Post: #1
Title: اقتراح بشطب السودان من خريطة العالم .. و توزيعنا على بلاد الله الواسعة ..
Author: يحي قباني
Date: 08-20-2023, 04:03 PM
04:03 PM August, 20 2023 سودانيز اون لاين
يحي قباني-فى الدنيا العجيبة
مكتبتى
رابط مختصر
عشان الكيزان يصحوا (الصبح ما يلاقوش حد يحكموه بأه) ..
بدل التقسيم و التناحر .. اصلنا انحنا لسنا بنفرٍ عمروا الارض و لا دين ايمان ..
انحنا ناس غلاط و سوشيال ميديا .. و زي القرع .. بمد لي بره .. السودان ده كان رجا اولاده يبنوه من جديد .. فالترابه في صمة خشموا ..
|
Post: #2
Title: Re: اقتراح بشطب السودان من خريطة العالم .. و تو
Author: نعمات عماد
Date: 08-20-2023, 04:27 PM
Parent: #1
إقتراحك ظط مع الكيزان و الجنجويد،
أصلو الأتنين عايزين يخلصو من الشعب و يعيشو
مع بعض سمن على عسل.لا ثورة لاإطاري لا يحزنون.
ذكرتني واحد قال قبل كدا حل مشكلة السودان يرمو فيه قنبلة نووية.
|
Post: #3
Title: Re: اقتراح بشطب السودان من خريطة العالم .. و تو
Author: يحي قباني
Date: 08-20-2023, 06:17 PM
Parent: #2
Quote: إقتراحك ظط مع الكيزان و الجنجويد،
أصلو الأتنين عايزين يخلصو من الشعب و يعيشو |
فعليا ده الحاصل الان يا دوك .. و الناس العاقله بتشوف اماكن تقدر تعيش فيها هو و اولادها في امان ..
خليهم يكتلوا بعض و الغالب يحكم اخوه ..
|
Post: #4
Title: Re: اقتراح بشطب السودان من خريطة العالم .. و تو
Author: بكرى ابوبكر
Date: 08-20-2023, 06:39 PM
Parent: #2
يا قبة
سلام و احترام و لضيوفك الكرام التحية و التقدير
اخوك وصل لقناعة اننا شعب ما نستاهل ارض السودان....ارض غنية مائيا،زراعيا، حيوانيا،معدنيا.....الخ..... مقارنة بحيث اقيم ولاية اريزونا فارضها صحراوية و الولاية فقيرة مائيا ،حيوانيا و معدنيا....الخ
لكن انسانها شغل عقله و جهده و اسعد شعبه....
المهم
ضد الشطب لكن لاعطاء قيادة الدولة القادمة للجيل الثاني او الاول من ابناء المهاجرين الذين تربوا في الغرب .....كما تفعل اسرائيل و اتخيل لي رواندا فعلت نفس الشئ......
وديل جيل لا بعرفون كذب،غش،تفرقة،عنصرية....الخ و متعلمين تعليم جيد جدا .....
|
Post: #5
Title: Re: اقتراح بشطب السودان من خريطة العالم .. و تو
Author: السر عبدالله
Date: 08-20-2023, 06:43 PM
Parent: #4
يجى قبانى
اجمل اقتراح ...
|
Post: #6
Title: Re: اقتراح بشطب السودان من خريطة العالم .. و تو
Author: يحي قباني
Date: 08-20-2023, 06:49 PM
Parent: #4
Quote: يا قبة
سلام و احترام و لضيوفك الكرام التحية و التقدير
اخوك وصل لقناعة اننا شعب ما نستاهل ارض السودان....ارض غنية مائيا،زراعيا، حيوانيا،معدنيا.....الخ..... مقارنة بحيث اقيم ولاية اريزونا فارضها صحراوية و الولاية فقيرة مائيا ،حيوانيا و معدنيا....الخ
لكن انسانها شغل عقله و جهده و اسعد شعبه....
المهم
ضد الشطب لكن لاعطاء قيادة الدولة القادمة للجيل الثاني او الاول من ابناء المهاجرين الذين تربوا في الغرب .....كما تفعل اسرائيل و اتخيل لي رواندا فعلت نفس الشئ......
وديل جيل لا بعرفون كذب،غش،تفرقة،عنصرية....الخ و متعلمين تعليم جيد جدا ..... |
يا هندسة كيفنك يا حبيب ..
يا بكري الاجيال البتتكلم عنها دي لامن يجي وقتهم ما حيكون فضل في السودان المسكين غير باقي الخرطوم و اراضي الجلابه الجلبو الجلا للسودان في الشمال ..
و جلابة الوسط و الشمال ديل يا بكري ياخوي ناس كلام ساي ما ناس تعمير و لا عندهم موارد غير الطماطم و الجرجير .. ودي ما بتقوم بلد براها ..
ديل يا بكري بفتكروا انهم اصل الانسان .. فلك ان تتخيل ..
|
Post: #7
Title: Re: اقتراح بشطب السودان من خريطة العالم .. و تو
Author: Biraima M Adam
Date: 08-21-2023, 03:52 AM
Parent: #6
ول أبا يحي
لو لقيت طريقة .. تغطسها في الوطا جت .. غطسها و لا توزعها علي أخرين تجلب لهم البؤس والبغضاء ..
ولو ما في طريقة لغطيسها .. شتتم .. وحدين وديهم جزر الواق واق .. وسرانديب .. وأخرين أرميهم في سيبيريا محل البرد تقيل يموتوا ولا يحيوا ما عندك بهم الشغلة .. وأخرين أرميهم في القطبين الشمالي والجنوبي وأخرين أرميهم في الجزر والمقاطعات في نص المحيطات ..
أوعاك تودي أثنين من قبيلة واحدة .. وأي واحد ينق نق .. أرمي في المحيط الهادي أو الأطلنطي ..
بريمة
|
Post: #8
Title: Re: اقتراح بشطب السودان من خريطة العالم .. و تو
Author: adil amin
Date: 08-21-2023, 04:28 AM
Parent: #7
كيسك فضا قعدت تهضرب وزمان تشوت يمين شمال ما خليت خادم الحرمين الشريفين ذانو ووصفوت فانوس الله يرحمه ارشيفك قااااعد وشكرا حمدوك
https://www.0zz0.com
وما فضل في الخرطوم غير كديسة الدعم السريع فعلا زي ما قال حميدتي تقدس سره وفر جر.ذان قحت
شكلة الكيزان واليسار العيان في الخرطوم سبب البلاوي بس وهم ما بمثلو الا الدول االمشغاللاهم
نعمل عاصمة جديدة في كوستي بس ونقل المدينة الى الريف وليس الريف الى المدينة بتنهي الجوطة الغبية دي
ونبقى زي البرازيل من نجوم بريكس ولى ما سمعت بي دول بريكس يا حبة قلبي اوعي فيك 20 سنة ده كلام تقولو
وام درمان بتاعتك دي كنا عايز اودي الموية بي تحتا لي وادي القدم والملك لكن هسة الجنجويد قامو بي المهمة دقوها دق العيش
قللو التكلفة بدل نفق نشق نهر صناعي عديل يمر بي بيتكم وتبقى اسما العاصمة المربعة
ياح حرب البسوس دي دورت بي 5 دول ما قالو زي كلامك ده
افغانسان العراق سوريا واليمن وليبيا
انت عايز تنهي حضارة عمرها 7000 سنة عشان نجلت في المركز ومقاطيع زي بريمة من فاس الما وراها ناس
الفوضم منو عليك الله يقعدو في راسنا بعد الاستقلال من اول انقلاب لي اخر انقلاب
كلام بكري ده بقول فيه من زمان
الشباب فيهم الخير اي مسن شيوعي بعثي ناصري كوز سلفي يجدعو في الكوشة بلا فيش كمان من المحكمة الدستورية والمراجع العام مع الدكلاريشن
جيل ناس ابوعيسى والترابي والسنهوري وصديق يوسف ده ما نافع من زمان ومنصور خالد ما بكصب
Quote: ضد الشطب لكن لاعطاء قيادة الدولة القادمة للجيل الثاني او الاول من ابناء المهاجرين الذين تربوا في الغرب .....كما تفعل اسرائيل و اتخيل لي رواندا فعلت نفس الشئ......
|
اوسكار عديل
اديهم برنامج فدرالي ديمقراطي واعي بس يا بكري
|
Post: #9
Title: Re: اقتراح بشطب السودان من خريطة العالم .. و تو
Author: Biraima M Adam
Date: 08-21-2023, 02:46 PM
Parent: #8
ول أبا يحي
Quote: انت عايز تنهي حضارة عمرها 7000 سنة عشان نجلت في المركز ومقاطيع زي بريمة من فاس الما وراها ناس
|
عادل دا من ناس النقة الفارغة .. دا أمريه في محلة لا فيها شبكة تلفونات لا أنترنت .. وخليه يضرب أخماس في أسداس ..!
ما خرب السودان إلا أصحاب النقة الفارغة مثله.
بريمة
|
Post: #10
Title: Re: اقتراح بشطب السودان من خريطة العالم .. و تو
Author: يحي قباني
Date: 08-21-2023, 03:31 PM
Parent: #9
Quote: يحى قبانى
اجمل اقتراح .. |
يا السر يا الحبيب ..
اهل الوسط و الشمال اول شي قايلين السودان هم فقط ..
و المصيبة و فوق فهمهم ده ودو البلد في 60 داهية ..
و الان .. كل اهل الوسط و بدون تفكير .. اصبحوا داعمين للكيزان و ضد الثورة و ضد الجنجويد ..
كل همهم .. بيوتهم اتنهبت .. و دهبهم راح ..
|
|