و في
تحدٍّ صارخٍ لهول ما قد يحدس لها جراء تهورها.
غير أن أحدها خذلته ساقه فانحنى لهوج الريـــــاح
و نفد بجدله من ساحة الفداء (يا روح ما بعك روح )
فلما طارت شرارة .كان ذاك الذي عمل زوغبير هو
الناجي الوحيد فيما احترقت صويحباته،
في أتون السنة اللهيب!!!!
يلا ، شايفين أصلي كييييف؟!
ود ال ح ي ش ا ن ال ت ل ا ت ة
مؤذنٌ قرفان في عاسمة اللولوات التلاتة

ود الحيشان يااااخي انت نصيبة تمشي علي عكازين
عمك شبروبة حاجة عجيبة.
عليك التوليف وعلينا نأكشن.

+ على قولت أولاد بنمبة ، أحلف لك بإيه خايتو،
ماني علا لو البمبر دا لو ختاك يا عارف أعمامك
خواض و جقودافنشي، و أحمد يس، وبعض الوجوه
النيرة فعلن حيصدقفيه ظن شلة أخوانا قدامى الموسسن.
عمومن ذات المبدأ والتوصيف للشبروبة كان قد
عبر عنه أبو الطيب المتنبئ ، ذاك الشاعر المتنبئ ،
المغتر بمجده ،الفارس بلاجواد و الحالم لنفسه بإمارة
متوهمة حيث لا وجود لها سوى كونها مشعشةً
في خصب خياله و أضغاث أحلام يقظته،
يومَ أنشد قائلا:_
لا خيل عندك تهديها و لا مال
لو لا المشقة لساد الناس كلهمو
الجود يفقر و الإقدام فتال

و قد عبر عن موقفٍ قريبٍ من ذلك
أيضا البحتري. لمَّا عيرته برقة حاله و ضيق ذات
يده ، إحدى الحسناوات و التي ربما أثار حنَقها عليه،
أنه قد ااشرأب إليها بعنقه لأعلى مما يطال (جزلانه)،
و قام مد ليها قرعتو و شبح كدارينو لأطول مما يتسع
لحافه ليخطب ودها. فأطرق ينشدها قائلا ومعاتباً :
لا تنكري عطَب الكريم من الغنى
فالماء حرب للمكان العالي!!!!

سلام
ود الاصيل
وضيفك
الجميل
ود ناشد
عارف
ولسانه
الطويل
كم
حاول
علاج
هذا
المنبر
العليل
برسومات
دمها
تقيل
فما
وجد
من الاعضاء
الا القيل
امثال
ودالاصيل
سعف
النخيل
لا
يصنع
قفة
ولا هبابة
تبعث
نسيم
عليل
زي
صوت الجابري
الذي
اطرب
اهل
السودان
جيل
بعد جيل

محربنك و مسهلنبك ود مهدينا
حبينا اللا بكرهنا لا بعدينا رغم كل الفينا.
يلا تعالو نتفلفس شيوة نتسغف بالمرة!!
الشلاقة الخنقت أشراقة
الشلاقة في معجم مصطلحات الراستات الوقفو قنا أو أبهاتها الهقرو ملو هي هي
بالعربي الفسخ تعني خفة الراس و التنطع و محاولة شق السبيةعلى أربعة و دا تعبيبر
جاهز عنها بالفرانكو فوني ( COUPER LE SHVEU EN QUATRE)، تراهو
متل شلاقة العلج ماكرون الضيعت منو سبعة بقراتٍ عجافٍ ظلت تحلبهن سبعُ سمان.
يعني زول أو زولة رعناء ما ناقشين أيتها حاجة وعامل ين فوقا أبو و أم عرام ،
وهما أجهل من جهلول في ساتنى / بوووول ما عارفين كوع من بوع.
كما يقول مصطلح آخر في من يدعي المعرفة بشئ وهو لا يفقه فيه طظ
من سبحان الله ودي قريبة من عنلقة (نعترف) (بتعريف ع مو خواض و ود
حد الزين) ، كذلك تنسحب الصفة على من يتصدى أو تتصدى لشئ غير معني
به ولا ناقة له فيه ولا جمل وهذه تسمى "ملقوفية" راسا عديل ، كحالة متأخرة
من متلازمة الشلاقة، وفي ذلك جرت مجرى المثل مقولة (اشراقة الكتلتها
الشلاقة و في رواية تانية الرشاقة الفتلت عرقوب إشراقة

+ ثم تطلع مين إشراقة بطلة الحكاية! يقول المثل باللختسار المُمِل:
أنو إشراقة هذه كانت رابعة أربع صبايا، ثلاثة منهن كن أميرات الحسن
و بديع صنعة الخالق ، و أما رابعتهن اشراقة فكانت دميمة نخرتا و لا حنان
"نخرا" الخقلة وشها يقطع الخميرة من بيت انمل)، و بينما كن يسرن معاً
لحاجة في نفوسهن يُردن قضائها ،وعند أحد المنعطفات وجدن بضعة شباب
عواطلية جالسين عند المنعطف بناصية الشارع، فعنَّ لأحدهم وكان أسلطهم
لساناص وأشدهم وقاحة أن يتحرش بهن،فشاغلهن قائلاً (سنة يا بلابل الدوح
ناحت على الاغصان طرب وسرور مالت فروع البان مرة بيعطف ومرة
يقارن ومرات يشبك حاجبو القارن ومرة يمثل المهر الحارن)،
+ فما كان من إشراقة دون رفيقاتها الأخريات إلا أن تصدت للرد عليه
والشنشنة نيابة عن أخوات إنَّ قائلة (نحنا أربعة يا بايخ يا سخيف والبلابل
تلاتة)، و ليتها لم تأبه لسعيليق بني أمية وترد عليه، فقد انتهز ردها
فرصة ليصفعها بما أخجلها وأحرجها مع رفيقاتها قائلاً ( و إنتي يا ولية
كمان العادك فيهن منو)، وطارت مسلن ، هذه هي حكاية
(إشراقة الكتلتا الرشاقة و الشلاقة) و عليها فقس.

دا مع التنويه إلى أنو الشلاقة زاتا خشوم بيوت و ممكن نسحبا
على صفة برضك على الملاقيف ، النوع العندو نصيحة معلبة جاهزة في
كل نادٍ و فتوى شعرية في كلِّ أمر بما لم يُفت به أبو نواس ي الخمر
و الغلمان و عمك مالك حايم يتلفت في قاع المدينة. .
● + يحكي أهلنا بأنو زمان هاجم المرفعين أحد القدماء.. وطبَّ الزول
قبض في عضنين المرعفين، و عينك ما تشوف علا النور. قامت عيتنوبة
لامن عجاجتاعاكلة لرب السماء يلا تتَّبك اقبضك، بتتبك برتبك ، ألبعك،
أصرعك من المغرب يامن هداك الحَمار شقَّ و البيَّاح بيَّح .

● بعد صبَحان الواطة جاء واحد بتاع شمارات و متلقي حِ و حشرليك
مناخيرو في اللي مالوش فيه، قعد يكورك في عمك البعافر في المرفعين.
العوافي يا زول ، أها المرفعين دا لا تفكو.. واعمل حسابك د أكان فكيتو
النصيبة دا بجيب خبرك يشفشفك ياكلك يلحقك أمات طه !!!

● الزول المكنكش في المرفعين شعر بي مغسة تشق أم بوالة
على المِحنة الهو فيها كمان جابت ليها تريقة من رويبضة زي دا.
قام انحمق و قالو هييييع؛ أنا أخو الراسية، المرفعين أنا ماااني فاكو
بي ساهلة.. علا لكن بس عاصراني بولة و خايف أشتتو فوق ركبيبن
و بدور أفك حزامتي دي أبول و أكتلا سمح. دحين تعال أدن قريب
جاي هاك امسك لي راس المرفعين و خليني النميز روحي أتحزم
زين و أجي امسكو منك ...
● أهااااااا قام الشماراتي مسك المرفعين و قعد يناتل فيهو و يعاين لعمك
سيد الحزامة يربط تكتو ويجيهو راجع يتبالى بي شبكة نصيبتو دي.

● أتاريه عمك قلع الكاكي وكبرا بي مدني من ديك عيك عمل زوغبير
بالباب الورا و قبلا يشتت يفوت جاهو بهناك : و داك يكورك يازول ما
تجي راجع لي مرعفينك .. قالو : هن بقي مرعفيني فكو ساااه...و أنا
تاني هدا طرفي منو، ماني جاييك راجع و إت أكُل نارك معاه.
تخزينة:
اها وقع ليك يا المشتح عضنيك؟!
● بالله عليكم مو ياهو ظاكو لسان حال الشيء الحاصل
علينا دا. قلبا سمح و أدينا رأيك بأمانة وتجرُّدٍ

+ علا تنخت عليك يا عارف و خسمتك
كان تابعت معاي الحجل بالرجل ، لأنو عندي خرمجات
كوتارات واقفاتفلي في لهاتي من يوم أنثى ثوررنا"ركبوها"
قردة و خنازير لا عقل لهم، لا دين و لا ميتين.
علا كمان إت باخلتا عديل تجيب لي دولة (56) العميلكة
وعمك أبو الشوش مشلخ تلاتة متل فلانكات قطار الشوك
جاي من بلد الحديدوالنار!!علا لاكين كدا ما" تشاني يا عمدة
و قاللي بحنسك" ثمخ هاك تخريمة بي موناصبة "تشاني"
فعلن مرات الجو بخلينا زاتو نسرح بعيد و نخرمج صاح .
+ أها دي ذكرتني بواحد دونجواني قندبف كدا كان أخوه تربالي
ماسكاه مراريا خبيثة طايرالو في راسو يهضرب و ينصم كُتُر، زولنا
دا قعد جنبو يمارض فوقو ، و ذلك ليس لغرض سوى حربسة فوق خشم
الدرب لأي جكسوية "بت فريق لاين قواما ما لهجيا سكر طاعم كلاما " يجن
يكفرن هن زاتن بنات زلينة بنتهزن المناسبات الاجتماعية دي ، و هو راجيهن
ليك قاشر ليك بي تحرمني منك كرت كرتونة و معطر بي ريحة كارينا ما تبارينا؛
ومن شافن جايات يقدلن زي جدي الريل أوبقزيمة عرَّب برنجيتو قصبة، في الاسناء
قام فلتت منو عفطة وأخوه سمعا و بقة معلق فوقا و يقوللو :ضرطتا آخى ضرطتا؟
وفضل معلق بيها والحمامات الزواجل جايات عليهم ماشيات الهوينة زي قدلة جنا
الوزون يتاتن.. وتالقي قليب أخونا يرمح جاي ويرمح جاي " .يلا لامن زولناغلب
حيلة فوق أخوه البهضرب مالقى غير يتشو بال برنجية طفاها ليو في مناخيرو
حتين هجس نساها وعلق تاني في التشة :تشيتنيآخوي تشيتني! قاللو:
ياخي تشيتك يلا إن شاء الله تموت بيها و تريحنا.

القحاحيط فكو حكاية شراب (حرية) سلاط و ندالة
لقوما ما جيبة تمنا فضلو مشغلين فزاعة و ومسَّكو فوقا سيد شباب
ابعاعيت و فهموه أنو البديل بس أنتو دقلوضاطية بالدكوة
بي موناصبة 《بعبع شماعة الدولة العميكة*
دي واحدة قحطاوية مشت لدكتور النساء و الولادة كايسة
الجنا و علاج لتأخر الحمل . و الدكتور قال ليها: عندك مشكلة
في الأنابيب مسدودة . القحطاوية نطت لا فوق قالتلو أجي يا بنات
أمي دا ما شغل دولة عميكة راسو عديل . الزواحف ديل خربو أنابيب
البترول و جونا كمان بجاي يبعبصو لينا في أنبوب قناة فالوب ¿!
😂😂😂 ثم طالبت لجنة إطالة التأصيل و التمكين الزايلة
و زايل نعيمكي ، طالتا بأنو الحل يكون في البل بسو بالقصاص
من زوجها الكوز المندس المعفن شنقاً حتى الموت.

●》واحد كرستلاوي ساكن الديوم الشرقية و كل يوم يساسق
بالمواصلات يفج في اللرتكازات و يكابس لحد الكبري عشان يمشي يطشم في
أمبدة دار السلام ناس كرور و أب نيران و كل مرة لجان المغاومة يقرعوه
يرجعوه منقلب حانف وشو بسبة كرونة و حظر التبول. , وكدي

●》ففي يوم غيمة كدي و الجو فول ، قال النوبة دي موش منعوني لو كطعوا
عضنيني ديل عديييل ما بنقرع سجن سجن غرامة غرامة. فهو طالع يملأ قرنو ؛
و كان اليوم دا يوم جمعة و اللِّمَّة مجتمعة ؛ قال دي سكرة اللليلة كان جلت أم دلدُم
ما بتجلي، كدي نغشى نصلي الجمعة في جامع الحلة ده ؛ نعمل شوية حسنات لعلها
تجب لنا ما بعدها. بعداك نمشي القدم ليه رافع نواصل نجازف نضرب السنة بمزاج..

●》يلا الإمام في الخطبة هايج ليك يرغي و يزبد و يكورك و هو يتلو قول عز من قائ :
{ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُم بَعْضَ الَّذِي عَمِلُوا لَعَلَّهُمْ يَرْجِعُونَ} :
عباد الله ، و كمان يعفو عن كثير، يعني كيف دايرين ربنا يكشف عننا جوائح الأوبئة و الكرونيات،
رضي الله عنها و أرضاها( دا نظام كسير تلج)و ما هي إلا جنودٌ مجندةٌ من عنده. ياخ البلد دي انتهت
خلاس البلد فيها فسوق.. البلد فيها المنكر البلد "وجدنا الأخقلاق تبكي قلا علام تنتحب الفتاةُ.. قالت
و مالي لا أبكي و أهلي دون خلق الله ماتو". و أقرب مثال لما يؤكد كلامي ده أهو البيت الواقع
شمال الجامع دا ، البيت الفيهو المزيرةو قدامو لساتك مدفونات ده ساكناه ست إنداية اسمها
(علوية عرقي ) هديك شادة (بوصتا) علي عينك يا تاجر في جوار بيتٍ من بيوت الله.
علا لاكين هو ما كرستال نصاح، دا بلح أصل بلادو عصير موز كارب و عسلية
دُخُن الدخدخاني أكل الحمار والعاني. ترمي القرنتية في الشوك المشيت
ليهو و كمان عندها كوارع عجالي ،دي تمعط شنيباتك وراها. أقول
ما تسمعون و أستفغر الله لي و لكم.بعداك قومو إلى
سلاتكم يرحمكم الله. و انتهت الختبة على كدا

[} يلا زولنا الكرستلاوي الكلام وقع ليهو في {جرح جرحي براي منو البقاسي معاي}
وأول ما قُضِيَتِ الصَّلاةُ انتَشِر فِي الأَرْضِ يبْتَغُي مِن فَضْلِ اللّه ، و َ أصلو ما كضب و لا لفَّ
جاي لا جاي. من حيسو داك فللي فووو مشى ليك راسو عديل دق للمرة الباب؛ جاتو علوية
الفدادية مخلوعة قال ليها: معقولة بس يا علوية، يكلمني اللمام؟ ياخي إعلامك قوي لكن،
ما ينقشك إل زول غبي ولمَّاح! علوية قالت ليهو: تصدق يا دا ، و تراكا ماك طالبني
حليفة؛ شفت كلمتين الدعاية البسيطة العاملا لي عمك مولانا إمام الغفلة
ديل إتا ظنيتك قايلن ملحوتي، بري ياي يمة، كلو بي بي تمنو ويمكن زاتن
طالعات معاي بالخسارة يوماتي مداقرني بشيللروحو فيهن عبّار (بقنية)
مسحة شنب ساي مع فكة الريق و يطبق معاه نص عرقي و كورية
كوارع نظام (برتيتة)يعني.ماك شايفو متل كديس
اللكوندة رقبتو غليدة السيف ما يدليها.
+ كانو مولانات الدولة العميكة مكرتحنها علينا ؛ الله لا طراهم ولا
جاب عقابم ، علا لاكين جابولنا إمام نيو لوك ، قحاطي معفن طلع
تفتيحة يفهما وهي طايرة و ما عندو أي أقشة مرة خالس و عديم ضمير
لا "رفع"لا مستتر. لكن برضك نقول شنو عاد:"بارك الله في من نفع
و استنفع" و برضو في من زار وخفَّ أها و إتا كمان يا الواو
الضكر ،واقف منشحط لي كدي رهجومة ، متل عود
الفسو، طلبك رخيس؟! نجازفو ليك ؟

+ في مرابيع دوبيت الشريف:
نحنا نسبنا من نسب الرسول مالخينو
ونحنا وشينا بي وسم الكرم شالخينو
نحنا قلبنا بي دم الأسد جالخينو
نحنا بلا فخر جلد النمل سالخينو
****
نحنا الليدنا جوادة وطبيعة كريمة
نحنا شيمنا لي شيم الصحابة غريمة
نحنا شكرنا مو عركة رجال وجريمة
نحنا الدود نعلقوا ونسولو صريمة
فشوف ليك بالله ، جنس نفخ و بوبار .!!!
نحنا شيوخ ونحنا ملوك
نحنا البينا ســــادات الـــدول متفاخرة
مو داب قول شعر ونسة كلام وفشاخره
نحنا سيوفنا لليوم الكعب متداخرة
نحنا عدونا بي نهره بنودي الاخرة
نحنا البينا اوصاف الرجـــاله بتبدأ
اسياد فرسنة خاتين المكارم مبدأ
جودا" فينا نيــران ما بتضوق الهبدة
شعب الصين اكان زارنا بنشبعو كبدة
+ يلا تعال معاي ناخد جولة في أسواق
مليون صنف لمعروضات السلع المشفشفة
لملاكها آل/ ضقلوب و من باب مقاربة (ضيزى)
جايبين في نشرة منتصف النهار ، شاحانت تجوب
شوراع مدن المغرب محملة بالبضائع قام متطوعن
و فاعلو خير بتفريغها من المصانع ، و المزارع ، المولات ،
السوبر ماركتات وحتى لبقالات، لتوزيعها لوجه الله الكريم على
كل مكلوم شرده الزلزال وأنقضت سلسلة جبال أطلس ، متاحة
على قفا من يشيل والميشتري يتفرج على ناس الحار بي الصح
و يلا تعال شوفنا نحنا و نحنا ما شاء الله تبراك الله علينا على
النقيض تمامن قمنا فرغنا بيوت الأبرياء حتى من دواليب
هدوم نومهم وفتحنا بيها أسواق دقلو للمشفشفات.
"JUST LOOK AT THIS " بالله

ياخي ما شكار روحو إبليس ،دي ما سمعتوبا ؟!
فأولاً بالتبادي.. النملة ليه تسلخوا جلدا ؛
يا ناس بجم حرام عليكم « دا إذا كان للنمل جلدٌ من أساسه.
و إنتو قدرتو تسلخوه»؟ نان و ت يب، و ما هي «المَزِيَّة» في ذلك
و التي سنتبوأ بها مكانتنا بين الأمم التي تسعى في سبيل البقاء عائشةً
و لو بربع رطل كرامة. حتى ولو سلخنا جلود جميع رعايا أمة النمل،
ثم صنعنا منها أكبر «مركوب» كطع جنينة لأتخن دراريش زول عندنا.
«أصلو جنكم مراكيبن عاملين كدارينكم الخطُشُن و مشققات من الرحيح»؟
وبعدين تعالوهنا... ولماذا «بلا فخر»؟ وطيب نحنا تعبانين ليه و مٌتًنْبِرين
فوق أم كم إذا كان بلا فخر؟.ولا يا زول حقوا تفخروا.. لأن هذا
العمل لم تسبقكم إليه أمة في الأولين وسوف لن تقلدكم فيه
أمة من الأخرين..قال النملة نسلخ جلدها.. قال.

ياخي النملة تطير عيشتا ظاطو!!
@ و هل تظنون أن أمة النمل أمة هينة.. و لا مقطوعة لينة؟
أمة عدد تعدادها يفوق عدد البشر بدشليونات المرات.. و كلهم
شغالون و لا توجد نملة واحدة عاطلة ومالية سدرا شهادات عُليا و لم
يسجل التاريخ منذ فجره ، يوم أن خلق الله النمل قبل 250 مليون سنة
أية سابقةٍ بأن حفنة من ضكور النمل قد خرجوا ذات يومٍ في انتفاضة(كرامةٍ)
أو ثـورة (خبز) أو حتي (عصيان بالنظر) لكونهِم مثلاً ساخطون على الوضع
الراهن. إنما تعمل مملكة النمل في رضا تامٍ وتناغمٍ فطريٍّ منقطع النظير تحت
مظلة العدالة الاجتماعية والرفاهية ضمن الناموس الكوني الفسيح الذي تعيش
في أرجائه بكل تواضع. فلا يستوجب النفخة الكضابة و قومة النَفَس اللحنا
فيها.و يا يتني كنت نملة سُكَّرٍ تُسَبِّح بحمد ربها و لكن هيهات أن
تفقهوا تسبيحي لأن تسبيحي لعايش الدودة بين حجرين
و راعي دبيب النملة السوداء في الليلة الظلماء.
ود الح ي ش ا ن ال ت ل ا تة
مؤذن وسط عفونيات تلاتة

من وحي نظرية " الدخول في الوهقات و بعدينك تقعد
تكوس لي ليحلك منهن الحل بلة بين الخيت والمسلة"
دا قال : أمبارح شفت لي شافع عفرريت مصرم بشرب في
سجارة مسكتوا شديت لو أضانو وقلت ليه : أبوك صحبي ولامن
ألاقيه بشكيك ليو😠😠الولد عاين لي كدا ورسم وش" الحزن النبيل " 😟😟
وغرود عويناتو وقعد يدمع وقال لي : عليك الله يا عمو لو أبويوقع في عينك خليو
يرجع البيت ليه سنتين مختفي وما عارفنو وين,و لامن يجي 😭😭😭أنا حتي
بشكيك ليه ، بوريه إني السجارة ولعتهاموش عشان أشربا، لكن عشان أتشك بيها
لامن بديت تتحرش بي غايتو أنا خيتي يديني في راسي وهبشت ريقي مرتين لقليتو
ناشف دُرَّابة وقلت لشافع : الجن والله يا حبيبي أنا زاتي ما بعرف أبوك أنا كنت
بهظر معاك بس حبيت أخوفك علشان تبطل تشرب سجاير. قاللي : والله أنا
زاتي ياعمو وأنا كمان بهظر معاك أبوي في الشغل بس حبيت أتأكد إنك
بتعرفو ولا لا و برضو عشان تبطل شوبار والشلاقة عاقة
😂😂😂😂😂😂😂
ياخ الجيل دا من ياتو كوكب ؟ زحل يا ناس 😎
😂😂😂😂😂😂😂

∆ خلي بالك من شلاقة ضيوفك و عيالك∆
‏‏
و حافظوا على أخص خصوصيات نسوانكم !!

® قصة أخشن مطب ؛ واقعيه ومحرجة
جدن يرويهآ بطلها و ضحيتها في آن واحد و يقول :

©مأساتي كنت في زيارة لصاحبي و عزمني على الغدا ؛ دخلت البيت
.. بعد شوية كدة مرتو شكلها ممن النوع الما بتحب ضوفا الهجعة ،
ف كوركت ليه التلو : غازنا كاطع كطع !نظام تطفيشة واضح!
¶ المهم زلي صحبة عمر جاني ووراني انو ماشي قريب هنا يعبي
غاز وراجع لك سريع أنت استريح البيت بيت!!- تفاديا للحرج ، قلتلو :
لا ياخ خليني أمشي معاك أساعدك في شيل الأسطوانة !!

- قال لي : لا خليك مستريح تاخد ليك تكية و يظبطو ليك فنجان
جبنة بمزاجتعدل دماغك ..المشوار قريب ... شوية كدة و بجي راجع!!
¶ الشاحد قعدت اشرب القهوة فجاة جاني شويفعو، للشلاقة العلي ،
قلت أمسك بيو زمن ، أتاريه مقصوف الرقية، جاي ينططو شايل لباس أمو،
ناكتو من وين الله تعلم. بصراحة أنا اتلبشت والفار قعد يتنقز فيعبي ، بس
قلت أكيد هو بلعب وحيقوم يشيلو معاهو يفوت بيه لجوة! و شافع الجن اللايوق
بقي يلعب و يجدع اللباس فيني وأنا اجدعو بعيد مني. يقوم يجري و يجيبو
ويجدعو تاني فيني قعدنا نتباصا فوقو متل الحاجة الكعبة!

¶ بصراحه انا زدت اتلباشة و بقيت متوتر و منحرج جدن
لامن ركبيني ساحن! قام الولد الصغير خلي لي اللباس
في عبي؛و قام مشتت على أمو!!!

¶ اللباس مجمبع في عبي متل جنا الحرام!! وبقيت متمحن أكورك للشافع
عشان يشيل البلوة دي والود ما شغال بي الشغلة!!! انا أكورك انادي الشافع
- يابابا ياحبيبي تعال شيلو وديهو هناك عند ماما!!!!!
الشافع مفروض جاهل علي عماه ، شكلو ما فاهم مني حاجة!!
لكنو عفريت مصرم ، رفع كثافتي وفي هذه الاثناء انفتح باب البيت
وجا أبوه صاحبي أبوه راجع مالقيت حل قدامي إلا أشيلك يا اللباس
وأكمدك في جيبي و بكدا يا دوبك حِلت للدعس: تهم جاهزة لا أستطيع
نفيها و جريمة شرف لا أدعيها!!و الطامة الكبرى إنو الولد نقشني
!والأبوكمان طبظا زيادة و جاء قعد جنبي لصق.

¶ و بعد شوية يجي شافع الجن و يحاول حشر يدو
في يناتل جيبي!! يقول:(جيبو حقي، سرقتو ي حرامي)
ويبكي يقول خيد ي البكا ، لحد ما أبوه استغرب من إصرارو ؛
سألني : هو داير منك شنو بالضبط؟ قلتلو: والله ماني ؛عارفو
لكن أظنو داير قروش! قبيلك كان اديتو جنيه لكن حردو
رماهو في الواطة ! يمكن هسي غير رايو!
¶ المهم انا بقيت أسل في الضحاكات كمش كمش بالله
بس نقطة عشة الجبل ، و أكمد للشافع في جيبو.:خلاص هاك
ياحبيبي!لكنو لسة مندرع ؛ يبكي و يدردق.
¶ بي صراحة انا عرقت و جفيت و خفت كمان من الفضيحة
و وارد سوء الظن ، لا سمح الله!!و الأبو راسو مشطوب وأنا
راي تالف ! سألني : مالك يا سيد عرقان كدة انشا الله خيييير؟!

- قلت ليه: ‏‏‏‏‏لا و الله مافي شيء ؛ بس المدام اتصلت و قالت تعبانة
شوية كدة و لازم امشي ليها هسي عشان اطمن وكدا!!! صاحبي قاللي :
و الغدا جاهز والسلطة مكطعة ياراجل!؟- قلت : لا والله لازم امشي حالا
وخليهو مرة تانية اوعدك ان شاء الله فأرجو انك تعذرني يا صاحبي!!!

دا كلووو وأنا روحي داخل في كستبانة من الإحراح والشافع لسة
وراي ويكورك (جيبو ..جيب يا كلب داسو في جيبك لشنو ما توريو أبي ):
' ( و يأشر علي جيبي . بصراحة ماصدقت إني طلعت منهم وليت مدبرا
و لم أعقب. منطلقاُ لا ألوي على شيء.و أول حاجة عملتها جدعت اللباس
في أقرب كوم كوشة ، إن شاء الله يجو بوليس ا لآداب العامة يودوه خور
المايقوما زاتو ، و أنا مالي ؛ و بقيت اسب للشافع: انعل ابوك لأبو
لباس امك ي مقصوف الرقبة، حرمتنا من عضة گاربة مضمونة!!
ود ال ح ي ش ان الت ل ا ت ة

® شلاقة مجنون ليلى الفشنك كادت تجدع أنفه

يعني زي ما قالو مجانين ليلى كوتارااات علا لاكين ترا شقي الحال
هو البيقع في القيد..طبعاً سامعين بمكيدة ليلي العامرية الكان دبرتها
لتكشف مدى نوايا قيسها و تصقل معدن حبه الحقيقي على نار خدرا.
فقالو أدت ليك خادمتها صحن طلس و سكين سنينة و قالت ليها تمشي تقيفي
فوق خشم الدرب الداخل على ا لحلة بي ورا ورا ؛ و كلما يجيك راجل تظهر
عليه بوادر الجن و اللندراوة و يمكن يكون مشروع لمجنون ليلى ، تقومي طوالي
تسعليه السعال : عان حجاي آللخو ، أنت دحين ماك قيس بن الملوح و لا يخلق من
الشبه اربعين!؟ فلو قام أتشالق وجاوبك بإنو: ياني فعلاً أنا زاتي.تقومي تقولي ليه :
سمح اسمعني نا ، ستي ليلى مرسلاني ليك أتلقاك و بقريك منها السلام ، وكمان
بتطلب منك بالمرة إنك تجدع لي أنفك بالسكين دي ترميها لي في قدحي دا
عشان أوديها ليها ، يعني زي ما تقول عربون محبة نشليلا ليها بي
تكسي الغرام وكدي و كدي! أها شن قولك فأول واحد جا ماش
عليها كان أشعث أغبر و لابس ليك مرقع وحالتو بالبلا
وخلقتو تكطع ال خميرة من بيت النمل ، قامت
الجارية نادتو ليك و نقلت ليه نفس الرسالة.
+ فزولك من شم رئحة المؤامرة تفوح كالبارود من بين شفتيها
و لقى الحكاية فيها كطع نخرة و سيلان دِمي و كدي ، قام يتنحنح
و يتلفت جاي وجايو قال للخويدم: عاد اسمعيني نا آآلخت هوي النديك
النصيحة ، و الله أنا مجنون ليلى و أي حاجة و جاهزين لأي حاجة و عشقي
المجنني لستي ليلى دا براهو كوم و على العين و الراس علا بس أم كطيع
المناخير دا براه ما فينا فغايتو ممكن تعتبريني ما ياني ، جابني الدرب
ضهبان! و مسك دربو عديييك وقال يا فكيكي مشتت!!