آبي أحمد يدعو المجتمع الدولي لحظر الطيران و المدفعية في السودان

06:55 PM July, 10 2023

سودانيز اون لاين
نعمات عماد-khartoum
مكتبتى
رابط مختصر

واكب | Wakeep
@WakeepAr
·
56m
رئيس الوزراء الإثيوبي أبي أحمد يدعو المجتمع الدولي إلى اتخاذ إجراءات فورية بفرض حظر الطيران ونزع المدفعية الثقيلة في السودان ووقف اطلاق نار غير مشروط وغير محدود واستئناف الحوار السياسي وتسهيل إيصال المساعدات الإنسانية.

كلام حلو، يا دكتورة

يا الله نلقوا من يساعدنا في إيقاف هذه الحرب اللعينة. يا رب.

بريمة

ي أخ بريمة
الجماعة بساعدوا أجنداتهم أولاً و مساعدتنا يا جات
عرضاً يا ما جات بالمرة .

Quote: ي أخ بريمة الجماعة بساعدوا أجنداتهم أولاً و مساعدتنا يا جات عرضاً يا ما جات بالمرة

اذا علينا مساعدة انفسنا فنحن اصحاب الوجعة
لنضع السلاح جانبا ونعمل علي حل مشكلاتنا بالحوار بدلا من لعلعة الرصاص ونتفرغ لبناء السودان وانسانه

تحياتى وسلامى أختى العزيزة نعمات (عفيناك من ال title)😀

Quote: رئيس الوزراء الإثيوبي أبي أحمد يدعو المجتمع الدولي إلى اتخاذ إجراءات فورية بفرض حظر الطيران ونزع المدفعية الثقيلة في السودان ووقف اطلاق نار غير مشروط وغير محدود واستئناف الحوار السياسي وتسهيل إيصال المساعدات الإنسانية.

#وقف الحرب واجب

أما أبى أحمد ما يترأس علينا ، نسى نفسه لما لبس الكاكي وحارب التغراى من غير هوادة ، ولم يقبل زول يسأله
حتى حمدوك مشى يحنسه رجعه فى يومه…
-لا توجد دولة قلبها على الشعب السودانى، كلهم عايزين أرض السودان وموارده بلد فاضية من شعبها وما بطال يجمعوا فيها مرتزقة …

للاسف ابي احمد بلعب لصالح اوراقه وما عندو شغلة بالسودان، حتي السودانيين الفارين من الحرب قفل في وجههم الحدود، ابي احمد عينه علي كل الفشقة ومعاها زيادة، واسياس عايز كسلا من جذورها، والفرنسيين عايزين دارفور، وللان نحن بنتكاتل وراء اجنداات عرقية وجهوية وحزبية، لا حل الا بدمج الدعم السريع في الجيش، وبناء جيش قومي، أو لن يكون لنا وطن.

Quote: حل الا بدمج الدعم السريع في الجيش، وبناء جيش قومي، أو لن يكون لنا وطن.

لا أظن ولا أعتقد بل لا أصدق إن الكيزان و الجنجويد يؤيدون
تكوين جيش قومي و وطن يسع كل مواطنيه.
بالنسبة لدول الجوار و الإمارات و بعض غرب أفريقيا ،
فالسودان توراً وقع و هم شاحذين سكاكينهم من بدري.

Quote: .لا أظن ولا أعتقد بل لا أصدق إن الكيزان و الجنجويد يؤيدون تكوين جيش قومي و وطن يسع كل مواطنيه. بالنسبة لدول الجوار و الإمارات و بعض غرب أفريقيا ، فالسودان توراً وقع و هم شاحذين سكاكينهم من بدري.

إذا لم يندمج الدعم السريع في الجيش وفق مصالحة وطنية فاني اخشي ان يندمج الجيش في الدعم السريع، اليوم ١٠ يوليو سقطت حامية عسكرية في المويلح، وسقطت قاعدة عسكرية في قريض ج كردفان في يد الحلو، وناس الحلو طالعين علي الكرمك وقيسان، وانضمام ضباط وعساكر من الجيش للدعم السريع، هذا الامر لا يشبه تاريخ مؤسسة عمرها ١٠٠ سنة اسمها الجيش، علقوا الفلول علي المشانق حتي ينتهي مسرح العبث هذا...

سلام د. نعمات,
طبعا ده دليل على غياب الدبلوماسية السودانية,بالمقابل ناس حميدتى اوالتيم المفاوض بمرر كل اجندته.
الاجانب ما بقدمو ليك حل, فقط بسمعو انت عايز شنو و ممكن يتنبوهو.
في بوست حيدر بدوى هذه الصباح عن الدبلوماسيين السودانيين, مطلعين ليهم بيان بخاطبو فيهو الايقاد لكن بدون اى رؤية ودى النتيجة.

بعدين وليام روتو ل تشاد داك موضوع براهو كمان.

ثلاثة دول في وقت واحد شغالين في موضوع السودان و اى طرف عدو الاخر. يعنى كدا السودانيين بين مصالح اطراف متناقضة.
اثيوبيا فيها اجتماع
تشاد فيها اجتماع
و قريبا مصر ايضا عندهم اجتماع
و بهناك السعودية و امريكا
و الامارات شغالة امغمتى.
باقى منو؟

Quote: رئيس الوزراء الإثيوبي أبي أحمد يدعو المجتمع الدولي إلى اتخاذ إجراءات فورية بفرض حظر الطيران ونزع المدفعية الثقيلة في السودان ووقف اطلاق نار غير مشروط وغير محدود واستئناف الحوار السياسي وتسهيل إيصال المساعدات الإنسانية.

الاخت . نعمات .

بالبساطة دي ؟

ماأظن .

Quote: لنضع السلاح جانبا ونعمل علي حل مشكلاتنا بالحوار بدلا من لعلعة الرصاص ونتفرغ لبناء السودان وانسانه

دا المفروض لكن كل طرف من أطراف الحرب وراءه شركاء
بأجندات خارجية.أي تفاوض لابد أن يتضمن التوفيق بين
مصالح الشركاء الخارجيين ثم فرض واقع سوداني قائم
على الموازنة بين مصالح الخارج حتى لو أدى الأمر لتقسيم
السودان.

Quote: (عفيناك من ال title)😀

١٠٠%👍
آبي أحمد لابد يقيف عكس الموقف المصري.و كله بسبب
سد النهضة. و زي ما أتفضلتي آبي واصل الحرب لمدة عام
كامل و فقد الشعب مليون ضحية من الجانبين.و كانت
الإمارات حاضرة بقوة كعادتها في التخريب و الإرهاب.

Quote: علقوا الفلول علي المشانق حتي ينتهي مسرح العبث هذا...

هل تعتقد إن المجتمعين مع الإيقاد و المجتمعين في تشاد سيتمكنوا من
وقف الحرب و محاكمة و إعدام الكيزان ثم دمج جميع المليشيات و الجيش
في جنجويد حميدتي؟

Quote: طبعا ده دليل على غياب الدبلوماسية السودانية,بالمقابل ناس حميدتى اوالتيم المفاوض بمرر كل اجندته. الاجانب ما بقدمو ليك حل, فقط بسمعو انت عايز شنو و ممكن يتنبوهو. في بوست حيدر بدوى هذه الصباح عن الدبلوماسيين السودانيين, مطلعين ليهم بيان بخاطبو فيهو الايقاد لكن بدون اى رؤية ودى النتيجة. بعدين وليام روتو ل تشاد داك موضوع براهو كمان. ثلاثة دول في وقت واحد شغالين في موضوع السودان و اى طرف عدو الاخر. يعنى كدا السودانيين بين مصالح اطراف متناقضة. اثيوبيا فيها اجتماع تشاد فيها اجتماع و قريبا مصر ايضا عندهم اجتماع و بهناك السعودية و امريكا و الامارات شغالة امغمتى. باقى منو؟

عليك الله دا ما ياهو الحشاش يملأ شبكتو؟
باقي منو؟
امريكا و روسيا و اسرائيل إحتمال موكلين
بعض من الظاهرين في الساحة و بيراقبوا
من بعيد لغاية ما الشغل يتم.

Quote: بالبساطة دي ؟ ماأظن .

يا أخ هاشم
تصريح آبي أحمد يبدو بسيط و مختصر ، لكن قد يخفي
وراءه خطة كاملة و حكومة سودانية جاهزة مكلفة بمهام
معينة.أكثر ما يقلق أن تتحول دارفور الى أرض خالية من
سكانها الأصليين و ربما تضم قواعد عسكرية لدول غربية.
مهما يحدث في السودان أتمنى أن أرى البشير في الجنائية
لينال عقابه على ما أدخل السودان فيه حتى وصلنا لهذا الحال.

في الرابط صورة للسيد حمدوك مع مسؤولة مكتب
الشئون الأفريقية بالكونجرس و هي تعلن مساندة
أمريكا لوقف الحرب و تكوين حكومة مدنية تضم
المجتمع المدني لجان المقاومة و الهامش و الشباب
و النساء.
Sudan News and خواجة مسكين 📡 follow
Bureau of African Affairs

@AsstSecStateAF
Proud to meet with former Sudanese PM Hamdok today to discuss U.S. support for civilian initiatives to chart a new process to establish a civilian-led democratic transition. Agreed on the need to support an inclusive and transparent process that represents the full diversity of the Sudanese people, including civil society, Resistance Committees, the peripheries, youth and women.
https://twitter.com/AsstSecStateAF/status/1678495144335536137؟s=20https://twitter.com/AsstSecStateAF/status/1678495144335536137؟s=20

Quote: هل تعتقد إن المجتمعين مع الإيقاد و المجتمعين في تشاد سيتمكنوا من وقف الحرب و محاكمة و إعدام الكيزان ثم دمج جميع المليشيات و الجيش في جنجويد حميدتي؟

ما يحتاج ايقاد واديس وتشاد ..الخ، لانه الدمج في نيالا ومناطق اخري قد بدأ "انضمام ابوطيره بنيالا، انضمام ضباط وعساكر بجنوب كردفان، بسلاح المهندسين، والجمعة الفاتت انضم فني طيران للدعامة، وهذا مؤشر غير حميد.
بدا من ٤٥ يوما

أخ محمود
ربما ما يحدث في دارفور مؤشر على التخطيط
لفصل دارفور.

دكتورة المخطط اكبر من ذلك بكثير، ونحن غارقين في عنواين وهمية علي شاكلة عودة المهدية وتورشين، الخ، والوطن بحترق، سيذهب الكيزان والجنجا، وهذا لا يهمني، المهم أن لايذهب هذا الوطن.

Quote: الوطن بحترق، سيذهب الكيزان والجنجا، وهذا لا يهمني، المهم أن لايذهب هذا الوطن

الوطن أحترق و الشعب تم حرقه من الطرفين أو بالأصح
من جميع أطراف الحرب.واضح أن الحرب لن تقف قريباً
و ربما تنتقل من الخرطوم الى دارفور و الشرق.

Quote: لا أظن ولا أعتقد بل لا أصدق إن الكيزان و الجنجويد يؤيدون تكوين جيش قومي و وطن يسع كل مواطنيه. بالنسبة لدول الجوار و الإمارات و بعض غرب أفريقيا ، فالسودان توراً وقع و هم شاحذين سكاكينهم من بدري.

الكيزان والجنجويد وراءهم قوى دولية واقليمية معادية للشعب السودانى واهداف ثورة ديسمبر 2018 المجيده