Post: #1
Title: مستشار حميدتي يكذب و يدعّي أن قواتهم تأسست قبل ١٣٠ عام
Author: نعمات عماد
Date: 07-19-2023, 11:57 AM
11:57 AM July, 19 2023 سودانيز اون لاين
نعمات عماد-khartoum
مكتبتى
رابط مختصر
الجنجويدي يقول إن الجنجويد أسسوا الدولة السودانية.
𝕐𝕒𝕤𝕚𝕣 𝕄𝕠𝕤𝕥𝕒𝕗𝕒
@YASIR_MOS91
مستشار الجنجويد قال تم تاسيس الدعم السريع قبل 130 عام... 🙂
مع
@AymanazzamAja
.https://twitter.com/YASIR_MOS91/status/1681459645402218498؟s=20https://twitter.com/YASIR_MOS91/status/1681459645402218498؟s=20
|
Post: #2
Title: Re: مستشار حميدتي يكذب و يدعّي أن قواتهم تأسس�
Author: Biraima M Adam
Date: 07-19-2023, 12:52 PM
Parent: #1
دكتور نعمات
Quote: الجنجويدي يقول إن الجنجويد أسسوا الدولة السودانية.
|
المستشار قال: "من يشترط يجب أن يكون له قوة، نحن قوة أُسستِ قبل 130 عام. قوة الدعم السريع تأريخياً هى القوة التى أسست الدولة الوطنية السودانية".
بالمناسبة القبائل التى ينحدر منها الدعم هى نفس القبائل التى ساندت الخليفة عبد الله التعايشي .. مما يدلل أن المستشار يفهم تأريخ هذه القبائل ودورها في تأسيس الدولة السودانية.
والباقي متروك لفطنتكم.
بريمة
|
Post: #3
Title: Re: مستشار حميدتي يكذب و يدعّي أن قواتهم تأسس�
Author: muntasir
Date: 07-19-2023, 01:09 PM
Parent: #2
ده الجنجاوي اب كرفتة الكيوت ؟ عبدالعزيز أبو داؤود لما سمع الفنان محمد الأمين بغني "عذابي معاك بريدك قبل ما أعرفك" قالوا أبو داؤود قال "وجع" 🤭
|
Post: #4
Title: Re: مستشار حميدتي يكذب و يدعّي أن قواتهم تأسس�
Author: توفيق عيسى مكي
Date: 07-19-2023, 05:09 PM
Parent: #3
تورشين جده المباشر الجنيد
حميدتي جده المباشر الجنيد
عزت المناهري جده المباشر الجنيد
الجنيد من قبيلة المحاميد
اصولهم كنعانيين تزاوجوا مع بعض القبائل السامية
في فلسطين والشام مكونين ما يعرف بالبربر
نزحوا بعد دمارهم لجهتين شمالا وغربا جنوبا وشرقا كان صعب بنزحلوا ليهم
شمالا لشيشان وروسيا مكونين فاغنر
وغربا نحو شريط شمال افريقيا من تونس
حتى المغرب طردوا نحو صحراء البلوساريو إلى
موريتانيا ثم لعمق الغرب الافريقي النيجر ومالي والكميرون
وتشاد وأفريقيا الاسطى وأخيرا للسودان
اي مكان طردوهم منها عشان محل ما يمشو بيعملوا مشاكل
|
Post: #5
Title: Re: مستشار حميدتي يكذب و يدعّي أن قواتهم تأسس�
Author: كمال عباس
Date: 07-19-2023, 05:36 PM
Parent: #4
توفيق حفيد حواري تورشين;-
| Quote: تورشين جده المباشر الجنيد |
...
وتورشين ـ عبد الله التعايشي ـ دا مش جدك أداهو البيعة وإنخرط في جيشو وعملو ـ حتة أمير ـ درجة ثالثة؟ درجة تالتة = رأس المية ـ يقود 100 عسكري\
ملحوظة الكلام من رأس من مية ولي للنهاية دا إستنتاجي يعني من عندياتي يمكن تغالط فيهو !
|
Post: #6
Title: Re: مستشار حميدتي يكذب و يدعّي أن قواتهم تأسس�
Author: توفيق عيسى مكي
Date: 07-19-2023, 06:08 PM
Parent: #5
Quote: دا مش جدك أداهو البيعة وإنخرط في جيشو وعملو ـ حتة أمير ـ درجة ثالثة؟ درجة تالتة = رأس المية ـ يقود 100 عسكري\
|
كلام ما عنده علاقة بالحقيقة عبارة عن حسد وماخوذ من الانجليز
جدي الأمير عثمان أزرق احكي ليك قصة بيعته او ممكن اشوفها ليك
من النت من اكتر من موقع ومن مذكرات رئيس وزراء الانجليز نفسه ومن
كتابه حرب النهر فحوى القصة انه كان مع خليفة الشيخ اسماعيل الولي
نائم حسب عمله في الهجانة وقت حصار الابيض رأى في المنام الرسول يأمره
ان يذهب لمبايعة المهدي فحكى عند صلاة الفجر فقال له اذهب وبايع المهدي وفي
لحظتها ذهب يحمل راية بيضاء إلى ان وصل للمهدي وبايعه ومن وقتها صار احد قواده
وهو الذي فتح كل الشريط من الابيض وكوستي والجزيرة حتى سنار ثم التحق بالقوات
في امدرمان مشاركا في فتح الخرطوم ثم ولي من بعد ذلك في مسقط رأسه في شمال السودان
وعندما توفي المهدي وتولى تورشين خلع عنه الولاية وجعله جندي في جيش الشمال لكن لبطولاته
ولدوره في انقاذ جيش المهدي في معركة توشكي تم اعادته مرة اخرى ثم اوكل له الخليفة مهام الحفاظ
على الدولة السودانية شمالا وكان القائد المباشر لكل المعارك المباشرة للجيش الغازي من معركة دنقلا لمعركة الحفير لمعركة عطبرة لمعركة كرري
هو قائد ام المعارك السودانية كرري بجيش قوامه 12 الف جندي اغلبهم من الجنجا لانه تم تستقطاعهم من جيش الأمير يعقوب والملازمين وده بسبب واحد لانه أكتر زول واجه الجيش الغازي من توشكي حتى كرري
ياخ نحن ما عايزين شهرة وسط ناس مرضها الشهرة من لاشئ عملوه يكفينا شهادة اعداء السودان فينا
اي زول بينكر دورنا ده للسودان مؤكد جنجويدي حاقد لكل سوداني خصوصا الكوشين اهل اراضي النيل
عشان الحتة دي انتجت برامج تلفزيونية ابين وسخ افكار المتخلفين البطعنوا فينا
|
Post: #7
Title: Re: مستشار حميدتي يكذب و يدعّي أن قواتهم تأسس�
Author: كمال عباس
Date: 07-19-2023, 06:25 PM
Parent: #6
توفيق كتب
| Quote: لدوره في انقاذ جيش المهدي في معركة توشكي تم اعادته مرة اخرى ثم اوكل له الخليفة مهام الحفاظ ,............اي زول بينكر دورنا ده للسودان مؤكد جنجويدي حاقد لكل سوداني خصوصا الكوشين اهل اراضي النيل |
جنجويدي كيف ؟ جدك هو مبايع جد الجنجويد تورشين ـ وتابع لهولاء في حربهم ضد الأشراف وناس ـ دار صباح ؟
وعشان كدة أنا شايف أنو حقو ـ تتبع حفيد تورشين ( حميدتي ) وتبايعو وتخش في جيشو ـ كجنجويدي أصيل وسيد حق !
بعد ين جد ك يابتاع الضهاري ـ من القطينة ـ مش كان حتة موظف مع العدو التركي ـ مش كان موظف مع الأتراك ـ وبعد خلي الضهاري وجاء ببقجتو لأمدرمان وزاحم الجموعية والبطاحين في أرضهم بأمدرمان ـ؟ جدك كان أمير درجة تالتة ـ رأس مية يتبع تعليمات ود تورشين والأمير يعقوب وعثمان شيخ الدين ومحمود ود أحمد أهل الجلد والرأس؟ --- ملاحظة
طبعا كلامي دا فيهو الصاح والباقي تضخيم وإغاظة ساي ـ يعني ما مرجع تاريخي ـ
|
Post: #9
Title: Re: مستشار حميدتي يكذب و يدعّي أن قواتهم تأسس�
Author: توفيق عيسى مكي
Date: 07-19-2023, 06:37 PM
Parent: #7
المهم مستشار حميدتي ما كضب قال الحقيقة
في الحتة دي بالذات
|
Post: #11
Title: Re: مستشار حميدتي يكذب و يدعّي أن قواتهم تأسس�
Author: كمال عباس
Date: 07-19-2023, 06:43 PM
Parent: #9
Quote: المهم مستشار حميدتي ما كضب قال الحقيقة
في الحتة دي بالذات |
بس جدك ـ الأمير ود أزرق ـ رأس المية- كان تبع لجدود الجنجويد ضد ـ أهلو ناس الخليفة شريف وناس دار صباح ـ وجاء من الضهاري ـ
وهسي بعد دمار الخرطوم دا عندك تلاتة خيارات ـ تمشي بلاد الدناقلة والمحس أهلك ـ ٢ تمشي الأبيض محل جدك كان شغال مع الأتراك أو ترجع القطينة وطن جدك ـ
|
Post: #12
Title: Re: مستشار حميدتي يكذب و يدعّي أن قواتهم تأسس�
Author: حيدر حسن ميرغني
Date: 07-19-2023, 06:48 PM
Parent: #11
| Quote: تمشي بلاد الدناقلة والمحس أهلك ـ ٢ تمشي الأبيض محل جدك كان شغال مع الأتراك أو ترجع القطينة وطن جدك ـ |
خيارات معقولة يا توفيق .. شوف الاقرب لك وجدانياً
-
كيمو لاعب ضاغط مع تيفا
|
Post: #10
Title: Re: مستشار حميدتي يكذب و يدعّي أن قواتهم تأسس�
Author: السر عبدالله
Date: 07-19-2023, 06:39 PM
Parent: #7
ده خبر جديد بانه نسمع ان الدعم السريع تأسس قبل ١٣٠ سنة
ونحن معتقدين ان الدعم السريع أسسه عمر البشير عام ٢٠٠٣ م
بقيادة موسى هلال ومن بعده تولى القيادة حميدتى عام ٢٠١٣.
...اظن تأسيس قبل ١٣٠ سنة من شطحات عزت الماهري ،الناطق الرسمي
باسم الدعم السريع...
|
Post: #8
Title: Re: مستشار حميدتي يكذب و يدعّي أن قواتهم تأسس�
Author: حيدر حسن ميرغني
Date: 07-19-2023, 06:34 PM
Parent: #6
مرة يا توفيق بقرأ في كتاب من التوع اللي بتم تأليفه في يوم واحد
الكاتب قال انه الامام المهدي لما بدأ يبشر بدعوته وسط اهله في الشمال
كان آل نميري من شفاتة المنطقة (منطقة ود نميري على الضفة الغربية من نهر النيل جنوب مدينة دنقلا) شمالها طوالي قرية لبب مسقط رأس الامام المهدي
يعني ناس عربدة وكده .. المهدي جاهم عشان يوعظهم .. قالوا ليهو يا شيخنا شيل إبريقك الصدئ ده وإتخارج من هنا بلا مهدي منتظر بلا عوارة معاك
الكاتب شرح كيف انه المهدي شعر بأنه "لا كرامة له في قومه" فقام هاجر بدعوته الى غرب السودان .. والباقي أصبح تاريخ
الكاتب كان بستقصى اثر النميراب في معاداة المهدية منذ ذلك الحين حتى حكم نميري ومطاردته للصادق المهدي واحداث الجزيرة ابا وقتله للامام الهادي.
|
Post: #13
Title: Re: مستشار حميدتي يكذب و يدعّي أن قواتهم تأسس�
Author: كمال عباس
Date: 07-19-2023, 06:57 PM
Parent: #8
| Quote: .اظن تأسيس قبل ١٣٠ سنة من شطحات عزت الماهري ،الناطق الرسمي باسم الدعم السريع... |
.,..ـ عزت . أو مستشار آخرعاوز . يقول إنو حقبة التعايشي هي جذور تاريخية وإجتماعية للدعم السريع وهم إمتداد ليها ـ البلد بلدنا ونحن أسيادها ونحن الساس ونحن الرأس! ـ بس دا بعني إنو دولة التعايشي ومشروع ـ حميدتي ـ هي كيانات قبلية وجهوية وليست قومية ـ خسارة ياعزت الماهري من مشروع مثقف قومي - رصيفك المستشار الآخر عملكم
!الله يستر عليك من بشاشا اللي معتبر التعايشي بطل قومي وقائد تحرير
|
Post: #14
Title: Re: مستشار حميدتي يكذب و يدعّي أن قواتهم تأسس�
Author: حيدر حسن ميرغني
Date: 07-19-2023, 07:29 PM
Parent: #13
خارج الصندوق وقريب منه
ممثلة الأفلام الإباحية السابقة، اللبنانية ميا خليفة قالت "شربت زجاجات خمر عمرها أكبر من عمر إسرائيل"
كم عمر الدولة السودانية كلها ؟
|
Post: #15
Title: Re: مستشار حميدتي يكذب و يدعّي أن قواتهم تأسس�
Author: نعمات عماد
Date: 07-19-2023, 07:31 PM
Parent: #13
سلام الأخوة الكرام
شكراً على المعلومات الثرة و الروح الوطنية العالية.
معليش ما ح أقدر أنزل الفيديو من الرابط.
في الفيديو إسم المستشار هو عبدالرحمن الخير الفهيم.
أهو يا أخ بريمة أنا طلعتا ذمتي رغم رأيي في عزت الماهري.
|
|