يا أخوانا، أين الشبح أحمد محمد عمر؟

06:07 AM July, 07 2023

سودانيز اون لاين
أبوبكر عباس-الإمارات
مكتبتى
رابط مختصر

ولّ اسمو أحمد عمر محمد؟
عادة ما قاعد أفتقد زول بالساهل،
لكن والله، الشبح دا كان مونسنا،
وأي قصّة تقولها هو عندو ليها قصّة معادلة وفيها حبشية وشيشة في زقاق،
طبعاً هو شبح ما ممكن زول يلقى البوست دا ويكلمو،
شبح شبح
أظنو قاعد في ألمانيا وزوجتو بتربط طرحتها لكن ما كوزة

عليك الله، يا شبح لو متابع وشفت البوست دا،
تعال أحكي لينا قصص

سلام
جاي خاشي افتش عن خبرو في البوست لكن مع نديهك البشبه النجهي دا الزول يلبد انتظاراً للحكاء

هو يا تبلدينا، في الثقالة بشبه مولانا حافظ بشير،
لكن في ثقالتم في طرفة ذكية،
والله، هو من الناس الثقلاء الجميلين ما زي الخواض

احمد محمد عمر يا مستنير
الناس عشان ما تلخلبت قاموا سموهو احمد 2010
وبرضو نفتقد احمد عمر محمد 2013
احمد محمد عمر 2010 كان يكتب في المنبر من السعودية.
وربما غادرها بعد أن اشتغل في إحدى منظمات الامم المتخدة كما قال.
وبعيداً من شبحيته فهو من تمبول او ضواحيها حيث تدور قصتك بتاعة الشواطين ديك.

احمد محمد عمر 2010
الزول دا كان صاحبي شديد وفي قواسم كتيرة شديد مشتركة بيناتنا هو وهيثم الغالي وحاتم هواري.
وكلنا اشباح ولا نتجلى بالحضور الفيزيائي إلا لمن ببلغ المقام وحضر الحضرة😜.

في فترة من الفترات غبت من المنبر يومين وجيت لقيت احمد محمد عمر 2010 إختفي من المنبر بعد مشكلة مع بكري.
كنت واثق إنو ود البشرى بكون عارف تفاصيل القصة الكاملة وإني ممكن إعرفها منو، المشكلة إنو ود البشرى ذاتو إختفى بعد البوست بتاعو بتاع جنابو عمر.
أنا والله الزول دا من شدة ما صاحبي شديد خجلان أسأل منه في المنبر هنا.

يعني بتقصد بالشبح زول مقطوع من شجرة

تعرف يا حافظ، عندي حساسية مع الأشباح العاديين وما بحب أتداخل معاهم،
لكن في نفس الوقت مغرم بالأشباح الزيك وأحمد عمر وحاتم إبراهيم، أشباح عندهم درجة الاستاذية في الثقالة،
أشباح بشبهو حكاية القاتل في رواية العطر بشموا ضحياهم لكن هم ما عندهم ريحة، وما عندهم شعور، تلقاهم ماشين حفايا في أسواق الكلام وبمشوا كداري وما بشربوا موية،
رطوبة الأكل بتكفيهم وجلودهم ما فيها مسامات للعرق.

هم بس بشبهوا صورة زول حيدر دا،
المهم بحاول أوصفكم اكتر لقدام