جنجــويـد أمريكــا شالــوا تلفونى

00:19 AM July, 18 2023

سودانيز اون لاين
Abureesh-
مكتبتى
رابط مختصر

أمس وأنا قاعد فى القهوة.. أنتبهت بعد واحد من الجنجويد بتوعينا ختف التلفون اللى كان فوق الترايبـزة وقام جارى على الشارع
جريتر وراه.. رمى التلفون بدون ما اشوف فى الكوشة وواصل الجرى.. وأنا وراه.. بعد شوية وقف وقال فتشنى وقلع القميص والبنطلون
خليتو وانا راجع اشوف صاحبه شال النلفون من الكوشة وقام جارى.. برضو جريا وراه، وهو يكورك انا ما حرامى انا مسلم (الحادث كان أمام المسجد)
والمنطقة مليانة مسلمين.. بعد مربعين تلاتة طبعا هو فات بعيد ورجعت,
مباشرة اتصلت بشركة تى موبايل وعطلت التلفون ونقلوا البيانات لموقع مؤقت حتى يصلنى التلفون الجديد.. التلفون الان bricked كما يسموه
أى صار طوبة ما يعمل أى شئ. حتى الشاشة تكون سوداء والغوا الرقم المتسلسل imei , وختوها فى قاعدة البيانات الأمريكية مجهاز مسروق.
الان حتى نهاية الأسبوع انا بدون تلفون والحمد لله.
قلت وصلنى نصيبى من قلع التلفونات فى السودان.

الباشمهندس

ربنا يعوضك أفضل منه ..

بريمة

رغم اني لا أستخدم الجوال نهائياً منذ أكثر من سنتين، لكني ممغوص جداً من الجوالات الإتسرقت مني أو ضيعتها بنفسي
ربنا يعوضك خير يا باشمهندس وعملت كويس انك عطلته تماماً
مرة بقرأ لواحد مثالي جداً قال عطَل الشريحة وامسح البيانات وخلي السارق يستفيد من الجوال لانه قد يكون في حوجة له وهو غير قادر على شرائه
باللهِ ده كلام !

Quote: ربنا يعوضك أفضل منه ..

شكرا يا هندسة.. وفعلاً T Mobile رسلوا لى تلفون احسن منه ومجاناً.. كان Galaxy A13 واللى رسلوه A23.. والحمد لله.. كل ما خسرته يومين تلاتة.

شكرا دكتور حيدر

Quote: مرة بقرأ لواحد مثالي جداً قال عطَل الشريحة وامسح البيانات وخلي السارق يستفيد من الجوال لانه قد يكون في حوجة له وهو غير قادر على شرائه باللهِ ده كلام !

يجوز الخاصية دى تكون فى آيفون.. لكن فى جلاكسى ما أظنها.. على الأقل ناس تى موبايل ما ادونى الخيار دا.. بعدين تعطيل الشريحة فقط يخلى التلفون لسة تحت اسمك.
يعنى لو الحرامى ارتكب بيه جريمة وفجر بيه حتة بدون ما تكون فيه اى شريحة.. يرجعوا للرقم المسلسل بتاعه.. عايشين فى غابة يا دوك والطيبة ما عادت عندها موقع من الاعراب.
دا إضافة ان بياناتك اللى فى ذاكرة التلفون (ما الشريحة) من صور وغيرها تكون عرضة للوصول اليها.
The best bet is to brick the mobile phone altogether

حمدلله على السلامة .
(٩ طويلة الأمريكي)

Quote: حمدلله على السلامة . (٩ طويلة الأمريكي)

تقولى شنــو.. دخلنـا فى أضافرينــا :)

ألف حمد لله على سلامتك يا أبو الريش

ما كان تجازف بصحتك لدرجة تجري وراهو، وجايز جدا يرتكب فيك جريمة. أمريكا دي خطرة.

ياسر سلام انت متخيل ابوالريش يكون عندو تلفون بس عايز تبرعات اظنه مزنوق في ايجار هههههه
تحياتي

Quote: ما كان تجازف بصحتك لدرجة تجري وراهو، وجايز جدا يرتكب فيك جريمة. أمريكا دي خطرة.

مرحبا ياســر..
الحمد لله قدر ولطف، وكلامك مظبوط ما كان مفروض أجرى وراهم ابداً.. لأنه أولاً الأخير كان جارى فى إتجاه الطرف السيئ من المدينة.. هناك
ممكن يضرب.. ثانياً هو كان جارى ويصرخ.. يعنى لو لا قدر الله البوليس ظهر كان يطلق الرصاص على انا طوالى لأنه يعتبرنى مهاجم.. وهذا
كان هدف الحرامى.. حتى لو ما اطلق الرصاص ينشغل بى والحرامى يلقى الوقت ليهرب..

Quote: ياسر سلام انت متخيل ابوالريش يكون عندو تلفون بس عايز تبرعات اظنه مزنوق في ايجار هههههه

صديق مهدى..
طيب لو زميلك فى المنبر.. وفى المواطنة.. وفى الغربة.. الإتنين مهاجرين وغرباء عن الوطن.. ولو قدرت انه ما عنده تلفون.. تعمل شنو؟ تتصل بيه فى الخاص
ترسل ليه تلفون لو فهمت منه وانت تقدر أو تسكت وتدعو ليه.. واللا تشيل حاله وتضحك عليه ههههه امام الناس فى المنبر؟

صديق مهدى كتب:

Quote: ياسر سلام انت متخيل ابوالريش يكون عندو تلفون بس عايز تبرعات اظنه مزنوق في ايجار هههههه

كلام المشاطات ونميمة وقطيعة الحريم اللى تعملوها برة المنبر ما تجيبها هنا.. تعرفنى من وين مزنوق فى ايجار وما عندى تلفون يا مسكين؟
بعدين مزنوق فى إيجار؟ تعال ادفع الإيجار.. أما سخف.. دى تربيـة ياتو شارع؟ أنا أفترض انها ما تربية أبوك

أما ياسـر فهو يعرفنى مما يقارب خمسين سنة ولا يحتاج يقول ليه واحد ضهبان كاره نفســه.. ياسر ينحدر من اسرة أنصارية
الأنصار الرجال الذين لا يتكلمون بالغيبة والنميمة وسط العوين كما تفعل,, ثم ان ياسر على انصاريته زاد الجمهوريـة حيث يقصر
كل متطاول. وحين مبلغ الرجولة والقيم والأخلاق.
وأقول العوين والحريم وليس النساء أو النسوان.. لأن النساء فى زمن التعليم والتمدين تركوا هذه الأخلاق الذميمة لما تبقى من الحريم


أرعى بقيدك قبل ما نزيد ونورى ليه انت فارقت نهج الأنصار ونهج الرجال السودانيين الأسوياء. وأنت تعرف ابوالريش يقطع اصل الشجر
لا تتعدى على الناس حتى لا تسمع ما لا يعجبك