Post: #1
Title: توقف عن الكتابة
Author: أبوبكر عباس
Date: 07-25-2023, 05:49 AM
Parent: #0
05:49 AM July, 25 2023 سودانيز اون لاين
أبوبكر عباس-الإمارات
مكتبتى
رابط مختصر
البلد تنحدر نحو خطاب وممارسات عنصرية بغيضة،
سوف أتوقف عن الكتابة بالمنبر حتى لا أقع فريسة لمثل هذا الخطاب نتيجة الغضب وردود الأفعال.
|
Post: #2
Title: Re: توقف عن الكتابة
Author: محمد عبد الله الحسين
Date: 07-25-2023, 08:41 AM
Parent: #1
ليه كده يا أبوبكر يا مستنير
بالعكس وجودك ضروري...خاصة في المرحلة دي..
وبعدين انت راجل صدرك واسع ..وعندك مقدرة فائقة على امتصاص الصدمات( هينو زد واي) ههههههه
راجع موقفك
في انتظارك عزيزنا الغالي
**ما تخلينا برانا مع " بريمة" هههههههه
|
Post: #3
Title: Re: توقف عن الكتابة
Author: Biraima M Adam
Date: 07-25-2023, 08:53 AM
Parent: #2
Quote: **ما تخلينا برانا مع " بريمة" هههههههه
|
يا ول أبا د. محمد عبد الله، لو ول أبا المستنير مشي، أنا ذاتي أكون في طريقي لدق خروج من المنبر، أنتم الباقين ح تقطعوني إرباً إرباً ..
الله يستر ويستر جميع أبناء وطنا في كل مكان بلا فرز.
بريمة
|
Post: #4
Title: Re: توقف عن الكتابة
Author: محمد عبد الله الحسين
Date: 07-25-2023, 09:16 AM
Parent: #3
Quote: يا ول أبا د. محمد عبد الله، لو ول أبا المستنير مشي، أنا ذاتي أكون في طريقي لدق خروج من المنبر، أنتم الباقين ح تقطعوني إرباً إرباً ..
الله يستر ويستر جميع أبناء وطنا في كل مكان بلا فرز.بريمة |
.
لا لا يا ول أبا ( دي أغنية والا شنو؟) انت وجودك مهم في هذه المبارة( هلال مريخ)
مهم لأنك تمثل التعصب المستنير و " الهوية المتخفية" كما كتبت مرة ليندا جونسون "الهويات المتخفية"
فانت راجل لك عصبية ( ما قلنا حاجة) لكن بتحاول تجامل( ودي محمدة)..
المهم يا ول أبا دي مرحلة بايخة جدا من مراحل تطورنا الوطني... الناس محتاجة فيها تهدي اللعب..
هي مرحلة برز كل من مكوناتنا الاثنية والجهوية بوجهه الكالح( دون تجمّل) معبرين عن الطبيعة البشرية الخام
التي لم يحدث لها (تهذيب) او POLISH أو أن تبدو more sophisticated>
|
Post: #5
Title: Re: توقف عن الكتابة
Author: Hasheem Karouri
Date: 07-25-2023, 11:54 AM
Parent: #4
الاخ . كمال المحترم
وجودك معنا مهم لتوجيه البوصلة وتهديه الخواطر . وقلمك مبضع لشفاء الجراح .
جبر الله بخاطرك دوما ، ولا تتوقف اثناء المعركة ، الكثيرين هنا يحبو قلمك وحكمتك ،،،
تحياتي،،،،
|
Post: #6
Title: Re: توقف عن الكتابة
Author: حيدر حسن ميرغني
Date: 07-25-2023, 06:16 PM
Parent: #5
ولا على كيفك
طيب احكي ليك حاجة
مرة الكاتب المستنير ارثر كونان دويل- بتاع شخصية شرلوك هولمز- قرر التوقف عن الكتابة .. تخيَل القراء عملوا شنو .. عملوا مظاهرة عديييل ضد قراره .. مليونية بالقديم .. والله جد
ياخي لدرجة انه المجلة الكان بكتب فيها فقدت اشتراك 20 الف شخص في وقت وجيز ..
دي الحاجة البقولوا عليها ديكتاتورية القارئ.
وانت عارف الديكتاتورية عندنا غريزة  حد الموت
اها نحن المظاهرة قدها وقدود .. بس خلي البلد تنجم شوية .
هل شاورت معاوية الزبير وهاشم الحسن وبكري ود المأذون وأحمد التجاني ودينا خالد وبت الصادق المهدي؟
|
Post: #7
Title: Re: توقف عن الكتابة
Author: صديق مهدى على
Date: 07-25-2023, 06:37 PM
Parent: #6
كلام عقل
|
Post: #8
Title: Re: توقف عن الكتابة
Author: كمال عباس
Date: 07-25-2023, 06:38 PM
Parent: #6
| Quote: البلد تنحدر نحو خطاب وممارسات عنصرية بغيضة،سوف أتوقف عن الكتابة بالمنبر حتى لا أقع فريسة لمثل هذا الخطاب نتيجة الغضب وردود الأفعال. |
.............. طبعا خروج وعودة كالعادة ودا ما المهمـ
المهم إنو صاحبنا إستنارتو طلعت تايوني ـ ومضروبة ساي !
وين الخواض ؟
فا إنحدار البلد " نحو خطاب وممارسات عنصرية بغيضة " دا يتطلب تكثيف فاعلية الإستنارة ـ وإشعال لهيب التنوير فهذا هو الترياق المضاد لخطاب الممارسات العنصرية البغيضة و "تش" عين الظلام بالضوء"كما قال حميد ـ أشعل شمعة بدلا من لعن الظلام
الهروب من معارك التنوير ومحاربة القبح ـ طريق طويل وشاق ـ ودا وقت حوبتو ـ وحوجتو ـ الهروب من هذه المعارك هزيمة ورفع للراية مام جحافل الظلام والإستسلام
الهروب خوفا من الوقوع "فريسة لمثل هذا الخطاب نتيجة الغضب وردود الأفعال"دا تبرير واهي فحملة الإستنارة مفترض يكون لهم مناعة وقوة تحمل دا نظرياأما عمليا فالمستنير ـليس ملاكا ـ أو محصن ضد مؤثرات الرواسب الإجتماعية وردود الأفعال والمكبوت في العقل الباطن ـ لذا من المفترض أن يضبط نفسه ويصارع ذاته إختزالا للموروث السلبي وتطويرا لنفسه وأن ينتقد نفسه إن إنزلق وأخطأ ـ فالخوف من الوقوع لايجب أن يكون حائلا دون محاولة السير والمشي !......
|
Post: #9
Title: Re: توقف عن الكتابة
Author: حيدر حسن ميرغني
Date: 07-25-2023, 06:47 PM
Parent: #8
اها شوفت يا شعلة الوعي جبت الكلام لنفسك
كلام كيمو ده قمة الإستنارة ، ربما محاولة إستدراج لإبقائك في المنبر
ناس كيمو ديل طبعا بجيبوها ليك باللفة " لا تتوقف عن الكتابة "
|
Post: #10
Title: Re: توقف عن الكتابة
Author: Abureesh
Date: 07-25-2023, 07:33 PM
Parent: #9
Quote: البلد تنحدر نحو خطاب وممارسات عنصرية بغيضة،
|
طبعا السيد المستنير له كامل الحرية.. وحرية المغادرة او الانضمام مكفولة للجميـع حسب المادة الخامسة اتنين من الدستور.. وحسب التعديل الأول لدستور الأمريكى..
لكنه ما ورانا الإنحدار دا بدأ من متين!! بس خايف يكون ممن يؤمنون ان السودان هو الخرطوم
|
Post: #11
Title: Re: توقف عن الكتابة
Author: محمود الدقم
Date: 07-25-2023, 08:29 PM
Parent: #10
يا مستنير الانحطاط والعنصرية والشتائم موجودة داخل وخارج المنبر، دا قدرنا، لكن عليك ان تركز وتقاتل، اللون الابيض والراية البيضاء اقبرهم وللابد يا اخوي، واصلا وفصلا الاستنارة والدور الحقيقي للمثقف يستبين حيال اوقات مثل هذه
وانت شخص اكثر من مهذب خليك قاعد يا اخوي ودا ما وقت انت تتوقف عن الكتابة، بالعكس دا وقت انت تكتب حتي القلم والحرف يعرف حاجة، اكتب واعقد يا ابوبكر والعندو بخور بنشم.
|
Post: #12
Title: Re: توقف عن الكتابة
Author: Hasheem Karouri
Date: 07-25-2023, 08:47 PM
Parent: #5
عفوا . الاخ . ابوبكر عباس ، عندي مشكلة في الفرز بينكم . وانتم الاثنان تنطبق عليكم مداخلتي الاولي .
وجودكم الاثنان هنا مهم لراب صدع الوطن ،،،،
لكم التحيه ،،،،
|
Post: #13
Title: Re: توقف عن الكتابة
Author: osama elkhawad
Date: 07-26-2023, 05:16 AM
Parent: #12
Quote: المهم إنو صاحبنا إستنارتو طلعت تايوني ـ ومضروبة ساي !
وين الخواض ؟ |
ما هو الدليل الدامغ على ان المستنير لا يمارس عادته في "ابتذال" كل شيئ؟
ربما انه يمزح كعادته.
|
Post: #14
Title: Re: توقف عن الكتابة
Author: mustafa mudathir
Date: 07-26-2023, 05:22 AM
Parent: #1
لا وحبك!
|
Post: #15
Title: Re: توقف عن الكتابة
Author: osama elkhawad
Date: 07-26-2023, 05:30 AM
Parent: #14
هذا تعليق ذكي.
ليه؟
لانه حسب زعمي الضعيف "خاطف لونين"..
لو كان المستنير جادا، فهو يليق بموقفه الجاد.
وإن كان يمزح، فأيضا هنالك مساحة معقولة لان يكون ملائما للهزل.
ولا ننسى أن هنالك فريقاً ثالثاً "معتزلي" هههه
يعتقد هذا الفريق ان المستنير "درويش".
ونحن -مثلا في هذا البوست- "دراويش" نتحلّق حوله ،
بكامل أناقتنا العقلية.
|
Post: #16
Title: Re: توقف عن الكتابة
Author: HAIDER ALZAIN
Date: 07-26-2023, 05:40 AM
Parent: #15
Quote: الاخ . كمال المحترم
وجودك معنا مهم لتوجيه البوصلة وتهديه الخواطر . وقلمك مبضع لشفاء الجراح . |
ههههههههههههههه
التعليق دا براهو يكفي انك فعلاً تحرد وما ترجع مرة تانيـة..
والذيذة كاتب المجاملة اللطيفة رجع بعد اكتشاف غلطته ولم يعدل الاسم بل اصرّ على روح المجاملة..
المهم ... انت من زمان كرور وماعندك كلمة
لكن لو رجعت بعد دا تبقى بالاضافة لما سبق زول " ربوب ساي " من طينة ياسر عرمان
|
Post: #17
Title: Re: توقف عن الكتابة
Author: muntasir
Date: 07-26-2023, 05:44 AM
Parent: #15
المشكلة الزنديق ما بيقدر بس بيدور بينا ب ( قلت أرحل ) بذكرني زمان لمن كنت أحرد العشاء ونفسي يحنسوني😅
|
Post: #18
Title: Re: توقف عن الكتابة
Author: Hasheem Karouri
Date: 07-26-2023, 06:46 AM
Parent: #17
Quote: التعليق دا براهو يكفي انك فعلاً تحرد وما ترجع مرة تانيـة..
والذيذة كاتب المجاملة اللطيفة رجع بعد اكتشاف غلطته ولم يعدل الاسم بل اصرّ على روح المجاملة.. |
حيدر الزين كلامك ده انا مافهمتوا مزيد من الشرح لو سمحت ؟
|
Post: #19
Title: Re: توقف عن الكتابة
Author: Ahmed Yassin
Date: 07-26-2023, 07:05 AM
Parent: #18
هو الحيتوقف عن الكتابة منو من اولاد عباس؟
كمال سياسة ولا بكري استنارة؟
المهم جدا شايف الخواض حزين و ما قادر يتمالك نفسه
|
Post: #20
Title: Re: توقف عن الكتابة
Author: كمال عباس
Date: 07-26-2023, 01:02 PM
Parent: #19
Quote: هو الحيتوقف عن الكتابة منو من اولاد عباس؟
كمال سياسة ولا بكري استنارة؟
المهم جدا شايف الخواض حزين و ما قادر يتمالك نفسه |
...........
اللي حايتوقف عن الكتابة هو أبوبكر عباس
المستنيرـ وهو وصف إحتكره لنفسه وأصبح له إسما لم ولن ننازعه فيه
وإي خلط بين الأسماء ـ ينتج عنه سحب لقب المستنير ـعنه ولصقه بي أنا غير مسئوول عنه ـ ولم أحرض عليه
خروج أبوبكر ـ بشاشا كسح ـ دي يمكن عدد مراته فاقت العشرة مرات
وهذه المرة لن تكون الأخيرة ـ بس اليبقي قدر إستنارتو ـ ويركز
يا أخ شيخ الأمين وحواريه ركزو وثبتو في مسيدهموسط الموت والرصاص ـ وهم من وصفو بالنعومة
والترفه ـ يجي أبوبكر يفز ويشرد وقت الحوبة والحوجة ـ!
|
Post: #21
Title: Re: توقف عن الكتابة
Author: osama elkhawad
Date: 07-26-2023, 03:47 PM
Parent: #20
نتمنى لابي بكر اقامة سعيدة خارج الكتابة.
المهم أن يعود لنا بقناع واحد.
اما حديث كمال التالي:
| Quote: المستنيرـ وهو وصف إحتكره لنفسه وأصبح له إسما لم ولن ننازعه فيه |
فتنقصه الدقة..
هو "اختلسه" من صاحبه الأصلي.
وفي ظني ان ترنّحه في بوست "إنسان الرجالة" هو السبب الرئيس لتوقفه عن الكتابة.
هو حريص جدا على صورته وسط الأدباء والكتّاب والمثقفين.
|
Post: #22
Title: Re: توقف عن الكتابة
Author: طلحة عبدالله
Date: 07-26-2023, 04:49 PM
Parent: #21
مساء الخير
عزيزي المستنير
العايز يمشى ما بقول عايز يمشي
قديت أم البورد قد بحركاتك الطفولية دي
كل مرة أنا عايز أمشي وأنا عايز كوكا كولا
رجاء امشي فكني أنا ومعاي آخرون خخخخ
مع كل الاحترام والتقدير
......
غايتو كان انا سيد الحوش دا بقفل الباب منك
بي دشليون مليون ترباس وقفل خخخخخ
|
Post: #23
Title: Re: توقف عن الكتابة
Author: Ahmed Yassin
Date: 07-26-2023, 09:01 PM
Parent: #22
كيمو
Quote: دي يمكن عدد مراته فاقت العشرة مرات
وهذه المرة لن تكون الأخيرة |
الانا حاسبهم ومتاكد منهم ٨ مرات بس
بالمناسبة المستنير دا في ناس كتار ما فاهمنوا...
والشرح يطول في سبر غور هذا الذي يخلط الجد بالهزل
ويكتب بكل عفوية...باسلوب اخفاء الظاهر وتاكيد الفعل بالمصدر
|
Post: #24
Title: Re: توقف عن الكتابة
Author: كمال عباس
Date: 07-26-2023, 09:12 PM
Parent: #23
Quote: الانا حاسبهم ومتاكد منهم ٨ مرات بس
بالمناسبة المستنير دا في ناس كتار ما فاهمنوا...
والشرح يطول في سبر غور هذا الذي يخلط الجد بالهزل
ويكتب بكل عفوية...باسلوب اخفاء الظاهر وتاكيد الفعل بالمصدر |
,,,,,,,,,
كدي اليبقي قدر الإستنارة ويركز ـ مش يعرد لأنو الضلام عم وطغي وصوت الإستنارة قد خفت ! شرد وقت الحوبة والحوجة ـ ـ ـ ـ دا مستنير شنو ؟
معقول يعرد ويخلي الساحة للايفاتية ومبارك المهدي وأردول وعسكوري وعقار
وياسر العطا ـ وكرتي ودقلو أخوان؟
|
Post: #25
Title: Re: توقف عن الكتابة
Author: حيدر حسن ميرغني
Date: 07-26-2023, 09:27 PM
Parent: #24
| Quote: كدي اليبقي قدر الإستنارة ويركز |
فعلا يا كمال ..
ما جدوى الكتابة ( الاستنارة) لو ما تشَ عين الضلام بالضوء
|
Post: #26
Title: Re: توقف عن الكتابة
Author: Ahmed Yassin
Date: 07-26-2023, 10:09 PM
Parent: #25
Quote: شرد وقت الحوبة والحوجة ـ ـ ـ ـ دا مستنير شنو ؟
معقول يعرد ويخلي الساحة للايفاتية ومبارك المهدي وأردول
وعسكوري وعقار و ياسر العطا ـ وكرتي ودقلو أخوان؟ |
في دي تعداك العيب
بالفعل طالما المستنير وضع نفسه او تم وضعه مع كبار الادباء ومن
المؤثرين في الحياة الثقافية والادبية دا هو وقت الحوبة والحوجة..
|
Post: #27
Title: Re: توقف عن الكتابة
Author: osama elkhawad
Date: 07-27-2023, 00:06 AM
Parent: #26
| Quote: ما جدوى الكتابة ( الاستنارة) لو ما تشَ عين الضلام بالضوء |
يا حيدر انت مصدق ان المستنير فعلا مستنير؟
هو اولا:
أخذ اللقب "خلسة" ،
عشان ما نقول بالواضح .........
ثانيا:
ابتذل حتى الاستنارة نفسها بأن يقول مثلا الليلة مركب لمبتين او ثلاث لمبات.
والكورس وراهو يضحك كخلفية مهمة،
لإكمال مشهد "الابتذال" الجماعي على عينك يا تاجر.
ليس بعد الكفر ذنب.
تخريمة:
أعجبتني دقة وصف احمد يس:
Quote: طالما المستنير وضع نفسه
او
تم وضعه مع كبار الادباء |
|
Post: #28
Title: Re: توقف عن الكتابة
Author: HAIDER ALZAIN
Date: 07-27-2023, 09:23 AM
Parent: #18
| Quote: حيدر الزين كلامك ده انا مافهمتوا مزيد من الشرح لو سمحت ؟ |
علامة الإستفهام الفي نهاية جملتك دي شنو ؟؟!
المهم إختصاراً كدة :
أبيييييييت لن اشرح..
|
Post: #29
Title: Re: توقف عن الكتابة
Author: كمال عباس
Date: 08-02-2023, 12:44 PM
Parent: #28
......
|
Post: #30
Title: Re: توقف عن الكتابة
Author: osama elkhawad
Date: 08-02-2023, 03:47 PM
Parent: #29
يا كمال المتوقف عن الكتابة،
توقف اربعة ايام فقط!!!
ما الجديد لكي يعود؟
كما قلت لكم هو يمزح.
ويبتذل حتى مزاحه.
شوف احمد ياسين رصد مرات خروجه:
Quote: الانا حاسبهم ومتاكد منهم ٨ مرات بس
|
لكنه يقترح -ضمنياً -ضرورة شارح أكبر للمستنير "غير المفهوم":
Quote: بالمناسبة المستنير دا في ناس كتار ما فاهمنوا...
والشرح يطول في سبر غور هذا الذي يخلط الجد بالهزل |
فمن يا ترى،
سيكون "الشارح الأكبر للمستنير"؟
|
Post: #31
Title: Re: توقف عن الكتابة
Author: أبوبكر عباس
Date: 08-02-2023, 03:51 PM
Parent: #30
يا خواض، حركات فك الحصار الفراضو عليك الناقد المسرحي محمد سيد أحمد ما بتمشي فيني!
لن تخرج من البدروم إلا للمقابر أو المحكمة.
|
Post: #32
Title: Re: توقف عن الكتابة
Author: كمال عباس
Date: 08-02-2023, 04:08 PM
Parent: #30
سلام يا خواض
أنا عارف إنسحابو هبوب ساي وهو ماقاصدو
بس صراحة أنا لقيت فيهو فرصة ـ ومافوتها ـ لأنو هو لو لقي فيني فرصة زي
دي كان أقام علي الحد بلاإستتابة ولامراجعة ـ !
يعني أنا كنت صاحب أجندة خفية !
|
Post: #33
Title: Re: توقف عن الكتابة
Author: حيدر حسن ميرغني
Date: 08-02-2023, 04:31 PM
Parent: #32
المستنير كلفني بالرد عليكم
قال ما فاضي ليكم لانكم عنقالة وفاقدي موهبة وبتاعين ضنب ككو
لن يعود .
|
Post: #34
Title: Re: توقف عن الكتابة
Author: osama elkhawad
Date: 08-02-2023, 05:09 PM
Parent: #33
اهلا حيدر
إيه رأيك تبقى "الشارح الأكبر للمستنير"؟
ينوبك ثواب..."ثقافي" ههههههه
|
Post: #35
Title: Re: توقف عن الكتابة
Author: حيدر حسن ميرغني
Date: 08-02-2023, 06:18 PM
انا اصلا من زمان شارح ومدير أعماله الابداعية في الفيس بوك وسودانيات والمواقع الادبية العريقة
سيم سيم الزوزني شارح المعلقات السبع
تماشياً مع استشاراتي ،المعلم بعتبر الحوش ده مجرد نزهة مثل تمضية وقت في استاربكس مع اصحابه
قريباً ستصدر مجموعة اعماله بتقديم رهيب من اديب كبير
لوكو الصبر بس
|
Post: #36
Title: Re: توقف عن الكتابة
Author: كمال عباس
Date: 08-02-2023, 06:43 PM
Parent: #35
تاني. "بشاشا". قام كسح؟
بشاشا = تقرا. المستنير
|
Post: #37
Title: Re: توقف عن الكتابة
Author: osama elkhawad
Date: 08-02-2023, 09:54 PM
Parent: #36
اهلا بحيدر مدير اعمال الدرويش*.
ليه قلنا الدرويش؟
لان مثل هذا "التأويل" سيعفينا من اختيار "شارح أكبر".....
يعني الدرويش "غير مؤاخذ" على ما يفعله.
*يُراجع بهذا الخصوص راي الاستاذ:
عمر عبدالله.
|
|