مطلوب رأيكم قبل إتخاذ خطوات قانونيــة

06:10 PM July, 26 2023

سودانيز اون لاين
Abureesh-
مكتبتى
رابط مختصر

كنت عضوا فى مجموعـة سودانية.. من جميع الوان الطيف.. لكن فى ثلاثة انفار عاملين حماة الدين والوطنيـة دائما
يلجأوا للإساءات بل الشتائم وحتى الدخول فى الأمور الشخصية للغايـة، والتى لا غلاقة لهم بها..
امس بدأ أحدهم يهدد.. أخرج فتوى انى مرتد وتابع لرجل ضال ومضل لذلك مرتد ويجب تنفيذ حكم الردة على.. هكذا
بكل هذا الوضوح والصراحة.. علما بأن هذا الرجل يعيش فى امريكا ولكنه يؤمن بعقيدة الولاء والبراء بتاعـة الوهابيـة
وداعش.. الان الموضوع اراه خطير للغاية، وإن لم ينفذ هو الحكم فربما شجع مهووس اخر وقام بتنفيذه.. تكلمت مع بعض الأخوة
السودانيين هنا فى نفس المدينـة ورأيهم ان أتركه.. هذا بعد أن عرضت عليهم فكرة مقاضاته.. دائما كتاباته تكفيرية وردة
ولكن اول يوم يتحدث عن تنفيذ حكم الردة على شخصى الضعيف..
ما زلت ارى مقاضاته لأنه لو بعد سنة أو سنين ارتكب جريمة السلطات ستأتى بكل كتـاباته وتوجهاته وطبعا الإنترنت لا يغادر
حرفا ولا كلمة..حتى لو حذفت.. سيأتون بكتاباته والصحافة ستقول كانت عنده مؤشرات التطرف ولكن لا احد كان يحتج
أو يرفع البيرق الأحمر (إنذار).

ما بالكم دام فضلكم.

ابو الريش تحياتي
مثل هؤلاء المهوسين لا يتورعون عن فعل اي شيء
واقترح ان تقدم شكوي للسلطات .

Quote: ويجب تنفيذ حكم الردة على.. هكذا

....

أخ أبوالريش
تحية
- الشخص لو ذكر حرفيا إنه يتوجب إنفاذ حدة الردة عليك فهذا تهديد واضح
بالقتل وإهدار الدم ـ لا لشي سوي أنك تحمل فكر وإجتهاد ديني أو مذهب مغائر له
هذا تهديد بالقتل ويمكن وببساطة أن يقوم هذا الشخص أو من يتأثر بحكمه وتهديده بقتلك ـ وتعريض حياتك للخطرـ التكفير المقرون بالتهديد بل الدعوة للقتل ـ هذا تفكير داعشي وإرهابي

ولكن يجب توضيح خطورة ـهذا الأمر وأبعاده القانونية والجنائية والقانونية
لهذا الشخص ـ والذي هو الآخر قد تكون له أسرة أو هو ضحية للهوس
وتخييره بسحب كلامه والإعتذار عنه ـ أو أنك ستكون مضطر ـللجوء للقانون
و FBi وخلافه
وبالمناسبة التهديد بالقتل أو الدعوة له بمرر أو الدين قال تظل تهديد ودعوة للقتل ـ شماعة الدين قال كدة أو الإحتجاج بنصوص دينية أو فهم قاصر لها
هو ترفعه داعش والقاعدة وكافة التيار الإرهابي فهم يقتلون بإسم الدين !

سلام ابوالريش مثل هؤلاء كثر بس يا ريت تنقل لينا تهديده لك هنا
تحياتي
ملحوظة:-
بس الايام دي ابعد شوية

أردمه طوالي
شوف محامي شاطر متخصص في التكفيريين والجماعات الارهابية ولحقو غنم زهرة
تباً لهؤلاء الضلالية
يحفظك الله من كل شر

القانون هو الفيصل و لا تهاون في مثل هذه الأمور التكفير و العنصرية و التهديد الشخصي تتعامل معه بالقانون مباشرة و بعد تثبت حقك يمكنك ان تعفي إن شئت و لكن هنالك الحق العام قد لا تتنازل الدولة عنه.
ألزم القانون و أحمي نفسك و حفظك الله من الهوس و المهوسيين.

إن شكوت فحقاً لك وإن عفوت ففضلاً منك ، أرى أن تطالبه أولاً بالإعتذار عن تهديده لك فإن فعل فجاهد نفسك وأعف عند المقدرة إن إستطعت تكن من الكاظمين الغيظ والعافين عن الناس

Quote: إن شكوت فحقاً لك وإن عفوت ففضلاً منك ، أرى أن تطالبه أولاً بالإعتذار عن تهديده لك فإن فعل فجاهد نفسك وأعف عند المقدرة إن إستطعت تكن من الكاتمين الغيظ والعافين عن الناس

,,,,,,,,,,,,


لغة القواميس دي شنو يامنتصر ؟
بقيت عالم علامة وحبر فهامة ـ
وفقيه نحرير وعالم لغوي ضليع
وحكيم ينثر درر الحكمة ومقاليد الموعظة ـ
وين اللغة الثورية والعصرية ؟

سأترك التقاضى لكن السلطات لازم يكون لها علم بتوجهات هذا الإرهابى النائم
يخافون السلطات ولا يخافون الله فى خلقه

Quote: كنت عضوا سأترك التقاضى لكن السلطات لازم يكون لها علم

يعني غادرت المجموعة... طبعا نحن لانعرف هؤلاء الناس وانت ادرى بهم
وانضممت اليهم بكامل حريتك وهل المجموعة مخالفة في محتواها للانظمة؟
ولا نعرف اذا كان حينفذ تهديده لك فعلا او مجرد تهديد هوائي زي شكل وتهديد
النت الفالصو. لكن من كلامك انت خايف او الشخص دا قدر يخوفك باهدار دمك

.

المجموعة يا احمد ما عندها اى علاقة.. ومثل اى مجموعة الناس تجى أفراد وليس
جماعات.. أنا قلت ثلاث اشخاص طيب المجموعة دخلها شنو..
انا لم اخرج بمرادى ولكن واحد من الاداريين شالنا الاتنين من باب الباب
البيجيب الريح.. وهو من اصدقائى. وقد عتبات عليه ..
بعدين يا احمد ليك وليومك.. الخوف دا مافى زول ورثنا ليه.. لا من ناحية الاب
لا من ناحية الام.. لم أكسبه فى حياتى.. أما محاربة الإرهاب
فهى مسؤولية كل فرد.. ونحن فى بلد ماممكن تأخذ القانون فى يدك
ولو سكت تعتبر متستر.. برضها جريمة.
اتوقع منك أن تدعم اى اتجاه لتوعية السودانيين فى بلاد الغرب
قبل كم سنة.. يمكن ٢٩ سنة.. فقدنا سودانيين فى نفس الولاية
بل فى نفس المدينة.. راحوا اونطة.. واحد مصرى جندهم يعملوا تفجيرات
قم لأنهم للحكومة.. الزول دا سينتهى لنفس المصير لو ما نبهوه.
انا كلكغته وتحملت أذاه اكتر من شهرين.. لكنه ذهب فى اتجاه خطير.

ابوالريش.. الخوف الانا قاصده ليس الجبن... انما التهديد بالارهاب
المتزمت دا من ناس ال(غلو) في الدين... يكفر اي مخالف لرايه وعايز ينهى حياته
مع انه عايش في مجتمع دينه هو القانون وليس في بلد عربي ممكن تمشي تهدد المخالف لك في
عقر داره وتشتمه... وتخوفه.. ومافي زول بسالك.
انا من رايي المتواضع لو انت متاكد ان الزول دا جادي في نهديده لك او هز عنده
الاستعداد والقابلية انه حيرتكب مصيبة ... طوالي احسمه اليوم قبل بكرة

Quote: انا من رايي المتواضع لو انت متاكد ان الزول دا جادي في نهديده لك او هز عنده الاستعداد والقابلية انه حيرتكب مصيبة ... طوالي احسمه اليوم قبل بكرة

يا استاذ أحمد التهديد بالقتل فى حد ذاته جريمـة يعاقب عليها القانون هنا.. كيف فاتت عليك دى؟ He's already committed a crime
والمشرع لم يجعل التهديد بالقتل جريمة عبثاً.. ممكن جدا لا يقصد فى الوقت المعين لكن لما يشوف مافى زول اعترض عليه ممكن ينفذ.. المهم
هذا رأى يحمله ومقتنع به وهذا مؤكد. ثم أيضا ممكن جدا واحد تانى يأخذ الفكرة ويكون أكثر قابلية واستعدادا للتنفيذ. التهديد أو الدعوة للقتل ما لعب.
بعدين التهديد الفارغ كما تعتقد فى الإنترنت فهذه مفاهيم سودانية.. العفوية.. لكن خلى امريكى يهدد اخر بالقتل على الإنترنت. لازم يتعلم احترام قوانين
البلد العايش فيها.. هنا الناس ما تأخذ الإحتمالات.. they don't take chances.. بعدين من باب انصر أخاك.. لازم تقرعه قبل ما يروح فيها زى الجماعة
اللى ذكرتهم.

اسمع كلامي، انا زول متمرس في المحاكم الامريكية او بكسب قضاياي!!

اهم حاجة التوثيق بما يكفي.

اتنين، نهاية اليوم ده سوداني، سوي العليك، اصلو عن طريق معارفو او ناقشو بي صورة مباشرة او شوف بقول شنو، او كده بتكون سويت العليك، او لو بي صورة مباشرة لسة بهدد، وقف اي شئ واقعد قصادو، بس خليك عارف ده ممكن يجر لي سنين لو هو في روحو بعرف، ناقش نظام المحاكم في امريكا.

الناقشين بعرفو كيف يكرو الموضوع سنين!!

سوي العليك او رضي ضميرك، لانو نهاية اليوم سوداني، حتي لو هو مافاهم كده، لايهم، المهم البرضي ضميرك.

والله ي بشاشه جبت المختصر المفيد سلمت يمينك يا اخي
بعدين الحاجه الممكن تكون فايته عليكم انو المنبر دا منبر عام وعدد عضويتو باهلو يكون متابع من سلطات اي بلد يكون فيهو عدد كبير من الاعضاء فشنو كلام ابو الريش دا انا متاكد في جهه بتوكون بدت تتاص منو وزمنهم عرفو الزول منو لكن م بتخذو اي اجرااات ضدو الا زول متضرر يفتح الموضوع انا فهمي زي فهمك دا ي كمال والزول دا يصلو ويناقشو لانو اكيد ح يضرر جدا من اتخاذ اجراات قانونيه ضدو

Quote: سوي العليك او رضي ضميرك، لانو نهاية اليوم سوداني، حتي لو هو مافاهم كده، لايهم، المهم البرضي ضميرك.

هلا بشاشــة..
الأن عرفت الزول ما سودانى.. إثيوبى.. وعندى فإنه لا يمثل الشعب الإثيوبى الجميل المسالم.. ممسوخ الوهابية عملوا ليه غسيل مخ. دائما ينقل
خطب شيوخ الوهابية.. نوع الشيوخ المحجبين ما تشوف منهم غير الوجه واليدين.. الواحد فيهم تلقاه لابس دايبر فوق رأسه ويوزع الفتاوى..
المهم صرفت النظر عن مقاضاته.. ولكن أجهز ملف ارسله
للسلطات المعنية ليتولوا امره بطريقتهم الخاصــة. السلطات أصحاب الحروف التلاتة.. وهو الملف بتاعه عندهم already اتطين.. على الأقل لن يضر
أحدا وهو فى هذه البلاد.

السَّلامُ عَلَيْكُم ورَحْمَةُ اللهِ وَبَرَكاتُهُ
في حاجة اسمها عدم التعرض
موجودة في القانون الاميركي
اعمل تسجيل