الدعم السريع يوزع مساعدات غذائية في أبو سعد .. علي مرأي ومسمع سلاح المهندسين!

04:02 PM July, 23 2023

سودانيز اون لاين
Biraima M Adam-أمريكا الشمالية
مكتبتى
رابط مختصر

وللذين لا يعرفون المنطقة:
يفصل ما بين سلاح المهندسين .. وأبو سعد .. شارع بس .. هو شارع الأربعين. المنطقة التى توزع فيها الأغاثة لا تتعدي 15 دقيقة .. مشي مريح بالأقدام حتى رئاسة سلاح المهندسين .. ما الذي يجعل الفريق أول أركان حرب ياسر العطا ينظر للحدث بعين الصمت والزغاريد في عقر حوشه؟!



بريمة

يكونوا عشمانين في المساعدات دي .. اصلوا ده طبعهم

ول أبا حيدر

Quote: يكونوا عشمانين في المساعدات دي .. اصلوا ده طبعهم

الموضوع أكبر من كده، معقولة لا توجد أي نقاط إرتكاز تمنع مرور قوات الدعم السريع .. إلي منطقة أب سعد، القريبة جداً من المهندسين؟ .. دا يعنى أن الجيش قاعد داخل سور المهندسين بس!

بريمة

شكرا الحبيب بريمة ناس حيدر ديل عايزين فهامة اي انسان داخل السودان بقول كل الارتكازات دعم سريع وخير دليل فيديوك هذا

يا صديق والله اني ارثى لحالك وقصور فهمك
انت هسه فهمت شنو من مداخلتي دي .
ما كفاك عوارتك في بوست ابو الريش مؤخراً
اجيبو ليك هنا؟

شفتا ده الكلام المابنفع زاتو !!
اولا: هل رايت في حياتك مساعدات توزع ومن يوزعها يحمل السلاح ؟
ثانيا : هذا المقطع لم يصور اليوم ولا امس ولاقبله . قد يكون في الاسبوع الماضي والله اعلم
ثالثا : هذه المنطقة ليست ابوسعد ، ولا حتي مدينة المهندسين اللصيقة بسلاح المهندسين .
هذه المنطقة اسمها " مدينة النخيل " في محليه امبدة ، دار السلام . وتبعد هذه المنطقة عن سلاح المهندسين
حوالي ٩ الي ١٠ كلم . عبر طريق اسمه " ليبيا بالخلاء ". يبدأ هذا الطريق من صينية المنصورة متجه غربا ، مرورا
بمنطقة " كرور "😁 فعلا اسمها كده المنطقة وبها سوق كبير اسمه " سوق كرور "، يستمر هذا الطريق غربا حتي دار السلام " وعلي فكرة من دار السلام ومتجه غربا توجد كثافة سكانية كبيرة جدا ، وهي مجموعة مرابيع . ذات مساحات كبيرة جدا ، تقريبا هذه المناطق تعادل اكثر من نصف مدينة امدرمان .( استعن بالتقنيه وستعرف المساحات الكبيرة جدا وسكانها ) .
رابعا : مجمع الصحابة الاسلامي الظاهر في المقطع، وقسم شرطة النخيل القريب منه ، يعتبر تمركز لقوات المرتزقة ، كانوا في السابق يخيمون فيه بصورة دائمة ، لكن بعد القصف المركز في الايام الاخيرة ، اخفو عرباتهم القتالية ، واصبحوا متجولين بالمواتر ،والركشات ، وعربات المواطنين ( الجيش لديه علم بذلك ) .
..........

لا اعتب عليك خصوصا انك " مقرر الرابطة " ، لكن علي الاقل ياخ استعن بخرائط غوغل وقس المسافه بين دار السلام وسلاح المهندسين . سوف تفتح علي نفسك جبهه في الفاضي اذا كان معنا هنا احد سكان ابوسعد او الفتيحاب .
اخيرا . تحري الدقة . فنحن هاهنا قاعدون ،،

تحياتي،،،،

الدعم السريع: يسرقوا باليمين ويوزعوا مساعدات بالشمال
يعني
يفلقوا ويداوا

Quote: الدعم السريع: يسرقوا باليمين ويوزعوا مساعدات بالشمال يعني يفلقوا ويداوا

اتخيل بالله ياناصر !!
طبعا الحاجات البوزعوا فيها دي اكيد سارقينها من احد دكاكين الاجمالي . ياخ ديل ماخلوا دكان ولا مصنع مانهبوا .
الخرفان نهبوها من اصحابها ، وعملوا " شو " ، نفس القصه دي وصوروها بوزعوا للناس في الخرفان .
الناس ديل ناس وهم بطريقة عجيبة خلاص . الله يفكنا منهم .
وانشاء الله قريب بأذن الله ،،،،

.............

بريمة وين انتا لهسي قاعد تقيس في المسافة بين دار السلامات والمهندسين ؟
غايتوا انا قاعد حارسك ،،،،

ول أبا هاشم كاروري

سلامات .. راجعت مداخلتك ووجدت الخطأ الذي وقع فيه شخصي .. وأنت تكون رأيته ولم تصححه لكي تصطاد؟ .. دا شنو يا ول أبا لا تصطاد في الأخطاء غير المقصوده
أنظر، ماذا قال شخصي في أول مداخلة:

Quote: يفصل ما بين سلاح المهندسين .. وأبو سعد .. شارع بس .. هو شارع الأربعين.

لطول غيابي تبدي لي أن شارع الأربعين يفصل بين المهندسين وأبو سعد .. في حقيقة الأمر شارع الأربعين هو الذي يمر بجوار قصر الشباب والرياضه سابقاً (لا أدري إن كان لا زال موجوداً أو لا) ..
وبكده يكون شارع الأربعين يفصل ما بين المهندسين وبانت من الناحية الشمالية للمهندسين .. أما أبو سعد يقع في الجانب الجنوبي من سلاح المهندسين ويفصل بيهما شارع كبري الفتيحاب .. كما أني لاحظت أبو سعد مربع 18 في عنوان الفيديو ..

أنت محق ..

بريمة

Quote: سلامات .. راجعت مداخلتك ووجدت الخطأ الذي وقع فيه شخصي .. وأنت تكون رأيته ولم تصححه لكي تصطاد؟ .. دا شنو يا ول أبا لا تصطاد في الأخطاء غير المقصوده أنظر، ماذا قال شخصي في أول مداخلة: Quote: يفصل ما بين سلاح المهندسين .. وأبو سعد .. شارع بس .. هو شارع الأربعين. لطول غيابي تبدي لي أن شارع الأربعين يفصل بين المهندسين وأبو سعد .. في حقيقة الأمر شارع الأربعين هو الذي يمر بجوار قصر الشباب والرياضه سابقاً (لا أدري إن كان لا زال موجوداً أو لا) .. وبكده يكون شارع الأربعين يفصل ما بين المهندسين وبانت من الناحية الشمالية للمهندسين .. أما أبو سعد يقع في الجانب الجنوبي من سلاح المهندسين ويفصل بيهما شارع كبري الفتيحاب .. كما أني لاحظت أبو سعد مربع 18 في عنوان الفيديو .. أنت محق ..

وين انت يا اخونا . شفقتنا عليك !!
انا قاعد حارسك من امبارح ياخ .
بعدين ياخ عيب عليك ، توجد هنا " رابطة " ، وانت من المؤسسين المخضرمين .
هسي نعمل ليك شنو يعني ؟
ماحلوة نخت صورتك ، وانت في كامل اناقتك ومع كباية الشاي ، وطاقية الكابوي ، تكون موجودة في بوست اخونا عارف ، وانت ماسك البتاع داك " الضنب يعني عشان ماتمشي بعيد "
.......

علي اي حال ،،
اولا انا ما من النوع البتصيد اخطأ الاخرين " فكل نفس بما كسبت رهينه "
ثانيا : انتا ممكن تتكلم في اي حته او اي مدينة في السودان ، ماعدا .. امدرمان دي . لانو انا حافظها زقاق زقاق .
ثالثا : البفصل بين ابوسعد او الفتيحاب وسلاح المهندسين ليس شارع الاربعين ( تم تغير اسمه لشارع الشهيد عبد العظيم ) للمعلوميه .
بين ابوسعد والمهندسين شارع " الكبري" كبري الفتيحاب او كبري الانقاذ كلو ماشي .
الشارع ده وانت متجه غربا ، بوصلك حتي مدينة " بارا " " اعتقد " طوله حوالي ٧٠ كلم قد يزيد او ينقص حسب الاتجاه المتوجه اليه .
اما الشارع الذي يمر امام السلاح الطبي وقصر الشباب ومتجه شمالا . فاسمه شارع الموردة .
رابعا : قلت ابوسعد مربع ١٨ . انت قد لاتصدق كيف امتدت الرقعه السكنية ، في تلك المناطق . قلت لك سابقا . من صينية المنصورة وانت متجه غربا ، توجد " مدن " بالمعني الحرفي لكلمة مدن . توجد اسواق واقسام شرطة ومستشفيات ، وكثافة سكانية كبيرة جدا تقدر بملايين الاشخاص ، وعده " محليات " في تلك المناطق .
هل تصدق اذا قلت لك انها اقرب لكردفان من للخرطوم ؟
......

اهو ياسيد بريمة اديناك معلومات مجانية ، مطلوب في المقابل ، تحري الدقة في النقل ، وعدم سكب مزيد من البنزين في النار المشتعلة حاليا ، فالخاسر الاكبر هو السودان ، وليس الخرطوم فحسب ،،،،