شهادة ام مصطفي المتهم بالتجسس لصالح الدعم السريع ببحري..انظر تفاهة الفلول الكيزان لعنة لله عليهم.

09:30 AM August, 19 2023

سودانيز اون لاين
محمود الدقم-London
مكتبتى
رابط مختصر

Quote: Post See new Tweets Conversation Based on your likes · See more Lina @LinaZiedan نقلا عن والدته: بعتذر لكل ام اتاذت في اولادها وماقدرته اكون محلها واحس بي المها ووجعها كما يجب...الالم الانا فيهو الان مابشبه اي الم موجود علي وجه الارض.. الم لو اتوزع علي العالم حيكون سبب تعاسة وحزن اي زول.. سبب المي الظلم ثم الظلم ثم الظلم... اصعب بوست في حياتي الانا بكتب فيهو اسي.. اصعب كلمات الانا حاقولها هسي. ما في كلمات توصف حجم الالم والقهر والوجع الجواي.. لما يكون مصابي في ولدي دي اكتر حاجه مؤلمه وقااااتله في الكون.. في فديو حايم وصور لشاب بضربو فيهو شباب لما اذوهو اذي جسدي.. الفديو منتشر بصوره غريبه واغلبكم يمكن تكونو شفتوهو... الشاب الفي الفديو بضربو فيهو بكل فخر واعتزاز دي ولدي مصطفي شوقي ابو حسنين... ده ولدي الاتغدر بيهو من اصحابه... الموضوع كبير ومعقد... اول امبارح اتقبض علي مصطفي ولدي من قبل الاستخبارات في امدرمان بتهمة انه مرشد....الكلام ده ما بشبه مصطفي ولدي.. الطريقه الاتقبض بيها كانت مريبه وان دلت علي شئ بتدل علي التلفيق والفبركه والظلم... ما حاتكلم عن ولدي لانه شهادتي فيهو مجروحه.. وكل الناس البتعرف مصطفي حتعرف قدر شنو هو طيب وحنين وقلبه ابيض.. انا ما عايزه ادافع عن ولدي لانه البعرفوهو بعرفه اخلاقه شنو.. لكن عايزه احكي وقائع تاكد انه مظلوم ودي كلمة حق لازم اقولها في حق اي انسان، مابالكم اذا كان نور عيوني ونفسي العايشه بيهو... نحن ساكنين في الصافيه ولما حصلت الحرب بعديها بشهر جينا امدرمان مع اختي... مصطفي قعد شويه بعدنا لانه كل الشباب كانو قاعدين في الصافيه حارسين ممتلكاتهم..كان مصر ذيه ذي باقي الشباب يحرس شقتنا وعربيته...عربيته واقفه في الشارع الي الان وربنا حافظها بقدرته وبحرذه.. مصطفي لو عنده علاقات مع دعامه اول حاجه عملها كان يطلع عربيه.. عربيته دي غاليه عليهو شديد... قبل عيد الاضحي مصطفي جانا في امدرمان وقاعد قدام عيني لحدي اليوم المشؤوم... العصر اتصل عليهو صحبه اسامه في امدرمان ومصطفي مشي ليهو وتاني مارجع... اسامه ومعاهو مجموعه من الشباب ضربو مصطفي وصورو الفديو النزل في الميديا.. بعديها حتي سلموهو للاستخبارات.. دي حصلت كيف الله اعلم... واحد معرفه في الجيش شاف الفديو و اكد لي انه الناس الفي الفديو ماتبعهم ولا هم قوات خاصه.. انه ديل شباب الحله، والباكد كده لما بنادوهو( ود شوقي) ... ده اسم بتقال ليهو في بحري بين الاصحاب.. مافي استخبارات ولا قوات خاصه بتقول( ود شوقي) الشباب ديل ماتبعهم.. في ظرف ساعات كانت صور مصطفي والفديو منتشرين بصوره غريبه.. اي مرشد اتقبض اتصور ليهو فديو او صور منتشره بالطريقه دي؟ وين الحاجات اللقوها معاهو،؟ ليه ما صوروها معاهو في الفديو؟ البرهان وحميدتي مابظهرو في الميديا ذي في الساعات الظهر فيها مصطفي شوقي... حرب السودان مانالت الاهتمام ذي موضوع مصطفي شوقي... مصطفي شوقي وبكل فخر ولدي البعتز وبفتخر بيهو.. مصطفي شوقي كفايه حنيتو وقلبه الابيض.. بعد وفاة ابوهو بقي لينا كل حاجه... عمل لينا كل الممكن يعملو ولد لامه او لاخته... ما كان فاضل الا يفديني بروحه..انا كنت بستمد قوتي من مصطفي و الي الان.. مصطفي مر بامتحانات صعبه في حياته وخاصه بعد وفاة ابوهو.. والحمدلله كان ناجح فيها بايمانه وصبره واخلاقه.. ثقته المفرطه في الناس هي سبب مشاكله وطمع الناس فيهو... من غير ما هو يكلمني او يحكي لي كنت بسمعه بصرف علي اسر..كان بساعد ناس كتار من غير علمي.. في الحله عمل خير كتير لناس كتار هم الكانو بحكو لي.. الحمدلله رب العالمين ولدي راجل ومواقفه تشهد ليهو... مهما كانت نتيجة التحقيق راي واحد في ولدي انه برئ.. وما عشان هو ولدي لكن عشان انسانيتو وقلبه الكبير.. راضيه عنك يامصطفي وعافيه عنك... ربنا يسترك ويحفظك اينما كنت... ربنا ينصرك ويخفف عليك.. ربنا يجبر خاطرنا جميعا ويرجعك سالم غانم ويبرد حشاي.. عايزه اعرف يابنات موفز وضعه القانوني.. بنحتاج محامي؟ مش الاجراات دي غلط؟ كيف جهه تقبضه وتضربه وتصوره وينزلو في الميديا حتي الاستخبارات تسلمه؟ عليكم الله بترجاكم اي واحده عندها معلومه تفيدني.. انا عايشه من غير روحي وقلبي. مصطفي ما ولدي وبس.. مصطفي حياه كامله بالنسبه لي... مصطفي ماضي فيهو اسم جدودو وحته من ابوهو الله يرحمه.. مصطفي حياتي العايشه بيها هسي... مصطفي مستقبلي وفرحتي وعكازي وعيوني الحاشوف بيها... يااااربي تفرج همه وكربته وتنصره.. Translate post 1:40 AM · Aug 19, 2023 · 6,276 Views 20 Reposts 3 Quotes 35 Likes 7

---

Post: #2 Title: Re: شهادة ام مصطفي المتهم بالتجسس لصالح الدعم Author: Yasir Elsharif Date: 08-19-2023, 11:29 AM Parent: #1 أخذ الناس بالظنون بدون أدلة يقع كثيرا في ظروف الفوضى

---

Post: #3 Title: Re: شهادة ام مصطفي المتهم بالتجسس لصالح الدعم Author: السر عبدالله Date: 08-19-2023, 12:14 PM Parent: #2 لا حول ولا قوة الا بالله العلى العظيم. ان اخذ الناس بالشبهات وبدون أدلة فيه ظلم كثير ... ونسأل الله سبحانه وتعالى أن يعود مصطفى سالما لامه المكلومة الحزينة ... البلد بقى فيها فوضى شديدة حيرت العالم ...

---

Post: #4 Title: Re: شهادة ام مصطفي المتهم بالتجسس لصالح الدعم Author: Hafiz Bashir Date: 08-19-2023, 12:55 PM Parent: #3 Quote: العصر اتصل عليهو صحبه اسامه في امدرمان ومصطفي مشي ليهو وتاني مارجع... اسامه ومعاهو مجموعه من الشباب ضربو مصطفي وصورو الفديو النزل في الميديا.. بعديها حتي سلموهو للاستخبارات.. دي حصلت كيف الله اعلم... واحد معرفه في الجيش شاف الفديو و اكد لي انه الناس الفي الفديو ماتبعهم ولا هم قوات خاصه.. انه ديل شباب الحله، والباكد كده لما بنادوهو( ود شوقي) ... ده اسم بتقال ليهو في بحري بين الاصحاب.. مافي استخبارات ولا قوات خاصه بتقول( ود شوقي) الشباب ديل ماتبعهم.. رسالة مؤثرة من ام مكلومة. اتمنى أن يعود ولدها إليها سالماً معافى وأن يصبرها الله ويمسح احزانها. طبعاً نتفق في الدعاء بلعنة الله على الكيزان والفلول وذلك لجرائمهم في حق الشعب السوداني. ولكن ما قدرت اعرف علاقة الكيزان والفلول بالقصة التي روتها ام مصطفي. هل اسامة صاحب مصطفى كوز؟

---

Post: #5 Title: Re: شهادة ام مصطفي المتهم بالتجسس لصالح الدعم Author: كمال عباس Date: 08-19-2023, 03:32 PM Parent: #4 الكيزان وبصورة عامة هم وراء التخوين والتجريم وإصدرات صكوك الغفران وسندات التجريم ـوقد إستهدفو لجان المقاومة وعضم الثورة الحي وهم من وراء إعتقال تباك ـوهو متهم غير هارب ولم يصدر أمر بحقه مخصص بتسليم نفسه للظروف المعلومة بينما عتاة المجرميين ومن صدرت في حقهم أحكام جنائية يسرحون ويمرحون ---ومن ناحية أخري فإن الكيزان مسؤولون عن تسميم الأجواء كتصفية لخصوماتهم السياسية ... الكيزان وجناح من العسكر ـ يتهمون قحت بإشعال الحرب إستنتاجات من بعض قحت ـ إن لم يتم التوقيع علي الإطاري فستشتعل الحرب علما بإن من وقع علي الإطاري ووثيقة المحامين ـ هو البرهان وهو من بلع توقيعه وزاغ بعد الإستجابة لضغوط الكيزان ـ والأغرب والأخطر أن من كان يحرض علي الحرب دخولا فيها هم الكيزان وفعالياتهم في رمضان تقف شاهدة علي ذلك --حاشية -1- قحت لم تكن يوما وخصوصا بعد المجزرة ـ لم تكن ولن تكن موضع رهان بالنسبة لنا ـ وهي تتحمل مسؤلياتها كاملة في كوارثها ختاما بالإطاري وتحالف قد منتهي الصلاحية ويجب أن يذهب وتنتقد تجربته فيما يتعلق بالموقف والتقديرات السياسية بالنسبة لهم ـ فإن هناك مسؤليات أخلاقية وسياسية يتحملون ـ أما الخيانة والجرم فموضعه الكيزان وقيادة الجيش والجنجويد ـ إبتداء نمن دارفور والمجزرة ومؤامرة تدمير الجيش لصالح الجنجنويد -- ـ االكيزان حينما يستهدفون قحت ويهاجمنوها فإنهم يفعلون لدوافع أخري غير دوافعنا ىـ إنهم ييستهدفون الثورة في الأساس حاشية 2 الحرب أأفرزت واقعا شائها ـ من جشع وإستغلال وإثرياء حرب وضعفا في بعض النفوس قد يقود للتعامل مع الجنجويد ـ ــ في الأحياء لذا يجب التعامل مع هذه الظواهر بحذر وتوثق بعيدا عن ءالكيد السياسي ـ والشخصي * وعلي سيرة التغويص والتخابر فالجيش نفسه مخترق من قمته ونازل وعليه التركيز علي هذا كا أولوية الي الجحيم مثلث الدمار من كيزان وجنجويد وقيادة جيش ويبقي الشعب والجيش كمؤسسة وشرفاء .

---

Post: #8 Title: Re: شهادة ام مصطفي المتهم بالتجسس لصالح الدعم Author: محمود الدقم Date: 08-19-2023, 07:39 PM Parent: #2 شكرا دكتور ياسر علي الفيديو شيء مؤسف ويقهر القلب عليهم لعنة الله والملائكة والناس اجمعين

---

Post: #6 Title: Re: شهادة ام مصطفي المتهم بالتجسس لصالح الدعم Author: Amira Hussien Date: 08-19-2023, 06:30 PM Parent: #1 فتنوا الناس فى بعضهم …لعنة الله عليهم

---

Post: #7 Title: Re: شهادة ام مصطفي المتهم بالتجسس لصالح الدعم Author: محمود الدقم Date: 08-19-2023, 07:08 PM Parent: #6 اتنين ايضا من مواطني كنابي الجزيرة تمت تصفيتهم فقط بشبهة انهم متعاونيين مع الدعامة كراهية بلا حدود بين ابناء الوطن الواحد والفاعل معروف واااااحد

---

Post: #9 Title: Re: شهادة ام مصطفي المتهم بالتجسس لصالح الدعم Author: محمود الدقم Date: 08-19-2023, 07:41 PM Parent: #7 فيديو لسيدة اتهم زوجها زورا كما روت تحكي كيف اعتقلت الاجهزة الامنية زوجها وعذبته واعدمته ظلما بتهمة انه احد الذين قتلوا الصحفي محمد طه قبل اكثر من عشر سنوات