Post: #2 Title: Re: برهان دقس يركب فوقه بس! Author: Mohamed Adam Date: 08-14-2023, 02:31 AM Parent: #1
تراث قبائلنا السودانية وبالذات فى القرى والفرقان بغرب السودان تجده دائما حاضر البديهه وغنيا جدا بالدلالات المعبرة التى تعكس واقع حالنا كسودانين، فى حالة السلم والحرب.
ظهر شريط فيديو بالفيسبووك معبر جدا، فيه مجموعة من أبناء وبنات غرب السودان ظهروا فى محفل من المحافل وهم يتغنون بإغنية تراثية ادخلوا فيها بعض المصطلحات السياسية الفكهة التى تعكس واقع الدولة سياسيا بطرق سلمية لا تمت للعنف بأى صلة. هذه الخطوة ياريت تحل مكان البندقية، وهى خطوة بلا ادنى شك ح تدعم دور الفن والتراث كبديل لصوت البندقية في تسليط الضوء على قضايا البلاد والتعبير عنها بأسلوبٍ مبدعٍ رائع.
Post: #4 Title: Re: برهان دقس يركب فوقه بس! Author: Mohamed Adam Date: 08-14-2023, 03:09 AM Parent: #3
شكرا ياهدى بالضبط ياهو ده الفيديو القاصدو
حميدتى فى المعسكر حمدووك قالو بسكر برهااان دقس يركب فوق بس
طبعا قضية حمدوك يسكر او لايسكر دة موضوع شخصى يحدده القانون من خلال الأغنية وهى نبض للضمير الأنسانى السودانى.. لو سِكِر فى أثناء الدوام فده أمر يعاقب عليه بالقانون اما إذا سكر "تشلتم" وهو بمنزله فده موضوع يخص زوجته وعياله لا دخل لأى سودانى آخر!
*زمان أيام حروب الجنوب تبع الدباب والمخلوع وحروب الابادة تبع الجنجويد والمخلوع - ظهرت أغنية لا قيمة لها أيضا كل كلماتها بمستوى قنبلة والأيدين كلاشنكوف …
شايفاك ما عندك غير القائد (تُقرأ القاتل الغائب) حميدتى ولما تجيب سيرة الجنجويدى عزت+الماهرى تخاطبه ب"حضرة" المستشار وتبعية وواحدة من كتاباتك تتزلف للمصريين وتبشرهم بأنه ستصلهم منتجات السودان حتى عندهم (عشان يقيفوا مع الجنجويد) … وإحيانا امانيك بنصر الجنجويد تجعل منها حقائق معلنة!
*ما كنت فاكرة إنك أيضا تحمل "عنف البادية" بكل بدائتها فى دواخلك
Post: #12 Title: Re: برهان دقس يركب فوقه بس! Author: محمود الدقم Date: 08-14-2023, 06:00 AM Parent: #11
اغنية تراثية اخري بعنوان " الكيزان فرو خلو الخرطوم" https://www.facebook.com/Issa127musa/videos/191299003790760/https://www.facebook.com/Issa127musa/videos/191299003790760/
Post: #13 Title: Re: برهان دقس يركب فوقه بس! Author: Mohamed Adam Date: 08-14-2023, 06:49 AM Parent: #12
Quote: اغنية تراثية اخري
بالحيل.. سمعتها ونص... بتقول: الدنيا ما بت دوم وينا الكيزان فزوا خلو الخرتوم!!
أغنية معبرة جدا...الدنيا بت الكلب... زايلي وزايل نعيمكى!! الكيزان ولاط ام زقدة قالوا مابسلموها إلا لسيدنا عيسى ولط مريم الليلة نراهم عردو وحدين وصلوها لى تركيا، وحدين لى قطر، وحدين لى مصر، وحدين لى نهر النيل، وحدين لى القضارف، وحدين لى مدنى، وحدين لى بورتسودان ووحدين لى الغرب!!!
*كنت فاكرة التراث الفنى عندكم يا محمود الدقم مثال أغانى الشهيدة "شادن"، مش "الأحداث الجارية"! *نسوا فى هذه الاغنية "التراثية" 😀بتاعت كيزان الخرطوم إن يضيفوا عبد الرحيم دقلو2 "شرد" من الخرطوم مرقها فى تشاد رغما ان الخرطوم فى قبضة الدعم السريع(الجنجويد)
بعدين انت واخرين في المنبر لديكم خلط بين الفروسية وحياة البدواة الجبلية او السافنية "من مناخات السافنا" وبين عنف البادية، دا موضوع ساتناوله بالشوكة والسكين، في وقت لاحق ان شاءالله
اول شىء حقو نخن نعرف ما هو التراث وبعدين نتكلم عنه.. لانه التراث عمل كبير ولا ننسب اي شىء للتراث الانت جايبو دا قلة ادب ليس الا.. شنو بسكر والمرحوم ولا عسكر في المعسكر .. بوكو بس دا هو التراث من وجهة نظرك؟