عاجل ... تصريح مهم لوزير الاعلام القادم في دولة السودان الجديد .....!!!

09:35 PM August, 06 2023

سودانيز اون لاين
توفيق عيسى مكي-
مكتبتى
رابط مختصر

وزير الاعلام القادم في دولة السودان الجديد يصرح
كثير من لا عمل لهم منتج سيختفون من الساحة وخصوصا المنابر الاعلامية التي ستشهد تحول تقني كبير ومفيد للمرحلة وأيضا ستختفى الظواهر السالبة من قونات وغناء هابط وبرامج سمجة فارغة من قنواتنا السودانية وتحذيرها بالايقاف المصادرة باعتبار الخروج عن التوجه العام للمجتمع السودان والدولة الرسمية جريمة كبيرة في حق الوطن الذي يتوجه بكلياته لبناء سودان قوي يقود القارة الافريقية والشرق الاوسط للأكتفاء الذاتي والنهضة التكنلوجية الحديثة مع المنع التام والمسائلة القانونية لكن من يتحدث في السياسة او يعمل بها وهو لم يدرسها في جامعة محترف بها ومصرح له من الدولة في الادلاء برائيه بمهنية وفي حدود ما طلب منه إعلاميا مستندا على النظريات العلمية الحديثة المواكبة لكآفة علوم الآداب والإقتصاد
بالنسبة للفضائيات السودانية ستخضع للتقييم المستمر والرقابة الصارمة في طرق البث المباشر والمسجل الذي يواكب احدث ما توصل له الاعلام الحديث في التأثير على المجتمعات ليقودها نحو الرفاهية والرقي والتطور المستمر واستجلاب كافة الخبرات العالمية للوصول لانفتاح اعلامي كبير مع العالم وهو شرط من شروط وطنيتتا ان نعكس للعالم سبل تطورنا ونهضتنا ودعوته لمشاركتنا في هذه النهضة بما يخدم الانسانية جميعا
_ إنتهى _

اصلو المنبر ده بيصنع الوزراء في السودان
من زمان ما جديدة عليه
والمرة شكلو جايب وزير من العيار الثقيل

في زمتك يا Deng ده شكل سمار شقق في القاهرة
جنكم غيرة من الأمراء
انا كده اعمل ليكم شنو
][/url]

اي زول تاني بتكلم في السياسة وهو ما متخصص عنقالي ساي
سجن يبدأ من عشرة سنوات وانت طالع
بلا عواطلجية معاكم
قيل ....
امكن إعدام عشان البلد تنضف وتستعدل وتمشي قدام
وكل دبيب يمشي جحروا

الاعلام هو السلطة الرابعة
في ظل سياسة فصل السلطات
الاعلام ما حا يكون سلطة خضار
ولا بيض معفن
الرجل القوي انا حا يرفع مقام الاعلام السوداني للعالمية
وما كلام ونسة
لكن خبرات وعلم وصناعة كبيرة

بالمناسبة
ده كان بوست في فيسبوك مقصود لناس كده
ياخ كمية الرسائل المؤيدة الجاتني
والله عقدتني
فعلا نحن شعب محتاج لناس زيي
او قل ..
ناس تحمل الفكر ده

عفارم
عليك
اسد
الغابة
بجيد
الكتابة
والخطابة
البياباك
محتاج
قلادة
يلا
ياتوايق
وجهك
وجه
صحابة

لا أعتقد بأنك الشخص المناسب لهكذا منصب.

واضح من كلامك بأنك رجل دكتاتور ولا تصلح للقيادة.

سلام دينق ياخ ما تحبط الرجل يقوم يتحامق يركب دبابة يغير نظام الحكم هههه
تحياتي

سلام دينق ياخ ما تحبط الرجل يقوم يتحامق يركب دبابة يغير نظام الحكم هههه
تحياتي

اطمن يا علي مهدي يا حبيب الحكم اساسا بكلياته
حا يتغير انت ما شايف كمية موت السياسيين
معنويا وموت الله وموت الموت بتاع الحرب ولسه
مجرد ما ينتصر الجيش ويعلن انتصاره عشان الدلائل بتقول كده
حا تتم تصفيات بالجملة ومحاكمات خيانات عظمى وتجسس
وكمية بلاوي الناس بتمد في أمد الحرب عشان الحاجة دي
حا يجي المخلص الحا يرجع الحقوق للناس دي رؤية منامية لكثير من
اوليائنا الصالحين والرؤية حق واتحققت كتير ما بقت على دي
اها المخلص ده مش داير ناس بيوتنا دي ولا كيف

Quote: واضح من كلامك بأنك رجل دكتاتور ولا تصلح للقيادة.

لكل مرحلة متطلباتها وأكيد بعد تنتهي الحرب محتاجين حكومة حرب
دكتاتوريتي واحد في المية من دكتاتورية امريكا والغرب وروسيا والصين واسرائيل
يا حاسدين حتى الواحد في المية ما راضنها لي
اها عشان حركاتكم دي الواحد حا يبقى الف
كل زول حر في بلده

Quote: عفارم عليك اسد الغابة بجيد الكتابة والخطابة البياباك محتاج قلادة يلا ياتوايق وجهك وجه صحابة

من الخجل ما عرفت ارد اقول ليك شنو
هنا انا ما متعود على كده
مضايفات ونبز وتجاهل ودعوات طرد ومرات كره غير مبرر لزول
بحب كل الناس هنا وانت يا حبيب أكتر زول عارف الحتة دي
انا عارفك
وفي محبتي للناس هنا
انت براك بتشيل نص المحبة دي

ايي ...
اصلو الوزير الشاطر
الفاسدين ما بدوروهو
والوطنيين بشكروه
بالمناسبة عشان في ناس مريضة فهمها شمال
انا و Deng من فترة في احترام ومحبة كبيرة بيناتنا
واختلاف الرأي لا يفسد للود قضية
بكون نايم تجيني صحية أتذكر مشاغلته بتاعت ميري ست
العرقي الفي ابو روف اضحك ومرات ضحك بي صوت
وده من محبتي ليه

يا توفيق

ياخ شكرا لمشاعرك الجميلة تجاه شخصي الضعيف.

لكن لازم أقول لك رأي وبكل صراحة في ما يسمى بوزارة الثقافة والإعلام هذا.
أنا أعتقد أن هذه الوزارة يجب أن يتم إلغائها تماما، كما يجب أن يكون هنالك قسم ثقافي في وزارة الخارجة يكون من مهامه نشر الثقافة السودانية والتفاعل مع بقية الثقافات العالمية.
أما على المستوى المحلي فيجب أن تكون مسئولية نشر ثقافات القبائل والمجتمعات السودانية تقوم بها القبائل والجماعات المختلفة.
ألإلغاء الذي أتحدث عنه يشمل كل محطات الراديو والتلفزيون الحكومي مع الاحتفاظ بمحطة راديو واحدة فقط، وقناة تلفزيونية واحدة فقط، تقوما بنشر الأخبار التي تهم الحكومة فقط ولا غير.

عندما أراد الصينيون القدامى أن يعيشوا في أمان ، بنوا سور الصين العظيم .. واعتقدوا بأنه لا يوجد من يستطيع تسلقه لشدة علوه ، ولكن خلال المئة سنة الأولى بعد بناء السور تعرضت الصين للغزو ثلاث مرات !
وفى كل مرة لم تكن جحافل العدو البرية فى حاجة إلى اختراق السور أو تسلقه ، بل كانوا في كل مرة يدفعون للحارس الرشوة ثم يدخلون عبر الباب .. قد انشغل الصينيون ببناء السور ونسوا بناء الحارس !
فبناء الإنسان .. يأتي قبل بناء كل شيء وهذا ما يحتاجه طلابنا اليوم .

يقول أحد المستشرقين ..
إذا أردت أن تهدم حضارة أمة فهناك وسائل ثلاث هي:
١- أهدم الأسرة
٢- أهدم التعليم.
٣- أسقط القدوات والمرجعيات.
كي تهدم اﻷسرة : عليك بتغييب دور (اﻷم) اجعلها تخجل من وصفها ب"ربة بيت"
ولكي تهدم التعليم : عليك بالمعلم لا تجعل له أهمية في المجتمع وقلل من مكانته حتى يحتقره طلابه.
ولكي تسقط القدوات : عليك بالعلماء اطعن فيهم قلل من شأنهم، شكك فيهم حتى لايسمع لهم ولا يقتدي بهم أحد.
فإذا اختفت اﻷم الواعيةواختفى المعلم المخلص وسقطت القدوة والمرجعية ،فمن يربي النشئ على القيم .

— د.مصطفى محمود / كتاب" قراءة المستقبل ".

تعرف يا Deng بعد الثورة مباشرة كان كتبت بوست
ناشدت فيه الناس الوقعت الوثيقة الدستورية
ببوست خارطة طريق خصوصا في مجال الاعلام وقلت فيه نفس
مداخلتك في حتة وزير ووزارة اعلام والهبل ده
واظنك لأنك من القلائل جدا من الناس الفاهمني صاح عرفت ليي انا
فتحت البوست ده وفي الوقت ده بالذات
https://sudaneseonline.com/board/510/msg/1594332395.html
البوست ده كان في شهر يوليو ٢٠٢٠ لطالب فيه حزف وزارتي الثقافة ووزارة الاعلام
وعمل مجلس حكومي لكل منهما لتسهيل الاجراءات
اقرأ البوست واتأكد من كلامي

Quote: بل كانوا في كل مرة يدفعون للحارس الرشوة ثم يدخلون عبر الباب ..

يا حيدر لو تمعنت في التصريح كويس حا تتأكد من اني
ارسلت رسالة في نفس الفهم القلتو بتاع مصطفى محمود
عشان نبني الانسان السوداني من اول وجديد لابد من تدخل
الدولة في الحد من الاعلام السايب ده
الداير يشتغل في نقل الاخبار يعمل وكالة زي وكالة السودان للانباء بنفس قانونها وكيانها
غير كده يقع تحت طائلة القانون القوي وقس على ذلك

بعدين بالمنطق كده
هل في أمير ببقى وزير
وزير يعني غفير
غفير يعني حرامي لص سراق فاسد
في زول داير يغالط في الحتة دي
المهم الرسالة وصلت لأي سوداني وانتشرت

اطمنوا الحكومة الحا تبني السودان صاح
مصيرها تجي