📌دبوس حاااااار بي فوق الأسوار/

07:09 PM July, 10 2023

سودانيز اون لاين
دفع الله ود الأصيل-
مكتبتى
رابط مختصر

⭕البيت فاضي والمرأة مروحية حايمة بي غادي ، قاللك : عرس و بس.
كدي يا جماعة خلونا شوية نبتعد قليلا من أجواء الحرب والقتل والجغم والجثث
قالوا بعد أن هجارت الزوجات وأولادهن وبناتهن من الخرطوم إلي خارج السودان
أو إلي بعض الولايات وتركن أزواجهن في المنازل في ولاية الخرطوم صارت
الأجواء مناسبة جدا للرجال طبعا أقصد التدبيل أي الزواج بالمرأة الثانية .
+ الكلام ده طبعاً جوة الحوش , سمعته كذا مرة في ضرا الغداء
ونحن قاعدين كغيرنا في أحياء ولاية الخرطوم بنأكل وجبة الغداء
في الشارع يعني العندو يأكل والماعندو برضو يأكل ..
+ وبعدين الونسة (بتجر) والحديس بجيب الكديس، وكم واحد كده من
القاعدين معانا حلفوا يمين بأن زوجاتهم قالن ليهم نحن زهقنا خلاص تعالوا
رجعونا بيوتنا في ولاية الخرطوم ... والظاهر الأزواج الهواء ضربهم تب بعد
ما الحكومات إتخارجن من المنازل فكروا في الزوجة الثانية وقالوا ليهن والله
ما نرجعكن أقعدن في مكانكن ذي ما طلبتن وأصريتن علي الخروج إصرارا .
+ ثم بدأ التسامر بعد صلاة العشاء أثناء إحتساء شاي المساء وطبعا برضو في
الضرا والكلام كله في موضوع الزواج والزوجة الثانية والبيت بقي فاضي
والحرب دي ح تطول ولابد من وجود زوجة ثانية وهكذا .
وطبعا الفرصة صارت مواتية جدا مع الحرب دي والعرس بقي
بالفاتحة بس لا فيهو صالة ولا فيهو صيوان لا فيهو شيلة(شي لله)
ولا فيهو شيلة دكان ...أها يا نسوان رأيكم شنو في الكلام ده.
+ يا ترجعن لولاية الخرطوم علي جناح السرعة يا تقعدن
خارج ولاية الخرطوم والضره جاهزة موية ونور ...
غايتوووو يا نسوان كده ووب ... وكده ووبين ...
ربنا يجيب ليكن العواقب سليمة ...
مع خالص تحياتي لكن ...
🖋️ ملطوش بشوية توابل من
د.أحمد منصور(المحامي)
+ تخريمة

🖋️ تخريمة : لاحظ بالله (المحامي)
دي بين قاب قوسين أو أدنى ، دي ما ساي لازم ولا
بُدَّ في المية الحكاية تكون فيها إنَّا لله و إنا غليه راجعون،
محالمي يعني موثق عقود ، يعني عاوز يشتغل في الليامات
النحِسات, يني صياد في المياه ا العَكِرة، يعني أقبض عندك
واحد من تجار الأزمات ، حقو زاتنا نعمل منو حسابنا.

ود
الاصيل
قولت
ادخل
اسلم
على راجلا
كل يوم
مطرم
اها
الليلة
كتب بوست
فات فيهو
ناس
ابن قيم
سلفا
سماه مغيم
ريحة دعاشو
تدخل فيك
روحا
سلبها
عسكري
غشيم

πمرحبنبك مهدينا و مسهلنبك
و كيفن عاد دايرني ما أطرم ، و شايف
براك الأمور جايطة كيف عم من خلينا
نتفاءل بحدوث مفاجءات سارة و
ليس ذلكعلى الله ببعيد

تسلم ود عنتر و يباركو ليك إن شاء جديدك الفي بالك ، أعني جديد وليداتك
عشان مخ الجماعة ما يطش برة الشبكة و يجيب لينا هوااااااااء منثوراً.. يعني مغزى كلامك
الحاجة عاملة كيدهن عظيم وكدا .. طيب عندي لي واحدة قديمة سأعيد ليك انتاجها من أجلك
فقط و إلا فهي مسموعة للباقيين.. و دا أشان تآمن بس إنو كيدهم أيضاً عظيم!!!
+ و بالفعل ، كيدهم أيضاً عظيم!!! يحكي أحد أبهاتنا المشايخ( العارفين بالله) و المشهود لهم بالورع؛
يحكي عن نفسه و قال: كانت لي زيجة غير معلنة كنت أتممتها على حين غرة من بعلتي القديمة و التي
بدأت الظنون تساورها في أمري و لكن دون ان تمسك دليلاً دامغاً ضدي.. و جعلت تشد وثاق الرقابة اللصيقة
علي خناق رقبتي ليل نهار و تحاصرني بالشمشمات لأتفه سبب لدرجة مرات ترافقني للحمام بحجة حملها البريق
لي فهو ثقيل..و بدوري جعلت اتفنن في طرق الإفلات من قبضتها تارة بالمنطق لإقناعها بأن ما تتوهمه محض
افتراء..و تارة باللف و الدوران و أخرى باصطناع التزمر..باتبار أن ا لحرب خدعة و فتوى تبيح الكذب بألوانه
أحجامه على الزوجة القديمة بالذات. إلى أن جاء اليوم الذي خشيت على أعصابي أن تفلت أوأفقد مصداقيتي
و لم يبق أمامي سوى حيلة واحدة أسأل ربي أن يتولانا بمغفرت عنهاه.
+ في ذلك اليوم حبكت مع قرصانتي الجديدة ومهرتي التي قررت الخروج معها غير "بغلتي"
التي أحببتُ؛ أقول حبكنا خطة ما تخرش المية ثم أفرغتها في دماغها و أشركتها في تنفيذها وبدهاء
تحسد عليه ففي ساعة الصفر، و حسب الخطة المرسومة و أثناء تواجدي بالمسجد (حيث أعطي
الناس دروساً في (فقه الواقع) وكدي، يلا حضرت زوجتي الجديدة إلى منزلنا القديم متخفية في
ثوب امرأة صاحبة مشكلة و جاءت لتستفتي لدى (أبونا) الشيخ في أمر يقض مضجعها.
+ فما كان من بعلولتي القديمة إلا أن قامت في غيابي بواجب الضيافة اللازمة تجاه الضيفة.
فرحبت بها باريحيتها المعهودة أيما ترحاب فأكرمت مثواها وهيأت لها متكئاً للانتظار ريثما يعود
شيخنا من الجامع. عندما سمعت سيدة البيت نحنحتي عند الباب كعادتي أسرعت لتنبيهي بأن لدينا ضيفة
(غريبة) في الصالون و رافقتني إلى هناك (درءاً للخلوة ، و كدا يعني). ناولتها عمامتي و جلست لأستمع لقصة
تلك المستفتية التي تلخصت في أن لها زوجاً تهيم بحبه للنخاع؛ و لكنها بدأت تشك في أن أموره تسير على غير ما يرام ؛
و أن سحابة صيفه ربما و جدت أرضاً أخرى توشك أن ترحل لتمطر فوقها و كلما تفاتحه في الأمر أو أحيانا توشك على( مسك
يده في جراب الدقيق). لكنه يفلت في كل مرة متل أب الضبضوب في الموية و يتملص متل الصارقيلة و يصر على الإنكار و إقناعها
بأن ما تتوهمه لا يعدو كونه أضغاث أحلام نوم أو صحيان إن لم يكن رجساً من عمل الشيطان الذي لم يرق له رؤية قلبين ضماهم غرام
و بالتالي لا بد لها من رقية شرعية أو دواء حجامة. يقول شيخنا الجليل: هنا اعتدلت في جلستي و قلت في وقار المولانات: اسمعي يا بنيتي،
لا تشكي في نوايا زوجيك هذا بل صدقيه في كل ما يقول . و إني محذرك من آفة النساء في زماننا هذا زمان فتن يضائل بعضها بعضاً..
فالواحدة منهن ما أن ترى بعلها يحف شواربه أو يقلم أظافره و يتطيب وهو ذاهب في أحدى خرجاته لتفقد أحوال الرعية مثلاً، إلا والفار
ينقز في عبها و تكتر النقة..يا بنيتي إحنا ليه ماشين بعيد، كدي عايني لعمتك الحاجة القدامك هدي المتخحنة وتتفرج فيك دي، لعلك
تأخذي منها العبرة على أن كل زيجة سعيدة هي هدف مباشر لسهام اللعين إبليس و أنا عارفو هسة هو مصنقر معشش في مخها..
موهومة عدييييل بأني انا زاتي عمك الشايب دا متزوج عليها.. و كلما قدمت ليها الأدلة تقتنع طب في أمان الله؛ و علا
لاكين مما أفوت أديها ضهري تاني يجيها الوسواس و تعود للمناكفة.. و أنا يا بنتي بجعلك ظاطو شاهدة على
حالنا هسة دي و بحلف بقول ليها قدامك: يا مرة لو كان عندي أي زوجة خارج الغرفة
الإحنا جواها دي فهي طالق من عصمتي بالتلاتة!!!
+ هنا قفزت الزوجة القديمة و جثت على ركبتيها عند قدمي أبونا الشيخ و قبلت كلتا يديه و رأسه
و هي تتأسف و تعلن انعتاقها التام من حبائل الشيطان و تطوي صفحات الخلافإلى غير
رجعة. فما رأيك يا عنتر؟ و إن شئْتَ وعندك شهية لهذا الصنف ، لدينا مزيد.