آخر خبر يبدأ بـ "لا حول ولا قوة" من الجداد الكيزاني ( مقتل 4500 كلب بوليسي ) في بري

01:48 PM July, 20 2023

سودانيز اون لاين
يحي قباني-فى الدنيا العجيبة
مكتبتى
رابط مختصر

الخبر الحايم:
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ــ"لا حول ولا قوة الا بالله
ضمن سلسلة جرائم الجنجويد الانتقامية وتدميرها لمقدرات البلاد تم تأكيد مقتل اكثر من ٤٥٠٠ كلب بوليسي بإدارة الكلاب الشرطية التابعة للأدلة الجنائية ببري رمياً بالرصاص قبل اكثر من شهرين حتي تحللت جثثها داخل الاقفاص.
الجدير بالذكر أن هذه الكلاب من سلالات نادرة جرى العمل علي تهجينها وتدريبها منذ حقبة ماقبل الإستقلال لتتوائم مع بيئة البلاد وتم تدريبها علي عدة مهام شرطية وفق تخصصيه واحترافية عالية(تعقب الاثر _ كشف المتفجرات _كشف المخدرات _...).
اللهم لطفك بحالنا"
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
4500 !!!

فرنسا فيها 600 كلب بوليسي
اسبانيا فيها 450 كلب بوليسي

الاهم .. كل الكلاب البوليسية تعيش مع مدربها ليل و نهار في كل دول العالم ..

هنا قال ليك في اقفاص !!

طيب لو اعتبرنا دي كلاب (بوليصية) و كل كلب في قفص ( لانه بوليصي) ..

ادارة الكلاب البوليسية في بري دي قدر شنو اصلها شان يكون فيها 4500 قفص !!

بعدين دي الحالة عندنا 4500 كلب متخصصين في تعقب الاثر _ كشف المتفجرات _كشف المخدرات
سمح لو ما كنا عندنا كان بقينا وين في موضوع المخدرات و العصابات و كده ..

يلا .. القصة بقت عااااامة ..

غايتو انا لمن كنت في الكلية في بري كان جيراننا بالسلك الكلاب البوليسية لحدي ما اتخرجت ما كانو تامين ١٥ إلا يكون عشروهم الكيزان 😅😅

سلام يا يحي
قول ٤٥٠٠ كلب ابن كلب
كانوا قاعدين يأكلوها من وين.. وطبعا الكلب( البوليصي) عنده اكل خاص
عشان يقص الاتر تمام ويشم صاح
انا بتذكر قريبي وهو صديق عزيز كان شغال في سودانير لمن كانت سودانير
قبل ما يبيعوا الخط ..قال لي .. الالمان اهدوا للسودان حوالي ١٢ كلب بوليصي
وصلت الخرطوم استلموها وختوها في المخزن عشان الاستلام .. ماتت من الحر

Quote: غايتو انا لمن كنت في الكلية في بري كان جيراننا بالسلك الكلاب البوليسية لحدي ما اتخرجت ما كانو تامين ١٥ إلا يكون عشروهم الكيزان 😅😅

ههههههههه

يعني يا منتصر لو ال ١٥ ديل (نقول ١٦ عشان الحساب) عدوها كل ضكر معاهو انتاية في ٢٢٥٠ قفص و بقو ما عندهم اي شغله غير انهم يدونا سلالات نادره
في رايك مفروض نكون وصلنا ٤٥٠٠ و لا الكيزان زي ما قلت استعانو بصديق و لا الكلاب ذاتهم كيزان !!

يا ريت التمر يا ريت لو يشيل كل تلات أشُرْ 😅

Quote: الجدير بالذكر أن هذه الكلاب من سلالات نادرة جرى العمل علي تهجينها وتدريبها منذ حقبة ماقبل الإستقلال لتتوائم مع بيئة البلاد وتم تدريبها علي عدة مهام شرطية وفق تخصصيه واحترافية عالية

4500 و سلالات نادرة ..

الجدير بالذكر قال ليك !!!

هم البوليس نفسه نسو يدربوهو باحترافية .. خخخخخخخخخخخخخخ

Quote: سلام يا يحي قول ٤٥٠٠ كلب ابن كلب كانوا قاعدين يأكلوها من وين.. وطبعا الكلب( البوليصي) عنده اكل خاص عشان يقص الاتر تمام ويشم صاح انا بتذكر قريبي وهو صديق عزيز كان شغال في سودانير لمن كانت سودانير قبل ما يبيعوا الخط ..قال لي .. الالمان اهدوا للسودان حوالي ١٢ كلب بوليصي وصلت الخرطوم استلموها وختوها في المخزن عشان الاستلام .. ماتت من الحر

استخفاف بعقول الناس يا فنان ..

بني كوز ما عندهم اختشا ..

ياخ عساكرهم لابسين سفنجات ..
تقول لي ٤٥٠٠ كلب

بعدين قال ليك "الجدير بالذكر " من السلالات النادره !!
الكلاب البوليسية دي مافي اي شي فيها نادر
مجرد كلاب من سلالة الجيرمان شيبرد و بيتم تدريبهم ..

بعدين عاين استدراج العواطف .. قال ليك منذ فترة ما قبل الاستقلال .. يعني قبل ما السودان يبقى زي النجيلة 😉

يا هندسة

Quote: بني كوز ما عندهم اختشا .. ياخ عساكرهم لابسين سفنجات .. تقول لي ٤٥٠٠ كلب

في مطار الخرطوم .. الكباتن كان بشتكوا من الطيور.. وخطورتها.. ولتفادي الحوادث
اجتمعت ادارة الكيران المدني وعلى رأسها طبعا كوز بني كوز وذو نسب في الكوزنة عريق
وبعد اجتماعات مطولة داخليا وخارجيا في الفندق الكبير والصغير..مع الجهات الامنية
والغير امتية ومع منظمات كيزانية متقدمة وبعد نقاشات مطولة وتجاذبات خرجوا ب(مخرجات)
الاجتماعات والقمم المنعقدة تفتق ذهنهم الوقاد .. تخيل يا يحي عملوا شنوا لمكافحة الطير دا:
مشوا جابوا واحد عسكري بوليس اسمه(عباس) متخصص في قتل الكلاب الضالة مع انه(كل الكلاب السودانية ضالة مضلة)
جابوهو بى بندقيته منتدب في المطار... وبنوا ليهو كشك موازي للمدرج.... على اساس انه يراقب الجو
اي طيرة تجي طايرة لازم (يسقطها) ببندقيتو...مرات مان موظغي المطار بنبهوهو..بخوف: . عباس طيرة طيرة
ومرات الناس المغادرة او القادمون في طريقهم من والى الطائرة يسمعوا ليك.... طاخ طيخ... وتعال شوف الهلع

عددهم ده تقريبا اكثر من عدد البوليس زاتهم.

Quote: مشوا جابوا واحد عسكري بوليس اسمه(عباس) متخصص في قتل الكلاب الضالة مع انه(كل الكلاب السودانية ضالة مضلة) جابوهو بى بندقيته منتدب في المطار... وبنوا ليهو كشك موازي للمدرج.... على اساس انه يراقب الجو اي طيرة تجي طايرة لازم (يسقطها) ببندقيتو...مرات مان موظغي المطار بنبهوهو..بخوف: . عباس طيرة طيرة ومرات الناس المغادرة او القادمون في طريقهم من والى الطائرة يسمعوا ليك.... طاخ طيخ... وتعال شوف الهلع

ههههههههههههههه

لو اي بوليس في بري عرس كلبة بلدو 4500كلب بوليسي وبيس في الامر عجب
دي كانت نكتة في السبعينات لو في بوليس عرس كلبة بلدو شنو ؟؟؟

Quote: و لا الكلاب ذاتهم كيزان !!

غايتو يا يحي وجهت إساءة بالغة للكلاب بدون قصد طبعا
وأنت من من شهد الحب والوفاء والإخلاص عند الكلاب
وبدر الأمير ممكن يشهد عليك 😅

Quote: كل تلات أشُرْ 😅

لازم ندي خبر لبشاشا أن منتصر ود القرير
رجع للسانه الأصلي الكوشي المدونتر ولا نامت
أعين المركزية الأوربية والشرق أوسطية والجلابة😅 😅