هل كان المفروض نمرق ونخلى بلدنا ؟ انا بعد تفكير بقول الاجابة صعبة …..ليس الخوف من الموت هو الدافع للمروق لكن الخوف من البشتنة والمرض و العطش الجوع كان مقدور على لعدة شهور لانى بالهام عجيب خزنت بعد الاشياء حتى اللحوم اضطريت بعد قطع الكهربا انى اوزعا على الجيران الموجودين كلهم كانوا بيقولوا بس نشيل حق الليلة لانو التلاجات اصبحت زيها وزى اى صندوق سبب تفكيرى تصريحات بعض الاخوة والاخوات المصريين ومعايرتهم لينا بالفرار ، وانهم خاضوا حروب كتيرة ما تحركوا من بلدهم بل سكان بورسعيد وقت الحرب رفضوا يتركوا مدينتهم احساس غريب حزين بيتملكنى…….وبقول لو ما كان فى اى طريقة. للوصول لى مصر يعنى مافى بصات والمطار طبعا مغلق كنا حنعمل شنو ……….واضح انو هجرنا للخرطوم وإخلاءها كان منظم ومقصود ياريت لو مافى بصات ومافى طريق لى اى مرقة !!
Quote: للخرطوم وإخلاءها كان منظم ومقصود ياريت لو مافى بصات ومافى طريق لى اى مرقة !!
سلام العزيزة أميرة كلامك صحيح كل الحصل في الخرطوم و دارفور و كردفان مقصود. التحريض على تدمير الخرطوم و إبادة ساكنيها بدأ في غرف الدردشة في النت منذ أكثر من٣ سنوات على حد علمي.هل شفى هولاء غليلهم أم ما زالوا يطلبون المزيد؟ يا أختي العزيزة لا تلومي نفسك بل لومي المعتدي و المتسبب في الحرب المصريين ما عندهم فكرة عن بعض الإستغلايين في الأقاليم و عن الإيجارات الدولارية و شح الأدوية.نشكر الأخوة المصريين و نذكرهم بخيرات السودان الكانت بتتدفق على مصر لسنين طوال قبل الحرب.و نتمنى أن تتوقف الحرب و نعود لبيوتنا و أتمنى إن لا يأتينا المصريين لاجئين لأننا ساعتها ح ناخد حقنا.
Quote: تدمير الخرطوم و إبادة ساكنيها بدأ في غرف الدردشة في النت منذ أكثر من٣ سنوات
الكلام الفوق ده أنا بسمعو من سنة 2003 اشتراكي في المنبر ده ومنابر أخرى لا وبل كان بيتقال كلام اوسخ من كدة، وعملوا ليهم عدو وهمي اسمو الجلابي وكمان عدييل قالوا ندمر أمارات ندمر أمارات ، وشيخهم قال ليهم وعلى الملأ، العمارات ما تدمروها شيلوها منهم ، فما تتحسري على الخروج ، المضطر يركب الصعب أمام عقلية التتار والعصر النحاسي. وعلى الباغي تدور الدوائر
تحياتي الاخت الكريمة أميرة سؤالك مشروع وبما انها اول تجربة في الحياة نمر بها جميعا فالحيرة في اتخاذ القرار امر طبيعي المهم هو ان نتعلم شيئا من هذه التجربة المريرة وأولها الا نعطي ثقتنا ( على بياض) وأن نحدد بوضوح من الذي يريد بنا شرا و من هو الذي يريد أن يستغلنا و فوق ذلك كله ان نعمل العقل فيمن يقودنا و من نتبع
سلام ترهاقا كلام غريب …..العمارات دى الناس قرت وتعبت وعافرت عشان تبنيها وعشان تبقى فى السودان وتعمر بلدا ……كان التخلف العليهم سببو الاستعمار ولا الحكومات الجات ده ما سبب لى معادات كل ناس الخرطوم كتير ما ليهم دخل بى سياسة بشتغلو لبنا البلد بتجرد ونكران ذات ما ليهم فى حزب …كان موظفين كان تجار كان عمال وربنا سبحانة وتعالى مقسم الارزاق ما جعل الناس متساوية فى اى شى نعم المضطر يركب الصعب …..ومافى اصعب من كده اللهم لا اعتراض على حكمك
محنة وستعدي وسنعود اقوي من الاول بوعينا الناس خرجت لدواعي عديدة، وجود اطفال، مرضي، قرب بعض المنازل من مناطق الاشتباك، فسلامة وارواح المواطنين اهم من الممتلكات التي يمكن تعويضها خلافا للارواح التي لا يمكن تعويضها. نبتهل لله ان تنتهي هذه الحرب ويعود الناس لمنازلهم واعمالهم.
سلام اميره و الاحبة .. اميره يا صديقتي التي اقدر و احترم .. الكلام الهنا ده بس بذكرني بالمقولة المنسوبه لماري انطوانيت في شعبها الجائع: " اذا الشعب لم يجد الخبز .. فليأكلوا البريوش "
يا اميره .. دي حرب لا تعرف الرحمة .. و لا (اللحمة) .. دي حرب الفقراء .. فمن خرج و له المقدرة على العيش خارج الوطن فليصلي شكرا لله ..
سلام قبانى ….. دى حرب السودان ارض ونيل وسما وهوا وناس فقير على غنى بالمناسبة فى السودان اى زول بياكل لحمة غنى وفقير دى حرب ضد تفكير ضحل متواضع محاول تقسيم شعب السودان وتشتيتو تفكير محدود لم يستطع تجاوز لذة الحكم وبيوت الحكومة وعربات البرادو ويا ريت المرقوا هم المقتدرين فقط
معليش يا قبانى …تصويب لما كتبت دى حرب ضد السودان ارض ونيل وسما وهوا وناس فقير وغنى بالمناسبة فى السودان اى زول بياكل لحمة حتى لو مرة فى الشهر دى حرب من اجل تفكير ضحل متواضع لمحاولة تقسيم شعب السودان وتشتيتو تفكير محدود لم يستطع تجاوز لذة الحكم وبيوت الحكومة وعربات البرادو ويا ريت المرقوا هم المقتدرين فقط
Quote: بل سكان بورسعيد وقت الحرب رفضوا يتركوا مدينتهم
ما تركوها لان عدوهم خارجي... اسرائيل وامريكا وبريطانيا لكن لو اطلق عليهم جمال عبدالناصر او خالد محي الدين .. دستة كلاب من كلابهم كان فروا وقعوا البحر وناس بورفؤاد كان سقطوا في القناة. الخرطوم اخلوها من السكان...و دا مخطط شيطاني كبير من كل الخونة والاطراف المتصارعة في كل الاحوال . الهدف نغيير ديمغرافي .. وحكم عسكري او جنجويدي ... وما حيكون في اي معارضة او مظاهرات مليونية .. او حتى عشرينية فقط امرقي احسن من واحد مجرم ما يعرف الله يأذي احدكم لا سمح الله. اهلنا كلهم المشى مصر المشى البلد... والحمد لله انتوا ونحن والكثيرين خرجوا بكرامتهم من امام بشر بلا كرامة ولا شرف (متين العودة تاني) و حرام حرام يازمان نفارق امدرمان قمته ومشيت فى امان لبقعة امدرمان خليتنى ليه يازمان مابين اسى وحرمان حرام حرام يازمان نفارق الاوطان حبك بقالى دليل مهما يطول الليل كم غنى ليك خليل ياعزة السودان متين متين يازمان العودة للسودان حرام حرام يازمان نفارق الاوطان هوانا سر معروف وتشهد علايل ابروف لكن رمتنا ظروف. دي ليك يا الاميرة بت امدرمان
سلام احمد يس كلامك صاح هسه القالت الكلام ده مصرية تعقيبا على محمد منير فى العلمين لما رحب بى السودانيةالنازحين فى بداية الحفل وقال كلام طيب قامت شردحت فى وقالت اتكلم عن نفسك و و و الخ كلام كتير …….المصريين ما حاربوا فى حياتهم استعمار حبش استعمروهم البان استعمروهم و فرنساويين كل زول يجيهم يقدموا لى الورود والزهور وفروض الولاء والطاعة……. الا عبد الناصر المهم بمشوا حالهم وبحافظوا على بلدهم شكرا هديتك مقبولة شديد واسعدتني وامتى ارجع لى امدر واعودا
Quote: معليش يا قبانى …تصويب لما كتبت دى حرب ضد السودان ارض ونيل وسما وهوا وناس فقير وغنى بالمناسبة فى السودان اى زول بياكل لحمة حتى لو مرة فى الشهر
سلام اميرة .. التصويب من :
Quote: بالمناسبة فى السودان اى زول بياكل لحمة غنى وفقير
إلي :
Quote: بالمناسبة فى السودان اى زول بياكل لحمة حتى لو مرة فى الشهر
ليه اضفتي (لو مرة في الشهر) ؟
تصدقي انا بعرف اسر ما ضاقت اللحم في ٢٠٢٣ دي من بدت و قبلها كمان ؟
السودان يا اميرة ما الناس الحولنا و معانا .. السودان ما الوسط و الشمال و انتي ست العارفين ..
السودان فيهو مناطق تم افقارها و تجويع اهلها و ترويعهم .. مناطق ترملت فيها عشرات الالاف من النساء و تيتم اكثر منهم من الاطفال الابرياء .. ديل اللحمه الشافوها هي اشلاء اباءهم و اخوتهم ..
يا اميرة مساء الخير حرب الخرطوم ممنهجة ومعدة من قبل المليشيا ضد الدولة والمواطن. تم استهداف المواطنين على عدة مراحل بالتخويف المصحوب بحرب نفسية اطلاق النار في الهواء ليلا امام المنازل استهداف المدنيين الحملات التي تحث المواطنين على الخروج من منازلهم بجوازاتهم فقط استهداف المليشيا لمحطات المياه والكهرباء وحرمان المواطنين منها منع اي محاولات لاصلاحها استهداف المؤسسات الصحية منع المواطنين من العودة لمنازلهم النهب الممنهج والمتزامن للبيوت والمؤسسات بمشاركة عناصر المليشيا ومعهم شركاء حرمان المواطنين من مصادر رزقهم احتلال المنازل وتخريبها وتحويلها لمقرات حرببة القصف العشوائي التهجير الممنهج ماذا يفعل المواطن؟
أميرة الأميرة~ تحياتى وحتما نعود *المجموعتين (الجنجويد والكيزان) يحاربون الشعب السودانى *يتحاربان من أجل السلطة وما تأتى به من خيرات ذاقوا طعمها من غير مجهود ولا يستطيعوا فراقها ويسعون للمزيد مع العمالة الخارجية -مع احترامى لأخى باشمهندس قبانى كيف هو شايف الحرب والقتل ضد الناس المساكين وبيوت البشير وجماعته فى أمان وبيوت وشركات الجنجويد فى منطقة المجاهدين ما احتلوها ولا ضربوها كيف يطلب من الشعب الكادح يدفع ضريبة كدحه ومعاناته والآخرين *قامت الثورة فى كوبا ولا سرقوا ولا نهبوا - وطبقوا العدالة وعدم التفرقة وحتى الآن البلد الوحيد يكون فى العالم "لا فرق بين الألوان والطبقات) ما يحدث فى السودان هى حرب من إجل السلطة ومزيدا من النهب *انها ليست ثورة الكادحين حتى نقبلها - انها نهب واحتلال للوطن
طيب الأغنياء امثال حميدتي و الكيزان اغتنوا من وين اذا ما افقروا غيرهم ؟
عاينوا للبؤس و لهيئة المتحاربين عشان تعرفوا الفقر و الجوع ..
انتو دايرين حرب نضيفه و انيقة ؟ ما ياها دي الحرب اقذر ما ابتدع الانسان ..
يا أميرة .. ناس الخرطوم زعلانين على ممتلكاتهم و دهبهم و اموالهم .. و ده ما غلط .. الغلط انهم ناسين انه في ملايين غيرهم كانوا و ما زالوا سكان مخيمات حروب .. لم يعرفوا الدهب و لا المال و لا البيوت ايا كان حجمها و شكلها .. و هم ايضا سودانيين ..
يا أميرة ملايين تم تهميشهم عبر السنين يعيشون تحت خط الفقر .. لا تعليم وصلهم و لا حتى ابجديات مقومات الحياه .. وفوق كل ذلك .. تم اغتصابهم و نهبهم و تشريدهم .. و نحن نشاهد ذلك في تلفزيوناتنا الفور كي .. سمارت .. و كأنهم من كوكب آخر ..
المحارب الفي الشارع الان ليس بليونير كحميدتي و اسرته .. انما محارب فقير عاش الذهل و الهوان .. دهرا من الزمان .. فقط فكروا فيمن كان عمره 3 او 4 او 5 سنوات في بداية تقتيل الكيزان لأهل دارفور .. هؤلاء الاطفال شاهدوا امهاتهم تغتصب و اباءهم يموتون امامهم .. هؤلاء الاطفال الان رجال في العشرينات من عمرهم .. يحملون السلاح .. اترك البقيه لكم ..
Quote: المحارب الفي الشارع الان ليس بليونير كحميدتي و اسرته .. انما محارب فقير عاش الذهل و الهوان .. دهرا من الزمان .. فقط فكروا فيمن كان عمره 3 او 4 او 5 سنوات في بداية تقتيل الكيزان لأهل دارفور .. هؤلاء الاطفال شاهدوا امهاتهم تغتصب و اباءهم يموتون امامهم .. هؤلاء الاطفال الان رجال في العشرينات من عمرهم .. يحملون السلاح .. اترك البقيه لكم ..
سلام واحترام أخى باشمهندس قبانى~ إتفق معك تماما ، المحاربون -الفقراء محرقة الحروب (وخاصة من جهة الجيش) * وكثير من البؤساء صغار السن يحاربون من أجل المال من جهة الجنجويد
يحارب الفقراء الهزيلون ليس من أجل خيرا يعود عليهم ولكن من أجل أن يصل القتلة حميدتى والكيزان والانتهازية من قحت الى كراسى السلطة مرات أخرى وتدور الدائرة
أما دعاة الحرب مستشارى حميدتى مثال عزت+الماهرى وابراهيم مخير وغيرهم خارج السودان وبالمقابل دعاة الحرب من الكيزان ملمعين فى تركيا والشعب السودانى يُشرد ويُقتل بعدم انسانية - ليس ضياع عربات ، مال او ذهب (كله حلال بعرق الجبين وجهد السنين)- انها الإهانة يا أخى قبانى وانت تترك بيتك على تواضعه وتترك كل ماضيك وتخرج للمجهول #اتمنى يا أخى العزيز أن لا يحدث لك ولا ترى أيامًا كهذى #اتمنى أن تتوقف هذه الحرب الشرسة ولا تندلع حربا أبدًا فى أى مكان - ما حنردد خلوا باقى العالم يجرب ما جربناه! #تتحدث عن معاناة الحروب السابقة ، نسيت يا باشمهندس ان غالبية الشعب عارض ووقف فى وجه القتلة من غير ان يقتل أو يشرد أحدًا حتى قارب النصر بثورته المتفردة ولكن انقض عليها العسكر والانتهازية والدول التى ترتجف …واتباعهم مثالا وليس حصرا الباشمهندس مو إبراهيم والآن حمدوك فى قصور الامارات وأسامة داوؤد وغيرهم … #بالمناسبة شاهدت فى مقطع ڤيديو أسامة داوؤد فى مدنية لندن مع المجموعة التى هاجمت الكوز - كما نادوه يومها- خالد الاعيسر. أسامة داؤود يكون زعلان على ميناء أبو عمامة (مع الأمارات والكيزان بدبابهم) #هذه حرب ليس للشعب السودانى فيها ناقة أو بعير انها حرباّ أتتنا من اللذين نقف ضدهم ومن الخارج لتطحن الشعب السودانى حتى وان تغنوا "عشان أم قرون …" 😀 فهى ليست لهم
يعنى جايين ينتقموا لى امهاتهم ويغتصبوا الامهات ولا كيف الفهم …….ومن منو الكيزان ومن تسبب فى الحروب وكل قبيح بيوتهم سالمة ونساءهم مصونات سواء فى السودان او تركيا او القاهرة او اى مكان
Quote: يعنى جايين ينتقموا لى امهاتهم ويغتصبوا الامهات ولا كيف الفهم
سلام اميرة, ظنى انك اتخلبطت عليكى الامور, الذين اغتصبت امهاتهم امامهم ليسو هم من يقومون بذات الفعل الان (حسب ما فهمته من كلام باشمهندس يحيى) بل ذات الناس الفعلو تلك الفعلة فى دارفور منذ 20 سنه يفعلونه الان في الخرطوم. الفرق بس لما كانو بعملو الشى ده في دارفور كان بأيعاذ من حكومة الخرطوم, يعنى اولاد رحم الجيش. ناس دارفور ما زالو ضحايا مثلهم مثل ناس العاصمة و في العاصمة ذاتها ح تلقى ضحايهم من ناس دارفور اكثر لان اغلبهم لم يستطعيو الخروج من العاصمة فلا العودة الى دارفور ممكنا و لا اقاليم السودان الاخرى متاحة ماديا. و فى دارفور ذاتها رايتم ما حدث في الجنينة و زالنجى و كتم و حتى نيالا اتحرقت اسواقها و نهبت بيوتها.
طيب الأغنياء امثال حميدتي و الكيزان اغتنوا من وين اذا ما افقروا غيرهم ؟
عاينوا للبؤس و لهيئة المتحاربين عشان تعرفوا الفقر و الجوع ..
انتو دايرين حرب نضيفه و انيقة ؟ ما ياها دي الحرب اقذر ما ابتدع الانسان ..
يا أميرة .. ناس الخرطوم زعلانين على ممتلكاتهم و دهبهم و اموالهم .. و ده ما غلط .. الغلط انهم ناسين انه في ملايين غيرهم كانوا و ما زالوا سكان مخيمات حروب .. لم يعرفوا الدهب و لا المال و لا البيوت ايا كان حجمها و شكلها .. و هم ايضا سودانيين ..
يا أميرة ملايين تم تهميشهم عبر السنين يعيشون تحت خط الفقر .. لا تعليم وصلهم و لا حتى ابجديات مقومات الحياه .. وفوق كل ذلك .. تم اغتصابهم و نهبهم و تشريدهم .. و نحن نشاهد ذلك في تلفزيوناتنا الفور كي .. سمارت .. و كأنهم من كوكب آخر .
يا بشمهندس قبانى نعم متأكدين جدا ان الحرب الدائرة هذه ليست حرب الفقراء من إجل العدالة. انها حرب من إجل هؤلاء القتلة من آل دقلو وأتباعهم والكيزان والانتهازية والعملاء للوصول للسلطة بتمكين مشترك بين الكيزان والجنجويد وحماية ثرواتهم —-ولن يحصل الفقراء محرقة الحروب او الشعب السودانى على جنيه منها -انها أموال وموارد الشعب السودانى المنهوبة، مخزنة ومكدسة فى الخارج سؤال مهم جدا: *فهل تبشرنا أخى قبانى بأن الفقراء يتحاربون لاعادة الثروات الى السودان وتوزيعها بعدالة على الجميع؟ لأنه ما عرفتك شائت وين! -ناس الخرطوم وناس غرب السودان قد يملكون عربات ومنازل عادية (لا تشابه قصور وعربات وممتلكات الكيزان وقادة الجنجويد) وذهيبات، وبعضا من أراضى زراعية وحيوانات قليلة وبعضا من متاجر وغيرها
لكن شوف دعاة الحرب ، الحرامية، القتلة من إجل السلطة ومزيدا من النهب - مثال بسيط لما كدسوه من سرقة موارد السودان
Quote: البعشوم 8h · شركات الظل والشخصيات الخفية التي تدير استثمارات آل دقلو، الجزء الأول: شركات وإستثمارات راوندا القوني حمدان دقلو حوله كثير من الشخصيات الغامضة وغير المعروفة، يثق فيها ويسجل املاكه باسمائها، من ضمن هذه الشخصيات "احمد هاشم" الذي يُعتبر مدير أعمال القوني دقلو، وثقة القوني فيه جعلته يسجل مزارع مشروع السليت باسم احمد هاشم، وكذلك أراضي القوني دقلو في راوندا بكيغالي والتي تقع بموقع مميز مقابل ميدان القولف ويقدر سعرها بما يتجاوز المليون دولار، استثمارات آل دقلو براوندا كثيرة، نسرد لكم بعضها سرداً تاريخياً باسماء الشركات ومعلومات الشخصيات التي تديرها: منتصف عام 2018 كانت بداية كل شئ، القوني حمدان دقلو وصديقه احمد هاشم وصلا إلي راوندا، وقررا افتتاح شركة "تكنو" وهي شركة للهواتف موزع لشركة "تكنو" الصينية، تولى ادارة الشركة مدير باكستاني الجنسية اسمه "شاهد"، أشرف على الاستثمار "احمد الفاضل" وهو صديق مقرب للقوني من مواليد ليبيا وأسرته حتى الآن تتواجد بليبيا، نسبة لعدم خبرة هؤلاء الغلمان الصغار وقتها خسرت الشركة وتم سحب الاعتماد منها. في بداية عام 2019، تعاقد القوني مع شركة "دانوب" للأثاثات وهي شركة رئاستها بدبي، سُجلت شركة الدانوب للأثاثات والمفروشات بكيغالي-راوندا و استأجر طابق كامل في بناية بتكلفة ايجار سنوي 170 الف دولار، وتم توريد الأثاثات من دبي، بدأت اعمالها بادارة باكستاني أخر "زيشان تلات" يحمل اقامة بدولة الكويت، والإشراف على الاستثمارات هذه المرة تولاه "احمد هاشم" بنفسه، رصدنا للشركة اوصلنا لتحويلاتها ببنك ايكوتي فرع كيقالي هايتس. توسعت أعمال الشركة ليتم افتتاح فرع ثاني لها في بدايات عام 2022، متخصص في الأواني المنزلية وتجهيزات المطبخ، إلا ان ذلك الإزهدار لم يدم طويلاً ففي سبتمبر من نفس السنة صُدم القوني بهروب مدير الشركة الباكستاني "زيشان تلات" إلي دولة الكويت مُختلساً اموال تبلغ قيمتها ما يقارب 500 الف دولار، لم يستطع احد ملاحقته وكانت التعليمات لمحامي الشركة وهو راوندي الجنسية اسمه "اينقابو" بعدم فتح أي بلاغات حتى لا تنكشف استثمارات الدعم السريع براوندا. بعد تلك الصدمة أسس القوني شركة جديدة براوندا اسمها "رواندكو" تعمل في مجال المقاولات والإنشاءات ، وعين هذه المرة من يثق فيه وهو مهندس سوري الجنسية اسمه "خالد العالم" عمل من قبل في شركات الجنيد وشركة جي اس كي التي تحدثنا عنها بتقارير في صفحة البعشوم ثم وجدت طريقها لتقارير عالمية أدت إلي حظرها بأمريكا وبريطانيا. علاقة القوني بالمهندس خالد العالم علاقة قوية، ففي ايام الكورونا تم ارسال طائرة خاصة إلي راوندا حتى يتم انقاذه، كان من ركابها اضافة لخالد "ببيكا" ابوبكر و بن أخ اللواء أمن معاش عبدالغفار الشريف "عمرو الشريف". والجزء الثاني نواصل فيه لكشف مزيد من أسرار هذه الشبكات المالية براوندا والإمارات وأوروبا، أسست هذه الشركات بثروات الشعب السوداني المنهوبة، وامبراطورية آل دقلو تريد ان تستمر بإراقة دماء الشعب السوداني ولكن هيهات!.
سوق دقلو للمسروقات (تكون دى الديمقراطية القال حيجيبها!) *مسروقات من منازل المدنين —- أما آل دقلو ومن يتبعهم سرقوا ذهب وخيرات السودان وهربوها إلى الخارج
Quote: سلام اميرة, ظنى انك اتخلبطت عليكى الامور, الذين اغتصبت امهاتهم امامهم ليسو هم من يقومون بذات الفعل الان (حسب ما فهمته من كلام باشمهندس يحيى) بل ذات الناس الفعلو تلك الفعلة فى دارفور منذ 20 سنه يفعلونه الان في الخرطوم. الفرق بس لما كانو بعملو الشى ده في دارفور كان بأيعاذ من حكومة الخرطوم, يعنى اولاد رحم الجيش. ناس دارفور ما زالو ضحايا مثلهم مثل ناس العاصمة و في العاصمة ذاتها ح تلقى ضحايهم من ناس دارفور اكثر لان اغلبهم لم يستطعيو الخروج من العاصمة فلا العودة الى دارفور ممكنا و لا اقاليم السودان الاخرى متاحة ماديا. و فى دارفور ذاتها رايتم ما حدث في الجنينة و زالنجى و كتم و حتى نيالا اتحرقت اسواقها و نهبت بيوتها.
محجوب يا حبيبنا ..
اختنا أميره ما اعتقد قادره تصل لما اقول .. و حتى هدى .. مسألتهم محصوره في ممتلكات اتنهبت و دهب و غيره .. و أميره بتسأل انه انا داير احمل سكان الخرطوم مسئولية ما حدث في دارفور .. !!
نعم يا أميره .. كل السودان يتحمل مسئولية ما حدث في دارفور .. كل من وقف متفرج على احداث دارفور مسئول .. كل من استفاد من وجود الكيزان مسئول .. كل من تداخل حتى هنا في البورد مع اي كوز حقير .. ايضا مسئول ..
يا محجوب دارفور كأنها بلد آخر مثلها مثل العراق و سوريا و ليبيا .. اهل الوسط و الشمال تابعوا الاخبار كغرباء .. من شاشات التلفاز و فضائيات الكيزان .. و الان عندما لامسهم سوط الحرب في ديارهم .. ظهرت الاصوات .. و البكائيات على الاموال و العرض .. و كأن اهل دارفور ليسوا ببشر ..
يا أميره .. مؤكد انا لا اقصدك شخصيا و انتي تعلمين مدى معزتي لك و للأسره .. و لكن اقول لأهل الوسط و الشمال .. " كما تدين .. تدان " .. و الان تحصدون ما زرعتم من شر و موت و دمار .. ما فعلته بأخيك (ان كنت تحسبه اخيك" الان تجني ثماره زقوم ..
اختنا أميره ما اعتقد قادره تصل لما اقول .. و حتى هدى .. مسألتهم محصوره في ممتلكات اتنهبت و دهب و غيره .. و أميره بتسأل انه انا داير احمل سكان الخرطوم مسئولية ما حدث في دارفور .. !!
نعم يا أميره .. كل السودان يتحمل مسئولية ما حدث في دارفور .. كل من وقف متفرج على احداث دارفور مسئول .. كل من استفاد من وجود الكيزان مسئول .. كل من تداخل حتى هنا في البورد مع اي كوز حقير .. ايضا مسئول ..
يا محجوب دارفور كأنها بلد آخر مثلها مثل العراق و سوريا و ليبيا .. اهل الوسط و الشمال تابعوا الاخبار كغرباء .. من شاشات التلفاز و فضائيات الكيزان .. و الان عندما لامسهم سوط الحرب في ديارهم .. ظهرت الاصوات .. و البكائيات على الاموال و العرض .. و كأن اهل دارفور ليسوا ببشر ..
يا أميره .. مؤكد انا لا اقصدك شخصيا و انتي تعلمين مدى معزتي لك و للأسره .. و لكن اقول لأهل الوسط و الشمال .. " كما تدين .. تدان " .. و الان تحصدون ما زرعتم من شر و موت و دمار .. ما فعلته بأخيك (ان كنت تحسبه اخيك" الان تجني ثماره زقوم .
يا باشمهندس قبانى الى الآن ما فاهمة انت مالك! كيف تحكم! كثيرة شديد منك فى حقنا (وانت لم تعيش من زمن طويل فى السودان)أن يصل بك الامر ان تجهلنا لهذه الدرجة وكأننا لم نناقشك يوما حول المعارضة السلمية ضد الكيزان +الجنجويد، وانت تصفها تواريخ على الحائط وانت فاكر زمان كنا عايشين فى النعيم مع هؤلاء المجرمين القتلة؟ - أبدًا - لكن كنا صامدين وما زلنا وسنعود ونتمسك بالأرض حتى آخر شخص *الآن الموت والدمار واقع فى كل انحاء السودان على الشعب المسالم. يا ربى تكون شفت الحصل وما زال فى الجنينة وغيرها هل تفتكر انهم عاسوا السم سابقا وأذاقوه الجنجويد! عشان كدا قاعدين ينتقموا منهم؟ #يا أخى عواس السم يجب أن يذوقه هو لا ان يذوقه من كان ضده كل الوقت *أخيرا : سيهزم الشعب السودانى بسلميته الكيزان والجنجويد ان قصر الزمن وإن طال
نحن لو دايرين مكان يلمنا كنا من زماان فتشنا اللوتري واللجوء والهجرة والجوازات ….نحن ما عندنا غير بلدنا استحملنا فيها اى شى الا المرة دى ……لان المجرمين اللصوص دخلوا علينا بلا حياء فى منازلنا يحملون السلاح يهددون بكل ما هو قبيح ….وحقا القبيح ماعندو الا القبيح
الفهمته من كلام قباني وبتفق معاه فيه إنه ناس الخرطوم طنشو شديد لمن مصائب الدعم السريع والجنجويد دي حصلت لناس دارفور زمان وفي المنبر دا قلنا ليكم الحصل في دارفور حيحصل في الخرطوم وفي وسط السودان الحريقة بالتمسك أول بيت في الحلة بتكسح كان ما ساهمت إنت سيد البيت الفي آخر الحلة التاني في إطفاءها ناس الخرطوم ما مجرمين ولا حاجة وغير شوية كيزان حرامية فإنهم في الغالب شقو وتعبوا شديد عشان يوفروا ليهم حياة كريمة لكنهم ما نصروا أخوتهم في دارفور كما ينبغي فنفس الزول الكتل ناس دارفور كان جيش كيزان ولا دعم سريع هو البقتل فيهم وبيشرد فيهم الآن
أستوعبنا الدرس؟؟؟ السودانيين جميعهم إخوة كالجسد الواحد إن إشتكي منه عضو تداعي باقي الجسم بالسهر والحمي بدون إستيعاب الحقيقة دي الأمور ما بتمش إستعمار حلايب بيهمني شديد ما بقول أنا مالي ومال حلايب ما الأحتل حلايب لو إنت سكت ليه بيحتلاك إنت في الخرطوم ولا مدني ولا سنار دي فكرة المواطنة والوطن والتكاتف والتعاضد ونصرة المظلوم من أبناء بلدك والدفاع عن أي شبر فيه
كيف يعنى طنشوها ……يعملو شنو يعنى فى ظل نظام كالانقاذ …..يعملو شنو يدينو يشجبوا يبلغوا المنظمات ………وحتى لو ما عملو اى شى يتعاقبو …… فى شى ما مريح عند بعض الناس شماتة ما معروفة تشفى ما معروف العلم عند الله
ما في عقاب يا أميرة في جريمة نفس الزول الكان بينهب في ناس دارفور بينهب فيك الآن دا ياهو شغله، رزقه في كلاشنكوفه نفس الطيران الكان بيقصف جبال النوبة بيقصف في الخرطوم الآن
في دعوة مشهورة ألهم لا تعاقبنا بما فعل السفهاء منا وفي زمن غابر قال المتنبئ وجرم جره سفهاء قوم فحل بغير جارمه العذاب سفهاء الكيزان والذين هم منا فعلوا فعائل في شعوب السودان المختلفة وللأسف ناس الخرطوم بدفعوا في تمن هذه الحرائم هل إنتي مقتنعة أنه لما الدعم السريع عمل جرائمه دي في دارفور إنتي والحواليك رفعتم صوتكم عاليا مستنكرين ؟؟؟؟؟؟ إن فعلتم فلا تثريب عليكم
المهم إنه بلدك وبيتك ترجعي ليهو معززرة مكرمة ولا منحة من أحد تقلعي حقك في الحياة قلع
كل كلام العقلاء والفيهم شىء لله ونظرتهم بعيدة ومستشرفة للمستقبل تحقق حرفيا امثال المغفور له باذن الله الشيخ محمد سيد حاج... واحيانا الحاصل من مآسي يبدوا انه كان اتفاقا او الحل الوحيد لمنع المليونيات... التي كانت تهز عرش الجبابرة
اكيد لو ما انا زول من الحولى نحن ما مؤيدين طيران ولا جيش الطيران ده بيهد بيوتنا وبقتل اهلنا ….لذلك قلنا اللصوص يمرقوا من البيوت يمشى يتحاربوا بعيد من سكن الناس ……الارواح عزيزة وغالية …..بعد عرفنا دى ثقافتهم تانى ما بنقول ليهم سرقتونا ليه
لو قلتي لحرامي وحرامي مسلح بدوشكا أطلع من بيتي وأمشي أسرق غادي غادي لو سمع كلامك وطلع تاني بجيك راجع بعد ما يخلص الغادي غادي الحل إنه نتوحد كلنا كبشر سودانيين ونوقف السرقة أيا كانت الوسيلة وأيا كانت الطريقة ما تحرس بيتك بس من الحرامية أحرس البلد كلها ليه نحن ندفع في ميزانية الأمن والدفاع أكثر من ٧٠ في المية ولا أمن ولا دفاع ودا كله ضرائب ندفعها وعلي حساب صحتنا وتعليمنا الكلهم ما بتجاوزوا الخمسة في مية من الميزانية حقو نحن كنجب متعلمة وعارفة نهتم أكثر ببلدنا وسياستها خاصة ونحن طالبين وفي طريقنا للديمقراطية كل الناس تشارك في كيف تدار البلد نتكلم عن الفساد متي رأيناه نساهم في إدارة بلدنا من أصعر لجنة حي وحتي البرلمان القومي