احتمال مرجح تم استلام البرهان

احتمال مرجح تم استلام البرهان


07-17-2023, 08:19 PM


  » http://sudaneseonline.com/cgi-bin/sdb/2bb.cgi?seq=msg&board=510&msg=1689621542&rn=0

Post: #1
Title: احتمال مرجح تم استلام البرهان
Author: Mohamed Adam
Date: 07-17-2023, 08:19 PM

خيرة ثقيلة فى كل انحاء العاصمة.
الله يستر المساكين العزل.
ياريت تقع على رؤوس الفلول والظلمة الذين اشعلوا نارهذه الحرب .

الدعامة محتفلين وبيضربوا في الزخيرة.
طبعا هزيمة الفلول شئ متوقع على حسب سير المعارك .

صعب على قيادات الفلول الصمود داخل النقرة لاكتر من تلاته شهور مع عدم توفرالخدمات الضرورية
من ماكل ومشرب بالاضافة لتوقف الامدادات اللوجستية عنهم تماما.

المعلومات المؤكده تقول:
1/ الدعم السريع دخلوا قاعدة وادي سيدنا الجوية الساعة واحده ظهرا اليوم, واحرقوا للفلول تلاتة طائرات,
اتنين ميج وواحدة انتيوف .
طبعا تكتيكيا, تراجع الدعم السريع لساعات من القاعدة ثم عاد في المغرب وهاجمها بضراوة..
2/ احتمال راجح تم القبض على البرهان ومعة بعض الرتب الكبية من "راس الضب اللحمر".

موعدنا الصبح اليس الصبح بقريب..

.
Post: #2
Title: Re: احتمال مرجح تم استلام البرهان
Author: haider osman
Date: 07-17-2023, 08:59 PM
Parent: #1

غير مفهوم لماذا احتفالات الدعامة الان
Post: #3
Title: Re: احتمال مرجح تم استلام البرهان
Author: حيدر حسن ميرغني
Date: 07-17-2023, 09:05 PM
Parent: #2

هذا سيناريو تبعاته ح تكون صعبة جدا على البلد بأسرها لو صح الخبر
نسأل الله السلامة
Post: #4
Title: Re: احتمال مرجح تم استلام البرهان
Author: ترهاقا
Date: 07-17-2023, 09:12 PM
Parent: #3

Quote: الدعم السريع دخلوا قاعدة وادي سيدنا الجوية الساعة واحده ظهرا اليوم, واحرقوا للفلول تلاتة طائرات,
اتنين ميج وواحدة انتيوف

دي طيارات الشعب السوداني حتى ولو استعملت في غير محلها
هذه الطائرات من دم وعرق المواطن المسكين وليست طائرات الفلول
Post: #5
Title: Re: احتمال مرجح تم استلام البرهان
Author: haider osman
Date: 07-17-2023, 09:46 PM
Parent: #4

شبكة رصد

بعد إشاعة " أسرِه" القائد العام لقوات الشعب المسلحة ‎#البرهان يظهر في فيديو حديث مُكذباً الاشاعات التى أصبحت تملأ التايملاين السوداني

https://fb.watch/lRoxuTpJRS/؟mibextid=cr9u03https://fb.watch/lRoxuTpJRS/؟mibextid=cr9u03
Post: #7
Title: Re: احتمال مرجح تم استلام البرهان
Author: muntasir
Date: 07-17-2023, 09:54 PM
Parent: #5

قريت في الواتس الاستخبارات طلعت إشاعة القبض على البرهان طلعوا الجنجا يحتفلوا باطلاق الذخيرة في الهواء جات الطيارات ردمتهم في المدينة الرياضية ومواقع أخرى دنيا زايلي وزائل نعيمكي
Post: #8
Title: Re: احتمال مرجح تم استلام البرهان
Author: كمال عباس
Date: 07-17-2023, 09:54 PM
Parent: #7

الكيزان طلعو اشاعة تقول انو برهان اعتقل بواسطة الدعم السريع او تم تهريبه
والغريبة. انو حتي ابراهيم بقال ابي يبلع الطعم. والجنجويد قالو دي اشاعة
وطبعا كان الغرض من الاشاعة هو خروج برهان. من جحره لجحر اخر في القيادة.
وظهر بصورة بائسة تماما
Post: #9
Title: Re: احتمال مرجح تم استلام البرهان
Author: حيدر حسن ميرغني
Date: 07-17-2023, 09:57 PM
Parent: #7

يعني يا منتصر الشغلة طلعت
Post: #6
Title: Re: احتمال مرجح تم استلام البرهان
Author: Mohamed Adam
Date: 07-17-2023, 09:52 PM
Parent: #4

Quote:
دي طيارات الشعب السوداني حتى ولو استعملت في غير محلها
هذه الطائرات من دم وعرق المواطن المسكين وليست طائرات الفلول
صدقت يا اخى ترهاقا ولكن فى حقيقة الامر هى ملكا للفلول والنخب,
يستخدمونها كيف يشاءون,
ياخوي الشعب غلبان على امره, كم نادى وطالب الدولة بان لاتضربه بطياراته واسلحته(الجابها بعرق جبينو) ولكن اسمعت لو ناديت حيا.
ظلت الدولة تقتلهم بها منذ ٥٥ وحتي يومنا هذا.ماشوفنا اي ملكية, لهذا الشعب على الطيران ولاعلى اى عتاد أخر تستخدمه القوات المسلحة السودانية.
Post: #10
Title: Re: احتمال مرجح تم استلام البرهان
Author: Mohamed Adam
Date: 07-17-2023, 10:06 PM
Parent: #6

Quote: هذا سيناريو تبعاته ح تكون صعبة جدا على البلد بأسرها لو صح الخبرنسأل الله السلامة
اخونا حيدر, صدقنى ما ح يحصل اي حاجة للبلد, حكومات تجى وحكومات تغور..
البرهان وغيره كثر, طردتهم شعوبهم زي الترتيب...
قريب ده, القذافى كان جماعتو بتقول نفس كلامك ده, ولكن قبضوه الليبين وانت اعلم بما فعلوا به وفى النهاية قطعوهو الضفة بغادى وليبيا كبلد قاعدة..
والامثلة على قفى من يشيل...
Post: #11
Title: Re: احتمال مرجح تم استلام البرهان
Author: Hasheem Karouri
Date: 07-17-2023, 10:25 PM
Parent: #10



😁
Post: #12
Title: Re: احتمال مرجح تم استلام البرهان
Author: Mohamed Adam
Date: 07-17-2023, 10:41 PM
Parent: #6

Quote: الكيزان طلعو اشاعة تقول انو برهان اعتقل بواسطة الدعم السريع او تم تهريبه
والغريبة. انو حتي ابراهيم بقال ابي يبلع الطعم. والجنجويد قالو دي اشاعة
وطبعا كان الغرض من الاشاعة هو خروج سلام اخونا استاذ كمال
ا
سلام اخونا استاذ كمال
سمعت بقصة ديك المسلميه البكشنو فى بصلته وقاعد بعوعي!!!!
Post: #13
Title: Re: احتمال مرجح تم استلام البرهان
Author: كمال عباس
Date: 07-17-2023, 11:06 PM
Parent: #12


لماذا الاصرار. علي ذكر الزمان والمكان والتوقيت - ومناسبة التصوير والحضور وهو امر لم نعتده فيما مضي
عاوزين ينفو شنو وعاوزين يثبتو شنو
في حاجة غريبة ! الفيديو
اذا. كان المقدم قد اخطاء في ذكر اليوم ولم يصوب نفسه فااذا افترضنا انو الفيديو صور اليوم فعلا فلماذا الاصرار علي توثيقه. واثبات. ان الاجتماع. تم في المكان والزمان. وبحضور القائد العام ؟
وان كان التصوير قديم فلماذا. تم بثه اليوم
علما بان هناك اشاعة. انتشرت. عن اعتقال. برهان - سارع الدعم السريع بنفيها تماما وحذر عناصره من تصديقها والتعامل معها وذلك قبل بث الفيديو. ببضعة ساعات !
Post: #14
Title: Re: احتمال مرجح تم استلام البرهان
Author: Mohamed Adam
Date: 07-17-2023, 11:55 PM
Parent: #13

على حسب فهمى للشغلانة:
الزول ده، قد تم القبض علية وعلى شلته، لكن هنالك إجراءات وتحفظات لابد من إتباعها قبل أن يعلن على الملأ.
Post: #15
Title: Re: احتمال مرجح تم استلام البرهان
Author: Mohamed Adam
Date: 07-17-2023, 11:57 PM
Parent: #14

يا اخ حيدر عثمان تابع هذا الإقتباس:
Quote: الفيديو اتعمل بذكاء وعناية شديدة وفيه الف رسالة..
تبدأ من طريقة لبس البرهان وحمله الكلاش والمسدس ودخوله القاعة ..
لكن هنالك أخطاء.. سيركز عليها النشطاء..تقلل من جودة رسالة الفيديو
أولا تم ذكر التاريخ خطأ فاليوم ليس الاربعاء
ثانيا تصوير المروحة الشغالة فهي دلالة علي خفض الكهرباء وعدم تشغيل المكيفات
ثالثا قول البرهان ناس الشجرة بسلموا عليكم وجميعا يعلم انه لا يستطيع الخروج من البدروم ناهيك ان يصل الشجرة


.
Post: #16
Title: Re: احتمال مرجح تم استلام البرهان
Author: هدى ميرغنى
Date: 07-18-2023, 00:09 AM
Parent: #15

سلام يا محمد آدم~
-فى السودان المروحة لازم تكون شغالة مكيف أو عدمه لطرد البعوض (جد جد)
-ناس الشجرة قاصد حميدتى - لأنه حميدتى قال جنوده متعودين على إنهم يكونوا تحت الشجر لما كان معاه لقاء
وسأله المقدم كيف يعيش الجنود بعد هدم مقار الدعم السريع (دا قبل ما يحتلوا بيوت المواطنين )
Post: #17
Title: Re: احتمال مرجح تم استلام البرهان
Author: Mohamed Adam
Date: 07-18-2023, 00:48 AM
Parent: #16

Quote: سلام يا محمد آدم~-فى السودان المروحة لازم تكون شغالة مكيف أو عدمه لطرد البعوض (جد جد)-ناس الشجرة قاصد حميدتى - لأنه حميدتى قال جنوده متعودين على إنهم يكونوا تحت الشجر لما كان معاه لقاءوسأله المقدم كيف يعيش الجنود بعد هدم مقار الدعم السريع (دا قبل ما يحتلوا بيوت المواطنين )
وعليكم السلام يا استاذة هدى.
القضية مافى المروحة ولافي الشجرة وإنما فى القوات المسلحة السودانية بكل هيلمانتها بدل ما تستميت فى إرجاع ما إستولت عليه قوات الدعم السريع من مواقع حيوية وإستراتيجية، اصبحت اليوم همها الأول والأخير هو ان تنقذ او تهرب البرهان ومعه شوية صعاليق، قاعدين ليهم 3 شهور فى نقرة !!
Post: #18
Title: Re: احتمال مرجح تم استلام البرهان
Author: نعمات عماد
Date: 07-18-2023, 05:20 AM
Parent: #17


الاخوان بريمة و الدقم و عارف

أنتو عميانين من ضنب العبلانج الماسكو الأخ محمد آدم دا ؟

ولا فلاحتكم فينا أنا و أخوي حيدر بس ؟
Post: #19
Title: Re: احتمال مرجح تم استلام البرهان
Author: حيدر حسن ميرغني
Date: 07-18-2023, 07:24 AM
Parent: #18

اديهم بالحتة الفيها الحديدة يا ستهم
Post: #20
Title: Re: احتمال مرجح تم استلام البرهان
Author: دفع الله ود الأصيل
Date: 07-18-2023, 07:40 AM
Parent: #19

Quote: شبكة رصد

بعد إشاعة " أسرِه" القائد العام لقوات الشعب المسلحة ‎#البرهان يظهر في فيديو حديث مُكذباً الاشاعات التى أصبحت تملأ التايملاين السوداني

https://fb.watch/lRoxuTpJRS/؟mibextid=cr9u03https://fb.watch/lRoxuTpJRS/؟mibextid=cr9u03https://fb.watch/lRoxuTpJRS/؟mibextid=cr9u03https://fb.watch/lRoxuTpJRS/؟mibextid=cr9u03

سلام يا حيدر عصمان في أول تداخل، ورغم أنو أهلي مانعني
المداخلة لكن دي صعب تتوفت: الفيديو دا تم بثه أمبارح تمام الساعة 9:30 مساءً
جاء البرهان زي الللسد النتر لابس تي شيرت دياشي و دارع شنطة سبورت
انضم لغرفة القيادة السيطرة ، سلم عليهم بالواحد يي يدينم و قاللم ممازحا
" ناس الشدرة" بسلمو عليكم، أتاريه الراجل بيعرف يهظر .
Post: #21
Title: Re: احتمال مرجح تم استلام البرهان
Author: دفع الله ود الأصيل
Date: 07-18-2023, 08:13 AM
Parent: #20

الدعامه قلب الهبلة الخطبوها وزعت ملابسا
بعد إنكار وفد الدعم الصريع بجده بانهم غير موجودين بمنازل
المواطنين والمرافق العامه سرت اشاعه اعتقال البرهان وحسب
اكاذيبهم انه معتقل لديهم وانطلت عليهم الإشاعه وصدقوها مثل اشعب
الاكول خرجوا جميعا من جحورهم ومقراتهم يطلقون الرصاص ابتهاجاً
وما علموا أن طائرات الاستطلاع تقوم بتصويرهم بالثاابتة ن ليويسهل
على الطيران الحربي قنصهم بالمللي تساقطوا كالفراشات الحيارى
تحت السنة اللهب والآن يتم الاعداد لتسليم الفيديهات لوفد ا لدم
الصريع المُفاوض ليثبت للعالم و للوسطاء كذبهم ونفاقهم .
+ يا عمك لو دخلوك كلية حريية كنت حتفهم إنو الحرب خدعة
+ لله درُّ من فكر في إطلاق هذه الاشاعه و يموت الدعامه بغيظهم
بعد ظهور البرهان مباشرة مترئيسا لمجلس القياده ممتشقاص قناصته
و ناقلاً للحضور تحيات وسلامات "ناس الشدرة"
Post: #22
Title: Re: احتمال مرجح تم استلام البرهان
Author: Ahmed Yassin
Date: 07-18-2023, 08:23 AM
Parent: #21

سلام للجميع
الاخ محمد آدم
انت اوردت كلمة(طبعا) في نقاطك..
لذلك لو تكرمت بما انك تكتب مثل خبير عسكري ان توضح اسباب هذا الانسحاب التكتيكي
Quote: طبعا تكتيكيا, تراجع الدعم السريع لساعات
٩٨
Post: #23
Title: Re: احتمال مرجح تم استلام البرهان
Author: Ahmed Yassin
Date: 07-18-2023, 08:25 AM
Parent: #22

او اسباب ( التراجع) تكتيكيا حسب ما تفضلتم به
Post: #27
Title: Re: احتمال مرجح تم استلام البرهان
Author: Biraima M Adam
Date: 07-18-2023, 09:51 AM
Parent: #19

د. نعمات و ول أبا حيدر
Quote: الاخوان بريمة و الدقم و عارف

أنتو عميانين من ضنب العبلانج الماسكو الأخ محمد آدم دا ؟

ولا فلاحتكم فينا أنا و أخوي حيدر بس ؟
Quote: اديهم بالحتة الفيها الحديدة يا ستهم
أنتم زعلتم ولا شنو؟ الموضوع وما فيه عربون محبة .. أنتم مجتهدين في قراءة المشهد .. ولكن لديكم كبوات .. ولكل حصان كبوة!

-------------------
المستنير، ول أبا محمد أدم .. ما تفتكروا أنه واقف مع زيد ضد عبيد، إرجعوا للأرشيف سنين .. تجدون ول أبا تبرأ من أي علائق قبلية .. وقال بالنص أنه ينتتمي لقبيلة الإنسانية .. وما يكتبه هنا يمليه عليه ضميره بدون إنحياز.
ثم أنظروا .. أن الأمر برمته عنده في خانة الأحتمال .. وهذا يعنى عدم صحة الخبر وارد .. وهذا يعتبر مراقة ..

بريمة
Post: #24
Title: Re: احتمال مرجح تم استلام البرهان
Author: Hassan Farah
Date: 07-18-2023, 08:39 AM
Parent: #1

((جاء البرهان زي الللسد النتر))
ود الاصيل عساكم بخير
يا خوى منذ متى صارت الاسود بتتخبى فى جحور؟؟؟؟ لعلمك الاسد عندما ينتر صوت زئيره يسمع على مسافة 15 كلم من موقعه
Post: #25
Title: Re: احتمال مرجح تم استلام البرهان
Author: nazar hussien
Date: 07-18-2023, 08:59 AM
Parent: #24

مافي اي احتمال لا مرجح لا ما مرجح
Post: #26
Title: Re: احتمال مرجح تم استلام البرهان
Author: Arif Nashed
Date: 07-18-2023, 09:25 AM
Parent: #25

Quote: الاخوان بريمة و الدقم و عارف
أنتو عميانين من ضنب العبلانج الماسكو الأخ محمد آدم دا ؟
ولا فلاحتكم فينا أنا و أخوي حيدر بس ؟


د.نعمات
ده ضنب مدبلغ ليهو عنقرة يؤهل اضافة الاخ محمد ادم
لرابطة "ضنب الككو".
😂😂
Post: #28
Title: Re: احتمال مرجح تم استلام البرهان
Author: محمود الدقم
Date: 07-18-2023, 11:24 AM
Parent: #26

نعمات شغالة معانا توم اند جيري، بعدين يا سيدتي الفاضلة صاحب البوست كاتب "احتمال" يعني ترك الباب فاتح، يعني احتمال البرهان قبضوا واحتمال لا، لذلك ما علقت علي عنوان البوست، شكرا
Post: #29
Title: Re: احتمال مرجح تم استلام البرهان
Author: هدى ميرغنى
Date: 07-18-2023, 12:06 PM
Parent: #28

سلام إخ محمد آدم~
Quote: وعليكم السلام يا استاذة هدى.
القضية مافى المروحة ولافي الشجرة وإنما فى القوات المسلحة السودانية بكل هيلمانتها بدل ما تستميت فى إرجاع ما إستولت عليه قوات الدعم السريع من مواقع حيوية وإستراتيجية، اصبحت اليوم همها الأول والأخير هو ان تنقذ او تهرب البرهان ومعه شوية صعاليق، قاعدين ليهم 3 شهور فى نقرة !!

*سبب المروحة والشجرة - لأنهم نقطتين أساسيتين فى مداخلتك طالبا مساعدة النشطاء فى التحليل حتى ينفوا حقيقة الفيديو بحسب المكتوب الانت نقلته.
—-
الجيش ما شغال حراسة للبدروم ، شغال دفاع وهجوم فى العاصمة المنكوبة كلها

*ربنا يخلص السودان من القتلة جميعهم
Post: #30
Title: Re: احتمال مرجح تم استلام البرهان
Author: نعمات عماد
Date: 07-18-2023, 12:35 PM
Parent: #29

https://sudaneseonline.com/board/510/msg/1689512521.ht٠ml
الاخ الدقم
كلمة مزعوم دي ما عارفينها أنت و بريمة ولا عرفتوها و بلعتو ذمتكم

برضو زي هنا لما لقيتو مخرج لمحمد آدم؟
Post: #31
Title: Re: احتمال مرجح تم استلام البرهان
Author: نعمات عماد
Date: 07-18-2023, 12:52 PM
Parent: #30

(تسجيل مزعوم لحميدتي يأمر الجنجويد بمواصلة القتال)

أسم البوست المقصود يا أخ محمود الدقم
Post: #32
Title: Re: احتمال مرجح تم استلام البرهان
Author: Mohamed Adam
Date: 07-19-2023, 01:48 AM
Parent: #31

Quote: لذلك لو تكرمت بما انك تكتب مثل خبير عسكري ان توضح اسباب هذا الانسحاب التكتيكي
سلام يا أخ أحمد
في تفسيرات كثيرة للإنسحاب الدعامة من وادي سيدنا لكن لا بأس سأورد لك بعض الإحتمالات:

يمكن عايزين يجرجرو الجيش ويطلعوهو من وادي سيدنا (كمدافع) لكمين معدا له، وبعداك الشغلانة بتكون "عجال لاقو"!!
أو، الشغلانة إرباك للجيش وتشتيت قوته حتي تكتمل إنجازات للدعم السريع في مسرح عمليات أخري..!
أضف لذلك، الدعم السريع متميز من الجيش بسرعة الحركة مع الضربات السريعة والموجعة وده فعلا حصل بالقاعدة الجوية
خسر جيش الفلول في منتصف النهار وإنسحب ثم عاد المغرب برضو خسرهم وتخارج!!


عيب عليك يا أبوحميد دردقتني حتي كشفت ليك بعض من"تكتيكات" حميدتي!!!