أمدر ياحبيبة

09:46 AM July, 01 2023

سودانيز اون لاين
Hasheem Karouri-امدرمان
مكتبتى
رابط مختصر

صبرنا . وفهمو صبرونا غلط .

بنهدها ونبنيها تاني

مابنخليكم تمرقوا ساي . ولا حتمرقوا اصلا .

في البيت بنجيبك ، وكان طلعت الشجر برضو بنجيبك

https://www.raed.net/

https://www.babup.com/

مستشارهم . مين كده عزت . ( لاحد القنوات . قواتنا تتعرض لابادة جماعية ونطالب .....دولي ) .

مع الاسف صعب يامستشار . " دخول الحمام . مازي مروقوا "

يا هاشم
حكاية الجنجويد بقت عليهم قصة نقد
رحمة الله عليه
عندما كتب على جدار الاحزاب التي تخلفت
حضرت ولم اجدكم
وكذا امر القوات الخاصة
جو لامدرمان عشان يعيدو على الجنجويد
بس ما لقوهم

سلام أخ كاروري
لا استطيع تخيل ما مر به سكان الجنينة و كتم
و زالنجى و طويلة و حميرا ومدن العاصمة
الثلاث ممن تعرضوا للتصفية على يد الجنجويد،
و لكن أعلم ماذا يعني أن تصمد وسط أصوات
الأسلحة الثقيلة بدون نوم ولا ماء ولا كهرباء
ولا أكل ولا دواء ولا شبكة هاتف تطمئن من
خلالها على أهلك.لا تملك إلا الصبر و الإيمان
بالله و قدره و الأمل في رحمته القريبة إن
شاء الله.
فخورة بكم و بكل الشجعان الصامدات و
الصامدين في مناطق الحرب في دارفور و
كردفان و الخرطوم و بحري و أم درمان.
دعواتنا أن يحفظ الله المواطنين و أن
تقف الحرب بأسرع ما يمكن.
ربنا ياخد الجنجويد و الكيزان أخذ عزيز مقتدر.

جاااااري. التنظيف.




https://www.raed.net/

Quote: ا هاشم حكاية الجنجويد بقت عليهم قصة نقد رحمة الله عليه عندما كتب على جدار الاحزاب التي تخلفت حضرت ولم اجدكم وكذا امر القوات الخاصة جو لامدرمان عشان يعيدو على الجنجويد بس ما لقوهم

علي الكنزي . سلام

الجماعة بعد استعمال " القوة المميتة " ، بقوا ماعارفين يمشوا وين، ومامصدقيين .
قايلين القصه هظزار .
اتقفلت عليهم فوق وتحت ، وحتي في الاشجار .
فقدوا عرباتهم المقاتلة ، وبقوا شغالين بالمواتر والركشات 🤣 . منظر مضحك للبشوفوا
" بحاول اجيب لي صور ليهم علي الركشات والمواتر " . بس يلقوهم وين عشان يصورهم 😂
البلد بقت ليهم ضيقة .

Quote: فخورة بكم و بكل الشجعان الصامدات و الصامدين في مناطق الحرب في دارفور و كردفان و الخرطوم و بحري و أم درمان

الاخت . نعمات

وانتو عروضنا ، وشرفنا وعزنا والبمس عرضنا وشرف بناتنا ونساؤنا بنسلخوا من الوريد للوريد .


تسلمي اختي ،،،

كاروري.... يا عزنا

فإذا ما رنّ صوتٌ وسمعت قافيةً تنداح بالنشوة والعشق
وتشدو بين أحضان الأصيل قف وأنصت !!
إنها امدرمان تدعوك إلى عرس الملاحم بين عزة والخليل
........
وحينما تدافع الأنين في الحناجر الخاويات
لجأنا للسيوف المرهفات
وجاد ذوو الوجوه الكالحة ما بخلوا بالقاذفات الراجمات الهالكات

كاروري
جاءتك أم در في مثـــــــــــواك باكيةً
فامسح دموع الأسى عن خدها الترِب
حوت شـــــــــــوارد افكارٍ فهل كانت
جلّابة الســـعــد أم جــــــلّابة الكُـرًب
ومضيت يا امدرمان أكمل حول كعبة حسنك الطاغي طوافي
أحذو…..وقلبي مترعٌ بالشوق حذو فتاك في الزمن الخرافي
أطوف على الديار
وألثم الأشجار والأحجار في ولهٍ كمشغوفٍ حليق الرأس حافي
هل تبت يا مسكين عن هجرٍ أقام بمقلتيك
أم هل تدثر نجمك القطبيُ فاستمرأت إدمان المنافي
فيا امدرمان في عينيَ أنتِ
في حلمي….وفي كبدي…..وفي وجع القوافي
أتعلم من سمائك سيرة الماضي
ومن عينيك………..قهر المستحيل

Quote: بنهدها ونبنيها تاني

إختشو يا نخب يانيلية وبطلو قوة عين وفصاحة!!
بنيتو فيها شنو لما بتهدوهو !!
بنيتو تاج محل ولا ناطحات سحااب؟

إختشو والله!
68 سنة ماسكين الدولة وعاصمتها لسع جالوص وناسها بتتغوط وبتتبول فى حفر بتحفرها بيديها وفى احاين كثيرة بتزقها فى الشوارع!!
68 سنة، شوارعنا زبالة، ومؤسسات الدولة حدث ولا حرج!!!
68 سنة ومازالت ام درمان كعاصمة مواصلاتها الحمير والدرداقات بتاعت!
بعدين شئ ملاحظ لفلهمة وإسترياق النخب النيلية ومالف لفهم.. منو مدينتو او قريتو او ايا كان مسقط راسو ما حبيب ليهو!
إنتو فاكرين السودان ده فقط الإتهدا هو الخرطوم وحجر الطير وقنتى!!
السودان ده بطيرانكم، هديتو ام بريمبيطة وفوروبرنقا، وفقر كسكس، وازاقرفاء، وقوز بره وام عجاجة، والكلو وكلويات ..
تالله تلك القري والمدن فى عين قاطنيها ولا تقولى مكة المكرمة لماذا لم تكن ببالكم لما تدمرت !!

دى الألفية الثالثة ومازال هناك جغرافية بعينها بتفتكر السودان ده حق ابو اهلها او واقع ليها فى كرتلاا..!!

السودان ده قبل ما يتنظف من الوسخ والغذارة بتاعت مدنا وقرانا لابد من ان ينظف من الزباله والغذارة المعشعشة برؤوس النخب النيلية ..

Quote: جاءتك أم در في مثـــــــــــواك باكيةً فامسح دموع الأسى عن خدها الترِب حوت شـــــــــــوارد افكارٍ فهل كانت جلّابة الســـعــد أم جــــــلّابة الكُـرًب ومضيت يا امدرمان أكمل حول كعبة حسنك الطاغي طوافي أحذو…..وقلبي مترعٌ بالشوق حذو فتاك في الزمن الخرافي أطوف على الديار وألثم الأشجار والأحجار في ولهٍ كمشغوفٍ حليق الرأس حافي هل تبت يا مسكين عن هجرٍ أقام بمقلتيك أم هل تدثر نجمك القطبيُ فاستمرأت إدمان المنافي فيا امدرمان في عينيَ أنتِ في حلمي….وفي كبدي…..وفي وجع القوافي أتعلم من سمائك سيرة الماضي ومن عينيك………..قهر المستحيل

موسيقارنا الجميل . احمد ياسين

هاك كلمات خليل فرح عن البقعه امدرمان بلد الامان


اذكـر بقعـة أم درمـان
وانشُر فى ربـوعا أمـان
ذكِّـر يـا شبـابى زمـان
دارنـا ودار أبـونا زمـان
وفيها رفـات جدودنا كمان
ما بننسـاك خلقة ضمـان
جنـة وحـور حماك أمان
بطـرى الأسسوك زمـان
كانوا نحاف جسوم ماسمان
كـانوا يحلحلوا الغـرمان
يساهروا يتفقدوا الصرمان *
فى السودان فتيح معـروف
ولسَهْ ابعنجة خوره سروف
وود نوباوى زول معروف
باقى وديك مشارع ابروف

كـانوا جبال تُقالْ ومُكَـان
نزلـوا اتربعـوا الأركان
خلُّـوا البقعـة كل مكـان
آهلــة ورازَّة بالسكــان
ليـه يـا كعبـة العـربان
غاضبة وفيك عريسك بان
قُبَّـال نسـأل الـركبـان
حِبِّـك من حسـودك بـان
..........................
وهي تعبر حرفيا عن العراقة والاصالة لامدر الحبيبة .

تقبل معزتي،،

Quote: بطـرى الأسسوك زمـان كانوا نحاف جسوم ماسمان كـانوا يحلحلوا الغـرمان يساهروا يتفقدوا الصرمان * فى السودان فتيح معـروف ولسَهْ ابعنجة خوره سروف وود نوباوى زول معروف باقى وديك مشارع ابروف

\..........

ناس الغرب ـ من رزيقات وبقارة وتعايشة ومسيرية وحوازمة
ونوبة أسهمو في تأسيس أمدرمان المدينة وأحياء أمدرمان القديمة تشهد بهذا الإرث والموروث ـ أمدرمان بوتقة تلاقح عرقي وثقافي
ـ ـ الخطاب العدمي الإقصائي الذي يغفل التاريخ والواقع ـ ليبني علي إنقاض
أمدرمان متعالية ـ أو لاتعبر عن مكونات بعيدة عن الشمال النيل خطاب
يرفضه خليل فرح ـ وعلي المك ـ خطاب يعبر عن إمدرمان حسين خوجلي
....

بالمناسبة يا استاذ كمال عباس ياها دى نفس العقلية التعاونت مع الأجنبى المحتل ودمروا ذات امدرمان الآن بيدعو انها حبيبة لقلوبهم..
كتلو خلال يوم واحد، بل فى اقل من 3 ساعات قتلوا 6 ألف سودانى و 12 الف جريح وشردوا اضعاف اضعاف هذا العدد..

نفس هذه العقلية الدمرت سودان المهدى بكررى هى نفسها الدمرت مدن وقري الأقاليم وكانت حينها تنقز وتهز فى لعبة الصغارية!!

إتضح وبالدليل القاطع، فشل النخبة النيلية فى إدارة الدولة السودانية وإتضح كمان هذه النخبة محدودة القدرات في إدارة التنوع السودانى وفشلت فى توظيفو لخدمة الدولة الحديثة وعلية لايمكن تانى الناس تقوم وتجرب المجرب بعد 70 سنة!!
هذة النخبة الشتراء تزيين فى رؤوسنا بسكين(جنب) اللداية ..

فاقد الشئ لايعطيه!!

Quote: إختشو يا نخب يانيلية وبطلو قوة عين وفصاحة!! بنيتو فيها شنو لما بتهدوهو !! بنيتو تاج محل ولا ناطحات سحااب؟ إختشو والله! 68 سنة ماسكين الدولة وعاصمتها لسع جالوص وناسها بتتغوط وبتتبول فى حفر بتحفرها بيديها وفى احاين كثيرة بتزقها فى الشوارع!! 68 سنة، شوارعنا زبالة، ومؤسسات الدولة حدث ولا حرج!!! 68 سنة ومازالت ام درمان كعاصمة مواصلاتها الحمير والدرداقات بتاعت! بعدين شئ ملاحظ لفلهمة وإسترياق النخب النيلية ومالف لفهم.. منو مدينتو او قريتو او ايا كان مسقط راسو ما حبيب ليهو! إنتو فاكرين السودان ده فقط الإتهدا هو الخرطوم وحجر الطير وقنتى!! السودان ده بطيرانكم، هديتو ام بريمبيطة وفوروبرنقا، وفقر كسكس، وازاقرفاء، وقوز بره وام عجاجة، والكلو وكلويات .. تالله تلك القري والمدن فى عين قاطنيها ولا تقولى مكة المكرمة لماذا لم تكن ببالكم لما تدمرت !! دى الألفية الثالثة ومازال هناك جغرافية بعينها بتفتكر السودان ده حق ابو اهلها او واقع ليها فى كرتلاا..!! السودان ده قبل ما يتنظف من الوسخ والغذارة بتاعت مدنا وقرانا لابد من ان ينظف من الزباله والغذارة المعشعشة برؤوس النخب النيلية ..

محمد ادم او هشام ادم او حامد عبد الصمد او ايا تكون

اولا: لماذا توجه لي الكلام بصيغة الجمع ؟ انا هنا اتحدث فقط عن نفسي .
اما اذا تقصد ان النظام لايعجبك او شى من هذا القبيل ، فاعتقد انك دخلت هنا غلط
ثانيا : هذه المره الثانية التي تدخل لاحد بوستاتي ، وتبدأ ترمي في الكلام .
وقتها لم ارد ، علك تفهم ان حديثك لاعلاقه له بالموضوع. او انك غير مرحب به ، وكلامك غير مفيد ، ولايتسق مع البوست المعني . فالمفروض تفهم ياخي .
ثالثا : سوف اجاوبك علي الجزئية الاولي من حديثك الاشتر ده .
( بنيتوا شنو لما تهدوا) ؟
انا شخصيا لم ابني شيئا . ولم اهد شيئا .
انا اتحدث عن ( بنك فبصل في امدرمان ، وكوبري ود البشير في امبده ، وبعض البيوت والمستشفيات التي هدمت بالطيران و كان يستخدمها المرتزقة القادمين من دول مختلفه ، اضافة لبعض المجرمين واللصوص الذين فتحت لهم ابواب السجون ليعيثوا فسادا في بلدي ).
وهو انجاز اراه " من وجهه نظري " جيد ، لانهم استخدموا تلك الاماكن للاختباء ، ومنها يشنون هجماتهم علي البيوت للسرقة ، والنهب والاغتصاب. والقتل . ( الم تسمع بذلك ؟)

تكملة الرد : سنقوم والجهات التي يهمها الامر ، بالبناء والتشييد ، لما تم تهديمه وقت الحرب .
حتي باقي الولايات التي تضررت بسبب الحروب سيتم تأهيلها .
اما باقي كلامك فهو مردود عليك . نخب نيليه ،ونخب هندية . ده كلام ليس له معني .
اما الوسخ والقذارة فهذا هو حالنا للاسف ياعزيزي ، لكن يوما ما سنقوم بالنظافه واصلاح الحال .

علي اي شكرا لمداخلتك ، ماتنسي جر الباب وراك ،،،

Quote: ناس الغرب ـ من رزيقات وبقارة وتعايشة ومسيرية وحوازمة ونوبة أسهمو في تأسيس أمدرمان المدينة وأحياء أمدرمان القديمة تشهد بهذا الإرث والموروث ـ أمدرمان بوتقة تلاقح عرقي وثقافي ـ ـ الخطاب العدمي الإقصائي الذي يغفل التاريخ والواقع ـ ليبني علي إنقاض أمدرمان متعالية ـ أو لاتعبر عن مكونات بعيدة عن الشمال النيل خطاب يرفضه خليل فرح ـ وعلي المك ـ خطاب يعبر عن إمدرمان حسين خوجل

الاخ . كمال . المحترم

طيب مالو ياخ . ماقلنا حاجة . كل قبائل السودان لها وجود في امدرمان ، والخرطوم ، ومروري ،ودنقلا ، والابيض ، وبارا .وووووو
لكن خليل فرح قال الكلام الفوق عن امدرمان ، كما قال وذكر في بعض دواوينه، مدن سودانية اخري .
ولا انتا قصدك كان لازم يقول بعد ان ذكر ( الفتيحاب ، وخور ابعنجة ، وودنباوي ، وابوروف ) . كان لازم يدخل مدن تانيه مثل ( الابيض، ونيالا وكوستي وعطبرة . وكده ؟ ) .
ياخ ده براه وده براه الزول بتكلم عن منطقة معينة ، وكل منطقة تحدث عنها ذكر محاسنها .
ولاعاوز تقول انو الزول عنصري ، واغفل باقي مناطق السودان عن قصد ، نيه سيئة ؟

.....

علي اي حال هو مات والله يرحمو .
لو كان عائش كان نبهناه ..
ماتزعل ياخ.

Quote: لكن خليل فرح قال الكلام الفوق عن امدرمان ، كما قال وذكر في بعض دواوينه، مدن سودانية اخري . ولا انتا قصدك كان لازم يقول بعد ان ذكر ( الفتيحاب ، وخور ابعنجة ، وودنباوي ، وابوروف ) . كان لازم يدخل مدن تانيه مثل ( الابيض، ونيالا وكوستي وعطبرة . وكده ؟ ) . ياخ ده براه وده براه الزول بتكلم عن منطقة معينة ، وكل منطقة تحدث عنها ذكر محاسنها . ولاعاوز تقول انو الزول عنصري ، واغفل باقي مناطق السودان عن قصد ، نيه سيئة ؟

,,,,,,,,,,,,

أبدا خليل فرح ماجهوي مغلق -
وطبعا بالتأكييد ماعنصري لأنو أمدرمان ما قبيلة أوعرق
وإنما بوتقة ـ إنصهرت وتمازجت فيها كافة الأعراق
خليل فرح لم يولد باأمدرمان ـ وإنما أتاها صبيا من الشماك يتكلم لغته النوبية
وأمدرمان عنده موطن ورمز لكل الوطن زي عازة
ذكره لأحياء أمدرمان القديمة أمر طبيعي
وأنا قصت إنو هذه الأحياء هي ذاتها التي بناها أبناء غرب السودان
ـ بالمناسبة أجدادي هاجرو لأمدرمان منذ عشرينات وثلاثينات القرن الماضي
وشخصيا إنتمي لبحري ـ سكنا وإنتماء
ولكن لاأهلي إنقطعنا عن جذورنا الإجتماعية والثقافية في أرض ترهاقا وبعانخي ـ ـ الحضارة والتاريخ والمجد والعراقة ـ

ابشر ياعزيزنا كمال ، السودان للجميع . رسالة اهلنا في غر ب السودان وصلت .
وانشاء الله سياسي السودان يكونوا فهموا ، رغم ان التكلفه كانت باهظة ، وفقدنا شباب من الطرفين.
...
الفضلوا ديل الحرامية والنهابيين والمجرمين الذين لايريدوا بالسودان خيرا .
واطمنك ، انشاء الله مقدور عليهم في الايام الجاية ، حيشوفوا شعاع .
.....
تحياتي،،،