يا أخى المحترم أبو حسين حمدا لله على السلامة ، لو كنت زولة طيبة - كنت نزلت ليك أغنية النعام آدم 😀
* كتبت فى بوست لدكتورة نعمات تنزل لى حاجة من تويتر وكلمتها (لكن ما فهمتنى) إنه أبو حسين كان مجهز القروش بالسودانى 😀 عشان يشترى تويتر، للأسف سبقك آلون ماسك وإشتراها والمسألة كان أثرها شديد عليك. معليش للخروج عن موضوع البوست ، السبب والله فرحا بعودتك معافى 🙏
حمد لله على السلامة يا ابو حسين المنبر افتقدك بشدة
الجابك يجيب ود البشرى وبقية الغائبين كمان
Post: #8 Title: Re: ***** وين البعاتي ... ***** Author: علي عبدالوهاب عثمان Date: 07-04-2023, 08:55 AM Parent: #7
حبيبنا الجميل ابوحسين .. تحياتي وعوداً حميداً صدقني تركت فراغ كبير في المنبر المشكلة يا ابوحسين صعوبة فتح سودانيز في الكمبيوتر مودتي ودوام الصحة والعافية
ألف حمد لله على سلامتك وعلى عودتك يا أخي عادل وكل عام وأنت والأسرة بألف خير متعك الله بالصحة والعافية وما تشوف شر يا رب
ويا ستنا هدى قولي لي الأغنية الدايرة تنزليها وأنا أنزلها بإذن الله
ولكن من جانبي أهديه المدحة دي للشيخ البرعي
Post: #10 Title: Re: ***** وين البعاتي ... ***** Author: Ahmed Yassin Date: 07-04-2023, 09:19 AM Parent: #9
نحمد الله كثيرا على عودتك سالما معافى
Post: #11 Title: Re: ***** وين البعاتي ... ***** Author: علي عبدالوهاب عثمان Date: 07-04-2023, 09:31 AM Parent: #10
حبيبنا أبوحسين ... تحياتي عنوان البوست ( البعاتي ) عندنا في النوبية البعاتي هو ( دوقر Dogir ) آكل البشر ويطلق على الشخص ( الشين خالص) كمان على الزول ( الشين ) على خفيف كده ( ميشندل Mishindil ) ولا يدخل ضمن السلوك أو الاخلاق فقط في الشكل واحياناً مع هظار والمزح
حمدلله على السلامة يا ابوحسين ياخ طلعت انت البعاتي 😅
Post: #13 Title: Re: ***** وين البعاتي ... ***** Author: Ahmed Yassin Date: 07-04-2023, 10:04 AM Parent: #12
شيخ علي اها .. وابوحسين ياتو في التحت ديل.... انا بتخيل لي مشندل
Quote: البعاتي هو ( دوقر Dogir ) آكل البشر ويطلق على الشخص ( الشين خالص) كمان على الزول ( الشين ) على خفيف كده ( ميشندل Mishindil)
Post: #14 Title: Re: ***** وين البعاتي ... ***** Author: علي عبدالوهاب عثمان Date: 07-04-2023, 11:01 AM Parent: #13
Quote: شيخ علي اها .. وابوحسين ياتو في التحت ديل.... انا بتخيل لي مشندل
ووو فنانا الجميل .. احمد امبس .. قالوا جزيرتكم بنا بقت مكتظة بالسكان من الخرطوم .. ونحن عندنا في ارتقاشا ممكن ثلاثة أو أربعة عائلات في بيت
بمناسبة حبيبنا الجميل الرائع أبوحسين عندما يسجل غياب يكون ( مشندل) ولكن اليوم مع حضوره هو ( مسوود Massoud ) يعني في قمة الجمال سودانيز مسونكيل (اجمل واحد في سودانيز اليوم)
تحياتي فنانا الجميل ما شاء البلد عامرة عندنا في ضواحي الدنيا رب ضارة نافعة ..
Post: #15 Title: Re: ***** وين البعاتي ... ***** Author: Biraima M Adam Date: 07-04-2023, 11:24 AM Parent: #14
أبو حسين حمد الله علي السلامة .. وعوداً حميداً .. خفف علي دكتور جبريل إبراهيم محمد .. ما بتجيك عوجه.
Quote: يا أخى المحترم أبو حسين حمدا لله على السلامة ، لو كنت زولة طيبة - كنت نزلت ليك أغنية النعام آدم 😀
* كتبت فى بوست لدكتورة نعمات تنزل لى حاجة من تويتر وكلمتها (لكن ما فهمتنى) إنه أبو حسين كان مجهز القروش بالسودانى 😀 عشان يشترى تويتر، للأسف سبقك آلون ماسك وإشتراها والمسألة كان أثرها شديد عليك. معليش للخروج عن موضوع البوست ، السبب والله فرحا بعودتك معافى 🙏
المحترمة هدى ياخ انتي الطيبة زااااتا .. تسلمي كتير و ربي يكرمك و يحفظك من كل شر اخوك اتزنق لا تويتر و لا الفيس كان عندي ليهم مزاج الحمد لله الامور بدأت تتحسن لكن ببطأ شديد إن شاء الله اموركم طيبة مع هذه الحرب اللعينة
Quote: حبيبنا الجميل ابوحسين .. تحياتي وعوداً حميداً صدقني تركت فراغ كبير في المنبر المشكلة يا ابوحسين صعوبة فتح سودانيز في الكمبيوتر مودتي ودوام الصحة والعافية
حبيبنا استاذ علي الزول الطيب اهلا بيك يا حبيبنا المنبر مليان بالناس الطيبة المليانة حنية و المنبر عامر بيهم جرب التطبيق دا vpnify و ادعو لي اخوك
ول ابا بريمة اظن ابو حسين ما قاصد بالبعاتي جبريل إبراهيم ولكنه قاصد البعاتي حميدتى الذي قام من قبره حيا واستمر يأكل في لحوم البشر !!!! مش عمنا على قال البعاتي معناه اكل لحوم البشر ... .... ابو حسين حمد الله على السلامة والله يديك الصحة والعافية
***** الحمدلله على السلامة***** ***** المنبر نوّر والله*******
Post: #29 Title: Re: ***** وين البعاتي ... ***** Author: كمال عباس Date: 07-05-2023, 03:38 AM Parent: #28
أريتك تبقي طيب ـ حمدلله علي السلامة مع الأماني بكامل الصحة والعافية وإنشاء نطمئن علي الوطن بأهله ويحفظ الله من شر من إجتمعوا أضرو بالكل وإن تفرقو وتصارعو دمرو الكل وبقو هم ينعقون علي الخرائب
Quote: حبيبنا أبوحسين ... تحياتي عنوان البوست ( البعاتي ) عندنا في النوبية البعاتي هو ( دوقر Dogir ) آكل البشر ويطلق على الشخص ( الشين خالص) كمان على الزول ( الشين ) على خفيف كده ( ميشندل Mishindil ) ولا يدخل ضمن السلوك أو الاخلاق فقط في الشكل واحياناً مع هظار والمزح
تحياتي الحبيب
حبيبنا استاذ علي البعاتي بتاعي دا مات و قام تاني ظهر في الحياة 🤣🤣🤣🤣🤣🤣