نصف سيارات الخرطوم المسروقة موجودة في الضعين

09:15 PM August, 31 2023

سودانيز اون لاين
نعمات عماد-khartoum
مكتبتى
رابط مختصر

Sudan War Monitor
@sudanwarmonitor
"وامتلأت طرقات مدن وأرياف دارفور وكردفان بآلاف السيارات المنهوبة من مناطق الحرب، وتكاد مدينة الضعين تستحوذ على نصف السيارات القادمة من الخرطوم ومن بين هذه، ظهرت سيارات لمشاهير في بعض مدن دارفور."
Translate post
Quote
دارفور24
@Newsdarfur1
·
Aug 30
حرب السودان.. أين وصلت السيارات المنهوبة من الخرطوم؟

للمزيد تابع موقع دارفور ٢٤ الاخباري

https://shorturl.at/oB267
#دارفور
تفاصيل أكثر في الرابط ☝️

Quote: تُبرء قوات الدعم السريع نفسها عمليات سرقة السيارات وتقول انها ليست لها علاقة بهذه الظاهرة، وتستدل بأن السرقات طالت حتى بيت قائدها الثاني “عبدالرحيم دقلو” في كافوري، اضافة الى سرقة نحو “ألف” سيارة من حوش السيارات بمعسكر طيبة، فضلاً عن نهب جميع سيارات شركة “الجنيد” التابعة لآل دقلو.

Quote: وحسب متابعات دارفور24 فإن بعض السيارات التي يتم نهبها تذهب الى مناطق أخرى في شمال وشرق السودان، حيث تمكنت ارتكازات قسم شرطة “ود الحداد” جنوبي ولاية الجزيرة في يونيو الماضي من ضبط سيارتين مسروقتين بحسب اعلام الشرطة، بينما ضبطت شرطة ولاية نهر النيل 31 يوليو الماضي عربة منهوبة من الخرطوم بالرقم 33899 خ 5 سيارة منهوبة تم ضبطها بولاية نهر النيل

شكيتم على الله الصوص
اوعى تكون عربيتي مشت الضعين …..! انا عربيتى سوق ليبيا ما وصلتو
اللهم لا نسألك رد القضاء ولكن نسألك اللطف فيه

الناس دييل ثقافتهم كدة ويثابون على ذلك ، ولدهم فارس ، مشى قلع عربية وسرق دهب النسوان وجانا
وعفارم عليهو، وممكن يضبحوا ليهو ناقة كمان، (ربنا لا تؤاخذنا بما فعل السُّفَهَاءُ مِنَّا)

الله يجمع ب عربيتك يا أميرة و بكل المنهوبات.

زي ما قال اخ ترهاقا دي ثقافة...

بيئس الثقافة و بئس المصير.

على قول الشاعر:
(دين أبوهم إسمه أيه؟)

النهب والسرقة والقتل ليس ثقافة أهل غرب السودان .. هى ثقافة الحروب .. في كل الحروب هناك إنتهاكات ..
يعنى هل أنتهاكات سجن أبو غريب في العراق ... تمثل ثقافة أمريكية؟ .. كيف تحكمون؟

بريمة

لأن الضعين بعيدة وخارج سيطرة الجيش يلجأ إليها هؤلاء الحرامية وليس لأي سبب خلاف ذلك

متابع بريمة ومنظرو بقى بايخ شديد
نفس شكلو وقت كان بيشجع ويدافع عن مليشيات الكيزان وهي بترتكب الانتهاكات والجرائم في دارفور وجبال النوبة..

هسه بالله شوف المابيختشي .. يقول ليك آلاف السيارات اتهربت بواسطة الجنجويد لدارفور.. وهو يقول ليك في سيارة مشت عطبرة واتنين في مدني
ياها بس قصة قتلة الحسين ودم البعوضة.

طيب وين ال٥٩٩٧ سيارة يا جنجا؟

Quote: ثقافة أهل غرب السودان

ثقافة أهل الحرامية مش أهل غرب السودان.
أي أم و أب يتقبل مسروقات فهم أسرة لصوص.
أهل غرب السودان بعض منهم أبادهم الجنجويد
فكيف تجمع الضحايا مع القتلة ؟

Quote: متابع بريمة ومنظرو بقى بايخ شديد نفس شكلو وقت كان بيشجع ويدافع عن مليشيات الكيزان وهي بترتكب الانتهاكات والجرائم في دارفور وجبال النوبة..

مفهوم يا ول أبا حيدر، شيل الصبر .. الغرابة نار التقابة قرروا يلاووا حقهم ويقلعوه .. هم مشتبكون معكم .. لكن أنا مازلت محايد.

بريمة

بالله، آلاف السيارات .. من الذي أحصاها ..؟ وإذا كانت هى الشرطة فلماذا لا تقبض علي المجرمين؟

كل كذب وتلفيق

بريمة

دي ثقافة وين؟؟
لو تقصدي الهمباتة
في كل انحاء السودان

Quote: الغرابة نار التقابة قرروا يلاووا حقهم ويقلعوه .. هم مشتبكون معكم .. لكن أنا مازلت محايد.

ما تحاول توزع دم السرقة بين القبايل ، ما الغرابة انتو يا الجنجا السرقة في الدي ان إي بتاعكم وكذلك لا قيمة للحياة عندكم تتذكر قبل كم سنة في المنبر ده لمن اهلكم الجنجا قتلوا بعض ونزلو الصور هنا وهم ممثلين بالجثث
وقاطعين أذن الموتى هؤلاء انتم الجنجا حقهم شنو في بيوت المواطنين النهبوهم ده طبع يغلب التطبع بعدين قول لي اسم واحد من جنجويدكم أسهم بأي شي للأنسانية ، بعدين يا جنجاوي محايد شنو انت كان ما الله شافك
في أمريكا دي كان لي هسه تكون كاتل عشرين وسارق ٣ بكاسي و٥ أنابيب غاز و١٢ حلة قال محايد

Quote: ا تحاول توزع دم السرقة بين القبايل ، ما الغرابة انتو يا الجنجا السرقة في الدي ان إي بتاعكم وكذلك لا قيمة للحياة عندكم تتذكر قبل كم سنة في المنبر ده لمن اهلكم الجنجا قتلوا بعض ونزلو الصور هنا وهم ممثلين بالجثث وقاطعين أذن الموتى هؤلاء انتم الجنجا حقهم شنو في بيوت المواطنين النهبوهم ده طبع يغلب التطبع بعدين قول لي اسم واحد من جنجويدكم أسهم بأي شي للأنسانية ، بعدين يا جنجاوي محايد شنو انت كان ما الله شافك في أمريكا دي كان لي هسه تكون كاتل عشرين وسارق ٣ بكاسي و٥ أنابيب غاز و١٢ حلة قال محايد

الغرابة ما ليهم حق .. ردموكم .. وأنتم عضيكم طرف جلابيتكم وقلتوا هاع .. !
أنا ما زلت مقتنع أن السودان متعدد الثقافات .. أفضل من السودان أحادي الثقافة .. كل ما تفعلونه أنتم عايزين السودان ينحصر في الثقافة الأم درمانية الأحادية .. كالحقيبة والقونات ..

والغرابة قالوا وين حاجاتهم؟!

مسألة السرقات التى تحصل في العاصمة .. هى من الشعب .. شفنا أفواج الكاروهات التى خرجت من الأحياء الغنية وجمارك سوبا .. وغيرها، كلهم مواطنون لا تستطع أن تقول غير ذلك ..

أستهدوا .. الناس ديل حينما ينتصروا ح يقدموا ليكم حكام ترضونهم بإذن الله مثل فارس البطانة أبو عاقلة كيكل .. أو المك أبو شوتال بن ملوك الفونج، أو النقيب المتمرد سفيان محمد زين بريمة .. ويظهروا ليكم أمثال الدنقلاوي خالد عجوبة .. وحسين الجعلي .. خلوهم يجددوا ليكم حتى الوجوه التى مملناه عمرنا كله.

بريمة

تسنيم يا عزيزتي

الهمباتة حرامية يسرقو كأفراد او شلة صغيرة و هم أكيد مجرمين لكن لم نسمع
بهمباتة عندهم مليشيا مسلحة مرتزقة أجتاحت المدن و القرى و أبادت المواطنين
و أغتصبت النساء و سرقت الممتلكات كما يفعل الجنجويد.

يا بريمة ما تلم كل الغرابة الشرفاء مع الجنجويد القتلة اللصوص منتهكي الأعراض
المساليت و الإرنقا غرابة أبادوهم الجنحويد القتلة و دفنوهم في مقابر جماعية.
لوي عنق الحقائق لا بيفوت على القارئ و لا بيفوت على رقيب و عتيد