ياخجله النيابه العامه وياخجله خليفه (النائم العام) رحاب مبارك سيد أحمد المحامية

07:56 AM August, 20 2023

سودانيز اون لاين
حيدر حسن ميرغني-Colombo -Srilanka
مكتبتى
رابط مختصر

رحاب مبارك سيداحمد
المحامية

بالامس القريب اصدرت النيابه العامه بواسطه اللجنه الضاربها الهوا والطرواه وبرئاسه الجبله ماهر سعيد اصدرت لسته فيها منسوبي الدعم السريع ابتدأ من دقلوهم الكبير حمدتي الي اصغر دقلو فيهم القوني وماخلت ليها ولا هردبيس في النص ناس الامير فلان والامير علان نزولا للمضمحل موسي امبيلو
طيب ياخليفه وماهر النسألكم سؤال واضح وصريح حمدتي ومجموعته ديل بقوا مجرمين متين في نظركم ؟
يعني لما كانوا بقتلو وبشردوا ويكسحوا ويمسحوا ومابيجيبوا حي في القري والحضر بغرب السودان كانوا شنو وقتها؟
ولمن كانوا بيحرقوا القري ويشردوا المواطنين كانوا شنو وقتها؟
ولمن كانوا حمايه البشير وذراعه الأيمن يطلب منهم ٤ الف يجيبوا ليه ٦ الف كانوا شنو وقتها؟
ولما فضوا الاعتصام كانوا شنو وقتها؟
ولما انقلبوا علي السلطه المدنيه في اكتوبر كانوا شنو وقتها؟
ولما شاركوا في القوات المشتركه التابعه للجنه الامنيه القامت باعتقال قرابه ال٥ الف ثائر وثائره وكل القيادات السياسيه وادخالهم الي السجون كانوا شنو وقتها؟
ولما قبضوا علي الالاف في الجنينه والفاشر واودعوهم السجون والاطفال الي سجون الولايات بقياده قائدهم موسي امبيلو بموجب اوامر الطوارئ المجحفه كانوا شنوا وقتها؟
ألم يكونوا مجرمين؟ ألم يكونوا مطلوبين للعداله ؟
بل كانوا كذلك وسيظلوا كذلك ولكن هل تعرف ما الاختلاف بين الامس واليوم؟
انكم ياماهر سعيد كنتم شركائهم في هذه الجرائم بالامس لذلك لم تطلبوهم جنائيا
وكنتم غطائهم القانوني ودرقتهم الشرعيه
كيف تقبض علي من منحوك البكاسي الفارهات والاقامات المفتوحه بالسعوديه وتذاكر الطيران المجانيه؟
كيف تقبض علي من مكنوك وجعلوك تترقي الي اعلي المراتب في وقت قياسي حتي فكرت جادا فى ان تصبح نائبا عاما في عهدهم؟
كيف تقبض عليهم وانت لحم اكتافك من ابراهيم جابر حليفهم وصمام امانهم؟
كيف تقبض عليهم بعد ان بعت النيابه كلها وجعلتها مؤسسه من ضمن مؤسساتهم؟
وان صدقناك ؟ وانت اكبر الكذوبين فكيف ستقبض عليهم وهم في حقيقه الامر من يقبضون في زماره رقبه برهانكم ويودعونه في اسحق بدروم بالقياده وبرهان هذا رأس دولتكم؟
كيف ستقبض عليه وهو محكم قبضته علي كل مباني النيابه بالخرطوم ؟
كيف ستقبض عليه وانتم تخافونه خوف الموت وتحذرونه بعد ضربتم في الارض يمينا ويسارا من بطشه وطغيانه الذي كنتم تستخدمونه في السابق ضد ابناء شعبكم ولمصالحكم الشخصيه؟
ومن الذي سوف ينفذ امر القبض هل هم ال ٨ الف ضابط الذين لجئوا الي مصر في اداء مشرف للشرطه كما قال مالك عقار؟
والي اين هرب حمدتي وهو كل يوم موجود بفديوهاته في فللكم بحي الراقي بمدينه الخرطوم؟
هل ستقبضون عليه بقوه وروح القانون فكيف ستبث فيه الروح بعد ان قتلتموه سريريا ومزقتموه شر تمزيق
القانون الذي يشطب البلاغات واوامر القبض في مواجهه المجرمين احمد هارون ورهطه في كسلا والقضارف هو نفس القانون الذي يقبض علي توباك ويبقيه بحراسات عطبره
انتم لن تقدروا علي فعل اي شئ مما كتبتموه ووقعتم عليه
عارف ليه ياماهر لانكم شركاء فيه انتم مجرمين في نظرنا تنتظرون حكم الشعب عليكم وانفاذ العداله بحق فيكم مثلكم مثل حمدتي
بلاش كلام فارغ وونسه مسيخه وممله منكم يا كيزان يامجرمين

فكيف ستقبض عليهم وهم في حقيقه الامر من يقبضون في زماره رقبه برهانكم ويودعونه في اسحق بدروم بالقياده وبرهان هذا رأس دولتكم؟
كيف ستقبض عليه وهو محكم قبضته علي كل مباني النيابه بالخرطوم ؟
كيف ستقبض عليه وانتم تخافونه خوف الموت وتحذرونه بعد ضربتم في الارض يمينا ويسارا من بطشه وطغيانه الذي كنتم تستخدمونه في السابق ضد ابناء شعبكم ولمصالحكم الشخصيه؟
ومن الذي سوف ينفذ امر القبض هل هم ال ٨ الف ضابط الذين لجئوا الي مصر في اداء مشرف للشرطه كما قال مالك عقار؟
والي اين هرب حمدتي وهو كل يوم موجود بفديوهاته في فللكم بحي الراقي بمدينه الخرطوم؟
هل ستقبضون عليه بقوه وروح القانون فكيف ستبث فيه الروح بعد ان قتلتموه سريريا ومزقتموه شر تمزيق
القانون الذي يشطب البلاغات واوامر القبض في مواجهه المجرمين احمد هارون ورهطه في كسلا والقضارف هو نفس القانون الذي يقبض علي توباك ويبقيه بحراسات عطبره

Quote: والي اين هرب حمدتي وهو كل يوم موجود بفديوهاته في فللكم بحي الراقي بمدينه الخرطوم؟

حسني مبارك كان كل مايسأل وزير داخليته العدلي عن احوال الحراك الشعبي ،العدلي كان يرد " كله تمام يا فندم" لحدي ما لقى نفسه في الصقيعة
الظاهر البرهان معتمد على عساكر من شاكلة العدلي ، ولا يدري عن حميدتي اي شيء .. إلى أن يصبح مومياء في حفرته