Quote: أمر الفريق أول ياسر العطا مساعد القائد العام للقوات المسلحة بدك بيته المحتل من قبل مليشيا الدعم السريع المتمردة والمرتكزين حوله. فتم دك المنزل وتدميره بواسطة الطيران الحربي وتدمير رتل من المليشيا المتمردة كانت داخل و حول المنزل.
ومن هنا سيادته يقول دمرت منزلي بيدي، وسوف أدمر أي منزل يوجد به دعم سريع. وهذه كلمة حق أريد بها باطل، المنزل هو منزل قوات الشعب المسلحة ..
بعد التدمير
بريمة
Post: #2 Title: Re: القائد ياسر العطا: يدك منزله بالطيران .. هل Author: حيدر حسن ميرغني Date: 07-02-2023, 10:29 PM
هو عارف لو الحرب انتهت لصالح الجيش ح يبنوا له بيت من جديد (لو البيت كان ملكه فعلا) لكن من سيبني بيوت الاخرين الذين يسعى لتدميرها ياسر بتاع حركات وشو لا اكثر
Post: #3 Title: Re: القائد ياسر العطا: يدك منزله بالطيران .. هل Author: محمود الدقم Date: 07-02-2023, 10:34 PM Parent: #2
في تسجيل للدعامة قالوا انه بعد ان دخلوا بيت العطا اتصلوا عليه وقالو له احتلينا بيتك ثم انسحبوا منه مباشرة فقام العطا بدك بيته
اما الفيديو فهو قصف من طيران البرهان لسكان منطقة قندهار واترك لكم الراي
Post: #4 Title: Re: القائد ياسر العطا: يدك منزله بالطيران .. هل Author: Biraima M Adam Date: 07-02-2023, 10:38 PM Parent: #2
ول أبا حيدر
شوف منزل والدته .. زول مغترب عشرات السنين لا يستطع بناءه! .. دا جاب القروش من وين لكي يبنى منزلين هكذا؟ ..
هل تصدق شفت فيديو أخر ولم أجده الأن .. أعطوه منزل جديد .. أجمل من بيت البرهان الذي هاجمه فيه الدعم السريع ..
أنتظر لو لقيت الفيديو بجيبه .. ربما هو ضمّن المنزل الجديد .. فيه حديقة غنّاء .. ثم أمر بضرب منزله من بعد داك.
عنده حق يدمر بيته .. زول ناس الجنجو يد يتصلوا بيه ويقولوا ليه احتلينا بيتك ....يخليهم يعنى .. عنده الف حق ...وان بيت يكون بداخله مجرمين من الجنجو يد مفروض يدمروهو فوق رؤوسهم هؤلاء القتلة ..
Post: #6 Title: Re: القائد ياسر العطا: يدك منزله بالطيران .. هل Author: Amira Hussien Date: 07-02-2023, 11:58 PM
الليلة بمناسبة الڤديوهات البتصور الدمار امس فتحت التلفون الصباح لقيت واحدة وهى تعيش خارج البلد مرسلة لى رسالة فى الماسنجر فيها خبر منشور على واحدة من قروبات الفيس بوك انو بيت اسرتى فى امدرمان دمرتو الطيارات وجابت صورة للبيت سليم وصورة تانى لى بيوت مدمرة ما فيهم بيتنا …..والبيت تسكنه اختى الكبيرة تخيلو؟ ! فى لحظة انهيارى اختى كانها حست جانى منها اتصال مباشر قالت الضرب حولنا لكن الحمد لله لحدى هسه سالمين
Post: #7 Title: Re: القائد ياسر العطا: يدك منزله بالطيران .. هل Author: Mohamed Adam Date: 07-03-2023, 04:13 AM Parent: #6
Quote: القائد ياسر العطا: يدك منزله بالطيران
لو فعلا ده حصل، يكون قائد غبى بحق وحقيقة. لنفترض جدلا: كل 3 من الدعامة قاموا تصوروا ثم إتصلوا ليهم ب 100 قائد من الصف الاول، يقطنون أحياء مختلفة بالخرطوم، وقالوا لكل منهم، ياهو نحن الآن محتلين منازلكم وطوالى زاغوا او دخلوا ليهم فى "نقرة" هل يستطيع الجيش السودانى او المصرى ان يرسل لهم 100طلعة طيران عشان يدمر تلك المنازل بيت بيت!!
Post: #8 Title: Re: القائد ياسر العطا: يدك منزله بالطيران .. هل Author: محمود الدقم Date: 07-03-2023, 06:07 AM Parent: #7
جيش احتلت مقاراته العسكرية، واحتلت مكاتب قادته من الصف الأول، جيش قادة الصف الاول مختفين تحت بدروم في عمق الارض لا يستطيعون يتجولون بحرية، جيش القائد الاعلي لا يستطيع ان يخرج للاذاعة والتلفزيون كي ينور الشعب بما حصل، جيش خسر اكثر من ٦ مقاتلات في أقل من ٩٠ يوم من قبل مليشيا، هذا شيء لم يحدث قط في هذا الكوكب في ال ١٠٠ سنة الماضية إلا في السودان، انسو موضوع هيكلة الجيش، المطلوب بناء هذا الجيش من الساس طوبة طوبة.
