نوستالجيا برنامج ما يطلبه المستمعون

نوستالجيا برنامج ما يطلبه المستمعون


08-18-2023, 06:45 AM


  » http://sudaneseonline.com/cgi-bin/sdb/2bb.cgi?seq=msg&board=510&msg=1692337541&rn=2


Post: #1
Title: نوستالجيا برنامج ما يطلبه المستمعون
Author: adil amin
Date: 08-18-2023, 06:45 AM
Parent: #0

06:45 AM August, 18 2023

سودانيز اون لاين
adil amin-
مكتبتى
رابط مختصر



يا حليل زمان
اغنية اليوم ثنائي النغم

هدية لي قبة واسامة الخواض
زمان يافن

Post: #2
Title: Re: نوستالجيا برنامج ما يطلبه المستمعون
Author: adil amin
Date: 08-18-2023, 06:55 AM
Parent: #1

البورد زمان
Quote: حكاية اولى من الهامش الشمالي الاوسط


عن قصتنا نحن اهل الهامش الشمالي الاوسط .. مع الايسكريم..لمن دخلنا الجامعةوكنا برالمةواحد من اصدقائى الاعزاء جدا من ابناء الدامر..قال الليلة لازام يمشى يجرب الاسكريم ده...وطبعا الناس الما بعرفو مدينةالدامر 1980. هي مدينةمحافظةلدرجة تجعلها اشبه بالنجف في العراق..ناسا شديدوا التوجس والحياء وتتسع دائرة العيب حتي تشمل الاشياء العادية كدخول السينما مثلا..بل من شدة حياءهم يستحمون بكامل ملابسهم رغم ان ابناءها اشد الناس وعيا والثقافة ويحصدون الجوائز على مستوي السودان في الدورات المدرسية .نعود لصديقي(ع.ع)..في ذلك اليوم المشهود خرجنا نتربص كانناماشين نشتري بنقو..ولمن وصلنا محلات بنبو التي اعرفها جيدا توتر صديقى واخبرنى ان نختار طريقا اخر ..فالتفينا بشارع الجمهورية ودخلنا بالهول الكبير داك وتسمر صاحبنا امام محل الشرايط وانزوى جالس في الركن..وتركني امضى لاشتري اتنين اسكريم واعود كل المسافة و تناول الاسكريم في فرح طفولي وجلس يلتهمه بسرعة ويتلفت في حذر ادهشني
قلت له مابك؟!!
- خايف يشوفني واحد من ناس الدامر..يكلم ابوي يقول ليه ولدك بقي(...)..لقيتو ياكل في الشيء الذى خرا الجداد داك البياكلو ناس الخرطوم الما كويسين
وانفجرت ضاحكا...فرد في خبث

-طبعا انتوا اولاد حلة الموظفين البيكم والعليكم معروفة.
واستشطت غضبا وقلت ليه
-روحوا يا ناس الدامر يا كرتون..والله لو انت راجل صاح كان تقولي من الاول نمشي سعد قشرة او سبعة بيوت محل الرجالة الجد
وبهت صديقى العزيز النظيف العفيف..والذى كان متفوقا واضحى اليوم دكتور في الجامعة.. وبالتاكيد الثلاجة بتكون مليانة اسكريم ومستكين في الخرطوم ...وما برجع الدامر تاني..حتى لوانفصلنا في الشمال وكونا رابطة الدول المستقلة التي تضم(الدامر -عطبره -بربر)
ويا اخوانا قصص الاسكريم وناس الاقاليم كثيرة.وناجمة عن عدم التوزيع العادل للرفاهية..وليس في الامر عجب..
.....................

من اغاني المتشردين في شوارع الخرطوم
حليلي ويا حليلي
حليل زمني القبيلي
بعد قفطان بقيت ارقع
في السديري
اذا فطرت مابلقى غدا
واذا غديتا مابلقى عشا
مابمشي بحري بليل
بخاف من الكشة

وكلام الحب كلو قلتوه بس كلامي انا الما عرفتوه


Post: #3
Title: Re: نوستالجيا برنامج ما يطلبه المستمعون
Author: adil amin
Date: 08-18-2023, 07:27 AM

Quote:

https://www.0zz0.com
كم تمنيت وكم من امل مر الخداع
ياتي زمن امتع نفسي بالدهشة
ويتحرر السودان من انسداد الافق
واركب قطار افريقيا المداري السريع
من بوتسودان الى داكار "السنغال"
وانا اسمع في فنان افريقيا محمد وردي والطير المهاجر

الصين فقط من يحقق هذا الحلم
ان صمتت الضفادع البشرية في المركز وفي والبورد
وتنحت للوعي الجديد