المنافقون

07:38 PM July, 11 2023

سودانيز اون لاين
هدى ميرغنى-
مكتبتى
رابط مختصر

هل المنطقة دى تقع فى شرق النيل؟

اخت . هدي . تحيه طيبة .

هؤلاء هم سكان المعمورة ، والطائف والرياض والمنشئية ( المحتملين ) 🤣

حملة الديمقراطية واسترداد الحقوق المهضومة .
دعهم يحلمون . انها اضغاث احلام .


احلام الفتي الطائر 🤣🤣

الكاش يقلل النقاش،

Quote: اخت . هدي . تحيه طيبة . هؤلاء هم سكان المعمورة ، والطائف والرياض والمنشئية ( المحتملين ) 🤣 حملة الديمقراطية واسترداد الحقوق المهضومة . دعهم يحلمون . انها اضغاث احلام . احلام الفتي الطائر 🤣🤣

سلام أخى المحترم هاشم~
شردونا فى بلاد الآخرين…
#دى مسرحية طبعا
وينافقوا - يدعوا الديمقراطية
دا شنو دا!

Quote: الكاش يقلل النقاش،

سلام أخى ترهاقا~
هؤلاء البشر منافقون عديل ، أصحاب الذمم الرخيصة

أتهجم عديل لما يقولوا ديمقراطية …
ما عارفين هم بيقولوا فى شنو فى كلام حفظوهم ليه ويسمعوا فيه
#امس شاهدت واحد اسمه القونى ، مبالغة يسمع فى المحفوظ كلمة كلمة!

فى ذمتكم هسع إنتو بتعرفو ديمقراطية!!
تسخروا من مواطنين قاعدين يعبروا عن آراءهم وبمزاجهم لا بمزاجكم انتو..
70 سنة حاكمين ماقدرتو تأسسوا لأى تحول ديمقراطى!
خلو غيركم كمان يطبز شوية، بلا شك ح يكون احسن من تلك النخب الكسلانة..

الديمقراطية لا تطبق بحد السلاح…
وما يتبعه من مخازى

والله، يا أخوانا، أنا قريت جامعة الخرطوم أيام الديمقراطية، وتخرجت من الجامعة مع انقلاب الكيزان،
الكيزان عاشرناهم فترة طويلة جداً، شفناهم في أركان نقاشهم، في الميدان الشرقي يتدربون،
شفناهم في الندوات، في افطارات رمضانهم في لياليهم التعبوية، في دفاعهم الشعبي،
حفظنا كلماتهم وميزنا أناشيدهم وآياتهم، حفظنا طريقة لبسهم وهتافهم ورفعة أصبعهم وتهديدهم للناس،
حافظين نبرة صوتهم وهم بكذبون وعارفين طريقة سرقتهم وتبريرها،
عاشرناهم فقراء شايلين شنط تمكنا ويصلون من غير وضوء،
عاشرناهم راكبين السيارات المظللة وقد تركوا الصلاة زي البرهان والترابي،
عاشرناهم وهم ينقسمون في دارفور في المفاصلة،
عاشرناهم وخبرناهم ونعرفهم من صوتهم في غناهم وبكاءهم،
نعرفهم جيداً….

طيب خبرتك دي كلها نحن نعمل بيها شنو؟

والله، بس داير أقول ليكم؛
الفريقين ديل كيزان،
ما في أي فرق بينهم
وما تسمعوا دولة ٥٦ ولا كلمات مليشيا
ديل كذابين،
ليس لهم أخلاق غير سرقة الأموال،
ليست في قلوبهم رحمة على مسكين أو مهمش،

والله، كمان الفريق الاسمو الكوز الدعم السريع دا عدوه الأكثر من جلابة البحر هم الفقراء والمهمشين،
هم كارثة نزلت من السماء،
فوزها ووب
وهزيمتها ووبين

….

تحياتى وسلامى أخى أبو بكر عباس~
من فترة ما طويلة وما قصيرة بقيت اتفق مع كتاباتك لما اتبسم براى
وأقول لا لا أنا ما اتغيرت لكن أبو بكر إتغير

* حميدتى "كان" مَثله الأعلى البشير، والعصاية وحكاية ناس أم القرى تجيها الكهرباء حالا …

بعد كتبتَ حميدتى "كان" قلت هسه يجئ ناطى فى حال أحسن من حال - البؤساء محرقة الحروب

أنا يا هدى عند موقفين؛
موقف عام ضد الدولة الدينية وأسعى للدولة الديمقراطية متساوية الحقوق والواجبات،
وموقف براغماتي لحظي،

مثلاً أيام ما يسمى بالثورة كنت أتمنى أن يتغلب قوش على حميدتي،
وللآن بعتقد أن قوش تجابن وهرب وجعل كفة القوة مرجحة لحميدتي،

الآن مثلاً كنت في بداية المعركة داير الدعم السريع يحسمها سريع ويقضي على الكيزان فرع المؤتمر الوطني،

الآن بالنسبة لي هزيمة الدعم السريع تعني فظائع في الغرب،
أنا من عمق الجلابة غرب شندي، لكن قلبي دائماً مع فقراء ومساكين غرب السودان

Quote: أنا يا هدى عند موقفين؛ موقف عام ضد الدولة الدينية وأسعى للدولة الديمقراطية متساوية الحقوق والواجبات،

يا أبو بكر - الجزء الفوق أتفق معاك تماما تماما
—-
اما هذا الجزء :

Quote: وموقف براغماتي لحظي، مثلاً أيام ما يسمى بالثورة كنت أتمنى أن يتغلب قوش على حميدتي، وللآن بعتقد أن قوش تجابن وهرب وجعل كفة القوة مرجحة لحميدتي، الآن مثلاً كنت في بداية المعركة داير الدعم السريع يحسمها سريع ويقضي على الكيزان فرع المؤتمر الوطني، الآن بالنسبة لي هزيمة الدعم السريع تعني فظائع في الغرب،

لا ثم لا
لا لقوش كما لا لحميدتى وكل اشباهما
الجنجويد من وجهة نظرى وبما فيهم فرع السودان المسمى الدعم السريع
يجب أن تهزم آلاتهم الحربية فى كل الدول المتواجدين فيها، لازم تتغير عقلية الحرب عندهم - واحد بائس جنجويدى صغير من الاسرى محرقة الحرب
قال "ما تحاربوا هنا ، أمشوا حاربوا فى بلد تانى"
بمعنى الحياة عندهم ياها حرب حرب
افكر كل يوم رغما عن قروش الحرام بتاعت لوردات حربهم وناس عزت المثقفاتية وغيرهم ، يستعملوا القروش لتعليم الشباب ديل وبناء وتعمير مناطقهم
بدلا عن أن يشغلوهم محرقة حروب لتحقيق إحلامهم هم
*يعنى ما فى اتفاق مع أبو بكر دا😀

Quote: أنا من عمق الجلابة غرب شندي، لكن قلبي دائماً مع فقراء ومساكين غرب السودان

دا أتفق معاه رغما انى شفت شندى بلدكم دى ، ما عجبنى فيها الا بقايا قلعة الشامخ الشهيد شنان
*
شفت بعض مناطق فى غرب السودان ، وشفت ناسها
*إبو جبيهة ، انطبعت فى الذاكرة ابتسامة جميلة لسيدة وهى تحمل قدحا من المنقة وتنظر إلينا بمحبة
ذاك السوق الصغير لو اتذكر تماما كان فى نص مبانى المكاتب الحكومية (ذات الطابع الانجليزى، كما العديد من مدن السودان سابقا) ، تحت أشجارا ظليلة
*بداية هذه الحرب ، قبل ان يدوروها فى نيالا أيضا شفت فيديو /لقاء فى فضائية فى سوق نيالا ، كمية الخير الفيه تكفى السودان، قالوا تأثروا بالحرب لأنهم لا يستطيعون تصدير المنتجات لدول الجوار بسبب الحرب
واحدة من السيدات قالت - ما يتحاربوا هنا يمشوا يتحاربوا فى الخرطوم !
*زالنجى وبوابتها الظليلة وظلالها
…معليش للإطالة ، قصدى غرب السودان من أجمل واغنى المناطق فى العالم
وحسب كلام حميد عليه السلام

يا بلاداً كم سمحة وجيهة
لو لقت الناس البتدورا
الأيدي التنفض كانديكا
تنقذها تلحقها في الكانديكا
ترتالا
تكوس لها في الجيهة

Quote: خلو غيركم كمان يطبز شوية، بلا شك ح يكون احسن من تلك النخب الكسلانة.

يطبزوا شوية !!!


طبعا مسألة تقتل ليك رتل من البشر تسليا دي عملية ساهلة جدا زي رمي البايظ
هؤلاء هم الجنجا, في كامل عقليتهم المجوسية

تحياتي هدى ,

ولك من التحايا مثلها عزيزى آدم وأكثر~
أضيف خيطك هذا حول اقتحام الجنجويد للمطارات منذ الضربة الأولى لهذه الحرب اللعينة ، والاستفادة من الهدن
- للمزيد من القراءة

https://sudaneseonline.com/board/510/msg/1681830189.html

#الجنجويد الى جهنم
شاهدت بعض اللقاءات مع النازحين ، المحظوظين فيهم يجدون مأوى فى المدارس
تركوا كل شئ لا يحملون سوى الهموم وأمنية العودة الى ديارهم

ومن هناك قحت "المنافقون" فى ترحال بين الدول ، لم يفوضهم أحد،غير الإملاء من بعض الدول الخارجية (المجاور منها والبعيد) والمراكز مثل "مركز السلام الأمريكى" وغيره…
*ناس قحت ديل مش داخلين فى دويلة 56😀

ول أبا المسنير أبو بكر
سلام

Quote: أنا من عمق الجلابة غرب شندي، لكن قلبي دائماً مع فقراء ومساكين غرب السودان

شكراً يا ول أبا.
في الحقيقة، هناك لبس مفاهيمى حول مفهوم الجلابة .. ما بين الشمال والغرب .. في الغرب، الجلابة هم الذين يقفون مع أو خلف الحكومة ضد مصالح الشعب .. وعليه، الصحيح في نظر الغرب أن تقول: "أنا من عمق الشمال، غرب شندي ..".

والله أعلم.

بريمة

Quote: والله، يا أخوانا، أنا قريت جامعة الخرطوم أيام الديمقراطية، وتخرجت من الجامعة مع انقلاب الكيزان، الكيزان عاشرناهم فترة طويلة جداً، شفناهم في أركان نقاشهم، في الميدان الشرقي يتدربون، شفناهم في الندوات، في افطارات رمضانهم في لياليهم التعبوية، في دفاعهم الشعبي، حفظنا كلماتهم وميزنا أناشيدهم وآياتهم، حفظنا طريقة لبسهم وهتافهم ورفعة أصبعهم وتهديدهم للناس، حافظين نبرة صوتهم وهم بكذبون وعارفين طريقة سرقتهم وتبريرها، عاشرناهم فقراء شايلين شنط تمكنا ويصلون من غير وضوء، عاشرناهم راكبين السيارات المظللة وقد تركوا الصلاة زي البرهان والترابي، عاشرناهم وهم ينقسمون في دارفور في المفاصلة، عاشرناهم وخبرناهم ونعرفهم من صوتهم في غناهم وبكاءهم، نعرفهم جيداً…. طيب خبرتك دي كلها نحن نعمل بيها شنو؟ والله، بس داير أقول ليكم؛ الفريقين ديل كيزان، ما في أي فرق بينهم وما تسمعوا دولة ٥٦ ولا كلمات مليشيا ديل كذابين، ليس لهم أخلاق غير سرقة الأموال، ليست في قلوبهم رحمة على مسكين أو مهمش، والله، كمان الفريق الاسمو الكوز الدعم السريع دا عدوه الأكثر من جلابة البحر هم الفقراء والمهمشين، هم كارثة نزلت من السماء، فوزها ووب وهزيمتها ووبين

صدقت يامستنير
القصة ان مليشيا الكيزان ومليشا الجنجويد اعلنا الحرب علي المواطن السوداني

https://www.0zz0.com


https://www.0zz0.com