ديل منو البتفاوضوا باسم السودانيين في توغو؟ غايتو عرفت اثنين

04:58 AM July, 24 2023

سودانيز اون لاين
بكرى ابوبكر-Peoria Arizona USA
مكتبتى
رابط مختصر

سلام و احترام للجميع
ادناه فيديو لمفاوضات السودانيين بدولة توغو....التي انعقد اليوم و التي خاطبها وزير خارجية توغو ...و الله يا اخونا غير زميلنا ابنوس اقصد عزت الماهري و نصر الدين عبد الباري ما عرفت زول يا ربي اكون عميت و لا الزهايمر ضربني
يا ريت لو عرفت زول من المفاوضين اكتب لينا اسمو ...و ليه توغو؟

يا الزول السودان كل طلع يفاوض ، وكل واحد فيهم عامل سيد بلد ، اليوم في توغو وبكرة
في جزر القمر وبعد بكرة في بنقلاديش ، بقينا ملطشة

تحياتي اخوي بكري
مين ديل اكيد سودانيين بغض النظر عن اسمائهم يهمنا ما طرحوه في توغو نرجو ان يطلعونا علي النتائج لنقيم
ليه توغو
يبدو ان الحكومة تدول قضايا الوطن عربياً استهبالاً والطرف الاخر يدول القضايا افريقياً استعباطاً
كنا نري في كل زيارة يقوم بها الطرف الاخر افريقياً تقوم الحكومة بارسال عقار لتكذيب ما يقوله الوفد الاخر لان عقار صاحب عرق افريقي ايضاً
كل اطراف الازمات السودانية المتلاحقة لا جدية لهم في حل قضايانا بل هو مجرد استهبال لأجل المكاسب الضيقة علي حساب الوطن
لا امل في هؤلاء ولا اولئك لأن قضايا الوطن الحيوية ليست من ضمن اولوياتهم بل الأمر كله اجندات حزبية ضيقة ومكاسب شخصية وقبلية
الاثنان لهم القدح المعلي في اعلاء صوت العنصرية واحياء التخلف والجهل والفقر

ما يعقد في توغو
ليس مفاوضات
هي جلسات تقدم فيها اوراق عن دارفور

توغو دي بالمناسبة رغم بعدها الا انها من خطوط امداد الدعم السريع
وحميدتي قبل ما يتمرد فتح فيها معسكرين تحت سمع وبصر ومباركة الحكومة التوغية
وخرج منها مستجدين غير سودانيين تمت سودنة بعضهم ،
ولذا فليس غريبا ان تكون زيارات هوانات "قحت وحميدتي" الأخيرة
تركز على حلفاء الدعم السريع في أوغندا وكينيا واثيوبيا والنطيحة والمتردية